সাত্যকিরু উবাচ:
ন রাম কালঃ পরিদেবনায়; যদুত্তরং তত্র তদেব সর্বে |
১ ক
সাত্যকিরু উবাচ:
সমাচরামো হ্যনতীতকালং; যুধিষ্ঠিরো যদ্যপি নাহ কিঞ্চিৎ ||
১ খ
সাত্যকিরু উবাচ:
যে নাথবন্তো হি ভবন্তি লোকে; তে নাত্মনা কর্ম সমারভন্তে |
২ ক
সাত্যকিরু উবাচ:
তেষাং তু কার্যেষু ভবন্তি নাথাঃ; শৈব্যাদয়ো রাম যথা যয়াতেঃ ||
২ খ
সাত্যকিরু উবাচ:
যেষাং তথা রাম সমারভন্তে; কার্যাণি নাথাঃ স্বমতেন লোকে |
৩ ক
সাত্যকিরু উবাচ:
তে নাথবন্তঃ পুরুষপ্রবীরা; নানাথবৎকৃচ্ছ্রমবাপ্নুবন্তি ||
৩ খ
সাত্যকিরু উবাচ:
কস্মাদয়ং রামজনার্দনৌ চ; প্রদ্যুম্নসাম্বৌ চ ময়া সমেতৌ |
৪ ক
সাত্যকিরু উবাচ:
বসত্যরণ্যে সহ সোদরীয়ৈ; স্ত্রৈলোক্যনাথানধিগম্য নাথান্ ||
৪ খ
সাত্যকিরু উবাচ:
নির্যাতু সাধ্বদ্য দশার্হসেনা; প্রভূতনানায়ুধচিত্রবর্মা |
৫ ক
সাত্যকিরু উবাচ:
যমক্ষয়ং গচ্ছতু ধার্তরাষ্ট্রঃ; সবান্ধবো বৃষ্ণিবলাভিভূতঃ ||
৫ খ
সাত্যকিরু উবাচ:
ত্বং হ্যেব কোপাৎপৃথিবীমপীমাং; সংবেষ্টয়েস্তিষ্ঠতু শার্ঙ্গধন্বা |
৬ ক
সাত্যকিরু উবাচ:
স ধার্তরাষ্ট্রং জহি সানুবন্ধং; বৃত্রং যথা দেবপতির্মহেন্দ্রঃ ||
৬ খ
সাত্যকিরু উবাচ:
ভ্রাতা চ মে যশ্চ সখা গুরুশ্চ; জনার্দনস্যাত্মসমশ্চ পার্থঃ |
৭ ক
সাত্যকিরু উবাচ:
যদর্থমভ্যুদ্যতমুত্তমং ত; ৎকরোতি কর্মাগ্র্যমপারণীয়ম্ ||
৭ খ
সাত্যকিরু উবাচ:
তস্যাস্ত্রবর্ষাণ্যহমুত্তমাস্ত্রৈ; র্বিহত্য সর্বাণি রণেঽভিভূয় |
৮ ক
সাত্যকিরু উবাচ:
কায়াচ্ছিরঃ সর্পবিষাগ্নিকল্পৈঃ; শরোত্তমৈরুন্মথিতাস্মি রাম ||
৮ খ
সাত্যকিরু উবাচ:
খড্গেন চাহং নিশিতেন সঙ্খ্যে; কায়াচ্ছিরস্তস্য বলাৎপ্রমথ্য |
৯ ক
সাত্যকিরু উবাচ:
ততোঽস্য সর্বাননুগান্হনিষ্যে; দুর্যোধনং চাপি কুরূংশ্চ সর্বান্ ||
৯ খ
সাত্যকিরু উবাচ:
আত্তায়ুধং মামিহ রৌহিণেয়; পশ্যন্তু ভৌমা যুধি জাতহর্ষাঃ |
১০ ক
সাত্যকিরু উবাচ:
নিঘ্নন্তমেকং কুরুয়োধমুখ্যা; ন্কালে মহাকক্ষমিবান্তকাগ্নিঃ ||
১০ খ
সাত্যকিরু উবাচ:
প্রদ্যুম্নমুক্তান্নিশিতান্ন শক্তাঃ; সোঢুং কৃপদ্রোণবিকর্ণকর্ণাঃ |
