যুধিষ্ঠির উবাচ:
একো লোকঃ সুকৃতিনাং সর্বে ত্বাহো পিতামহ |
১ ক
যুধিষ্ঠির উবাচ:
উত তত্রাপি নানাত্বং তন্মে ব্রূহি পিতামহ ||
১ খ
ভীষ্ম উবাচ:
কর্মভিঃ পার্থ নানাত্বং লোকানাং যান্তি মানবাঃ |
২ ক
ভীষ্ম উবাচ:
পুণ্যান্পুণ্যকৃতো যান্তি পাপান্পাপকৃতো জনাঃ ||
২ খ
ভীষ্ম উবাচ:
অত্রাপ্যুদাহরন্তীমমিতিহাসং পুরাতনম্ |
৩ ক
ভীষ্ম উবাচ:
গৌতমস্য মুনেস্তাত সংবাদং বাসবস্য চ ||
৩ খ
ভীষ্ম উবাচ:
ব্রাহ্মণো গৌতমঃ কশ্চিন্মৃদুর্দান্তো জিতেন্দ্রিয়ঃ |
৪ ক
ভীষ্ম উবাচ:
মহাবনে হস্তিশিশুং পরিদ্যূনমমাতৃকম্ ||
৪ খ
ভীষ্ম উবাচ:
তং দৃষ্ট্বা জীবয়ামাস সানুক্রোশো ধৃতব্রতঃ |
৫ ক
ভীষ্ম উবাচ:
স তু দীর্ঘেণ কালেন বভূবাতিবলো মহান্ ||
৫ খ
ভীষ্ম উবাচ:
তং প্রভিন্নং মহানাগং প্রস্রুতং সর্বতো মদম্ |
৬ ক
ভীষ্ম উবাচ:
ধৃতরাষ্ট্রস্য রূপেণ শক্রো জগ্রাহ হস্তিনম্ ||
৬ খ
ভীষ্ম উবাচ:
হ্রিয়মাণং তু তং দৃষ্ট্বা গৌতমঃ সংশিতব্রতঃ |
৭ ক
ভীষ্ম উবাচ:
অভ্যভাষত রাজানং ধৃতরাষ্ট্রং মহাতপাঃ ||
৭ খ
ভীষ্ম উবাচ:
মা মে হার্ষীর্হস্তিনং পুত্রমেনং; দুঃখাৎপুষ্টং ধৃতরাষ্ট্রাকৃতজ্ঞ |
৮ ক
ভীষ্ম উবাচ:
মিত্রং সতাং সপ্তপদং বদন্তি; মিত্রদ্রোহো নৈব রাজন্স্পৃশেত্ত্বাম্ ||
৮ খ
ভীষ্ম উবাচ:
ইধ্মোদকপ্রদাতারং শূন্যপালকমাশ্রমে |
৯ ক
ভীষ্ম উবাচ:
বিনীতমাচার্যকুলে সুয়ুক্তং গুরুকর্মণি ||
৯ খ
ভীষ্ম উবাচ:
শিষ্টং দান্তং কৃতজ্ঞং চ প্রিয়ং চ সততং মম |
১০ ক
ভীষ্ম উবাচ:
ন মে বিক্রোশতো রাজন্হর্তুমর্হসি কুঞ্জরম্ ||
১০ খ
ধৃতরাষ্ট্র উবাচ:
গবাং সহস্রং ভবতে দদামি; দাসীশতং নিষ্কশতানি পঞ্চ |
১১ ক
ধৃতরাষ্ট্র উবাচ:
অন্যচ্চ বিত্তং বিবিধং মহর্ষে; কিং ব্রাহ্মণস্যেহ গজেন কৃত্যম্ ||
১১ খ
গৌতম উবাচ:
ত্বামেব গাবোঽভি ভবন্তু রাজ; ন্দাস্যঃ সনিষ্কা বিবিধং চ রত্নম্ |
১২ ক
গৌতম উবাচ:
