ইন্দ্র উবাচ:
এবমেতদ্ব্রহ্মবলং গরীয়ো; ন ব্রহ্মতঃ কিঞ্চিদন্যদ্গরীয়ঃ |
১ ক
ইন্দ্র উবাচ:
আবিক্ষিতস্য তু বলং ন মৃষ্যে; বজ্রমস্মৈ প্রহরিষ্যামি ঘোরম্ ||
১ খ
ইন্দ্র উবাচ:
ধৃতরাষ্ট্র প্রহিতো গচ্ছ মরুত্তং; সংবর্তেন সহিতং তং বদস্ব |
২ ক
ইন্দ্র উবাচ:
বৃহস্পতিং ত্বমুপশিক্ষস্ব রাজ; ন্বজ্রং বা তে প্রহরিষ্যামি ঘোরম্ ||
২ খ
ব্যাস উবাচ:
ততো গত্বা ধৃতরাষ্ট্রো নরেন্দ্রং; প্রোবাচেদং বচনং বাসবস্য |
৩ ক
ব্যাস উবাচ:
গন্ধর্বং মাং ধৃতরাষ্ট্রং নিবোধ; ত্বামাগতং বক্তুকামং নরেন্দ্র ||
৩ খ
ব্যাস উবাচ:
ঐন্দ্রং বাক্যং শৃণু মে রাজসিংহ; যৎপ্রাহ লোকাধিপতির্মহাত্মা |
৪ ক
ব্যাস উবাচ:
বৃহস্পতিং যাজকং ত্বং বৃণীষ্ব; বজ্রং বা তে প্রহরিষ্যামি ঘোরম্ |
৪ খ
ব্যাস উবাচ:
বচশ্চেদেতন্ন করিষ্যসে মে; প্রাহৈতদেতাবদচিন্ত্যকর্মা ||
৪ গ
মরুত্ত উবাচ:
ত্বং চৈবৈতদ্বেত্থ পুরন্দরশ্চ; বিশ্বেদেবা বসবশ্চাশ্বিনৌ চ |
৫ ক
মরুত্ত উবাচ:
মিত্রদ্রোহে নিষ্কৃতির্বৈ যথৈব; নাস্তীতি লোকেষু সদৈব বাদঃ ||
৫ খ
মরুত্ত উবাচ:
বৃহস্পতির্যাজয়িতা মহেন্দ্রং; দেবশ্রেষ্ঠং বজ্রভৃতাং বরিষ্ঠম্ |
৬ ক
মরুত্ত উবাচ:
সংবর্তো মাং যাজয়িতাদ্য রাজ; ন্ন তে বাক্যং তস্য বা রোচয়ামি ||
৬ খ
গন্ধর্ব উবাচ:
ঘোরো নাদঃ শ্রূয়তে বাসবস্য; নভস্তলে গর্জতো রাজসিংহ |
৭ ক
গন্ধর্ব উবাচ:
ব্যক্তং বজ্রং মোক্ষ্যতে তে মহেন্দ্রঃ; ক্ষেমং রাজংশ্চিন্ত্যতামেষ কালঃ ||
৭ খ
ব্যাস উবাচ:
ইত্যেবমুক্তো ধৃতরাষ্ট্রেণ রাজা; শ্রুত্বা নাদং নদতো বাসবস্য |
৮ ক
ব্যাস উবাচ:
তপোনিত্যং ধর্মবিদাং বরিষ্ঠং; সংবর্তং তং জ্ঞাপয়ামাস কার্যম্ ||
৮ খ
মরুত্ত উবাচ:
ইমমশ্মানং প্লবমানমারা; দধ্বা দূরং তেন ন দৃশ্যতেঽদ্য |
৯ ক
মরুত্ত উবাচ:
প্রপদ্যেঽহং শর্ম বিপ্রেন্দ্র ত্বত্তঃ; প্রয়চ্ছ তস্মাদভয়ং বিপ্রমুখ্য ||
৯ খ
মরুত্ত উবাচ:
অয়মায়াতি বৈ বজ্রী দিশো বিদ্যোতয়ন্দশ |
১০ ক
মরুত্ত উবাচ:
অমানুষেণ ঘোরেণ সদস্যাস্ত্রাসিতা হি নঃ ||
১০ খ
সংবর্ত উবাচ:
ভয়ং শক্রাদ্ব্যেতু তে রাজসিংহ; প্রণোৎস্যেঽহং ভয়মেতৎসুঘোরম্ |
১১ ক
সংবর্ত উবাচ:
সংস্তম্ভিন্যা বিদ্যযা ক্ষিপ্রমেব; মা ভৈস্ত্বমস্মাদ্ভব চাপি প্রতীতঃ ||
১১ খ
সংবর্ত উবাচ:
অহং সংস্তম্ভয়িষ্যামি মা ভৈস্ত্বং শক্রতো নৃপ |
১২ ক
সংবর্ত উবাচ:
সর্বেষামেব দেবানাং ক্ষপিতান্যায়ুধানি মে ||
১২ খ
সংবর্ত উবাচ:
দিশো বজ্রং ব্রজতাং বায়ুরেতু; বর্ষং ভূত্বা নিপততু কাননেষু |
১৩ ক
সংবর্ত উবাচ:
আপঃ প্লবন্ত্বন্তরিক্ষে বৃথা চ; সৌদামিনী দৃশ্যতাং মা বিভস্ত্বম্ ||
১৩ খ
সংবর্ত উবাচ:
অথো বহ্নিস্ত্রাতু বা সর্বতস্তে; কামং বর্ষং বর্ষতু বাসবো বা |
১৪ ক
সংবর্ত উবাচ:
বজ্রং তথা স্থাপয়তাং চ বায়ু; র্মহাঘোরং প্লবমানং জলৌঘৈঃ ||
১৪ খ
মরুত্ত উবাচ:
ঘোরঃ শব্দঃ শ্রূয়তে বৈ মহাস্বনো; বজ্রস্যৈষ সহিতো মারুতেন |
১৫ ক
মরুত্ত উবাচ:
আত্মা হি মে প্রব্যথতে মুহুর্মুহু; র্ন মে স্বাস্থ্যং জায়তে চাদ্য বিপ্র ||
১৫ খ
সংবর্ত উবাচ:
বজ্রাদুগ্রাদ্ব্যেতু ভয়ং তবাদ্য; বাতো ভূত্বা হন্মি নরেন্দ্র বজ্রম্ |
১৬ ক
সংবর্ত উবাচ:
ভয়ং ত্যক্ত্বা বরমন্যং বৃণীষ্ব; কং তে কামং তপসা সাধয়ামি ||
১৬ খ
মরুত্ত উবাচ:
ইন্দ্রঃ সাক্ষাৎসহসাভ্যেতু বিপ্র; হবির্যজ্ঞে প্রতিগৃহ্ণাতু চৈব |
১৭ ক
মরুত্ত উবাচ:
স্বং স্বং ধিষ্ণ্যং চৈব জুষন্তু দেবাঃ; সুতং সোমং প্রতিগৃহ্ণন্তু চৈব ||
১৭ খ
সংবর্ত উবাচ:
অয়মিন্দ্রো হরিভিরায়াতি রাজ; ন্দেবৈঃ সর্বৈঃ সহিতঃ সোমপীথী |
১৮ ক
সংবর্ত উবাচ:
মন্ত্রাহূতো যজ্ঞমিমং ময়াদ্য; পশ্যস্বৈনং মন্ত্রবিস্রস্তকায়ম্ ||
১৮ খ
ব্যাস উবাচ:
ততো দেবৈঃ সহিতো দেবরাজো; রথে যুক্ত্বা তান্হরীন্বাজিমুখ্যান্ |
১৯ ক
ব্যাস উবাচ:
আয়াদ্যজ্ঞমধি রাজ্ঞঃ পিপাসু; রাবিক্ষিতস্যাপ্রমেয়স্য সোমম্ ||
১৯ খ
ব্যাস উবাচ:
তমায়ান্তং সহিতং দেবসঙ্ঘৈঃ; প্রত্যুদ্যযৌ সপুরোধা মরুত্তঃ |
২০ ক
ব্যাস উবাচ:
চক্রে পূজাং দেবরাজায় চাগ্র্যাং; যথাশাস্ত্রং বিধিবৎপ্রীয়মাণঃ ||
২০ খ
সংবর্ত উবাচ:
স্বাগতং তে পুরুহূতেহ বিদ্ব; ন্যজ্ঞোঽদ্যায়ং সংনিহিতে ত্বয়ীন্দ্র |
২১ ক
সংবর্ত উবাচ:
শোশুভ্যতে বলবৃত্রঘ্ন ভূয়ঃ; পিবস্ব সোমং সুতমুদ্যতং ময়া ||
২১ খ
মরুত্ত উবাচ:
শিবেন মাং পশ্য নমশ্চ তেঽস্তু; প্রাপ্তো যজ্ঞঃ সফলং জীবিতং মে |
২২ ক
মরুত্ত উবাচ:
অয়ং যজ্ঞং কুরুতে মে সুরেন্দ্র; বৃহস্পতেরবরো জন্মনা যঃ ||
২২ খ
ইন্দ্র উবাচ:
জানামি তে গুরুমেনং তপোধনং; বৃহস্পতেরনুজং তিগ্মতেজসম্ |
২৩ ক
ইন্দ্র উবাচ:
যস্যাহ্বানাদাগতোঽহং নরেন্দ্র; প্রীতির্মেঽদ্য ত্বয়ি মনুঃ প্রনষ্টঃ ||
২৩ খ
সংবর্ত উবাচ:
যদি প্রীতস্ত্বমসি বৈ দেবরাজ; তস্মাৎস্বয়ং শাধি যজ্ঞে বিধানম্ |
২৪ ক
সংবর্ত উবাচ:
স্বয়ং সর্বান্কুরু মার্গান্সুরেন্দ্র; জানাত্বয়ং সর্বলোকশ্চ দেব ||
২৪ খ
