ভীষ্ম উবাচ:
অত্র গাথা ব্রহ্মগীতাঃ কীর্তয়ন্তি পুরাবিদঃ |
১ ক
ভীষ্ম উবাচ:
যেন মার্গেণ রাজানঃ কোশং সঞ্জনয়ন্তি চ ||
১ খ
ভীষ্ম উবাচ:
ন ধনং যজ্ঞশীলানাং হার্যং দেবস্বমেব তৎ |
২ ক
ভীষ্ম উবাচ:
দস্যূনাং নিষ্ক্রিয়াণাং চ ক্ষত্রিয়ো হর্তুমর্হতি ||
২ খ
ভীষ্ম উবাচ:
ইমাঃ প্রজাঃ ক্ষত্রিয়াণাং রক্ষ্যাশ্চাদ্যাশ্চ ভারত |
৩ ক
ভীষ্ম উবাচ:
ধনং হি ক্ষত্রিয়স্যেহ দ্বিতীয়স্য ন বিদ্যতে ||
৩ খ
ভীষ্ম উবাচ:
তদস্য স্যাদ্বলার্থং বা ধনং যজ্ঞার্থমেব বা |
৪ ক
ভীষ্ম উবাচ:
অভোগ্যা হ্যোষধীশ্ছিত্ত্বা ভোগ্যা এব পচন্ত্যুত ||
৪ খ
ভীষ্ম উবাচ:
যো বৈ ন দেবান্ন পিতৄন্ন মর্ত্যান্হবিষার্চতি |
৫ ক
ভীষ্ম উবাচ:
আনন্তিকাং তাং ধনিতামাহুর্বেদবিদো জনাঃ ||
৫ খ
ভীষ্ম উবাচ:
হরেত্তদ্দ্রবিণং রাজন্ধার্মিকঃ পৃথিবীপতিঃ |
৬ ক
ভীষ্ম উবাচ:
ন হি তৎপ্রীণয়েল্লোকান্ন কোশং তদ্বিধং নৃপঃ ||
৬ খ
ভীষ্ম উবাচ:
অসাধুভ্যো নিরাদায় সাধুভ্যো যঃ প্রয়চ্ছতি |
৭ ক
ভীষ্ম উবাচ:
আত্মানং সঙ্ক্রমং কৃত্বা মন্যে ধর্মবিদেব সঃ ||
৭ খ
ভীষ্ম উবাচ:
ঔদ্ভিজ্জা জন্তবঃ কেচিদ্যুক্তবাচো যথা তথা |
৮ ক
ভীষ্ম উবাচ:
অনিষ্টতঃ সম্ভবন্তি তথায়জ্ঞঃ প্রতায়তে ||
৮ খ
ভীষ্ম উবাচ:
যথৈব দংশমশকং যথা চাণ্ডপিপীলিকম্ |
৯ ক
ভীষ্ম উবাচ:
সৈব বৃত্তিরয়জ্ঞেষু তথা ধর্মো বিধীয়তে ||
৯ খ
ভীষ্ম উবাচ:
যথা হ্যকস্মাদ্ভবতি ভূমৌ পাংসুতৃণোলপম্ |
১০ ক
ভীষ্ম উবাচ:
তথৈবেহ ভবেদ্ধর্মঃ সূক্ষ্মঃ সূক্ষ্মতরোঽপি চ ||
১০ খ