বৈশম্পায়ন উবাচ:
কৃত্বা বিবাহং তু কুরুপ্রবীরা; স্তদাভিমন্যোর্মুদিতস্বপক্ষাঃ |
১ ক
বৈশম্পায়ন উবাচ:
বিশ্রম্য চত্বার্যুষসঃ প্রতীতাঃ; সভাং বিরাটস্য ততোঽভিজগ্মুঃ ||
১ খ
বৈশম্পায়ন উবাচ:
সভা তু সা মৎস্যপতেঃ সমৃদ্ধা; মণিপ্রবেকোত্তমরত্নচিত্রা |
২ ক
বৈশম্পায়ন উবাচ:
ন্যস্তাসনা মাল্যবতী সুগন্ধা; তামভ্যযুস্তে নররাজবর্যাঃ ||
২ খ
বৈশম্পায়ন উবাচ:
অথাসনান্যাবিশতাং পুরস্তা; দুভৌ বিরাটদ্রুপদৌ নরেন্দ্রৌ |
৩ ক
বৈশম্পায়ন উবাচ:
বৃদ্ধশ্চ মান্যঃ পৃথিবীপতীনাং; পিতামহো রামজনার্দনাভ্যাম্ ||
৩ খ
বৈশম্পায়ন উবাচ:
পাঞ্চালরাজস্য সমীপতস্তু; শিনিপ্রবীরঃ সহরৌহিণেয়ঃ |
৪ ক
বৈশম্পায়ন উবাচ:
মৎস্যস্য রাজ্ঞস্তু সুসংনিকৃষ্টৌ; জনার্দনশ্চৈব যুধিষ্ঠিরশ্চ ||
৪ খ
বৈশম্পায়ন উবাচ:
সুতাশ্চ সর্বে দ্রুপদস্য রাজ্ঞো; ভীমার্জুনৌ মাদ্রবতীসুতৌ চ |
৫ ক
বৈশম্পায়ন উবাচ:
প্রদ্যুম্নসাম্বৌ চ যুধি প্রবীরৌ; বিরাটপুত্রশ্চ সহাভিমন্যুঃ ||
৫ খ
বৈশম্পায়ন উবাচ:
সর্বে চ শূরাঃ পিতৃভিঃ সমানা; বীর্যেণ রূপেণ বলেন চৈব |
৬ ক
বৈশম্পায়ন উবাচ:
উপাবিশন্দ্রৌপদেয়াঃ কুমারাঃ; সুবর্ণচিত্রেষু বরাসনেষু ||
৬ খ
বৈশম্পায়ন উবাচ:
তথোপবিষ্টেষু মহারথেষু; বিভ্রাজমানাম্বরভূষণেষু |
৭ ক
বৈশম্পায়ন উবাচ:
ররাজ সা রাজবতী সমৃদ্ধা; গ্রহৈরিব দ্যৌর্বিমলৈরুপেতা ||
৭ খ
বৈশম্পায়ন উবাচ:
ততঃ কথাস্তে সমবায়যুক্তাঃ; কৃত্বা বিচিত্রাঃ পুরুষপ্রবীরাঃ |
৮ ক
বৈশম্পায়ন উবাচ:
তস্থুর্মুহূর্তং পরিচিন্তয়ন্তঃ; কৃষ্ণং নৃপাস্তে সমুদীক্ষমাণাঃ ||
৮ খ
বৈশম্পায়ন উবাচ:
কথান্তমাসাদ্য চ মাধবেন; সঙ্ঘট্টিতাঃ পাণ্ডবকার্যহেতোঃ |
৯ ক
বৈশম্পায়ন উবাচ:
তে রাজসিংহাঃ সহিতা হ্যশৃণ্ব; ন্বাক্যং মহার্থং চ মহোদয়ং চ ||
৯ খ
কৃষ্ণ উবাচ:
সর্বৈর্ভবদ্ভির্বিদিতং যথায়ং; যুধিষ্ঠিরঃ সৌবলেনাক্ষবত্যাম্ |
১০ ক
কৃষ্ণ উবাচ:
জিতো নিকৃত্যাপহৃতং চ রাজ্যং; পুনঃ প্রবাসে সময়ঃ কৃতশ্চ ||
১০ খ
কৃষ্ণ উবাচ:
শক্তৈর্বিজেতুং তরসা মহীং চ; সত্যে স্থিতৈস্তচ্চরিতং যথাবৎ |
১১ ক
কৃষ্ণ উবাচ:
পাণ্ডোঃ সুতৈস্তদ্ব্রতমুগ্ররূপং; বর্ষাণি ষট্সপ্ত চ ভারতাগ্র্যৈঃ ||
১১ খ
কৃষ্ণ উবাচ:
ত্রয়োদশশ্চৈব সুদুস্তরোঽয়; মজ্ঞায়মানৈর্ভবতাং সমীপে |
১২ ক
কৃষ্ণ উবাচ:
ক্লেশানসহ্যাংশ্চ তিতিক্ষমাণৈ; র্যথোষিতং তদ্বিদিতং চ সর্বম্ ||
১২ খ
কৃষ্ণ উবাচ:
এবং গতে ধর্মসুতস্য রাজ্ঞো; দুর্যোধনস্যাপি চ যদ্ধিতং স্যাৎ |
