যুধিষ্ঠির উবাচ:
কীদৃশে পুরুষে তাত স্ত্রীষু বা ভরতর্ষভ |
১ ক
যুধিষ্ঠির উবাচ:
শ্রীঃ পদ্মা বসতে নিত্যং তন্মে ব্রূহি পিতামহ ||
১ খ
ভীষ্ম উবাচ:
অত্র তে বর্তয়িষ্যামি যথাদৃষ্টং যথাশ্রুতম্ |
২ ক
ভীষ্ম উবাচ:
রুক্মিণী দেবকীপুত্রসংনিধৌ পর্যপৃচ্ছত ||
২ খ
ভীষ্ম উবাচ:
নারায়ণস্যাঙ্কগতাং জ্বলন্তীং; দৃষ্ট্বা শ্রিয়ং পদ্মসমানবক্ত্রাম্ |
৩ ক
ভীষ্ম উবাচ:
কৌতূহলাদ্বিস্মিতচারুনেত্রা; পপ্রচ্ছ মাতা মকরধ্বজস্য ||
৩ খ
ভীষ্ম উবাচ:
কানীহ ভূতান্যুপসেবসে ত্বং; সন্তিষ্ঠতী কানি ন সেবসে ত্বম্ |
৪ ক
ভীষ্ম উবাচ:
তানি ত্রিলোকেশ্বরভূতকান্তে; তত্ত্বেন মে ব্রূহি মহর্ষিকন্যে ||
৪ খ
ভীষ্ম উবাচ:
এবং তদা শ্রীরভিভাষ্যমাণা; দেব্যা সমক্ষং গরুডধ্বজস্য |
৫ ক
ভীষ্ম উবাচ:
উবাচ বাক্যং মধুরাভিধানং; মনোহরং চন্দ্রমুখী প্রসন্না ||
৫ খ
ভীষ্ম উবাচ:
বসামি সত্যে সুভগে প্রগল্ভে; দক্ষে নরে কর্মণি বর্তমানে |
৬ ক
ভীষ্ম উবাচ:
নাকর্মশীলে পুরুষে বসামি; ন নাস্তিকে সাঙ্করিকে কৃতঘ্নে |
৬ খ
ভীষ্ম উবাচ:
ন ভিন্নবৃত্তে ন নৃশংসবৃত্তে; ন চাপি চৌরে ন গুরুষ্বসূয়ে ||
৬ গ
ভীষ্ম উবাচ:
যে চাল্পতেজোবলসত্ত্বসারা; হৃষ্যন্তি কুপ্যন্তি চ যত্র তত্র |
৭ ক
ভীষ্ম উবাচ:
ন দেবি তিষ্ঠামি তথাবিধেষু; নরেষু সংসুপ্তমনোরথেষু ||
৭ খ
ভীষ্ম উবাচ:
যশ্চাত্মনি প্রার্থয়তে ন কিং চি; দ্যশ্চ স্বভাবোপহতান্তরাত্মা |
৮ ক
ভীষ্ম উবাচ:
তেষ্বল্পসন্তোষরতেষু নিত্যং; নরেষু নাহং নিবসামি দেবি ||
৮ খ
ভীষ্ম উবাচ:
বসামি ধর্মশীলেষু ধর্মজ্ঞেষু মহাত্মসু |
৯ ক
ভীষ্ম উবাচ:
বৃদ্ধসেবিষু দান্তেষু সত্ত্বজ্ঞেষু মহাত্মসু ||
৯ খ
ভীষ্ম উবাচ:
স্ত্রীষু ক্ষান্তাসু দান্তাসু দেবদ্বিজপরাসু চ |
১০ ক
ভীষ্ম উবাচ:
বসামি সত্যশীলাসু স্বভাবনিরতাসু চ ||
১০ খ
ভীষ্ম উবাচ:
প্রকীর্ণভাণ্ডামনবেক্ষ্যকারিণীং; সদা চ ভর্তুঃ প্রতিকূলবাদিনীম্ |
