সঞ্জয় উবাচ:
নিহত্যালায়ুধং রক্ষঃ প্রহৃষ্টাত্মা ঘটোৎকচঃ |
১ ক
সঞ্জয় উবাচ:
ননাদ বিবিধান্নাদান্বাহিন্যাঃ প্রমুখে স্থিতঃ ||
১ খ
সঞ্জয় উবাচ:
তস্য তং তুমুলং শব্দং শ্রুত্বা কুঞ্জরকম্পনম্ |
২ ক
সঞ্জয় উবাচ:
তাবকানাং মহারাজ ভয়মাসীৎসুদারুণম্ ||
২ খ
সঞ্জয় উবাচ:
অলায়ুধবিষক্তং তু ভৈমসেনিং মহাবলম্ |
৩ ক
সঞ্জয় উবাচ:
দৃষ্ট্বা কর্ণো মহাবাহুঃ পাঞ্চালান্সমুপাদ্রবৎ ||
৩ খ
সঞ্জয় উবাচ:
দশভির্দশভির্বাণৈর্ধৃষ্টদ্যুম্নশিখণ্ডিনৌ |
৪ ক
সঞ্জয় উবাচ:
দৃঢৈঃ পূর্ণায়তোৎসৃষ্টৈর্বিভেদ নতপর্বভিঃ ||
৪ খ
সঞ্জয় উবাচ:
ততঃ পরমনারাচৈর্যুধামন্যূত্তমৌজসৌ |
৫ ক
সঞ্জয় উবাচ:
সাত্যকিং চ রথোদারং কম্পয়ামাস মার্গণৈঃ ||
৫ খ
সঞ্জয় উবাচ:
তেষামভ্যস্যতাং তত্র সর্বেষাং সব্যদক্ষিণম্ |
৬ ক
সঞ্জয় উবাচ:
মণ্ডলান্যেব চাপানি ব্যদৃশ্যন্ত জনাধিপ ||
৬ খ
সঞ্জয় উবাচ:
তেষাং জ্যাতলনির্ঘোষো রথনেমিস্বনশ্চ হ |
৭ ক
সঞ্জয় উবাচ:
মেঘানামিব ঘর্মান্তে বভূব তুমুলো নিশি ||
৭ খ
সঞ্জয় উবাচ:
জ্যানেমিঘোষস্তনয়িত্নুমান্বৈ; ধনুস্তডিন্মণ্ডলকেতুশৃঙ্গঃ |
৮ ক
সঞ্জয় উবাচ:
শরৌঘবর্ষাকুলবৃষ্টিমাংশ্চ; সঙ্গ্রামমেঘঃ স বভূব রাজন্ ||
৮ খ
সঞ্জয় উবাচ:
তদুদ্ধতং শৈল ইবাপ্রকম্প্যো; বর্ষং মহচ্ছৈলসমানসারঃ |
৯ ক
সঞ্জয় উবাচ:
বিধ্বংসয়ামাস রণে নরেন্দ্র; বৈকর্তনঃ শত্রুগণাবমর্দী ||
৯ খ
সঞ্জয় উবাচ:
ততোঽতুলৈর্বজ্রনিপাতকল্পৈঃ; শিতৈঃ শরৈঃ কাঞ্চনচিত্রপুঙ্খৈঃ |
১০ ক
সঞ্জয় উবাচ:
শত্রূন্ব্যপোহৎসমরে মহাত্মা; বৈকর্তনঃ পুত্রহিতে রতস্তে ||
১০ খ
সঞ্জয় উবাচ:
সঞ্ছিন্নভিন্নধ্বজিনশ্চ কে চি; ৎকেচিচ্ছরৈরর্দিতভিন্নদেহাঃ |
১১ ক
সঞ্জয় উবাচ:
কেচিদ্বিসূতা বিহয়াশ্চ কে চি; দ্বৈকর্তনেনাশু কৃতা বভূবুঃ ||
১১ খ
সঞ্জয় উবাচ:
অবিন্দমানাস্ত্বথ শর্ম সঙ্খ্যে; যৌধিষ্ঠিরং তে বলমন্বপদ্যন্ |
১২ ক
সঞ্জয় উবাচ:
তান্প্রেক্ষ্য ভগ্নান্বিমুখীকৃতাংশ্চ; ঘটোৎকচো রোষমতীব চক্রে ||
১২ খ
সঞ্জয় উবাচ:
আস্থায় তং কাঞ্চনরত্নচিত্রং; রথোত্তমং সিংহ ইবোন্ননাদ |
১৩ ক
সঞ্জয় উবাচ:
বৈকর্তনং কর্ণমুপেত্য চাপি; বিব্যাধ বজ্রপ্রতিমৈঃ পৃষৎকৈঃ ||
১৩ খ
সঞ্জয় উবাচ:
তৌ কর্ণিনারাচশিলীমুখৈশ্চ; নালীকদণ্ডৈশ্চ সবৎসদন্তৈঃ |
১৪ ক
সঞ্জয় উবাচ:
বরাহকর্ণৈঃ সবিষাণশৃঙ্গৈঃ; ক্ষুরপ্রবর্ষৈশ্চ বিনেদতুঃ খম্ ||
১৪ খ
সঞ্জয় উবাচ:
তদ্বাণধারাবৃতমন্তরিক্ষং; তির্যগ্গতাভিঃ সমরে ররাজ |
১৫ ক
সঞ্জয় উবাচ:
সুবর্ণপুঙ্খজ্বলিতপ্রভাভি; র্বিচিত্রপুষ্পাভিরিব স্রজাভিঃ ||
১৫ খ
সঞ্জয় উবাচ:
সমং হি তাবপ্রতিমপ্রভাবা; বন্যোন্যমাজঘ্নতুরুত্তমাস্ত্রৈঃ |
১৬ ক
সঞ্জয় উবাচ:
তয়োর্হি বীরোত্তময়োর্ন কশ্চি; দ্দদর্শ তস্মিন্সমরে বিশেষম্ ||
১৬ খ
সঞ্জয় উবাচ:
অতীব তচ্চিত্রমতীব রূপং; বভূব যুদ্ধং রবিভীমসূন্বোঃ |
১৭ ক
সঞ্জয় উবাচ:
সমাকুলং শস্ত্রনিপাতঘোরং; দিবীব রাহ্বংশুমতোঃ প্রতপ্তম্ ||
১৭ খ
সঞ্জয় উবাচ:
ঘটোৎকচো যদা কর্ণং ন বিশেষয়তে নৃপ |
১৮ ক
সঞ্জয় উবাচ:
তদা প্রাদুশ্চকারোগ্রমস্ত্রমস্ত্রবিদাং বরঃ ||
১৮ খ
সঞ্জয় উবাচ:
তেনাস্ত্রেণ হয়ান্পূর্বং হত্বা কর্ণস্য রাক্ষসঃ |
১৯ ক
সঞ্জয় উবাচ:
সারথিং চৈব হৈডিম্বঃ ক্ষিপ্রমন্তরধীয়ত ||
১৯ খ
ধৃতরাষ্ট্র উবাচ:
তথা হ্যন্তর্হিতে তস্মিন্কূটয়োধিনি রাক্ষসে |
২০ ক
ধৃতরাষ্ট্র উবাচ:
মামকৈঃ প্রতিপন্নং যত্তন্মমাচক্ষ্ব সঞ্জয় ||
২০ খ
সঞ্জয় উবাচ:
অন্তর্হিতং রাক্ষসং তং বিদিত্বা; সম্প্রাক্রোশন্কুরবঃ সর্ব এব |
২১ ক
সঞ্জয় উবাচ:
কথং নায়ং রাক্ষসঃ কূটয়োধী; হন্যাৎকর্ণং সমরেঽদৃশ্যমানঃ ||
২১ খ
সঞ্জয় উবাচ:
ততঃ কর্ণো লঘুচিত্রাস্ত্রয়োধী; সর্বা দিশো ব্যাবৃণোদ্বাণজালৈঃ |
২২ ক
সঞ্জয় উবাচ:
ন বৈ কিঞ্চিদ্ব্যাপতত্তত্র ভূতং; তমোভূতে সায়কৈরন্তরিক্ষে ||
২২ খ
সঞ্জয় উবাচ:
ন চাদদানো ন চ সন্দধানো; ন চেষুধী স্পৃশমানঃ করাগ্রৈঃ |
২৩ ক
সঞ্জয় উবাচ:
অদৃশ্যদ্বৈ লাঘবাৎসূতপুত্রঃ; সর্বং বাণৈশ্ছাদয়ানোঽন্তরিক্ষম্ ||
২৩ খ
সঞ্জয় উবাচ:
ততো মায়াং বিহিতামন্তরিক্ষে; ঘোরাং ভীমাং দারুণাং রাক্ষসেন |
২৪ ক
সঞ্জয় উবাচ:
সম্পশ্যামো লোহিতাভ্রপ্রকাশাং; দেদীপ্যন্তীমগ্নিশিখামিবোগ্রাম্ ||