অন্যচ্চ বিত্তং বিবিধং নরেন্দ্র; কিং ব্রাহ্মণস্যেহ ধনেন কৃত্যম্ ||
১২ খ
ধৃতরাষ্ট্র উবাচ:
ব্রাহ্মণানাং হস্তিভির্নাস্তি কৃত্যং; রাজন্যানাং নাগকুলানি বিপ্র |
১৩ ক
ধৃতরাষ্ট্র উবাচ:
স্বং বাহনং নয়তো নাস্ত্যধর্মো; নাগশ্রেষ্ঠাদ্গৌতমাস্মান্নিবর্ত ||
১৩ খ
গৌতম উবাচ:
যত্র প্রেতো নন্দতি পুণ্যকর্মা; যত্র প্রেতঃ শোচতি পাপকর্মা |
১৪ ক
গৌতম উবাচ:
বৈবস্বতস্য সদনে মহাত্মন; স্তত্র ত্বাহং হস্তিনং যাতয়িষ্যে ||
১৪ খ
ধৃতরাষ্ট্র উবাচ:
যে নিষ্ক্রিয়া নাস্তিকাঃ শ্রদ্দধানাঃ; পাপাত্মান ইন্দ্রিয়ার্থে নিবিষ্টাঃ |
১৫ ক
ধৃতরাষ্ট্র উবাচ:
যমস্য তে যাতনাং প্রাপ্নুবন্তি; পরং গন্তা ধৃতরাষ্ট্রো ন তত্র ||
১৫ খ
গৌতম উবাচ:
বৈবস্বতী সংয়মনী জনানাং; যত্রানৃতং নোচ্যতে যত্র সত্যম্ |
১৬ ক
গৌতম উবাচ:
যত্রাবলা বলিনং যাতয়ন্তি; তত্র ত্বাহং হস্তিনং যাতয়িষ্যে ||
১৬ খ
ধৃতরাষ্ট্র উবাচ:
জ্যেষ্ঠাং স্বসারং পিতরং মাতরং চ; গুরুং যথা মানয়ন্তশ্চরন্তি |
১৭ ক
ধৃতরাষ্ট্র উবাচ:
তথাবিধানামেষ লোকো মহর্ষে; পরং গন্তা ধৃতরাষ্ট্রো ন তত্র ||
১৭ খ
গৌতম উবাচ:
মন্দাকিনী বৈশ্রবণস্য রাজ্ঞো; মহাভোগা ভোগিজনপ্রবেশ্যা |
১৮ ক
গৌতম উবাচ:
গন্ধর্বয়ক্ষৈরপ্সরোভিশ্চ জুষ্টা; তত্র ত্বাহং হস্তিনং যাতয়িষ্যে ||
১৮ খ
ধৃতরাষ্ট্র উবাচ:
অতিথিব্রতাঃ সুব্রতা যে জনা বৈ; প্রতিশ্রয়ং দদতি ব্রাহ্মণেভ্যঃ |
১৯ ক
ধৃতরাষ্ট্র উবাচ:
শিষ্টাশিনঃ সংবিভজ্যাশ্রিতাংশ্চ; মন্দাকিনীং তেঽপি বিভূষয়ন্তি ||
১৯ খ
গৌতম উবাচ:
মেরোরগ্রে যদ্বনং ভাতি রম্যং; সুপুষ্পিতং কিংনরগীতজুষ্টম্ |
২০ ক
গৌতম উবাচ:
সুদর্শনা যত্র জম্বূর্বিশালা; তত্র ত্বাহং হস্তিনং যাতয়িষ্যে ||
২০ খ
ধৃতরাষ্ট্র উবাচ:
যে ব্রাহ্মণা মৃদবঃ সত্যশীলা; বহুশ্রুতাঃ সর্বভূতাভিরামাঃ |
২১ ক
ধৃতরাষ্ট্র উবাচ:
যেঽধীয়ন্তে সেতিহাসং পুরাণং; মধ্বাহুত্যা জুহ্বতি চ দ্বিজেভ্যঃ ||
২১ খ
