গৌতম উবাচ:
তস্মিন্বিরজসি স্ফীতে প্রজ্ঞাসত্ত্বব্যবস্থিতে |
৫১ ক
গৌতম উবাচ:
স্বয়ম্ভুভবনে পুণ্যে হস্তিনং মে যতিষ্যতি ||
৫১ খ
ধৃতরাষ্ট্র উবাচ:
নির্মুক্তাঃ সর্বসঙ্গেভ্যো কৃতাত্মানো যতব্রতাঃ |
৫২ ক
ধৃতরাষ্ট্র উবাচ:
অধ্যাত্ময়োগসংস্থানে যুক্তাঃ স্বর্গগতিং গতাঃ ||
৫২ খ
ধৃতরাষ্ট্র উবাচ:
তে ব্রহ্মভবনং পুণ্যং প্রাপ্নুবন্তীহ সাত্ত্বিকাঃ |
৫৩ ক
ধৃতরাষ্ট্র উবাচ:
ন তত্র ধৃতরাষ্ট্রস্তে শক্যো দ্রষ্টুং মহামুনে ||
৫৩ খ
গৌতম উবাচ:
রথন্তরং যত্র বৃহচ্চ গীয়তে; যত্র বেদী পুণ্ডরীকৈঃ স্তৃণোতি |
৫৪ ক
গৌতম উবাচ:
যত্রোপয়াতি হরিভিঃ সোমপীথী; তত্র ত্বাহং হস্তিনং যাতয়িষ্যে ||
৫৪ খ
গৌতম উবাচ:
বুধ্যামি ত্বাং বৃত্রহণং শতক্রতুং; ব্যতিক্রমন্তং ভুবনানি বিশ্বা |
৫৫ ক
গৌতম উবাচ:
কচ্চিন্ন বাচা বৃজিনং কদা চি; দকার্ষং তে মনসোঽভিষঙ্গাৎ ||
৫৫ খ
শক্র উবাচ:
যস্মাদিমং লোকপথং প্রজানা; মন্বাগমং পদবাদে গজস্য |
৫৬ ক
শক্র উবাচ:
তস্মাদ্ভবান্প্রণতং মানুশাস্তু; ব্রবীষি যত্তৎকরবাণি সর্বম্ ||
৫৬ খ
গৌতম উবাচ:
শ্বেতং করেণুং মম পুত্রনাগং; যং মেঽহার্ষীর্দশবর্ষাণি বালম্ |
৫৭ ক
গৌতম উবাচ:
যো মে বনে বসতোঽভূদ্দ্বিতীয়; স্তমেব মে দেহি সুরেন্দ্র নাগম্ ||
৫৭ খ
শক্র উবাচ:
অয়ং সুতস্তে দ্বিজমুখ্য নাগ; শ্চাঘ্রায়তে ত্বামভিবীক্ষমাণঃ |
৫৮ ক
শক্র উবাচ:
পাদৌ চ তে নাসিকয়োপজিঘ্রতে; শ্রেয়ো মম ধ্যাহি নমশ্চ তেঽস্তু ||
৫৮ খ
গৌতম উবাচ:
শিবং সদৈবেহ সুরেন্দ্র তুভ্যং; ধ্যায়ামি পূজাং চ সদা প্রয়ুঞ্জে |
৫৯ ক
গৌতম উবাচ:
মমাপি ত্বং শক্র শিবং দদস্ব; ত্বয়া দত্তং প্রতিগৃহ্ণামি নাগম্ ||
৫৯ খ
শক্র উবাচ:
যেষাং বেদা নিহিতা বৈ গুহায়াং; মনীষিণাং সত্ত্ববতাং মহাত্মনাম্ |
৬০ ক
শক্র উবাচ:
তেষাং ত্বয়ৈকেন মহাত্মনাস্মি; বুদ্ধস্তস্মাৎপ্রীতিমাংস্তেঽহমদ্য ||
৬০ খ
শক্র উবাচ:
হন্তৈহি ব্রাহ্মণ ক্ষিপ্রং সহ পুত্রেণ হস্তিনা |
৬১ ক
শক্র উবাচ:
প্রাপ্নুহি ত্বং শুভাঁল্লোকানহ্নায় চ চিরায় চ ||
৬১ খ
ভীষ্ম উবাচ:
স গৌতমং পুরস্কৃত্য সহ পুত্রেণ হস্তিনা |
৬২ ক
ভীষ্ম উবাচ:
দিবমাচক্রমে বজ্রী সদ্ভিঃ সহ দুরাসদম্ ||
৬২ খ