১১ ক
ভীষ্ম উবাচ:
পরস্য বেশ্মাভিরতামলজ্জা; মেবংবিধাং স্ত্রীং পরিবর্জয়ামি ||
১১ খ
ভীষ্ম উবাচ:
লোলামচোক্ষামবলেহিনীং চ; ব্যপেতধৈর্যাং কলহপ্রিয়াং চ |
১২ ক
ভীষ্ম উবাচ:
নিদ্রাভিভূতাং সততং শয়ানা; মেবংবিধাং স্ত্রীং পরিবর্জয়ামি ||
১২ খ
ভীষ্ম উবাচ:
সত্যাসু নিত্যং প্রিয়দর্শনাসু; সৌভাগ্যযুক্তাসু গুণান্বিতাসু |
১৩ ক
ভীষ্ম উবাচ:
বসামি নারীষু পতিব্রতাসু; কল্যাণশীলাসু বিভূষিতাসু ||
১৩ খ
ভীষ্ম উবাচ:
যানেষু কন্যাসু বিভূষণেষু; যজ্ঞেষু মেঘেষু চ বৃষ্টিমৎসু |
১৪ ক
ভীষ্ম উবাচ:
বসামি ফুল্লাসু চ পদ্মিনীষু; নক্ষত্রবীথীষু চ শারদীষু ||
১৪ খ
ভীষ্ম উবাচ:
শৈলেষু গোষ্ঠেষু তথা বনেষু; সরঃসু ফুল্লোৎপলপঙ্কজেষু |
১৫ ক
ভীষ্ম উবাচ:
নদীষু হংসস্বননাদিতাসু; ক্রৌঞ্চাবঘুষ্টস্বরশোভিতাসু ||
১৫ খ
ভীষ্ম উবাচ:
বিস্তীর্ণকূলহ্রদশোভিতাসু; তপস্বিসিদ্ধদ্বিজসেবিতাসু |
১৬ ক
ভীষ্ম উবাচ:
বসামি নিত্যং সুবহূদকাসু; সিংহৈর্গজৈশ্চাকুলিতোদকাসু |
১৬ খ
ভীষ্ম উবাচ:
মত্তে গজে গোবৃষভে নরেন্দ্রে; সিংহাসনে সৎপুরুষে চ নিত্যম্ ||
১৬ গ
ভীষ্ম উবাচ:
যস্মিন্গৃহে হূয়তে হব্যবাহো; গোব্রাহ্মণশ্চার্চ্যতে দেবতাশ্চ |
১৭ ক
ভীষ্ম উবাচ:
কালে চ পুষ্পৈর্বলয়ঃ ক্রিয়ন্তে; তস্মিন্গৃহে নিত্যমুপৈমি বাসম্ ||
১৭ খ
ভীষ্ম উবাচ:
স্বাধ্যায়নিত্যেষু দ্বিজেষু নিত্যং; ক্ষত্রে চ ধর্মাভিরতে সদৈব |
১৮ ক
ভীষ্ম উবাচ:
বৈশ্যে চ কৃষ্যাভিরতে বসামি; শূদ্রে চ শুশ্রূষণনিত্যযুক্তে ||
১৮ খ
ভীষ্ম উবাচ:
নারায়ণে ত্বেকমনা বসামি; সর্বেণ ভাবেন শরীরভূতা |
১৯ ক
ভীষ্ম উবাচ:
তস্মিন্হি ধর্মঃ সুমহান্নিবিষ্টো; ব্রহ্মণ্যতা চাত্র তথা প্রিয়ত্বম্ ||
১৯ খ
ভীষ্ম উবাচ:
নাহং শরীরেণ বসামি দেবি; নৈবং ময়া শক্যমিহাভিধাতুম্ |
২০ ক
ভীষ্ম উবাচ:
যস্মিংস্তু ভাবেন বসামি পুংসি; স বর্ধতে ধর্ময়শোর্থকামৈঃ ||
২০ খ