ভীষ্ম উবাচ:
ধর্মান্বিতেষু বিজ্ঞাতো মন্ত্রী গুপ্তশ্চ পাণ্ডব |
৪৮ ক
ভীষ্ম উবাচ:
আপ্তো রাজন্কুলীনশ্চ পর্যাপ্তো রাজ্যসঙ্গ্রহে ||
৪৮ খ
ভীষ্ম উবাচ:
বিধিপ্রবৃত্তান্নরদেবধর্মা; নুক্তান্সমাসেন নিবোধ বুদ্ধ্যা |
৪৯ ক
ভীষ্ম উবাচ:
ইমান্বিদধ্যাদ্ব্যনুসৃত্য যো বৈ; রাজা মহীং পালয়িতুং স শক্তঃ ||
৪৯ খ
ভীষ্ম উবাচ:
অনীতিজং যদ্যবিধানজং সুখং; হঠপ্রণীতং বিবিধং প্রদৃশ্যতে |
৫০ ক
ভীষ্ম উবাচ:
ন বিদ্যতে তস্য গতির্মহীপতে; র্ন বিদ্যতে রাষ্ট্রজমুত্তমং সুখম্ ||
৫০ খ
ভীষ্ম উবাচ:
ধনৈর্বিশিষ্টান্মতিশীলপূজিতা; ন্গুণোপপন্নান্যুধি দৃষ্টবিক্রমান্ |
৫১ ক
ভীষ্ম উবাচ:
গুণেষু দৃষ্টানচিরাদিহাত্মবা; ন্সতোঽভিসন্ধায় নিহন্তি শাত্রবান্ ||
৫১ খ
ভীষ্ম উবাচ:
পশ্যেদুপায়ান্বিবিধৈঃ ক্রিয়াপথৈ; র্ন চানুপায়েন মতিং নিবেশয়েৎ |
৫২ ক
ভীষ্ম উবাচ:
শ্রিয়ং বিশিষ্টাং বিপুলং যশো ধনং; ন দোষদর্শী পুরুষঃ সমশ্নুতে ||
৫২ খ
ভীষ্ম উবাচ:
প্রীতিপ্রবৃত্তৌ বিনিবর্তনে তথা; সুহৃৎসু বিজ্ঞায় নিবৃত্য চোভয়োঃ |
৫৩ ক
ভীষ্ম উবাচ:
যদেব মিত্রং গুরুভারমাবহে; ত্তদেব সুস্নিগ্ধমুদাহরেদ্বুধঃ ||
৫৩ খ
ভীষ্ম উবাচ:
এতান্ময়োক্তাংস্তব রাজধর্মা; ন্নৃণাং চ গুপ্তৌ মতিমাদধৎস্ব |
৫৪ ক
ভীষ্ম উবাচ:
অবাপ্স্যসে পুণ্যফলং সুখেন; সর্বো হি লোকোত্তমধর্মমূলঃ ||
৫৪ খ