বৈশম্পায়ন উবাচ:
অথাপরোঽদৃশ্যত পাণ্ডবঃ প্রভু; র্বিরাটরাজ্ঞস্তুরগান্সমীক্ষতঃ |
১ ক
বৈশম্পায়ন উবাচ:
তমাপতন্তং দদৃশে পৃথগ্জনো; বিমুক্তমভ্রাদিব সূর্যমণ্ডলম্ ||
১ খ
বৈশম্পায়ন উবাচ:
স বৈ হয়ানৈক্ষত তাংস্ততস্ততঃ; সমীক্ষমাণং চ দদর্শ মৎস্যরাট্ |
২ ক
বৈশম্পায়ন উবাচ:
ততোঽব্রবীত্তাননুগানমিত্রহা; কুতোঽয়মায়াতি নরোঽমরপ্রভঃ ||
২ খ
বৈশম্পায়ন উবাচ:
অয়ং হয়ান্বীক্ষতি মামকান্দৃঢং; ধ্রুবং হয়জ্ঞো ভবিতা বিচক্ষণঃ |
৩ ক
বৈশম্পায়ন উবাচ:
প্রবেশ্যতামেষ সমীপমাশু মে; বিভাতি বীরো হি যথামরস্তথা ||
৩ খ
বৈশম্পায়ন উবাচ:
অভ্যেত্য রাজানমমিত্রহাব্রবী; জ্জয়োঽস্তু তে পার্থিব ভদ্রমস্তু চ |
৪ ক
বৈশম্পায়ন উবাচ:
হয়েষু যুক্তো নৃপ সংমতঃ সদা; তবাশ্বসূতো নিপুণো ভবাম্যহম্ ||
৪ খ
বিরাট উবাচ:
দদামি যানানি ধনং নিবেশনং; মমাশ্বসূতো ভবিতুং ত্বমর্হসি |
৫ ক
বিরাট উবাচ:
কুতোঽসি কস্যাসি কথং ত্বমাগতঃ; প্রব্রূহি শিল্পং তব বিদ্যতে চ যৎ ||
৫ খ
নকুল উবাচ:
পঞ্চানাং পাণ্ডুপুত্রাণাং জ্যেষ্ঠো রাজা যুধিষ্ঠিরঃ |
৬ ক
নকুল উবাচ:
তেনাহমশ্বেষু পুরা প্রকৃতঃ শত্রুকর্শন ||
৬ খ
নকুল উবাচ:
অশ্বানাং প্রকৃতিং বেদ্মি বিনয়ং চাপি সর্বশঃ |
৭ ক
নকুল উবাচ:
দুষ্টানাং প্রতিপত্তিং চ কৃৎস্নং চৈব চিকিৎসিতম্ ||
৭ খ
নকুল উবাচ:
ন কাতরং স্যান্মম জাতু বাহনং; ন মেঽস্তি দুষ্টা বডবা কুতো হয়াঃ |
৮ ক
নকুল উবাচ:
জনস্তু মামাহ স চাপি পাণ্ডবো; যুধিষ্ঠিরো গ্রন্থিকমেব নামতঃ ||
৮ খ
বিরাট উবাচ:
যদস্তি কিঞ্চিন্মম বাজিবাহনং; তদস্তু সর্বং ত্বদধীনমদ্য বৈ |
৯ ক
বিরাট উবাচ:
যে চাপি কেচিন্মম বাজিয়োজকা; স্ত্বদাশ্রয়াঃ সারথয়শ্চ সন্তু মে ||
৯ খ
বিরাট উবাচ:
ইদং তবেষ্টং যদি বৈ সুরোপম; ব্রবীহি যত্তে প্রসমীক্ষিতং বসু |
১০ ক
বিরাট উবাচ:
ন তেঽনুরূপং হয়কর্ম বিদ্যতে; প্রভাসি রাজেব হি সংমতো মম ||
১০ খ
বিরাট উবাচ:
যুধিষ্ঠিরস্যেব হি দর্শনেন মে; সমং তবেদং প্রিয়দর্শ দর্শনম্ |
১১ ক
বিরাট উবাচ:
কথং তু ভৃত্যৈঃ স বিনাকৃতো বনে; বসত্যনিন্দ্যো রমতে চ পাণ্ডবঃ ||
১১ খ
বৈশম্পায়ন উবাচ:
তথা স গন্ধর্ববরোপমো যুবা; বিরাটরাজ্ঞা মুদিতেন পূজিতঃ |
১২ ক
বৈশম্পায়ন উবাচ:
ন চৈনমন্যেঽপি বিদুঃ কথঞ্চন; প্রিয়াভিরামং বিচরন্তমন্তরা ||
১২ খ
বৈশম্পায়ন উবাচ:
এবং হি মৎস্যে ন্যবসন্ত পাণ্ডবা; যথাপ্রতিজ্ঞাভিরমোঘদর্শনাঃ |
১৩ ক
বৈশম্পায়ন উবাচ:
অজ্ঞাতচর্যাং ব্যচরন্সমাহিতাঃ; সমুদ্রনেমীপতয়োঽতিদুঃখিতাঃ ||
১৩ খ