যুধিষ্ঠির উবাচ:
ব্রাহ্মণানর্চসে রাজন্সততং সংশিতব্রতান্ |
১ ক
যুধিষ্ঠির উবাচ:
কং তু কর্মোদয়ং দৃষ্ট্বা তানর্চসি নরাধিপ ||
১ খ
যুধিষ্ঠির উবাচ:
কাং বা ব্রাহ্মণপূজায়াং ব্যুষ্টিং দৃষ্ট্বা মহাব্রত |
২ ক
যুধিষ্ঠির উবাচ:
তানর্চসি মহাবাহো সর্বমেতদ্বদস্ব মে ||
২ খ
ভীষ্ম উবাচ:
এষ তে কেশবঃ সর্বমাখ্যাস্যতি মহামতিঃ |
৩ ক
ভীষ্ম উবাচ:
ব্যুষ্টিং ব্রাহ্মণপূজায়াং দৃষ্টব্যুষ্টির্মহাব্রতঃ ||
৩ খ
ভীষ্ম উবাচ:
বলং শ্রোত্রে বাঙ্মনশ্চক্ষুষী চ; জ্ঞানং তথা ন বিশুদ্ধং মমাদ্য |
৪ ক
ভীষ্ম উবাচ:
দেহন্যাসো নাতিচিরান্মতো মে; ন চাতিতূর্ণং সবিতাদ্য যাতি ||
৪ খ
ভীষ্ম উবাচ:
উক্তা ধর্মা যে পুরাণে মহান্তো; ব্রাহ্মণানাং ক্ষত্রিয়াণাং বিশাং চ |
৫ ক
ভীষ্ম উবাচ:
পৌরাণং যে দণ্ডমুপাসতে চ; শেষং কৃষ্ণাদুপশিক্ষস্ব পার্থ ||
৫ খ
ভীষ্ম উবাচ:
অহং হ্যেনং বেদ্মি তত্ত্বেন কৃষ্ণং; যোঽয়ং হি যচ্চাস্য বলং পুরাণম্ |
৬ ক
ভীষ্ম উবাচ:
অমেয়াত্মা কেশবঃ কৌরবেন্দ্র; সোঽয়ং ধর্মং বক্ষ্যতি সংশয়েষু ||
৬ খ
ভীষ্ম উবাচ:
কৃষ্ণঃ পৃথ্বীমসৃজৎখং দিবং চ; বরাহোঽয়ং ভীমবলঃ পুরাণঃ |
৭ ক
ভীষ্ম উবাচ:
অস্য চাধোঽথান্তরিক্ষং দিবং চ; দিশশ্চতস্রঃ প্রদিশশ্চতস্রঃ |
৭ খ
ভীষ্ম উবাচ:
সৃষ্টিস্তথৈবেয়মনুপ্রসূতা; স নির্মমে বিশ্বমিদং পুরাণম্ ||
৭ গ
ভীষ্ম উবাচ:
অস্য নাভ্যাং পুষ্করং সম্প্রসূতং; যত্রোৎপন্নঃ স্বয়মেবামিতৌজাঃ |
৮ ক
ভীষ্ম উবাচ:
যেনাচ্ছিন্নং তত্তমঃ পার্থ ঘোরং; যত্তত্তিষ্ঠত্যর্ণবং তর্জয়ানম্ ||
৮ খ
ভীষ্ম উবাচ:
কৃতে যুগে ধর্ম আসীৎসমগ্র; স্ত্রেতাকালে জ্ঞানমনুপ্রপন্নঃ |
৯ ক
ভীষ্ম উবাচ:
বলং ত্বাসীদ্দ্বাপরে পার্থ কৃষ্ণঃ; কলাবধর্মঃ ক্ষিতিমাজগাম ||
৯ খ
ভীষ্ম উবাচ:
স পূর্বদেবো নিজঘান দৈত্যা; ন্স পূর্বদেবশ্চ বভূব সম্রাট্ |
১০ ক
ভীষ্ম উবাচ:
স ভূতানাং ভাবনো ভূতভব্যঃ; স বিশ্বস্যাস্য জগতশ্চাপি গোপ্তা ||
১০ খ
ভীষ্ম উবাচ:
যদা ধর্মো গ্লায়তি বৈ সুরাণাং; তদা কৃষ্ণো জায়তে মানুষেষু |
১১ ক
ভীষ্ম উবাচ:
ধর্মে স্থিত্বা স তু বৈ ভাবিতাত্মা; পরাংশ্চ লোকানপরাংশ্চ যাতি ||
১১ খ
ভীষ্ম উবাচ:
