সঞ্জয় উবাচ:
অথোত্তরেণ পাণ্ডূনাং সেনায়াং ধ্বনিরুত্থিতঃ |
১ ক
সঞ্জয় উবাচ:
রথনাগাশ্বপত্তীনাং দণ্ডধারেণ বধ্যতাম্ ||
১ খ
সঞ্জয় উবাচ:
নিবর্তয়িত্বা তু রথং কেশবোঽর্জুনমব্রবীৎ |
২ ক
সঞ্জয় উবাচ:
বাহয়ন্নেব তুরগান্গরুডানিলরংহসঃ ||
২ খ
সঞ্জয় উবাচ:
মাগধোঽথাপ্যতিক্রান্তো দ্বিরদেন প্রমাথিনা |
৩ ক
সঞ্জয় উবাচ:
ভগদত্তাদনবরঃ শিক্ষয়া চ বলেন চ ||
৩ খ
সঞ্জয় উবাচ:
এনং হত্বা নিহন্তাসি পুনঃ সংশপ্তকানিতি |
৪ ক
সঞ্জয় উবাচ:
বাক্যান্তে প্রাপয়ৎপার্থং দণ্ডধারান্তিকং প্রতি ||
৪ খ
সঞ্জয় উবাচ:
স মাগধানাং প্রবরোঽঙ্কুশগ্রহো; গ্রহেষ্বসহ্যো বিকচো যথা গ্রহঃ |
৫ ক
সঞ্জয় উবাচ:
সপত্নসেনাং প্রমমাথ দারুণো; মহীং সমগ্রাং বিকচো যথা গ্রহঃ ||
৫ খ
সঞ্জয় উবাচ:
সুকল্পিতং দানবনাগসংনিভং; মহাভ্রসংহ্রাদমমিত্রমর্দনম্ |
৬ ক
সঞ্জয় উবাচ:
রথাশ্বমাতঙ্গগণান্সহস্রশঃ; সমাস্থিতো হন্তি শরৈর্দ্বিপানপি ||
৬ খ
সঞ্জয় উবাচ:
রথানধিষ্ঠায় সবাজিসারথী; ন্রথাংশ্চ পদ্ভিস্ত্বরিতো ব্যপোথয়ৎ |
৭ ক
সঞ্জয় উবাচ:
দ্বিপাংশ্চ পদ্ভ্যাং চরণৈঃ করেণ চ; দ্বিপাস্থিতো হন্তি স কালচক্রবৎ ||
৭ খ
সঞ্জয় উবাচ:
নরাংশ্চ কার্ষ্ণায়সবর্মভূষণা; ন্নিপাত্য সাশ্বানপি পত্তিভিঃ সহ |
৮ ক
সঞ্জয় উবাচ:
ব্যপোথয়দ্দন্তিবরেণ শুষ্মিণা; সশব্দবৎস্থূলনডান্যথা তথা ||
৮ খ
সঞ্জয় উবাচ:
অথার্জুনো জ্যাতলনেমিনিস্বনে; মৃদঙ্গভেরীবহুশঙ্খনাদিতে |
৯ ক
সঞ্জয় উবাচ:
নরাশ্বমাতঙ্গসহস্রনাদিতৈ; রথোত্তমেনাভ্যপতদ্দ্বিপোত্তমম্ ||
৯ খ
সঞ্জয় উবাচ:
ততোঽর্জুনং দ্বাদশভিঃ শরোত্তমৈ; র্জনার্দনং ষোডশভিঃ সমার্দয়ৎ |
১০ ক
সঞ্জয় উবাচ:
স দণ্ডধারস্তুরগাংস্ত্রিভিস্ত্রিভি; স্ততো ননাদ প্রজহাস চাসকৃৎ ||
১০ খ
সঞ্জয় উবাচ:
ততোঽস্য পার্থঃ সগুণেষুকার্মুকং; চকর্ত ভল্লৈর্ধ্বজমপ্যলঙ্কৃতম্ |
১১ ক
সঞ্জয় উবাচ:
পুনর্নিয়ন্তৄন্সহ পাদগোপ্তৃভি; স্ততস্তু চুক্রোধ গিরিব্রজেশ্বরঃ ||
১১ খ
সঞ্জয় উবাচ:
ততোঽর্জুনং ভিন্নকটেন দন্তিনা; ঘনাঘনেনানিলতুল্যরংহসা |
১২ ক
সঞ্জয় উবাচ:
অতীব চুক্ষোভয়িষুর্জনার্দনং; ধনঞ্জয়ং চাভিজঘান তোমরৈঃ ||
১২ খ
সঞ্জয় উবাচ:
অথাস্য বাহূ দ্বিপহস্তসংনিভৌ; শিরশ্চ পূর্ণেন্দুনিভাননং ত্রিভিঃ |
১৩ ক
সঞ্জয় উবাচ:
ক্ষুরৈঃ প্রচিচ্ছেদ সহৈব পাণ্ডব; স্ততো দ্বিপং বাণশতৈঃ সমার্দয়ৎ ||
১৩ খ
সঞ্জয় উবাচ:
স পার্থবাণৈস্তপনীয়ভূষণৈঃ; সমারুচৎকাঞ্চনবর্মভৃদ্দ্বিপঃ |
১৪ ক
সঞ্জয় উবাচ:
তথা চকাশে নিশি পর্বতো যথা; দবাগ্নিনা প্রজ্বলিতৌষধিদ্রুমঃ ||
১৪ খ
সঞ্জয় উবাচ:
স বেদনার্তোঽম্বুদনিস্বনো নদং; শ্চলন্ভ্রমন্প্রস্খলিতোঽঽতুরো দ্রবন্ |
১৫ ক
সঞ্জয় উবাচ:
পপাত রুগ্ণঃ সনিয়ন্তৃকস্তথা; যথা গিরির্বজ্রনিপাতচূর্ণিতঃ ||
১৫ খ
সঞ্জয় উবাচ:
হিমাবদাতেন সুবর্ণমালিনা; হিমাদ্রিকূটপ্রতিমেন দন্তিনা |
১৬ ক
সঞ্জয় উবাচ:
হতে রণে ভ্রাতরি দণ্ড আব্রজ; জ্জিঘাংসুরিন্দ্রাবরজং ধনঞ্জয়ম্ ||
১৬ খ
সঞ্জয় উবাচ:
স তোমরৈরর্ককরপ্রভৈস্ত্রিভি; র্জনার্দনং পঞ্চভিরেব চার্জুনম্ |
১৭ ক
সঞ্জয় উবাচ:
সমর্পয়িত্বা বিননাদ চার্দয়ং; স্ততোঽস্য বাহূ বিচকর্ত পাণ্ডবঃ ||
১৭ খ
সঞ্জয় উবাচ:
ক্ষুরপ্রকৃত্তৌ সুভৃশং সতোমরৌ; চ্যুতাঙ্গদৌ চন্দনরূষিতৌ ভুজৌ |
১৮ ক
সঞ্জয় উবাচ:
গজাৎপতন্তৌ যুগপদ্বিরেজতু; র্যথাদ্রিশৃঙ্গাৎপতিতৌ মহোরগৌ ||
১৮ খ
সঞ্জয় উবাচ:
অথার্ধচন্দ্রেণ হৃতং কিরীটিনা; পপাত দণ্ডস্য শিরঃ ক্ষিতিং দ্বিপাৎ |
১৯ ক
সঞ্জয় উবাচ:
তচ্ছোণিতাভং নিপতদ্বিরেজে; দিবাকরোঽস্তাদিব পশ্চিমাং দিশম্ ||
১৯ খ
সঞ্জয় উবাচ:
অথ দ্বিপং শ্বেতনগাগ্রসংনিভং; দিবাকরাংশুপ্রতিমৈঃ শরোত্তমৈঃ |
২০ ক
সঞ্জয় উবাচ:
বিভেদ পার্থঃ স পপাত নানদ; ন্হিমাদ্রিকূটঃ কুলিশাহতো যথা ||
২০ খ
সঞ্জয় উবাচ:
ততোঽপরে তৎপ্রতিমা গজোত্তমা; জিগীষবঃ সংয়তি সব্যসাচিনম্ |
২১ ক
সঞ্জয় উবাচ:
তথা কৃতাস্তেন যথৈব তৌ দ্বিপৌ; ততঃ প্রভগ্নং সুমহদ্রিপোর্বলম্ ||
২১ খ
সঞ্জয় উবাচ:
গজা রথাশ্বাঃ পুরুষাশ্চ সঙ্ঘশঃ; পরস্পরঘ্নাঃ পরিপেতুরাহবে |
২২ ক
সঞ্জয় উবাচ:
পরস্পরপ্রস্খলিতাঃ সমাহতা; ভৃশং চ তত্তৎকুলভাষিণো হতাঃ ||
২২ খ
সঞ্জয় উবাচ:
অথার্জুনং স্বে পরিবার্য সৈনিকাঃ; পুরন্দরং দেবগণা ইবাব্রুবন্ |
২৩ ক
সঞ্জয় উবাচ:
অভৈষ্ম যস্মান্মরণাদিব প্রজাঃ; স বীর দিষ্ট্যা নিহতস্ত্বয়া রিপুঃ ||
২৩ খ
সঞ্জয় উবাচ:
ন চেৎপরিত্রাস্য ইমাঞ্জনান্ভয়া; দ্দ্বিষদ্ভিরেবং বলিভিঃ প্রপীডিতান্ |
২৪ ক
সঞ্জয় উবাচ:
তথাভবিষ্যদ্দ্বিষতাং প্রমোদনং; যথা হতেষ্বেষ্বিহ নোঽরিষু ত্বয়া ||
২৪ খ
সঞ্জয় উবাচ:
ইতীব ভূয়শ্চ সুহৃদ্ভিরীরিতা; নিশম্য বাচঃ সুমনাস্ততোঽর্জুনঃ |
২৫ ক
সঞ্জয় উবাচ:
যথানুরূপং প্রতিপূজ্য তং জনং; জগাম সংশপ্তকসঙ্ঘহা পুনঃ ||
২৫ খ