১১ ক
সাত্যকিরু উবাচ:
জানামি বীর্যং চ তবাত্মজস্য; কার্ষ্ণির্ভবত্যেষ যথা রণস্থঃ ||
১১ খ
সাত্যকিরু উবাচ:
সাম্বঃ সসূতং সরথং ভুজাভ্যাং; দুঃশাসনং শাস্তু বলাৎপ্রমথ্য |
১২ ক
সাত্যকিরু উবাচ:
ন বিদ্যতে জাম্ববতীসুতস্য; রণেঽবিষহ্যং হি রণোৎকটস্য ||
১২ খ
সাত্যকিরু উবাচ:
এতেন বালেন হি শম্বরস্য; দৈত্যস্য সৈন্যং সহসা প্রণুন্নম্ |
১৩ ক
সাত্যকিরু উবাচ:
বৃত্তোরুরত্যায়তপীনবাহু; রেতেন সঙ্খ্যে নিহতোঽশ্বচক্রঃ |
১৩ খ
সাত্যকিরু উবাচ:
কো নাম সাম্বস্য রণে মনুষ্যো; গত্বান্তরং বৈ ভুজয়োর্ধরেত ||
১৩ গ
সাত্যকিরু উবাচ:
যথা প্রবিশ্যান্তরমন্তকস্য; কালে মনুষ্যো ন বিনিষ্ক্রমেত |
১৪ ক
সাত্যকিরু উবাচ:
তথা প্রবিশ্যান্তরমস্য সঙ্খ্যে; কো নাম জীবন্পুনরাব্রজেত ||
১৪ খ
সাত্যকিরু উবাচ:
দ্রোণং চ ভীষ্মং চ মহারথৌ তৌ; সুতৈর্বৃতং চাপ্যথ সোমদত্তম্ |
১৫ ক
সাত্যকিরু উবাচ:
সর্বাণি সৈন্যানি চ বাসুদেবঃ; প্রধক্ষ্যতে সায়কবহ্নিজালৈঃ ||
১৫ খ
সাত্যকিরু উবাচ:
কিং নাম লোকেষ্ববিষহ্যমস্তি; কৃষ্ণস্য সর্বেষু সদৈবতেষু |
১৬ ক
সাত্যকিরু উবাচ:
আত্তায়ুধস্যোত্তমবাণপাণে; শ্চক্রায়ুধস্যাপ্রতিমস্য যুদ্ধে ||
১৬ খ
সাত্যকিরু উবাচ:
ততোঽনিরুদ্ধোঽপ্যসিচর্মপাণি; র্মহীমিমাং ধার্তরাষ্ট্রৈর্বিসঞ্জ্ঞৈঃ |
১৭ ক
সাত্যকিরু উবাচ:
হৃতোত্তমাঙ্গৈর্নিহতৈঃ করোতু; কীর্ণাং কুশৈর্বেদিমিবাধ্বরেষু ||
১৭ খ
সাত্যকিরু উবাচ:
গদোল্মুকৌ বাহুকভানুনীথাঃ; শূরশ্চ সঙ্খ্যে নিশঠঃ কুমারঃ |
১৮ ক
সাত্যকিরু উবাচ:
রণোৎকটৌ সারণচারুদেষ্ণৌ; কুলোচিতং বিপ্রথয়ন্তু কর্ম ||
১৮ খ
সাত্যকিরু উবাচ:
সবৃষ্ণিভোজান্ধকয়োধমুখ্যা; সমাগতা ক্ষত্রিয়শূরসেনা |
১৯ ক
সাত্যকিরু উবাচ:
হত্বা রণে তান্ধৃতরাষ্ট্রপুত্রাঁ; ল্লোকে যশঃ স্ফীতমুপাকরোতু ||
১৯ খ
সাত্যকিরু উবাচ:
ততোঽভিমন্যুঃ পৃথিবীং প্রশাস্তু; যাবদ্ব্রতং ধর্মভৃতাং বরিষ্ঠঃ |
২০ ক
সাত্যকিরু উবাচ:
যুধিষ্ঠিরঃ পারয়তে মহাত্মা; দ্যূতে যথোক্তং কুরুসত্তমেন ||
২০ খ