ত্যাজ্যাংস্ত্যক্ত্বাথাসুরাণাং বধায়; কার্যাকার্যে কারণং চৈব পার্থ |
১২ ক
ভীষ্ম উবাচ:
কৃতং করিষ্যৎক্রিয়তে চ দেবো; মুহুঃ সোমং বিদ্ধি চ শক্রমেতম্ ||
১২ খ
ভীষ্ম উবাচ:
স বিশ্বকর্মা স চ বিশ্বরূপঃ; স বিশ্বভৃদ্বিশ্বসৃগ্বিশ্বজিচ্চ |
১৩ ক
ভীষ্ম উবাচ:
স শূলভৃচ্ছোণিতভৃৎকরাল; স্তং কর্মভির্বিদিতং বৈ স্তুবন্তি ||
১৩ খ
ভীষ্ম উবাচ:
তং গন্ধর্বা অপ্সরসশ্চ নিত্য; মুপতিষ্ঠন্তে বিবুধানাং শতানি |
১৪ ক
ভীষ্ম উবাচ:
তং রাক্ষসাশ্চ পরিসংবহন্তে; রায়স্পোষঃ স বিজিগীষুরেকঃ ||
১৪ খ
ভীষ্ম উবাচ:
তমধ্বরে শংসিতারঃ স্তুবন্তি; রথন্তরে সামগাশ্চ স্তুবন্তি |
১৫ ক
ভীষ্ম উবাচ:
তং ব্রাহ্মণা ব্রহ্মমন্ত্রৈঃ স্তুবন্তি; তস্মৈ হবিরধ্বর্যবঃ কল্পয়ন্তি ||
১৫ খ
ভীষ্ম উবাচ:
স পৌরাণীং ব্রহ্মগুহাং প্রবিষ্টো; মহীসত্রং ভারতাগ্রে দদর্শ |
১৬ ক
ভীষ্ম উবাচ:
স চৈব গামুদ্দধারাগ্র্যকর্মা; বিক্ষোভ্য দৈত্যানুরগান্দানবাংশ্চ ||
১৬ খ
ভীষ্ম উবাচ:
তস্য ভক্ষান্বিবিধান্বেদয়ন্তি; তমেবাজৌ বাহনং বেদয়ন্তি |
১৭ ক
ভীষ্ম উবাচ:
তস্যান্তরিক্ষং পৃথিবী দিবং চ; সর্বং বশে তিষ্ঠতি শাশ্বতস্য ||
১৭ খ
ভীষ্ম উবাচ:
স কুম্ভরেতাঃ সসৃজে পুরাণং; যত্রোৎপন্নমৃষিমাহুর্বসিষ্ঠম্ |
১৮ ক
ভীষ্ম উবাচ:
স মাতরিশ্বা বিভুরশ্ববাজী; স রশ্মিমান্সবিতা চাদিদেবঃ ||
১৮ খ
ভীষ্ম উবাচ:
তেনাসুরা বিজিতাঃ সর্ব এব; তস্য বিক্রান্তৈর্বিজিতানীহ ত্রীণি |
১৯ ক
ভীষ্ম উবাচ:
স দেবানাং মানুষাণাং পিতৄণাং; তমেবাহুর্যজ্ঞবিদাং বিতানম্ ||
১৯ খ
ভীষ্ম উবাচ:
স এব কালং বিভজন্নুদেতি; তস্যোত্তরং দক্ষিণং চায়নে দ্বে |
২০ ক
ভীষ্ম উবাচ:
তস্যৈবোর্ধ্বং তির্যগধশ্চরন্তি; গভস্তয়ো মেদিনীং তাপয়ন্তঃ ||
২০ খ
ভীষ্ম উবাচ:
তং ব্রাহ্মণা বেদবিদো জুষন্তি; তস্যাদিত্যো ভামুপয়ুজ্য ভাতি |
২১ ক
ভীষ্ম উবাচ:
স মাসি মাস্যধ্বরকৃদ্বিধত্তে; তমধ্বরে বেদবিদঃ পঠন্তি ||
২১ খ
ভীষ্ম উবাচ:
স একয়ুক্চক্রমিদং ত্রিনাভি; সপ্তাশ্বয়ুক্তং বহতে বৈ ত্রিধামা |
২২ ক
ভীষ্ম উবাচ:
মহাতেজাঃ সর্বগঃ সর্বসিংহঃ; কৃষ্ণো লোকান্ধারয়তে তথৈকঃ |
২২ খ
ভীষ্ম উবাচ:
অশ্নন্ননশ্নংশ্চ তথৈব ধীরঃ; কৃষ্ণং সদা পার্থ কর্তারমেহি ||