ধৃতরাষ্ট্র উবাচ:
তথাবিধানামেষ লোকো মহর্ষে; পরং গন্তা ধৃতরাষ্ট্রো ন তত্র |
২২ ক
ধৃতরাষ্ট্র উবাচ:
যদ্বিদ্যতে বিদিতং স্থানমস্তি; তদ্ব্রূহি ত্বং ত্বরিতো হ্যেষ যামি ||
২২ খ
গৌতম উবাচ:
সুপুষ্পিতং কিংনররাজজুষ্টং; প্রিয়ং বনং নন্দনং নারদস্য |
২৩ ক
গৌতম উবাচ:
গন্ধর্বাণামপ্সরসাং চ সদ্ম; তত্র ত্বাহং হস্তিনং যাতয়িষ্যে ||
২৩ খ
ধৃতরাষ্ট্র উবাচ:
যে নৃত্তগীতকুশলা জনাঃ সদা; হ্যযাচমানাঃ সহিতাশ্চরন্তি |
২৪ ক
ধৃতরাষ্ট্র উবাচ:
তথাবিধানামেষ লোকো মহর্ষে; পরং গন্তা ধৃতরাষ্ট্রো ন তত্র ||
২৪ খ
গৌতম উবাচ:
যত্রোত্তরাঃ কুরবো ভান্তি রম্যা; দেবৈঃ সার্ধং মোদমানা নরেন্দ্র |
২৫ ক
গৌতম উবাচ:
যত্রাগ্নিয়ৌনাশ্চ বসন্তি বিপ্রা; হ্যযোনয়ঃ পর্বতয়োনয়শ্চ ||
২৫ খ
গৌতম উবাচ:
যত্র শক্রো বর্ষতি সর্বকামা; ন্যত্র স্ত্রিয়ঃ কামচারাশ্চরন্তি |
২৬ ক
গৌতম উবাচ:
যত্র চের্ষ্যা নাস্তি নারীনরাণাং; তত্র ত্বাহং হস্তিনং যাতয়িষ্যে ||
২৬ খ
ধৃতরাষ্ট্র উবাচ:
যে সর্বভূতেষু নিবৃত্তকামা; অমাংসাদা ন্যস্তদণ্ডাশ্চরন্তি |
২৭ ক
ধৃতরাষ্ট্র উবাচ:
ন হিংসন্তি স্থাবরং জঙ্গমং চ; ভূতানাং যে সর্বভূতাত্মভূতাঃ ||
২৭ খ
ধৃতরাষ্ট্র উবাচ:
নিরাশিষো নির্মমা বীতরাগা; লাভালাভে তুল্যনিন্দাপ্রশংসাঃ |
২৮ ক
ধৃতরাষ্ট্র উবাচ:
তথাবিধানামেষ লোকো মহর্ষে; পরং গন্তা ধৃতরাষ্ট্রো ন তত্র ||
২৮ খ
গৌতম উবাচ:
ততঃ পরং ভান্তি লোকাঃ সনাতনাঃ; সুপুণ্যগন্ধা নির্মলা বীতশোকাঃ |
২৯ ক
গৌতম উবাচ:
সোমস্য রাজ্ঞঃ সদনে মহাত্মন; স্তত্র ত্বাহং হস্তিনং যাতয়িষ্যে ||
২৯ খ
ধৃতরাষ্ট্র উবাচ:
যে দানশীলা ন প্রতিগৃহ্ণতে সদা; ন চাপ্যর্থানাদদতে পরেভ্যঃ |
৩০ ক
ধৃতরাষ্ট্র উবাচ:
যেষামদেয়মর্হতে নাস্তি কিং চি; ৎসর্বাতিথ্যাঃ সুপ্রসাদা জনাশ্চ ||
৩০ খ
ধৃতরাষ্ট্র উবাচ:
যে ক্ষন্তারো নাভিজল্পন্তি চান্যা; ঞ্শক্তা ভূত্বা সততং পুণ্যশীলাঃ |
