অষ্টাবক্র উবাচ:
অন্ধস্য পন্থা বধিরস্য পন্থাঃ; স্ত্রিয়ঃ পন্থা বৈবধিকস্য পন্থাঃ |
১ ক
অষ্টাবক্র উবাচ:
রাজ্ঞঃ পন্থা ব্রাহ্মণেনাসমেত্য; সমেত্য তু ব্রাহ্মণস্যৈব পন্থাঃ ||
১ খ
রাজো উবাচ:
পন্থা অয়ং তেঽদ্য ময়া নিসৃষ্টো; যেনেচ্ছসে তেন কামং ব্রজস্ব |
২ ক
রাজো উবাচ:
ন পাবকো বিদ্যতে বৈ লঘীয়া; নিন্দ্রোঽপি নিত্যং নমতে ব্রাহ্মণানাম্ ||
২ খ
অষ্টাবক্র উবাচ:
যজ্ঞং দ্রষ্টুং প্রাপ্তবন্তৌ স্ব তাত; কৌতূহলং নৌ বলবদ্বৈ বিবৃদ্ধম্ |
৩ ক
অষ্টাবক্র উবাচ:
আবাং প্রাপ্তাবতিথী সম্প্রবেশং; কাঙ্ক্ষাবহে দ্বারপতে তবাজ্ঞাম্ ||
৩ খ
অষ্টাবক্র উবাচ:
ঐন্দ্রদ্যুম্নের্যজ্ঞদৃশাবিহাবাং; বিবক্ষূ বৈ জনকেন্দ্রং দিদৃক্ষূ |
৪ ক
অষ্টাবক্র উবাচ:
ন বৈ ক্রোধাদ্ব্যাধিনৈবোত্তমেন; সংয়োজয় দ্বারপাল ক্ষণেন ||
৪ খ
দ্বারপাল উবাচ:
বন্দেঃ সমাদেশকরা বয়ং স্ম; নিবোধ বাক্যং চ ময়ের্যমাণম্ |
৫ ক
দ্বারপাল উবাচ:
ন বৈ বালাঃ প্রবিশন্ত্যত্র বিপ্রা; বৃদ্ধা বিদ্বাংসঃ প্রবিশন্তি দ্বিজাগ্র্যাঃ ||
৫ খ
অষ্টাবক্র উবাচ:
যদ্যত্র বৃদ্ধেষু কৃতঃ প্রবেশো; যুক্তং মম দ্বারপাল প্রবেষ্টুম্ |
৬ ক
অষ্টাবক্র উবাচ:
বয়ং হি বৃদ্ধাশ্চরিতব্রতাশ্চ; বেদপ্রভাবেন প্রবেশনার্হাঃ ||
৬ খ
অষ্টাবক্র উবাচ:
শুশ্রূষবশ্চাপি জিতেন্দ্রিয়াশ্চ; জ্ঞানাগমে চাপি গতাঃ স্ম নিষ্ঠাম্ |
৭ ক
অষ্টাবক্র উবাচ:
ন বাল ইত্যবমন্তব্যমাহু; র্বালোঽপ্যগ্নির্দহতি স্পৃশ্যমানঃ ||
৭ খ
দ্বারপাল উবাচ:
সরস্বতীমীরয় বেদজুষ্টা; মেকাক্ষরাং বহুরূপাং বিরাজম্ |
৮ ক
দ্বারপাল উবাচ:
অঙ্গাত্মানং সমবেক্ষস্ব বালং; কিং শ্লাঘসে দুর্লভা বাদসিদ্ধিঃ ||
৮ খ
অষ্টাবক্র উবাচ:
ন জ্ঞায়তে কায়বৃদ্ধ্যা বিবৃদ্ধি; র্যথাষ্ঠীলা শাল্মলেঃ সম্প্রবৃদ্ধা |
৯ ক
অষ্টাবক্র উবাচ:
হ্রস্বোঽল্পকায়ঃ ফলিতো বিবৃদ্ধো; যশ্চাফলস্তস্য ন বৃদ্ধভাবঃ ||
৯ খ
দ্বারপাল উবাচ:
বৃদ্ধেভ্য এবেহ মতিং স্ম বালা; গৃহ্ণন্তি কালেন ভবন্তি বৃদ্ধাঃ |
১০ ক
দ্বারপাল উবাচ:
ন হি জ্ঞানমল্পকালেন শক্যং; কস্মাদ্বালো বৃদ্ধ ইবাবভাষসে ||
১০ খ
অষ্টাবক্র উবাচ:
ন তেন স্থবিরো ভবতি যেনাস্য পলিতং শিরঃ |
১১ ক
অষ্টাবক্র উবাচ:
বালোঽপি যঃ প্রজানাতি তং দেবাঃ স্থবিরং বিদুঃ ||
১১ খ
অষ্টাবক্র উবাচ:
ন হায়নৈর্ন পলিতৈর্ন বিত্তেন ন বন্ধুভিঃ |
১২ ক
অষ্টাবক্র উবাচ:
ঋষয়শ্চক্রিরে ধর্মং যোঽনূচানঃ স নো মহান্ ||
১২ খ
অষ্টাবক্র উবাচ:
দিদৃক্ষুরস্মি সম্প্রাপ্তো বন্দিনং রাজসংসদি |
১৩ ক
অষ্টাবক্র উবাচ:
নিবেদয়স্ব মাং দ্বাঃস্থ রাজ্ঞে পুষ্করমালিনে ||
১৩ খ
অষ্টাবক্র উবাচ:
দ্রষ্টাস্যদ্য বদতো দ্বারপাল; মনীষিভিঃ সহ বাদে বিবৃদ্ধে |
১৪ ক
অষ্টাবক্র উবাচ:
উতাহো বাপ্যুচ্চতাং নীচতাং বা; তূষ্ণীং ভূতেষ্বথ সর্বেষু চাদ্য ||
১৪ খ
দ্বারপাল উবাচ:
কথং যজ্ঞং দশবর্ষো বিশেস্ত্বং; বিনীতানাং বিদুষাং সম্প্রবেশ্যম্ |
১৫ ক
দ্বারপাল উবাচ:
উপায়তঃ প্রয়তিষ্যে তবাহং; প্রবেশনে কুরু যত্নং যথাবৎ ||
১৫ খ
অষ্টাবক্র উবাচ:
ভো ভো রাজঞ্জনকানাং বরিষ্ঠ; সভাজ্যস্ত্বং ত্বয়ি সর্বং সমৃদ্ধম্ |
১৬ ক
অষ্টাবক্র উবাচ:
ত্বং বা কর্তা কর্মণাং যজ্ঞিয়ানাং; যয়াতিরেকো নৃপতির্বা পুরস্তাৎ ||
১৬ খ
অষ্টাবক্র উবাচ:
বিদ্বান্বন্দী বেদবিদো নিগৃহ্য; বাদে ভগ্নানপ্রতিশঙ্কমানঃ |
১৭ ক
অষ্টাবক্র উবাচ:
ত্বয়া নিসৃষ্টৈঃ পুরুষৈরাপ্তকৃদ্ভি; র্জলে সর্বান্মজ্জয়তীতি নঃ শ্রুতম্ ||
১৭ খ
অষ্টাবক্র উবাচ:
স তচ্ছ্রুত্বা ব্রাহ্মণানাং সকাশা; দ্ব্রহ্মোদ্যং বৈ কথয়িতুমাগতোঽস্মি |
১৮ ক
অষ্টাবক্র উবাচ:
ক্বাসৌ বন্দী যাবদেনং সমেত্য; নক্ষত্রাণীব সবিতা নাশয়ামি ||
১৮ খ
রাজো উবাচ:
আশংসসে বন্দিনং ত্বং বিজেতু; মবিজ্ঞাত্বা বাক্যবলং পরস্য |
১৯ ক
রাজো উবাচ:
বিজ্ঞাতবীর্যৈঃ শক্যমেবং প্রবক্তুং; দৃষ্টশ্চাসৌ ব্রাহ্মণৈর্বাদশীলৈঃ ||
১৯ খ
অষ্টাবক্র উবাচ:
বিবাদিতোঽসৌ ন হি মাদৃশৈর্হি; সিংহীকৃতস্তেন বদত্যভীতঃ |
২০ ক
অষ্টাবক্র উবাচ:
সমেত্য মাং নিহতঃ শেষ্যতেঽদ্য; মার্গে ভগ্নং শকটমিবাবলাক্ষম্ ||
২০ খ
রাজো উবাচ:
ষণ্ণাভের্দ্বাদশাক্ষস্য চতুর্বিংশতিপর্বণঃ |
২১ ক
রাজো উবাচ:
যস্ত্রিষষ্টিশতারস্য বেদার্থং স পরঃ কবিঃ ||
২১ খ
অষ্টাবক্র উবাচ:
চতুর্বিংশতিপর্ব ত্বাং ষণ্ণাভি দ্বাদশপ্রধি |
২২ ক
অষ্টাবক্র উবাচ:
তত্ত্রিষষ্টিশতারং বৈ চক্রং পাতু সদাগতি ||
২২ খ
রাজো উবাচ:
বডবে ইব সংয়ুক্তে শ্যেনপাতে দিবৌকসাম্ |
২৩ ক
রাজো উবাচ:
কস্তয়োর্গর্ভমাধত্তে গর্ভং সুষুবতুশ্চ কম্ ||
২৩ খ
অষ্টাবক্র উবাচ:
মা স্ম তে তে গৃহে রাজঞ্শাত্রবাণামপি ধ্রুবম্ |
২৪ ক
অষ্টাবক্র উবাচ:
বাতসারথিরাধত্তে গর্ভং সুষুবতুশ্চ তম্ ||
২৪ খ
রাজো উবাচ:
কিং স্বিৎসুপ্তং ন নিমিষতি কিং স্বিজ্জাতং ন চোপতি |
২৫ ক
রাজো উবাচ:
কস্য স্বিদ্ধৃদয়ং নাস্তি কিং স্বিদ্বেগেন বর্ধতে ||
২৫ খ
অষ্টাবক্র উবাচ:
মৎস্যঃ সুপ্তো ন নিমিষত্যণ্ডং জাতং ন চোপতি |
২৬ ক
অষ্টাবক্র উবাচ:
অশ্মনো হৃদয়ং নাস্তি নদী বেগেন বর্ধতে ||
২৬ খ
রাজো উবাচ:
ন ত্বা মন্যে মানুষং দেবসত্ত্বং; ন ত্বং বালঃ স্থবিরস্ত্বং মতো মে |
২৭ ক
রাজো উবাচ:
ন তে তুল্যো বিদ্যতে বাক্প্রলাপে; তস্মাদ্দ্বারং বিতরাম্যেষ বন্দী ||
২৭ খ