বৈশম্পায়ন উবাচ:
অথাপরোঽদৃশ্যত রূপসম্পদা; স্ত্রীণামলঙ্কারধরো বৃহৎপুমান্ |
১ ক
বৈশম্পায়ন উবাচ:
প্রাকারবপ্রে প্রতিমুচ্য কুণ্ডলে; দীর্ঘে চ কম্বূ পরিহাটকে শুভে ||
১ খ
বৈশম্পায়ন উবাচ:
বহূংশ্চ দীর্ঘাংশ্চ বিকীর্য মূর্ধজা; ন্মহাভুজো বারণমত্তবিক্রমঃ |
২ ক
বৈশম্পায়ন উবাচ:
গতেন ভূমিমভিকম্পয়ংস্তদা; বিরাটমাসাদ্য সভাসমীপতঃ ||
২ খ
বৈশম্পায়ন উবাচ:
তং প্রেক্ষ্য রাজোপগতং সভাতলে; সত্রপ্রতিচ্ছন্নমরিপ্রমাথিনম্ |
৩ ক
বৈশম্পায়ন উবাচ:
বিরাজমানং পরমেণ বর্চসা; সুতং মহেন্দ্রস্য গজেন্দ্রবিক্রমম্ ||
৩ খ
বৈশম্পায়ন উবাচ:
সর্বানপৃচ্ছচ্চ সমীপচারিণঃ; কুতোঽয়মায়াতি ন মে পুরা শ্রুতঃ |
৪ ক
বৈশম্পায়ন উবাচ:
ন চৈনমূচুর্বিদিতং তদা নরাঃ; সবিস্মিতং বাক্যমিদং নৃপোঽব্রবীৎ ||
৪ খ
বৈশম্পায়ন উবাচ:
সর্বোপপন্নঃ পুরুষো মনোরমঃ; শ্যামো যুবা বারণয়ূথপোপমঃ |
৫ ক
বৈশম্পায়ন উবাচ:
বিমুচ্য কম্বূ পরিহাটকে শুভে; বিমুচ্য বেণীমপিনহ্য কুণ্ডলে ||
৫ খ
বৈশম্পায়ন উবাচ:
শিখী সুকেশঃ পরিধায় চান্যথা; ভবস্ব ধন্বী কবচী শরী তথা |
৬ ক
বৈশম্পায়ন উবাচ:
আরুহ্য যানং পরিধাবতাং ভবা; ন্সুতৈঃ সমো মে ভব বা ময়া সমঃ ||
৬ খ
বৈশম্পায়ন উবাচ:
বৃদ্ধো হ্যহং বৈ পরিহারকামঃ; সর্বান্মৎস্যাংস্তরসা পালয়স্ব |
৭ ক
বৈশম্পায়ন উবাচ:
নৈবংবিধাঃ ক্লীবরূপা ভবন্তি; কথঞ্চনেতি প্রতিভাতি মে মনঃ ||
৭ খ
অর্জুন উবাচ:
গায়ামি নৃত্যাম্যথ বাদয়ামি; ভদ্রোঽস্মি নৃত্তে কুশলোঽস্মি গীতে |
৮ ক
অর্জুন উবাচ:
ত্বমুত্তরায়াঃ পরিদৎস্ব মাং স্বয়ং; ভবামি দেব্যা নরদেব নর্তকঃ ||
৮ খ
অর্জুন উবাচ:
ইদং তু রূপং মম যেন কিং নু ত; ৎপ্রকীর্তয়িত্বা ভৃশশোকবর্ধনম্ |
৯ ক
অর্জুন উবাচ:
বৃহন্নডাং বৈ নরদেব বিদ্ধি মাং; সুতং সুতাং বা পিতৃমাতৃবর্জিতাম্ ||
৯ খ
বিরাট উবাচ:
দদামি তে হন্ত বরং বৃহন্নডে; সুতাং চ মে নর্তয় যাশ্চ তাদৃশীঃ |
১০ ক
বিরাট উবাচ:
ইদং তু তে কর্ম সমং ন মে মতং; সমুদ্রনেমিং পৃথিবীং ত্বমর্হসি ||
১০ খ
বৈশম্পায়ন উবাচ:
বৃহন্নডাং তামভিবীক্ষ্য মৎস্যরা; ট্কলাসু নৃত্তে চ তথৈব বাদিতে |
১১ ক
বৈশম্পায়ন উবাচ:
অপুংস্ত্বমপ্যস্য নিশম্য চ স্থিরং; ততঃ কুমারীপুরমুৎসসর্জ তম্ ||
১১ খ
বৈশম্পায়ন উবাচ:
স শিক্ষয়ামাস চ গীতবাদিতং; সুতাং বিরাটস্য ধনঞ্জয়ঃ প্রভুঃ |
১২ ক
বৈশম্পায়ন উবাচ:
সখীশ্চ তস্যাঃ পরিচারিকাস্তথা; প্রিয়শ্চ তাসাং স বভূব পাণ্ডবঃ ||
১২ খ
বৈশম্পায়ন উবাচ:
তথা স সত্রেণ ধনঞ্জয়োঽবস; ৎপ্রিয়াণি কুর্বন্সহ তাভিরাত্মবান্ |
১৩ ক
বৈশম্পায়ন উবাচ:
তথাগতং তত্র ন জজ্ঞিরে জনা; বহিশ্চরা বাপ্যথবান্তরেচরাঃ ||
১৩ খ