৩১ ক
ধৃতরাষ্ট্র উবাচ:
তথাবিধানামেষ লোকো মহর্ষে; পরং গন্তা ধৃতরাষ্ট্রো ন তত্র ||
৩১ খ
গৌতম উবাচ:
ততঃ পরং ভান্তি লোকাঃ সনাতনা; বিরজসো বিতমস্কা বিশোকাঃ |
৩২ ক
গৌতম উবাচ:
আদিত্যস্য সুমহান্তঃ সুবৃত্তা; স্তত্র ত্বাহং হস্তিনং যাতয়িষ্যে ||
৩২ খ
ধৃতরাষ্ট্র উবাচ:
স্বাধ্যায়শীলা গুরুশুশ্রূষণে রতা; স্তপস্বিনঃ সুব্রতাঃ সত্যসন্ধাঃ |
৩৩ ক
ধৃতরাষ্ট্র উবাচ:
আচার্যাণামপ্রতিকূলভাষিণো; নিত্যোত্থিতা গুরুকর্মস্বচোদ্যাঃ ||
৩৩ খ
ধৃতরাষ্ট্র উবাচ:
তথাবিধানামেষ লোকো মহর্ষে; বিশুদ্ধানাং ভাবিতবাঙ্মতীনাম্ |
৩৪ ক
ধৃতরাষ্ট্র উবাচ:
সত্যে স্থিতানাং বেদবিদাং মহাত্মনাং; পরং গন্তা ধৃতরাষ্ট্রো ন তত্র ||
৩৪ খ
গৌতম উবাচ:
ততঃ পরে ভান্তি লোকাঃ সনাতনাঃ; সুপুণ্যগন্ধা বিরজা বিশোকাঃ |
৩৫ ক
গৌতম উবাচ:
বরুণস্য রাজ্ঞঃ সদনে মহাত্মন; স্তত্র ত্বাহং হস্তিনং যাতয়িষ্যে ||
৩৫ খ
ধৃতরাষ্ট্র উবাচ:
চাতুর্মাস্যৈর্যে যজন্তে জনাঃ সদা; তথেষ্টীনাং দশশতং প্রাপ্নুবন্তি |
৩৬ ক
ধৃতরাষ্ট্র উবাচ:
যে চাগ্নিহোত্রং জুহ্বতি শ্রদ্দধানা; যথান্যায়ং ত্রীণি বর্ষাণি বিপ্রাঃ ||
৩৬ খ
ধৃতরাষ্ট্র উবাচ:
স্বদারিণাং ধর্মধুরে মহাত্মনাং; যথোচিতে বর্ত্মনি সুস্থিতানাম্ |
৩৭ ক
ধৃতরাষ্ট্র উবাচ:
ধর্মাত্মনামুদ্বহতাং গতিং তাং; পরং গন্তা ধৃতরাষ্ট্রো ন তত্র ||
৩৭ খ
গৌতম উবাচ:
ইন্দ্রস্য লোকা বিরজা বিশোকা; দুরন্বয়াঃ কাঙ্ক্ষিতা মানবানাম্ |
৩৮ ক
গৌতম উবাচ:
তস্যাহং তে ভবনে ভূরিতেজসো; রাজন্নিমং হস্তিনং যাতয়িষ্যে ||
৩৮ খ
ধৃতরাষ্ট্র উবাচ:
শতবর্ষজীবী যশ্চ শূরো মনুষ্যো; বেদাধ্যায়ী যশ্চ যজ্বাপ্রমত্তঃ |
৩৯ ক
ধৃতরাষ্ট্র উবাচ:
এতে সর্বে শক্রলোকং ব্রজন্তি; পরং গন্তা ধৃতরাষ্ট্রো ন তত্র ||
৩৯ খ
গৌতম উবাচ:
প্রাজাপত্যাঃ সন্তি লোকা মহান্তো; নাকস্য পৃষ্ঠে পুষ্কলা বীতশোকাঃ |
৪০ ক