২২ গ
ভীষ্ম উবাচ:
স একদা কক্ষগতো মহাত্মা; তৃপ্তো বিভুঃ খাণ্ডবে ধূমকেতুঃ |
২৩ ক
ভীষ্ম উবাচ:
স রাক্ষসানুরগাংশ্চাবজিত্য; সর্বত্রগঃ সর্বমগ্নৌ জুহোতি ||
২৩ খ
ভীষ্ম উবাচ:
স এবাশ্বঃ শ্বেতমশ্বং প্রয়চ্ছ; ৎস এবাশ্বানথ সর্বাংশ্চকার |
২৪ ক
ভীষ্ম উবাচ:
ত্রিবন্ধুরস্তস্য রথস্ত্রিচক্র; স্ত্রিবৃচ্ছিরাশ্চতুরস্রশ্চ তস্য ||
২৪ খ
ভীষ্ম উবাচ:
স বিহায়ো ব্যদধাৎপঞ্চনাভিঃ; স নির্মমে গাং দিবমন্তরিক্ষম্ |
২৫ ক
ভীষ্ম উবাচ:
এবং রম্যানসৃজৎপর্বতাংশ্চ; হৃষীকেশোঽমিতদীপ্তাগ্নিতেজাঃ ||
২৫ খ
ভীষ্ম উবাচ:
স লঙ্ঘয়ন্বৈ সরিতো জিঘাংস; ন্স তং বজ্রং প্রহরন্তং নিরাস |
২৬ ক
ভীষ্ম উবাচ:
স মহেন্দ্রঃ স্তূয়তে বৈ মহাধ্বরে; বিপ্রৈরেকো ঋক্সহস্রৈঃ পুরাণৈঃ ||
২৬ খ
ভীষ্ম উবাচ:
দুর্বাসা বৈ তেন নান্যেন শক্যো; গৃহে রাজন্বাসয়িতুং মহৌজাঃ |
২৭ ক
ভীষ্ম উবাচ:
তমেবাহুরৃষিমেকং পুরাণং; স বিশ্বকৃদ্বিদধাত্যাত্মভাবান্ ||
২৭ খ
ভীষ্ম উবাচ:
বেদাংশ্চ যো বেদয়তেঽধিদেবো; বিধীংশ্চ যশ্চাশ্রয়তে পুরাণান্ |
২৮ ক
ভীষ্ম উবাচ:
কামে বেদে লৌকিকে যৎফলং চ; বিষ্বক্সেনে সর্বমেতৎপ্রতীহি ||
২৮ খ
ভীষ্ম উবাচ:
জ্যোতীংষি শুক্লানি চ সর্বলোকে; ত্রয়ো লোকা লোকপালাস্ত্রয়শ্চ |
২৯ ক
ভীষ্ম উবাচ:
ত্রয়োঽগ্নয়ো ব্যাহৃতয়শ্চ তিস্রঃ; সর্বে দেবা দেবকীপুত্র এব ||
২৯ খ
ভীষ্ম উবাচ:
সংবৎসরঃ স ঋতুঃ সোঽর্ধমাসঃ; সোঽহোরাত্রঃ স কলা বৈ স কাষ্ঠাঃ |
৩০ ক
ভীষ্ম উবাচ:
মাত্রা মুহূর্তাশ্চ লবাঃ ক্ষণাশ্চ; বিষ্বক্সেনে সর্বমেতৎপ্রতীহি ||
৩০ খ
ভীষ্ম উবাচ:
চন্দ্রাদিত্যৌ গ্রহনক্ষত্রতারাঃ; সর্বাণি দর্শান্যথ পৌর্ণমাস্যঃ |
৩১ ক
ভীষ্ম উবাচ:
নক্ষত্রয়োগা ঋতবশ্চ পার্থ; বিষ্বক্সেনাৎসর্বমেতৎপ্রসূতম্ ||
৩১ খ
ভীষ্ম উবাচ:
রুদ্রাদিত্যা বসবোঽথাশ্বিনৌ চ; সাধ্যা বিশ্বে মরুতাং ষড্গণাশ্চ |
৩২ ক
ভীষ্ম উবাচ:
প্রজাপতির্দেবমাতাদিতিশ্চ; সর্বে কৃষ্ণাদৃষয়শ্চৈব সপ্ত ||
৩২ খ
ভীষ্ম উবাচ:
বায়ুর্ভূত্বা বিক্ষিপতে চ বিশ্ব; মগ্নির্ভূত্বা দহতে বিশ্বরূপঃ |
৩৩ ক
ভীষ্ম উবাচ:
আপো ভূত্বা মজ্জয়তে চ সর্বং; ব্রহ্মা ভূত্বা সৃজতে বিশ্বসঙ্ঘান্ ||
৩৩ খ
ভীষ্ম উবাচ:
বেদ্যং চ যদ্বেদয়তে চ বেদা; ন্বিধিশ্চ যশ্চাশ্রয়তে বিধেয়ান্ |
৩৪ ক
ভীষ্ম উবাচ:
ধর্মে চ বেদে চ বলে চ সর্বং; চরাচরং কেশবং ত্বং প্রতীহি ||
৩৪ খ
ভীষ্ম উবাচ:
জ্যোতির্ভূতঃ পরমোঽসৌ পুরস্তা; ৎপ্রকাশয়ন্প্রভয়া বিশ্বরূপঃ |
৩৫ ক
ভীষ্ম উবাচ:
অপঃ সৃষ্ট্বা হ্যাত্মভূরাত্ময়োনিঃ; পুরাকরোৎসর্বমেবাথ বিশ্বম্ ||
৩৫ খ
ভীষ্ম উবাচ:
ঋতূনুৎপাতান্বিবিধান্যদ্ভুতানি; মেঘান্বিদ্যুৎসর্বমৈরাবতং চ |
৩৬ ক
ভীষ্ম উবাচ:
সর্বং কৃষ্ণাৎস্থাবরং জঙ্গমং চ; বিশ্বাখ্যাতাদ্বিষ্ণুমেনং প্রতীহি ||
৩৬ খ
ভীষ্ম উবাচ:
বিশ্বাবাসং নির্গুণং বাসুদেবং; সঙ্কর্ষণং জীবভূতং বদন্তি |
৩৭ ক
ভীষ্ম উবাচ:
ততঃ প্রদ্যুম্নমনিরুদ্ধং চতুর্থ; মাজ্ঞাপয়ত্যাত্ময়োনির্মহাত্মা ||
৩৭ খ
ভীষ্ম উবাচ:
স পঞ্চধা পঞ্চজনোপপন্নং; সঞ্চোদয়ন্বিশ্বমিদং সিসৃক্ষুঃ |
৩৮ ক
ভীষ্ম উবাচ:
ততশ্চকারাবনিমারুতৌ চ; খং জ্যোতিরাপশ্চ তথৈব পার্থ ||
৩৮ খ
ভীষ্ম উবাচ:
স স্থাবরং জঙ্গমং চৈবমেত; চ্চতুর্বিধং লোকমিমং চ কৃত্বা |
৩৯ ক
ভীষ্ম উবাচ:
ততো ভূমিং ব্যদধাৎপঞ্চবীজাং; দ্যৌঃ পৃথিব্যাং ধাস্যতি ভূরি বারি |
৩৯ খ
ভীষ্ম উবাচ:
তেন বিশ্বং কৃতমেতদ্ধি রাজ; ন্স জীবয়ত্যাত্মনৈবাত্ময়োনিঃ ||
৩৯ গ
ভীষ্ম উবাচ:
ততো দেবানসুরান্মানুষাংশ্চ; লোকানৃষীংশ্চাথ পিতৄন্প্রজাশ্চ |
৪০ ক
ভীষ্ম উবাচ:
সমাসেন বিবিধান্প্রাণিলোকা; ন্সর্বান্সদা ভূতপতিঃ সিসৃক্ষুঃ ||
৪০ খ
ভীষ্ম উবাচ:
শুভাশুভং স্থাবরং জঙ্গমং চ; বিষ্বক্সেনাৎসর্বমেতৎপ্রতীহি |
৪১ ক
ভীষ্ম উবাচ:
যদ্বর্ততে যচ্চ ভবিষ্যতীহ; সর্বমেতৎকেশবং ত্বং প্রতীহি ||
৪১ খ
ভীষ্ম উবাচ:
মৃত্যুশ্চৈব প্রাণিনামন্তকালে; সাক্ষাৎকৃষ্ণঃ শাশ্বতো ধর্মবাহঃ |
৪২ ক
ভীষ্ম উবাচ:
ভূতং চ যচ্চেহ ন বিদ্ম কিং চি; দ্বিষ্বক্সেনাৎসর্বমেতৎপ্রতীহি ||
৪২ খ
ভীষ্ম উবাচ:
যৎপ্রশস্তং চ লোকেষু পুণ্যং যচ্চ শুভাশুভম্ |
৪৩ ক
ভীষ্ম উবাচ:
তৎসর্বং কেশবোঽচিন্ত্যো বিপরীতমতো ভবেৎ ||
৪৩ খ
ভীষ্ম উবাচ:
এতাদৃশঃ কেশবোঽয়ং স্বয়ম্ভূ; র্নারায়ণঃ পরমশ্চাব্যযশ্চ |
৪৪ ক
ভীষ্ম উবাচ:
মধ্যং চাস্য জগতস্তস্থুষশ্চ; সর্বেষাং ভূতানাং প্রভবশ্চাপ্যযশ্চ ||
৪৪ খ