সঞ্জয় উবাচ:
স বধ্যমানো রক্ষসা বৈ নিশীথে; দৃষ্ট্বা রাজন্নশ্যমানং বলং চ |
৫১ ক
সঞ্জয় উবাচ:
মহচ্চ শ্রুত্বা নিনদং কৌরবাণাং; মতিং দধ্রে শক্তিমোক্ষায় কর্ণঃ ||
৫১ খ
সঞ্জয় উবাচ:
স বৈ ক্রুদ্ধঃ সিংহ ইবাত্যমর্ষী; নামর্ষয়ৎপ্রতিঘাতং রণে তম্ |
৫২ ক
সঞ্জয় উবাচ:
শক্তিং শ্রেষ্ঠাং বৈজয়ন্তীমসহ্যাং; সমাদদে তস্য বধং চিকীর্ষন্ ||
৫২ খ
সঞ্জয় উবাচ:
যাসৌ রাজন্নিহিতা বর্ষপূগা; ন্বধায়াজৌ সৎকৃতা ফল্গুনস্য |
৫৩ ক
সঞ্জয় উবাচ:
যাং বৈ প্রাদাৎসূতপুত্রায় শক্রঃ; শক্তিং শ্রেষ্ঠাং কুণ্ডলাভ্যাং নিমায় ||
৫৩ খ
সঞ্জয় উবাচ:
তাং বৈ শক্তিং লেলিহানাং প্রদীপ্তাং; পাশৈর্যুক্তামন্তকস্যেব রাত্রিম্ |
৫৪ ক
সঞ্জয় উবাচ:
মৃত্যোঃ স্বসারং জ্বলিতামিবোল্কাং; বৈকর্তনঃ প্রাহিণোদ্রাক্ষসায় ||
৫৪ খ
সঞ্জয় উবাচ:
তামুত্তমাং পরকায়াপহন্ত্রীং; দৃষ্ট্বা সৌতের্বাহুসংস্থাং জ্বলন্তীম্ |
৫৫ ক
সঞ্জয় উবাচ:
ভীতং রক্ষো বিপ্রদুদ্রাব রাজ; ন্কৃত্বাত্মানং বিন্ধ্যপাদপ্রমাণম্ ||
৫৫ খ
সঞ্জয় উবাচ:
দৃষ্ট্বা শক্তিং কর্ণবাহ্বন্তরস্থাং; নেদুর্ভূতান্যন্তরিক্ষে নরেন্দ্র |
৫৬ ক
সঞ্জয় উবাচ:
ববুর্বাতাস্তুমুলাশ্চাপি রাজ; ন্সনির্ঘাতা চাশানির্গাং জগাম ||
৫৬ খ
সঞ্জয় উবাচ:
সা তাং মায়াং ভস্ম কৃত্বা জ্বলন্তী; ভিত্ত্বা গাঢং হৃদয়ং রাক্ষসস্য |
৫৭ ক
সঞ্জয় উবাচ:
ঊর্ধ্বং যয়ৌ দীপ্যমানা নিশায়াং; নক্ষত্রাণামন্তরাণ্যাবিশন্তী ||
৫৭ খ
সঞ্জয় উবাচ:
যুদ্ধ্বা চিত্রৈর্বিবিধৈঃ শস্ত্রপূগৈ; র্দিব্যৈর্বীরো মানুষৈ রাক্ষসৈশ্চ |
৫৮ ক
সঞ্জয় উবাচ:
নদন্নাদান্বিবিধান্ভৈরবাংশ্চ; প্রাণানিষ্টাংস্ত্যাজিতঃ শক্রশক্ত্যা ||
৫৮ খ
সঞ্জয় উবাচ:
ইদং চান্যচ্চিত্রমাশ্চর্যরূপং; চকারাসৌ কর্ম শত্রুক্ষয়ায় |
৫৯ ক
সঞ্জয় উবাচ:
তস্মিন্কালে শক্তিনির্ভিন্নমর্মা; বভৌ রাজন্মেঘশৈলপ্রকাশঃ ||
৫৯ খ
সঞ্জয় উবাচ:
ততোঽন্তরিক্ষাদপতদ্গতাসুঃ; স রাক্ষসেন্দ্রো ভুবি ভিন্নদেহঃ |
৬০ ক
সঞ্জয় উবাচ:
অবাক্ষিরাঃ স্তব্ধগাত্রো বিজিহ্বো; ঘটোৎকচো মহদাস্থায় রূপম্ ||
৬০ খ
সঞ্জয় উবাচ:
স তদ্রূপং ভৈরবং ভীমকর্মা; ভীমং কৃত্বা ভৈমসেনিঃ পপাত |
৬১ ক
সঞ্জয় উবাচ:
হতোঽপ্যেবং তব সৈন্যেকদেশ; মপোথয়ৎকৌরবান্ভীষয়াণঃ ||
৬১ খ
সঞ্জয় উবাচ:
ততো মিশ্রাঃ প্রাণদন্সিংহনাদৈ; র্ভের্যঃ শঙ্খা মুরজাশ্চানকাশ্চ |
৬২ ক
সঞ্জয় উবাচ:
দগ্ধাং মায়াং নিহতং রাক্ষসং চ; দৃষ্ট্বা হৃষ্টাঃ প্রাণদন্কৌরবেয়াঃ ||
৬২ খ
সঞ্জয় উবাচ:
ততঃ কর্ণঃ কুরুভিঃ পূজ্যমানো; যথা শক্রো বৃত্রবধে মরুদ্ভিঃ |
৬৩ ক
সঞ্জয় উবাচ:
অন্বারূঢস্তব পুত্রং রথস্থং; হৃষ্টশ্চাপি প্রাবিশৎস্বং স সৈন্যম্ ||
৬৩ খ