গৌতম উবাচ:
মনীষিতাঃ সর্বলোকোদ্ভবানাং; তত্র ত্বাহং হস্তিনং যাতয়িষ্যে ||
৪০ খ
ধৃতরাষ্ট্র উবাচ:
যে রাজানো রাজসূয়াভিষিক্তা; ধর্মাত্মানো রক্ষিতারঃ প্রজানাম্ |
৪১ ক
ধৃতরাষ্ট্র উবাচ:
যে চাশ্বমেধাবভৃথাপ্লুতাঙ্গা; স্তেষাং লোকা ধৃতরাষ্ট্রো ন তত্র ||
৪১ খ
গৌতম উবাচ:
ততঃ পরং ভান্তি লোকাঃ সনাতনাঃ; সুপুণ্যগন্ধা বিরজা বীতশোকাঃ |
৪২ ক
গৌতম উবাচ:
তস্মিন্নহং দুর্লভে ত্বাপ্রধৃষ্যে; গবাং লোকে হস্তিনং যাতয়িষ্যে ||
৪২ খ
ধৃতরাষ্ট্র উবাচ:
যো গোসহস্রী শতদঃ সমাং সমাং; যো গোশতী দশ দদ্যাচ্চ শক্ত্যা |
৪৩ ক
ধৃতরাষ্ট্র উবাচ:
তথা দশভ্যো যশ্চ দদ্যাদিহৈকাং; পঞ্চভ্যো বা দানশীলস্তথৈকাম্ ||
৪৩ খ
ধৃতরাষ্ট্র উবাচ:
যে জীর্যন্তে ব্রহ্মচর্যেণ বিপ্রা; ব্রাহ্মীং বাচং পরিরক্ষন্তি চৈব |
৪৪ ক
ধৃতরাষ্ট্র উবাচ:
মনস্বিনস্তীর্থয়াত্রাপরায়ণা; স্তে তত্র মোদন্তি গবাং বিমানে ||
৪৪ খ
ধৃতরাষ্ট্র উবাচ:
প্রভাসং মানসং পুণ্যং পুষ্করাণি মহৎসরঃ |
৪৫ ক
ধৃতরাষ্ট্র উবাচ:
পুণ্যং চ নৈমিষং তীর্থং বাহুদাং করতোয়িনীম্ ||
৪৫ খ
ধৃতরাষ্ট্র উবাচ:
গয়াং গয়শিরশ্চৈব বিপাশাং স্থূলবালুকাম্ |
৪৬ ক
ধৃতরাষ্ট্র উবাচ:
তূষ্ণীঙ্গঙ্গাং দশগঙ্গাং মহাহ্রদমথাপি চ ||
৪৬ খ
ধৃতরাষ্ট্র উবাচ:
গৌতমীং কৌশিকীং পাকাং মহাত্মানো ধৃতব্রতাঃ |
৪৭ ক
ধৃতরাষ্ট্র উবাচ:
সরস্বতীদৃষদ্বত্যৌ যমুনাং যে প্রয়ান্তি চ ||
৪৭ খ
ধৃতরাষ্ট্র উবাচ:
তত্র তে দিব্যসংস্থানা দিব্যমাল্যধরাঃ শিবাঃ |
৪৮ ক
ধৃতরাষ্ট্র উবাচ:
প্রয়ান্তি পুণ্যগন্ধাঢ্যা ধৃতরাষ্ট্রো ন তত্র বৈ ||
৪৮ খ
গৌতম উবাচ:
যত্র শীতভয়ং নাস্তি ন চোষ্ণভয়মণ্বপি |
৪৯ ক
গৌতম উবাচ:
ন ক্ষুৎপিপাসে ন গ্লানির্ন দুঃখং ন সুখং তথা ||
৪৯ খ
গৌতম উবাচ:
ন দ্বেষ্যো ন প্রিয়ঃ কশ্চিন্ন বন্ধুর্ন রিপুস্তথা |
৫০ ক
গৌতম উবাচ:
ন জরামরণে বাপি ন পুণ্যং ন চ পাতকম্ ||
৫০ খ