ব্যাস উবাচ:
এবমুক্তস্ত্বাঙ্গিরসেন শক্রঃ; সমাদিদেশ স্বয়মেব দেবান্ |
২৫ ক
ব্যাস উবাচ:
সভাঃ ক্রিয়ন্তামাবসথাশ্চ মুখ্যাঃ; সহস্রশশ্চিত্রভৌমাঃ সমৃদ্ধাঃ ||
২৫ খ
ব্যাস উবাচ:
কৢপ্তস্থূণাঃ কুরুতারোহণানি; গন্ধর্বাণামপ্সরসাং চ শীঘ্রম্ |
২৬ ক
ব্যাস উবাচ:
যেষু নৃত্যেরন্নপ্সরসঃ সহস্রশঃ; স্বর্গোদ্দেশঃ ক্রিয়তাং যজ্ঞবাটঃ ||
২৬ খ
ব্যাস উবাচ:
ইত্যুক্তাস্তে চক্রুরাশু প্রতীতা; দিবৌকসঃ শক্রবাক্যান্নরেন্দ্র |
২৭ ক
ব্যাস উবাচ:
ততো বাক্যং প্রাহ রাজানমিন্দ্রঃ; প্রীতো রাজন্পূজয়ানো মরুত্তম্ ||
২৭ খ
ব্যাস উবাচ:
এষ ত্বয়াহমিহ রাজন্সমেত্য; যে চাপ্যন্যে তব পূর্বে নরেন্দ্রাঃ |
২৮ ক
ব্যাস উবাচ:
সর্বাশ্চান্যা দেবতাঃ প্রীয়মাণা; হবিস্তুভ্যং প্রতিগৃহ্ণন্তু রাজন্ ||
২৮ খ
ব্যাস উবাচ:
আগ্নেয়ং বৈ লোহিতমালভন্তাং; বৈশ্বদেবং বহুরূপং বিরাজন্ |
২৯ ক
ব্যাস উবাচ:
নীলং চোক্ষাণং মেধ্যমভ্যালভন্তাং; চলচ্ছিশ্নং মৎপ্রদিষ্টং দ্বিজেন্দ্রাঃ ||
২৯ খ
ব্যাস উবাচ:
ততো যজ্ঞো ববৃধে তস্য রাজ্ঞো; যত্র দেবাঃ স্বয়মন্নানি জহ্রুঃ |
৩০ ক
ব্যাস উবাচ:
যস্মিঞ্শক্রো ব্রাহ্মণৈঃ পূজ্যমানঃ; সদস্যোঽভূদ্ধরিমান্দেবরাজঃ ||
৩০ খ
ব্যাস উবাচ:
ততঃ সংবর্তশ্চিত্যগতো মহাত্মা; যথা বহ্নিঃ প্রজ্বলিতো দ্বিতীয়ঃ |
৩১ ক
ব্যাস উবাচ:
হবীংষ্যুচ্চৈরাহ্বয়ন্দেবসঙ্ঘা; ঞ্জুহাবাগ্নৌ মন্ত্রবৎসুপ্রতীতঃ ||
৩১ খ
ব্যাস উবাচ:
ততঃ পীত্বা বলভিৎসোমমগ্র্যং; যে চাপ্যন্যে সোমপা বৈ দিবৌকসঃ |
৩২ ক
ব্যাস উবাচ:
সর্বেঽনুজ্ঞাতাঃ প্রয়যুঃ পার্থিবেন; যথাজোষং তর্পিতাঃ প্রীতিমন্তঃ ||
৩২ খ
ব্যাস উবাচ:
ততো রাজা জাতরূপস্য রাশী; ন্পদে পদে কারয়ামাস হৃষ্টঃ |
৩৩ ক
ব্যাস উবাচ:
দ্বিজাতিভ্যো বিসৃজন্ভূরি বিত্তং; ররাজ বিত্তেশ ইবারিহন্তা ||
৩৩ খ
ব্যাস উবাচ:
ততো বিত্তং বিবিধং সংনিধায়; যথোৎসাহং কারয়িত্বা চ কোশম্ |
৩৪ ক
ব্যাস উবাচ:
অনুজ্ঞাতো গুরুণা সংনিবৃত্য; শশাস গামখিলাং সাগরান্তাম্ ||
৩৪ খ
ব্যাস উবাচ:
এবঙ্গুণঃ সম্বভূবেহ রাজা; যস্য ক্রতৌ তৎসুবর্ণং প্রভূতম্ |
৩৫ ক
ব্যাস উবাচ:
তত্ত্বং সমাদায় নরেন্দ্র বিত্তং; যজস্ব দেবাংস্তর্পয়ানো বিধানৈঃ ||
৩৫ খ
বৈশম্পায়ন উবাচ:
ততো রাজা পাণ্ডবো হৃষ্টরূপঃ; শ্রুত্বা বাক্যং সত্যবত্যাঃ সুতস্য |
৩৬ ক
বৈশম্পায়ন উবাচ:
মনশ্চক্রে তেন বিত্তেন যষ্টুং; ততোঽমাত্যৈর্মন্ত্রয়ামাস ভূয়ঃ ||
৩৬ খ