লোমশ উবাচ:
যঃ কথ্যতে মন্ত্রবিদগ্র্যবুদ্ধি; রৌদ্দালকিঃ শ্বেতকেতুঃ পৃথিব্যাম্ |
১ ক
লোমশ উবাচ:
তস্যাশ্রমং পশ্য নরেন্দ্র পুণ্যং; সদাফলৈরুপপন্নং মহীজৈঃ ||
১ খ
লোমশ উবাচ:
সাক্ষাদত্র শ্বেতকেতুর্দদর্শ; সরস্বতীং মানুষদেহরূপাম্ |
২ ক
লোমশ উবাচ:
বেৎস্যামি বাণীমিতি সম্প্রবৃত্তাং; সরস্বতীং শ্বেতকেতুর্বভাষে ||
২ খ
লোমশ উবাচ:
তস্মিন্কালে ব্রহ্মবিদাং বরিষ্ঠা; বাস্তাং তদা মাতুলভাগিনেয়ৌ |
৩ ক
লোমশ উবাচ:
অষ্টাবক্রশ্চৈব কহোডসূনু; রৌদ্দালকিঃ শ্বেতকেতুশ্চ রাজন্ ||
৩ খ
লোমশ উবাচ:
বিদেহরাজস্য মহীপতেস্তৌ; বিপ্রাবুভৌ মাতুলভাগিনেয়ৌ |
৪ ক
লোমশ উবাচ:
প্রবিশ্য যজ্ঞায়তনং বিবাদে; বন্দিং নিজগ্রাহতুরপ্রমেয়ম্ ||
৪ খ
যুধিষ্ঠির উবাচ:
কথম্প্রভাবঃ স বভূব বিপ্র; স্তথায়ুক্তং যো নিজগ্রাহ বন্দিম্ |
৫ ক
যুধিষ্ঠির উবাচ:
অষ্টাবক্রঃ কেন চাসৌ বভূব; তৎসর্বং মে লোমশ শংস তত্ত্বম্ ||
৫ খ
লোমশ উবাচ:
উদ্দালকস্য নিয়তঃ শিষ্য একো; নাম্না কহোডেতি বভূব রাজন্ |
৬ ক
লোমশ উবাচ:
শুশ্রূষুরাচার্যবশানুবর্তী; দীর্ঘং কালং সোঽধ্যযনং চকার ||
৬ খ
লোমশ উবাচ:
তং বৈ বিপ্রাঃ পর্যভবংশ্চ শিষ্যা; স্তং চ জ্ঞাত্বা বিপ্রকারং গুরুঃ সঃ |
৭ ক
লোমশ উবাচ:
তস্মৈ প্রাদাৎসদ্য এব শ্রুতং চ; ভার্যাং চ বৈ দুহিতরং স্বাং সুজাতাম্ ||
৭ খ
লোমশ উবাচ:
তস্যা গর্ভঃ সমভবদগ্নিকল্পঃ; সোঽধীয়ানং পিতরমথাভ্যুবাচ |
৮ ক
লোমশ উবাচ:
সর্বাং রাত্রিমধ্যযনং করোষি; নেদং পিতঃ সম্যগিবোপবর্ততে ||
৮ খ
লোমশ উবাচ:
উপালব্ধঃ শিষ্যমধ্যে মহর্ষিঃ; স তং কোপাদুদরস্থং শশাপ |
৯ ক
লোমশ উবাচ:
যস্মাৎকুক্ষৌ বর্তমানো ব্রবীষি; তস্মাদ্বক্রো ভবিতাস্যষ্টকৃত্বঃ ||
৯ খ
লোমশ উবাচ:
স বৈ তথা বক্র এবাভ্যজায়; দষ্টাবক্রঃ প্রথিতো বৈ মহর্ষিঃ |
১০ ক
লোমশ উবাচ:
তস্যাসীদ্বৈ মাতুলঃ শ্বেতকেতুঃ; স তেন তুল্যো বয়সা বভূব ||
১০ খ
লোমশ উবাচ:
সম্পীড্যমানা তু তদা সুজাতা; বিবর্ধমানেন সুতেন কুক্ষৌ |