১৩ ক
কৃষ্ণ উবাচ:
তচ্চিন্তয়ধ্বং কুরুপাণ্ডবানাং; ধর্ম্যং চ যুক্তং চ যশস্করং চ ||
১৩ খ
কৃষ্ণ উবাচ:
অধর্ময়ুক্তং চ ন কাময়েত; রাজ্যং সুরাণামপি ধর্মরাজঃ |
১৪ ক
কৃষ্ণ উবাচ:
ধর্মার্থয়ুক্তং চ মহীপতিত্বং; গ্রামেঽপি কস্মিংশ্চিদয়ং বুভূষেৎ ||
১৪ খ
কৃষ্ণ উবাচ:
পিত্র্যং হি রাজ্যং বিদিতং নৃপাণাং; যথাপকৃষ্টং ধৃতরাষ্ট্রপুত্রৈঃ |
১৫ ক
কৃষ্ণ উবাচ:
মিথ্যোপচারেণ তথাপ্যনেন; কৃচ্ছ্রং মহৎপ্রাপ্তমসহ্যরূপম্ ||
১৫ খ
কৃষ্ণ উবাচ:
ন চাপি পার্থো বিজিতো রণে তৈঃ; স্বতেজসা ধৃতরাষ্ট্রস্য পুত্রৈঃ |
১৬ ক
কৃষ্ণ উবাচ:
তথাপি রাজা সহিতঃ সুহৃদ্ভি; রভীপ্সতেঽনাময়মেব তেষাম্ ||
১৬ খ
কৃষ্ণ উবাচ:
যত্তৎস্বয়ং পাণ্ডুসুতৈর্বিজিত্য; সমাহৃতং ভূমিপতীন্নিপীড্য |
১৭ ক
কৃষ্ণ উবাচ:
তৎপ্রার্থয়ন্তে পুরুষপ্রবীরাঃ; কুন্তীসুতা মাদ্রবতীসুতৌ চ ||
১৭ খ
কৃষ্ণ উবাচ:
বালাস্ত্বিমে তৈর্বিবিধৈরুপায়ৈঃ; সম্প্রার্থিতা হন্তুমমিত্রসাহাঃ |
১৮ ক
কৃষ্ণ উবাচ:
রাজ্যং জিহীর্ষদ্ভিরসদ্ভিরুগ্রৈঃ; সর্বং চ তদ্বো বিদিতং যথাবৎ ||
১৮ খ
কৃষ্ণ উবাচ:
তেষাং চ লোভং প্রসমীক্ষ্য বৃদ্ধং; ধর্মাত্মতাং চাপি যুধিষ্ঠিরস্য |
১৯ ক
কৃষ্ণ উবাচ:
সম্বন্ধিতাং চাপি সমীক্ষ্য তেষাং; মতিং কুরুধ্বং সহিতাঃ পৃথক্চ ||
১৯ খ
কৃষ্ণ উবাচ:
ইমে চ সত্যেঽভিরতাঃ সদৈব; তং পারয়িত্বা সময়ং যথাবৎ |
২০ ক
কৃষ্ণ উবাচ:
অতোঽন্যথা তৈরুপচর্যমাণা; হন্যুঃ সমেতান্ধৃতরাষ্ট্রপুত্রান্ ||
২০ খ
কৃষ্ণ উবাচ:
তৈর্বিপ্রকারং চ নিশম্য রাজ্ঞঃ; সুহৃজ্জনাস্তান্পরিবারয়েয়ুঃ |
২১ ক
কৃষ্ণ উবাচ:
যুদ্ধেন বাধেয়ুরিমাংস্তথৈব; তৈর্বধ্যমানা যুধি তাংশ্চ হন্যুঃ ||
২১ খ
কৃষ্ণ উবাচ:
তথাপি নেমেঽল্পতয়া সমর্থা; স্তেষাং জয়ায়েতি ভবেন্মতং বঃ |
২২ ক
কৃষ্ণ উবাচ:
সমেত্য সর্বে সহিতাঃ সুহৃদ্ভি; স্তেষাং বিনাশায় যতেয়ুরেব ||
২২ খ
কৃষ্ণ উবাচ:
দুর্যোধনস্যাপি মতং যথাব; ন্ন জ্ঞায়তে কিং নু করিষ্যতীতি |
২৩ ক
কৃষ্ণ উবাচ:
অজ্ঞায়মানে চ মতে পরস্য; কিং স্যাৎসমারভ্যতমং মতং বঃ ||
২৩ খ
কৃষ্ণ উবাচ:
তস্মাদিতো গচ্ছতু ধর্মশীলঃ; শুচিঃ কুলীনঃ পুরুষোঽপ্রমত্তঃ |
২৪ ক
কৃষ্ণ উবাচ:
দূতঃ সমর্থঃ প্রশমায় তেষাং; রাজ্যার্ধদানায় যুধিষ্ঠিরস্য ||
২৪ খ
কৃষ্ণ উবাচ:
নিশম্য বাক্যং তু জনার্দনস্য; ধর্মার্থয়ুক্তং মধুরং সমং চ |
২৫ ক
কৃষ্ণ উবাচ:
সমাদদে বাক্যমথাগ্রজোঽস্য; সম্পূজ্য বাক্যং তদতীব রাজন্ ||
২৫ খ