অষ্টাবক্র উবাচ:
অত্রোগ্রসেনসমিতেষু রাজ; ন্সমাগতেষ্বপ্রতিমেষু রাজসু |
১ ক
অষ্টাবক্র উবাচ:
ন বৈ বিবিৎসান্তরমস্তি বাদিনাং; মহাজলে হংসনিনাদিনামিব ||
১ খ
অষ্টাবক্র উবাচ:
ন মেঽদ্য বক্ষ্যস্যতিবাদিমানি; ন্গ্লহং প্রপন্নঃ সরিতামিবাগমঃ |
২ ক
অষ্টাবক্র উবাচ:
হুতাশনস্যেব সমিদ্ধতেজসঃ; স্থিরো ভবস্বেহ মমাদ্য বন্দিন্ ||
২ খ
বন্দ্যু উবাচ:
ব্যাঘ্রং শয়ানং প্রতি মা প্রবোধয়; আশীবিষং সৃক্কিণী লেলিহানম্ |
৩ ক
বন্দ্যু উবাচ:
পদাহতস্যেব শিরোঽভিহত্য; নাদষ্টো বৈ মোক্ষ্যসে তন্নিবোধ ||
৩ খ
বন্দ্যু উবাচ:
যো বৈ দর্পাৎসংহননোপপন্নঃ; সুদুর্বলঃ পর্বতমাবিহন্তি |
৪ ক
বন্দ্যু উবাচ:
তস্যৈব পাণিঃ সনখো বিশীর্যতে; ন চৈব শৈলস্য হি দৃশ্যতে ব্রণঃ ||
৪ খ
বন্দ্যু উবাচ:
সর্বে রাজ্ঞো মৈথিলস্য মৈনাকস্যেব পর্বতাঃ |
৫ ক
বন্দ্যু উবাচ:
নিকৃষ্টভূতা রাজানো বৎসা অনদুহো যথা ||
৫ খ
লোমশ উবাচ:
অষ্টাবক্রঃ সমিতৌ গর্জমানো; জাতক্রোধো বন্দিনমাহ রাজন্ |
৬ ক
লোমশ উবাচ:
উক্তে বাক্যে চোত্তরং মে ব্রবীহি; বাক্যস্য চাপ্যুত্তরং তে ব্রবীমি ||
৬ খ
বন্দ্যু উবাচ:
এক এবাগ্নির্বহুধা সমিধ্যতে; একঃ সূর্যঃ সর্বমিদং প্রভাসতে |
৭ ক
বন্দ্যু উবাচ:
একো বীরো দেবরাজো নিহন্তা; যমঃ পিতৄণামীশ্বরশ্চৈক এব ||
৭ খ
অষ্টাবক্র উবাচ:
দ্বাবিন্দ্রাগ্নী চরতো বৈ সখায়ৌ; দ্বৌ দেবর্ষী নারদঃ পর্বতশ্চ |
৮ ক
অষ্টাবক্র উবাচ:
দ্বাবশ্বিনৌ দ্বে চ রথস্য চক্রে; ভার্যাপতী দ্বৌ বিহিতৌ বিধাত্রা ||
৮ খ
বন্দ্যু উবাচ:
ত্রিঃ সূয়তে কর্মণা বৈ প্রজেয়ং; ত্রয়ো যুক্তা বাজপেয়ং বহন্তি |
৯ ক
বন্দ্যু উবাচ:
অধ্বর্যবস্ত্রিষবণানি তন্বতে; ত্রয়ো লোকাস্ত্রীণি জ্যোতীংষি চাহুঃ ||
৯ খ
অষ্টাবক্র উবাচ:
চতুষ্টয়ং ব্রাহ্মণানাং নিকেতং; চত্বারো যুক্তা যজ্ঞমিমং বহন্তি |
১০ ক
অষ্টাবক্র উবাচ:
দিশশ্চতস্রশ্চতুরশ্চ বর্ণা; শ্চতুষ্পদা গৌরপি শশ্বদুক্তা ||
১০ খ
বন্দ্যু উবাচ:
পঞ্চাগ্নয়ঃ পঞ্চপদা চ পঙ্ক্তি; র্যজ্ঞাঃ পঞ্চৈবাপ্যথ পঞ্চেন্দ্রিয়াণি |
১১ ক
বন্দ্যু উবাচ:
দৃষ্টা বেদে পঞ্চচূডাশ্চ পঞ্চ; লোকে খ্যাতং পঞ্চনদং চ পুণ্যম্ ||
১১ খ
অষ্টাবক্র উবাচ:
ষডাধানে দক্ষিণামাহুরেকে; ষডেবেমে ঋতবঃ কালচক্রম্ |
১২ ক
অষ্টাবক্র উবাচ:
ষডিন্দ্রিয়াণ্যুত ষট্কৃত্তিকাশ্চ; ষট্সাদ্যস্কাঃ সর্ববেদেষু দৃষ্টাঃ ||
১২ খ
বন্দ্যু উবাচ:
সপ্ত গ্রাম্যাঃ পশবঃ সপ্ত বন্যাঃ; সপ্ত ছন্দাংসি ক্রতুমেকং বহন্তি |