১১ ক
লোমশ উবাচ:
উবাচ ভর্তারমিদং রহোগতা; প্রসাদ্য হীনং বসুনা ধনার্থিনী ||
১১ খ
লোমশ উবাচ:
কথং করিষ্যাম্যধনা মহর্ষে; মাসশ্চায়ং দশমো বর্ততে মে |
১২ ক
লোমশ উবাচ:
ন চাস্তি তে বসু কিঞ্চিৎপ্রজাতা; যেনাহমেতামাপদং নিস্তরেয়ম্ ||
১২ খ
লোমশ উবাচ:
উক্তস্ত্বেবং ভার্যযা বৈ কহোডো; বিত্তস্যার্থে জনকমথাভ্যগচ্ছৎ |
১৩ ক
লোমশ উবাচ:
স বৈ তদা বাদবিদা নিগৃহ্য; নিমজ্জিতো বন্দিনেহাপ্সু বিপ্রঃ ||
১৩ খ
লোমশ উবাচ:
উদ্দালকস্তং তু তদা নিশম্য; সূতেন বাদেঽপ্সু তথা নিমজ্জিতম্ |
১৪ ক
লোমশ উবাচ:
উবাচ তাং তত্র ততঃ সুজাতা; মষ্টাবক্রে গূহিতব্যোঽয়মর্থঃ ||
১৪ খ
লোমশ উবাচ:
ররক্ষ সা চাপ্যতি তং সুমন্ত্রং; জাতোঽপ্যেবং ন স শুশ্রাব বিপ্রঃ |
১৫ ক
লোমশ উবাচ:
উদ্দালকং পিতৃবচ্চাপি মেনে; অষ্টাবক্রো ভ্রাতৃবচ্ছ্বেতকেতুম্ ||
১৫ খ
লোমশ উবাচ:
ততো বর্ষে দ্বাদশে শ্বেতকেতু; রষ্টাবক্রং পিতুরঙ্কে নিসন্নম্ |
১৬ ক
লোমশ উবাচ:
অপাকর্ষদ্গৃহ্য পাণৌ রুদন্তং; নায়ং তবাঙ্কঃ পিতুরিত্যুক্তবাংশ্চ ||
১৬ খ
লোমশ উবাচ:
যত্তেনোক্তং দুরুক্তং তত্তদানীং; হৃদি স্থিতং তস্য সুদুঃখমাসীৎ |
১৭ ক
লোমশ উবাচ:
গৃহং গত্বা মাতরং রোদমানঃ; পপ্রচ্ছেদং ক্ব নু তাতো মমেতি ||
১৭ খ
লোমশ উবাচ:
ততঃ সুজাতা পরমার্তরূপা; শাপাদ্ভীতা সর্বমেবাচচক্ষে |
১৮ ক
লোমশ উবাচ:
তদ্বৈ তত্ত্বং সর্বমাজ্ঞায় মাতু; রিত্যব্রবীচ্ছ্বেতকেতুং স বিপ্রঃ ||
১৮ খ
লোমশ উবাচ:
গচ্ছাব যজ্ঞং জনকস্য রাজ্ঞো; বহ্বাশ্চর্যঃ শ্রূয়তে তস্য যজ্ঞঃ |
১৯ ক
লোমশ উবাচ:
শ্রোষ্যাবোঽত্র ব্রাহ্মণানাং বিবাদ; মন্নং চাগ্র্যং তত্র ভোক্ষ্যাবহে চ |
১৯ খ
লোমশ উবাচ:
বিচক্ষণত্বং চ ভবিষ্যতে নৌ; শিবশ্চ সৌম্যশ্চ হি ব্রহ্মঘোষঃ ||
১৯ গ
লোমশ উবাচ:
তৌ জগ্মতুর্মাতুলভাগিনেয়ৌ; যজ্ঞং সমৃদ্ধং জনকস্য রাজ্ঞঃ |
২০ ক
লোমশ উবাচ:
অষ্টাবক্রঃ পথি রাজ্ঞা সমেত্য; উৎসার্যমাণো বাক্যমিদং জগাদ ||
২০ খ