সাত্যকিরু উবাচ:
অস্মৎপ্রমুক্তৈর্বিশিখৈর্জিতারি; স্ততো মহীং ভোক্ষ্যতি ধর্মরাজঃ |
২১ ক
সাত্যকিরু উবাচ:
নির্ধার্তরাষ্ট্রাং হতসূতপুত্রা; মেতদ্ধি নঃ কৃত্যতমং যশশ্যম্ ||
২১ খ
বাসুদেব উবাচ:
অসংশয়ং মাধব সত্যমেত; দ্গৃহ্ণীম তে বাক্যমদীনসত্ত্ব |
২২ ক
বাসুদেব উবাচ:
স্বাভ্যাং ভুজাভ্যামজিতাং তু ভূমিং; নেচ্ছেৎকুরূণামৃষভঃ কথঞ্চিৎ ||
২২ খ
বাসুদেব উবাচ:
ন হ্যেষ কামান্ন ভয়ান্ন লোভা; দ্যুধিষ্ঠিরো জাতু জহ্যাৎস্বধর্মম্ |
২৩ ক
বাসুদেব উবাচ:
ভীমার্জুনৌ চাতিরথৌ যমৌ বা; তথৈব কৃষ্ণা দ্রুপদাত্মজেয়ম্ ||
২৩ খ
বাসুদেব উবাচ:
উভৌ হি যুদ্ধেঽপ্রতিমৌ পৃথিব্যাং; বৃকোদরশ্চৈব ধনঞ্জয়শ্চ |
২৪ ক
বাসুদেব উবাচ:
কস্মান্ন কৃৎস্নাং পৃথিবীং প্রশাসে; ন্মাদ্রীসুতাভ্যাং চ পুরস্কৃতোঽয়ম্ ||
২৪ খ
বাসুদেব উবাচ:
যদা তু পাঞ্চালপতির্মহাত্মা; সকেকয়শ্চেদিপতির্বয়ং চ |
২৫ ক
বাসুদেব উবাচ:
যোৎস্যাম বিক্রম্য পরাংস্তদা বৈ; সুয়োধনস্ত্যক্ষ্যতি জীবলোকম্ ||
২৫ খ
যুধিষ্ঠির উবাচ:
নৈতচ্চিত্রং মাধব যদ্ব্রবীষি; সত্যং তু মে রক্ষ্যতমং ন রাজ্যম্ |
২৬ ক
যুধিষ্ঠির উবাচ:
কৃষ্ণস্তু মাং বেদ যথাবদেকঃ; কৃষ্ণং চ বেদাহমথো যথাবৎ ||
২৬ খ
যুধিষ্ঠির উবাচ:
যদৈব কালং পুরুষপ্রবীরো; বেৎস্যত্যযং মাধব বিক্রমস্য |
২৭ ক
যুধিষ্ঠির উবাচ:
তদা রণে ত্বং চ শিনিপ্রবীর; সুয়োধনং জেষ্যসি কেশবশ্চ ||
২৭ খ
যুধিষ্ঠির উবাচ:
প্রতিপ্রয়ান্ত্বদ্য দশার্হবীরা; দৃঢোঽস্মি নাথৈর্নরলোকনাথৈঃ |
২৮ ক
যুধিষ্ঠির উবাচ:
ধর্মেঽপ্রমাদং কুরুতাপ্রমেয়া; দ্রষ্টাস্মি ভূয়ঃ সুখিনঃ সমেতান্ ||
২৮ খ
বৈশম্পায়ন উবাচ:
তেঽন্যোন্যমামন্ত্র্য তথাভিবাদ্য; বৃদ্ধান্পরিস্বজ্য শিশূংশ্চ সর্বান্ |
২৯ ক
বৈশম্পায়ন উবাচ:
যদুপ্রবীরাঃ স্বগৃহাণি জগ্মূ; রাজাপি তীর্থান্যনুসঞ্চচার ||
২৯ খ
বৈশম্পায়ন উবাচ:
বিসৃজ্য কৃষ্ণং ত্বথ ধর্মরাজো; বিদর্ভরাজোপচিতাং সুতীর্থাম্ |
৩০ ক
বৈশম্পায়ন উবাচ:
সুতেন সোমেন বিমিশ্রিতোদাং; ততঃ পয়োষ্ণীং প্রতি স হ্যুবাস ||
৩০ খ