১৩ ক
বন্দ্যু উবাচ:
সপ্তর্ষয়ঃ সপ্ত চাপ্যর্হণানি; সপ্ততন্ত্রী প্রথিতা চৈব বীণা ||
১৩ খ
অষ্টাবক্র উবাচ:
অষ্টৌ শাণাঃ শতমানং বহন্তি; তথাষ্টপাদঃ শরভঃ সিংহঘাতী |
১৪ ক
অষ্টাবক্র উবাচ:
অষ্টৌ বসূঞ্শুশ্রুম দেবতাসু; যূপশ্চাষ্টাস্রির্বিহিতঃ সর্বয়জ্ঞঃ ||
১৪ খ
বন্দ্যু উবাচ:
নবৈবোক্তাঃ সামিধেন্যঃ পিতৄণাং; তথা প্রাহুর্নবয়োগং বিষর্গম্ |
১৫ ক
বন্দ্যু উবাচ:
নবাক্ষরা বৃহতী সম্প্রদিষ্টা; নবয়োগো গণনামেতি শশ্বৎ ||
১৫ খ
অষ্টাবক্র উবাচ:
দশা দশোক্তাঃ পুরুষস্য লোকে; সহস্রমাহুর্দশ পূর্ণং শতানি |
১৬ ক
অষ্টাবক্র উবাচ:
দশৈব মাসান্বিভ্রতি গর্ভবত্যো; দশেরকা দশ দাশা দশার্ণাঃ ||
১৬ খ
বন্দ্যু উবাচ:
একাদশৈকাদশিনঃ পশূনা; মেকাদশৈবাত্র ভবন্তি যূপাঃ |
১৭ ক
বন্দ্যু উবাচ:
একাদশ প্রাণভৃতাং বিকারা; একাদশোক্তা দিবি দেবেষু রুদ্রাঃ ||
১৭ খ
অষ্টাবক্র উবাচ:
সংবৎসরং দ্বাদশ মাসমাহু; র্জগত্যাঃ পাদো দ্বাদশৈবাক্ষরাণি |
১৮ ক
অষ্টাবক্র উবাচ:
দ্বাদশাহঃ প্রাকৃতো যজ্ঞ উক্তো; দ্বাদশাদিত্যান্কথয়ন্তীহ বিপ্রাঃ ||
১৮ খ
বন্দ্যু উবাচ:
ত্রয়োদশী তিথিরুক্তা মহোগ্রা; ত্রয়োদশদ্বীপবতী মহী চ |
১৯ ক
লোমশ উবাচ:
এতাবদুক্ত্বা বিররাম বন্দী; শ্লোকস্যার্ধং ব্যাজহারাষ্টবক্রঃ |
২০ ক
লোমশ উবাচ:
ত্রয়োদশাহানি সসার কেশী; ত্রয়োদশাদীন্যতিচ্ছন্দাংসি চাহুঃ ||
২০ খ
লোমশ উবাচ:
ততো মহানুদতিষ্ঠন্নিনাদ; স্তূষ্ণীম্ভূতং সূতপুত্রং নিশম্য |
২১ ক
লোমশ উবাচ:
অধোমুখং ধ্যানপরং তদানী; মষ্টাবক্রং চাপ্যুদীর্যন্তমেব ||
২১ খ
লোমশ উবাচ:
তস্মিংস্তথা সঙ্কুলে বর্তমানে; স্ফীতে যজ্ঞে জনকস্যাথ রাজ্ঞঃ |
২২ ক
লোমশ উবাচ:
অষ্টাবক্রং পূজয়ন্তোঽভ্যুপেয়ু; র্বিপ্রাঃ সর্বে প্রাঞ্জলয়ঃ প্রতীতাঃ ||
২২ খ
অষ্টাবক্র উবাচ:
অনেন বৈ ব্রাহ্মণাঃ শুশ্রুবাংসো; বাদে জিত্বা সলিলে মজ্জিতাঃ কিল |
২৩ ক
অষ্টাবক্র উবাচ:
তানেব ধর্মানয়মদ্য বন্দী; প্রাপ্নোতু গৃহ্যাপ্সু নিমজ্জয়ৈনম্ ||
২৩ খ
বন্দ্যু উবাচ:
অহং পুত্রো বরুণস্যোত রাজ্ঞ; স্তত্রাস সত্রং দ্বাদশবার্ষিকং বৈ |
২৪ ক
বন্দ্যু উবাচ:
সত্রেণ তে জনক তুল্যকালং; তদর্থং তে প্রহিতা মে দ্বিজাগ্র্যাঃ ||
২৪ খ
বন্দ্যু উবাচ:
এতে সর্বে বরুণস্যোত যজ্ঞং; দ্রষ্টুং গতা ইহ আয়ান্তি ভূয়ঃ |
২৫ ক
বন্দ্যু উবাচ:
অষ্টাবক্রং পূজয়ে পূজনীয়ং; যস্য হেতোর্জনিতারং সমেষ্যে ||
২৫ খ
অষ্টাবক্র উবাচ:
বিপ্রাঃ সমুদ্রাম্ভসি মজ্জিতাস্তে; বাচা জিতা মেধয়া আবিদানাঃ |
২৬ ক
অষ্টাবক্র উবাচ:
তাং মেধয়া বাচমথোজ্জহার; যথা বাচমবচিন্বন্তি সন্তঃ ||
২৬ খ
অষ্টাবক্র উবাচ:
অগ্নির্দহঞ্জাতবেদাঃ সতাং গৃহা; ন্বিসর্জয়ংস্তেজসা ন স্ম ধাক্ষীৎ |
২৭ ক
অষ্টাবক্র উবাচ:
বালেষু পুত্রেষু কৃপণং বদৎসু; তথা বাচমবচিন্বন্তি সন্তঃ ||
২৭ খ
অষ্টাবক্র উবাচ:
শ্লেষ্মাতকী ক্ষীণবর্চাঃ শৃণোষি; উতাহো ত্বাং স্তুতয়ো মাদয়ন্তি |
২৮ ক
অষ্টাবক্র উবাচ:
হস্তীব ত্বং জনক বিতুদ্যমানো; ন মামিকাং বাচমিমাং শৃণোষি ||
২৮ খ
জনক উবাচ:
শৃণোমি বাচং তব দিব্যরূপা; মমানুষীং দিব্যরূপোঽসি সাক্ষাৎ |
২৯ ক
জনক উবাচ:
অজৈষীর্যদ্বন্দিনং ত্বং বিবাদে; নিসৃষ্ট এষ তব কামোঽদ্য বন্দী ||
২৯ খ
অষ্টাবক্র উবাচ:
নানেন জীবতা কশ্চিদর্থো মে বন্দিনা নৃপ |
৩০ ক
অষ্টাবক্র উবাচ:
পিতা যদ্যস্য বরুণো মজ্জয়ৈনং জলাশয়ে ||
৩০ খ
বন্দ্যু উবাচ:
অহং পুত্রো বরুণস্যোত রাজ্ঞো; ন মে ভয়ং সলিলে মজ্জিতস্য |
৩১ ক
বন্দ্যু উবাচ:
ইমং মুহূর্তং পিতরং দ্রক্ষ্যতেঽয়; মষ্টাবক্রশ্চিরনষ্টং কহোডম্ ||
৩১ খ
লোমশ উবাচ:
ততস্তে পূজিতা বিপ্রা বরুণেন মহাত্মনা |
৩২ ক
লোমশ উবাচ:
উদতিষ্ঠন্ত তে সর্বে জনকস্য সমীপতঃ ||
৩২ খ
কহোড উবাচ:
ইত্যর্থমিচ্ছন্তি সুতাঞ্জনা জনক কর্মণা |
৩৩ ক
কহোড উবাচ:
যদহং নাশকং কর্তুং তৎপুত্রঃ কৃতবান্মম ||
৩৩ খ
কহোড উবাচ:
উতাবলস্য বলবানুত বালস্য পণ্ডিতঃ |
৩৪ ক
কহোড উবাচ:
উত বাবিদুষো বিদ্বান্পুত্রো জনক জায়তে ||
৩৪ খ
বন্দ্যু উবাচ:
শিতেন তে পরশুনা স্বয়মেবান্তকো নৃপ |
৩৫ ক
বন্দ্যু উবাচ:
শিরাংস্যপাহরত্বাজৌ রিপূণাং ভদ্রমস্তু তে ||
৩৫ খ
বন্দ্যু উবাচ:
মহদুক্থ্যং গীয়তে সাম চাগ্র্যং; সম্যক্সোমঃ পীয়তে চাত্র সত্রে |
৩৬ ক
বন্দ্যু উবাচ:
শুচীন্ভাগান্প্রতিজগৃহুশ্চ হৃষ্টাঃ; সাক্ষাদ্দেবা জনকস্যেহ যজ্ঞে ||
৩৬ খ
লোমশ উবাচ:
সমুত্থিতেষ্বথ সর্বেষু রাজ; ন্বিপ্রেষু তেষ্বধিকং সুপ্রভেষু |
৩৭ ক
লোমশ উবাচ:
অনুজ্ঞাতো জনকেনাথ রাজ্ঞা; বিবেশ তোয়ং সাগরস্যোত বন্দী ||
৩৭ খ
লোমশ উবাচ:
অষ্টাবক্রঃ পিতরং পূজয়িত্বা; সম্পূজিতো ব্রাহ্মণৈস্তৈর্যথাবৎ |
৩৮ ক
লোমশ উবাচ:
প্রত্যাজগামাশ্রমমেব চাগ্র্যং; জিত্বা বন্দিং সহিতো মাতুলেন ||
৩৮ খ
লোমশ উবাচ:
অত্র কৌন্তেয় সহিতো ভ্রাতৃভিস্ত্বং; সুখোষিতঃ সহ বিপ্রৈঃ প্রতীতঃ |
৩৯ ক
লোমশ উবাচ:
পুণ্যান্যন্যানি শুচিকর্মৈকভক্তি; র্ময়া সার্ধং চরিতাস্যাজমীঢ ||
৩৯ খ