দুর্যোধন উবাচ:
পরেষামেব যশসা শ্লাঘসে ত্বং; সদা ছন্নঃ কুৎসয়ন্ধার্তরাষ্ট্রান্ |
১ ক
দুর্যোধন উবাচ:
জানীমস্ত্বাং বিদুর যৎপ্রিয়স্ত্বং; বালানিবাস্মানবমন্যসে ত্বম্ ||
১ খ
দুর্যোধন উবাচ:
সুবিজ্ঞেয়ঃ পুরুষোঽন্যত্রকামো; নিন্দাপ্রশংসে হি তথা যুনক্তি |
২ ক
দুর্যোধন উবাচ:
জিহ্বা মনস্তে হৃদয়ং নির্ব্যনক্তি; জ্যায়ো নিরাহ মনসঃ প্রাতিকূল্যম্ ||
২ খ
দুর্যোধন উবাচ:
উৎসঙ্গেন ব্যাল ইবাহৃতোঽসি; মার্জারবৎপোষকং চোপহংসি |
৩ ক
দুর্যোধন উবাচ:
ভর্তৃঘ্নত্বান্ন হি পাপীয় আহু; স্তস্মাৎক্ষত্তঃ কিং ন বিভেষি পাপাৎ ||
৩ খ
দুর্যোধন উবাচ:
জিত্বা শত্রূন্ফলমাপ্তং মহন্নো; মাস্মান্ক্ষত্তঃ পরুষাণীহ বোচঃ |
৪ ক
দুর্যোধন উবাচ:
দ্বিষদ্ভিস্ত্বং সম্প্রয়োগাভিনন্দী; মুহুর্দ্বেষং যাসি নঃ সম্প্রমোহাৎ ||
৪ খ
দুর্যোধন উবাচ:
অমিত্রতাং যাতি নরোঽক্ষমং ব্রুব; ন্নিগূহতে গুহ্যমমিত্রসংস্তবে |
৫ ক
দুর্যোধন উবাচ:
তদাশ্রিতাপত্রপা কিং ন বাধতে; যদিচ্ছসি ত্বং তদিহাদ্য ভাষসে ||
৫ খ
দুর্যোধন উবাচ:
মা নোঽবমংস্থা বিদ্ম মনস্তবেদং; শিক্ষস্ব বুদ্ধিং স্থবিরাণাং সকাশাৎ |
৬ ক
দুর্যোধন উবাচ:
যশো রক্ষস্ব বিদুর সম্প্রণীতং; মা ব্যাপৃতঃ পরকার্যেষু ভূস্ত্বম্ ||
৬ খ
দুর্যোধন উবাচ:
অহং কর্তেতি বিদুর মাবমংস্থা; মা নো নিত্যং পরুষাণীহ বোচঃ |
৭ ক
দুর্যোধন উবাচ:
ন ত্বাং পৃচ্ছামি বিদুর যদ্ধিতং মে; স্বস্তি ক্ষত্তর্মা তিতিক্ষূন্ক্ষিণু ত্বম্ ||
৭ খ
দুর্যোধন উবাচ:
একঃ শাস্তা ন দ্বিতীয়োঽস্তি শাস্তা; গর্ভে শয়ানং পুরুষং শাস্তি শাস্তা |
৮ ক
দুর্যোধন উবাচ:
তেনানুশিষ্টঃ প্রবণাদিবাম্ভো; যথা নিয়ুক্তোঽস্মি তথা বহামি ||
৮ খ
দুর্যোধন উবাচ:
ভিনত্তি শিরসা শৈলমহিং ভোজয়তে চ যঃ |
৯ ক
দুর্যোধন উবাচ:
স এব তস্য কুরুতে কার্যাণামনুশাসনম্ ||
৯ খ
দুর্যোধন উবাচ:
যো বলাদনুশাস্তীহ সোঽমিত্রং তেন বিন্দতি |
১০ ক
দুর্যোধন উবাচ:
মিত্রতামনুবৃত্তং তু সমুপেক্ষেত পণ্ডিতঃ ||
১০ খ
দুর্যোধন উবাচ:
