যুধিষ্ঠির উবাচ:
কিং কর্তব্যং মনুষ্যেণ লোকয়াত্রাহিতার্থিনা |
১ ক
যুধিষ্ঠির উবাচ:
কথং বৈ লোকয়াত্রাং তু কিংশীলশ্চ সমাচরেৎ ||
১ খ
ভীষ্ম উবাচ:
কায়েন ত্রিবিধং কর্ম বাচা চাপি চতুর্বিধম্ |
২ ক
ভীষ্ম উবাচ:
মনসা ত্রিবিধং চৈব দশ কর্মপথাংস্ত্যজেৎ ||
২ খ
ভীষ্ম উবাচ:
প্রাণাতিপাতং স্তৈন্যং চ পরদারমথাপি চ |
৩ ক
ভীষ্ম উবাচ:
ত্রীণি পাপানি কায়েন সর্বতঃ পরিবর্জয়েৎ ||
৩ খ
ভীষ্ম উবাচ:
অসৎপ্রলাপং পারুষ্যং পৈশুন্যমনৃতং তথা |
৪ ক
ভীষ্ম উবাচ:
চত্বারি বাচা রাজেন্দ্র ন জল্পেন্নানুচিন্তয়েৎ ||
৪ খ
ভীষ্ম উবাচ:
অনভিধ্যা পরস্বেষু সর্বসত্ত্বেষু সৌহৃদম্ |
৫ ক
ভীষ্ম উবাচ:
কর্মণাং ফলমস্তীতি ত্রিবিধং মনসা চরেৎ ||
৫ খ
ভীষ্ম উবাচ:
তস্মাদ্বাক্কায়মনসা নাচরেদশুভং নরঃ |
৬ ক
ভীষ্ম উবাচ:
শুভাশুভান্যাচরন্হি তস্য তস্যাশ্নুতে ফলম্ ||
৬ খ