প্রদীপ্য যঃ প্রদীপ্তাগ্নিং প্রাক্ত্বরন্নাভিধাবতি |
১১ ক
দুর্যোধন উবাচ:
ভস্মাপি ন স বিন্দেত শিষ্টং ক্বচন ভারত ||
১১ খ
দুর্যোধন উবাচ:
ন বাসয়েৎপারবর্গ্যং দ্বিষন্তং; বিশেষতঃ ক্ষত্তরহিতং মনুষ্যম্ |
১২ ক
দুর্যোধন উবাচ:
স যত্রেচ্ছসি বিদুর তত্র গচ্ছ; সুসান্ত্বিতাপি হ্যসতী স্ত্রী জহাতি ||
১২ খ
বিদুর উবাচ:
এতাবতা যে পুরুষং ত্যজন্তি; তেষাং সখ্যমন্তবদ্ব্রূহি রাজন্ |
১৩ ক
বিদুর উবাচ:
রাজ্ঞাং হি চিত্তানি পরিপ্লুতানি; সান্ত্বং দত্ত্বা মুসলৈর্ঘাতয়ন্তি ||
১৩ খ
বিদুর উবাচ:
অবালস্ত্বং মন্যসে রাজপুত্র; বালোঽহমিত্যেব সুমন্দবুদ্ধে |
১৪ ক
বিদুর উবাচ:
যঃ সৌহৃদে পুরুষং স্থাপয়িত্বা; পশ্চাদেনং দূষয়তে স বালঃ ||
১৪ খ
বিদুর উবাচ:
ন শ্রেয়সে নীয়তে মন্দবুদ্ধিঃ; স্ত্রী শ্রোত্রিয়স্যেব গৃহে প্রদুষ্টা |
১৫ ক
বিদুর উবাচ:
ধ্রুবং ন রোচেদ্ভরতর্ষভস্য; পতিঃ কুমার্যা ইব ষষ্টিবর্ষঃ ||
১৫ খ
বিদুর উবাচ:
অনুপ্রিয়ং চেদনুকাঙ্ক্ষসে ত্বং; সর্বেষু কার্যেষু হিতাহিতেষু |
১৬ ক
বিদুর উবাচ:
স্ত্রিয়শ্চ রাজঞ্জডপঙ্গুকাংশ্চ; পৃচ্ছ ত্বং বৈ তাদৃশাংশ্চৈব মূঢান্ ||
১৬ খ
বিদুর উবাচ:
লভ্যঃ খলু প্রাতিপীয় নরোঽনুপ্রিয়বাগিহ |
১৭ ক
বিদুর উবাচ:
অপ্রিয়স্য তু পথ্যস্য বক্তা শ্রোতা চ দুর্লভঃ ||
১৭ খ
বিদুর উবাচ:
যস্তু ধর্মে পরাশ্বস্য হিত্বা ভর্তুঃ প্রিয়াপ্রিয়ে |
১৮ ক
বিদুর উবাচ:
অপ্রিয়াণ্যাহ পথ্যানি তেন রাজা সহায়বান্ ||
১৮ খ
বিদুর উবাচ:
অব্যাধিজং কটুকং তীক্ষ্ণমুষ্ণং; যশোমুষং পরুষং পূতিগন্ধি |
১৯ ক
বিদুর উবাচ:
সতাং পেয়ং যন্ন পিবন্ত্যসন্তো; মন্যুং মহারাজ পিব প্রশাম্য ||
১৯ খ
বিদুর উবাচ:
বৈচিত্রবীর্যস্য যশো ধনং চ; বাঞ্ছাম্যহং সহপুত্রস্য শশ্বৎ |
২০ ক
বিদুর উবাচ:
যথা তথা বোঽস্তু নমশ্চ বোঽস্তু; মমাপি চ স্বস্তি দিশন্তু বিপ্রাঃ ||
২০ খ
বিদুর উবাচ:
আশীবিষান্নেত্রবিষান্কোপয়েন্ন তু পণ্ডিতঃ |
২১ ক
বিদুর উবাচ:
এবং তেঽহং বদামীদং প্রয়তঃ কুরুনন্দন ||
২১ খ