২৪ খ
সঞ্জয় উবাচ:
ততস্তস্যা বিদ্যুতঃ প্রাদুরাস; ন্নুল্কাশ্চাপি জ্বলিতাঃ কৌরবেন্দ্র |
২৫ ক
সঞ্জয় উবাচ:
ঘোষশ্চান্যঃ প্রাদুরাসীৎসুঘোরঃ; সহস্রশো নদতাং দুন্দুভীনাম্ ||
২৫ খ
সঞ্জয় উবাচ:
ততঃ শরাঃ প্রাপতন্রুক্মপুঙ্খাঃ; শক্ত্যঃ প্রাসা মুসলান্যায়ুধানি |
২৬ ক
সঞ্জয় উবাচ:
পরশ্বধাস্তৈলধৌতাশ্চ খড্গাঃ; প্রদীপ্তাগ্রাঃ পট্টিশাস্তোমরাশ্চ ||
২৬ খ
সঞ্জয় উবাচ:
ময়ূখিনঃ পরিঘা লোহবদ্ধা; গদাশ্চিত্রাঃ শিতধারাশ্চ শূলাঃ |
২৭ ক
সঞ্জয় উবাচ:
গুর্ব্যো গদা হেমপট্টাবনদ্ধাঃ; শতঘ্ন্যশ্চ প্রাদুরাসন্সমন্তাৎ ||
২৭ খ
সঞ্জয় উবাচ:
মহাশিলাশ্চাপতংস্তত্র তত্র; সহস্রশঃ সাশনয়ঃ সবজ্রাঃ |
২৮ ক
সঞ্জয় উবাচ:
চক্রাণি চানেকশতক্ষুরাণি; প্রাদুর্বভূবুর্জ্বলনপ্রভাণি ||
২৮ খ
সঞ্জয় উবাচ:
তাং শক্তিপাষাণপরশ্বধানাং; প্রাসাসিবজ্রাশনিমুদ্গরাণাম্ |
২৯ ক
সঞ্জয় উবাচ:
বৃষ্টিং বিশালাং জ্বলিতাং পতন্তীং; কর্ণঃ শরৌঘৈর্ন শশাক হন্তুম্ ||
২৯ খ
সঞ্জয় উবাচ:
শরাহতানাং পততাং হয়ানাং; বজ্রাহতানাং পততাং গজানাম্ |
৩০ ক
সঞ্জয় উবাচ:
শিলাহতানাং চ মহারথানাং; মহান্নিনাদঃ পততাং বভূব ||
৩০ খ
সঞ্জয় উবাচ:
সুভীমনানাবিধশস্ত্রপাতৈ; র্ঘটোৎকচেনাভিহতং সমন্তাৎ |
৩১ ক
সঞ্জয় উবাচ:
দৌর্যোধনং তদ্বলমার্তরূপ; মাবর্তমানং দদৃশে ভ্রমন্তম্ ||
৩১ খ
সঞ্জয় উবাচ:
হাহাকৃতং সম্পরিবর্তমানং; সংলীয়মানং চ বিষণ্ণরূপম্ |
৩২ ক
সঞ্জয় উবাচ:
তে ত্বার্যভাবাৎপুরুষপ্রবীরাঃ; পরাঙ্মুখা ন বভূবুস্তদানীম্ ||
৩২ খ
সঞ্জয় উবাচ:
তাং রাক্ষসীং ঘোরতরাং সুভীমাং; বৃষ্টিং মহাশস্ত্রময়ীং পতন্তীম্ |
৩৩ ক
সঞ্জয় উবাচ:
দৃষ্ট্বা বলৌঘাংশ্চ নিপাত্যমানা; ন্মহদ্ভয়ং তব পুত্রান্বিবেশ ||
৩৩ খ
সঞ্জয় উবাচ:
শিবাশ্চ বৈশ্বানরদীপ্তজিহ্বাঃ; সুভীমনাদাঃ শতশো নদন্ত্যঃ |
৩৪ ক
সঞ্জয় উবাচ:
রক্ষোগণান্নর্দতশ্চাভিবীক্ষ্য; নরেন্দ্রয়োধা ব্যথিতা বভূবুঃ ||
৩৪ খ
সঞ্জয় উবাচ:
তে দীপ্তজিহ্বাননতীক্ষ্ণদংষ্ট্রা; বিভীষণাঃ শৈলনিকাশকায়াঃ |
৩৫ ক
সঞ্জয় উবাচ:
নভোগতাঃ শক্তিবিষক্তহস্তা; মেঘা ব্যমুঞ্চন্নিব বৃষ্টিমার্গম্ ||
৩৫ খ
সঞ্জয় উবাচ:
তৈরাহতাস্তে শরশক্তিশূলৈ; র্গদাভিরুগ্রৈঃ পরিঘৈশ্চ দীপ্তৈঃ |
৩৬ ক
সঞ্জয় উবাচ:
বজ্রৈঃ পিনাকৈরশনিপ্রহারৈ; শ্চক্রৈঃ শতঘ্ন্যুন্মথিতাশ্চ পেতুঃ ||
৩৬ খ
সঞ্জয় উবাচ:
হুডা ভুশুণ্ড্যোঽশ্মগুডাঃ শতঘ্ন্যঃ; স্থূণাশ্চ কার্ষ্ণায়সপট্টনদ্ধাঃ |
৩৭ ক
সঞ্জয় উবাচ:
অবাকিরংস্তব পুত্রস্য সৈন্যং; তথা রৌদ্রং কশ্মলং প্রাদুরাসীৎ ||
৩৭ খ
সঞ্জয় উবাচ:
নিষ্কীর্ণান্ত্রা বিহতৈরুত্তমাঙ্গৈঃ; সম্ভগ্নাঙ্গাঃ শেরতে তত্র শূরাঃ |
৩৮ ক
সঞ্জয় উবাচ:
ভিন্না হয়াঃ কুঞ্জরাশ্চাবভগ্নাঃ; সঞ্চূর্ণিতাশ্চৈব রথাঃ শিলাভিঃ ||
৩৮ খ
সঞ্জয় উবাচ:
এবং মহচ্ছস্ত্রবর্ষং সৃজন্ত; স্তে যাতুধানা ভুবি ঘোররূপাঃ |
৩৯ ক
সঞ্জয় উবাচ:
মায়াঃ সৃষ্টাস্তত্র ঘটোৎকচেন; নামুঞ্চন্বৈ যাচমানং ন ভীতম্ ||
৩৯ খ
সঞ্জয় উবাচ:
তস্মিন্ঘোরে কুরুবীরাবমর্দে; কালোৎসৃষ্টে ক্ষত্রিয়াণামভাবে |
৪০ ক
সঞ্জয় উবাচ:
তে বৈ ভগ্নাঃ সহসা ব্যদ্রবন্ত; প্রাক্রোশন্তঃ কৌরবাঃ সর্ব এব ||
৪০ খ
সঞ্জয় উবাচ:
পলায়ধ্বং কুরবো নৈতদস্তি; সেন্দ্রা দেবা ঘ্নন্তি নঃ পাণ্ডবার্থে |
৪১ ক
সঞ্জয় উবাচ:
তথা তেষাং মজ্জতাং ভারতানাং; ন স্ম দ্বীপস্তত্র কশ্চিদ্বভূব ||
৪১ খ
সঞ্জয় উবাচ:
তস্মিন্সঙ্ক্রন্দে তুমুলে বর্তমানে; সৈন্যে ভগ্নে লীয়মানে কুরূণাম্ |
৪২ ক
সঞ্জয় উবাচ:
অনীকানাং প্রবিভাগেঽপ্রকাশে; ন জ্ঞায়ন্তে কুরবো নেতরে বা ||
৪২ খ
সঞ্জয় উবাচ:
নির্মর্যাদে বিদ্রবে ঘোররূপে; সর্বা দিশঃ প্রেক্ষমাণাঃ স্ম শূন্যাঃ |
৪৩ ক
সঞ্জয় উবাচ:
তাং শস্ত্রবৃষ্টিমুরসা গাহমানং; কর্ণং চৈকং তত্র রাজন্নপশ্যম্ ||
৪৩ খ
সঞ্জয় উবাচ:
ততো বাণৈরাবৃণোদন্তরিক্ষং; দিব্যাং মায়াং যোধয়ন্রাক্ষসস্য |
৪৪ ক
সঞ্জয় উবাচ:
হ্রীমান্কুর্বন্দুষ্করমার্যকর্ম; নৈবামুহ্যৎসংয়ুগে সূতপুত্রঃ ||
৪৪ খ
সঞ্জয় উবাচ:
ততো ভীতাঃ সমুদৈক্ষন্ত কর্ণং; রাজন্সর্বে সৈন্ধবা বাহ্লিকাশ্চ |
৪৫ ক
সঞ্জয় উবাচ:
অসংমোহং পূজয়ন্তোঽস্য সঙ্খ্যে; সম্পশ্যন্তো বিজয়ং রাক্ষসস্য ||
৪৫ খ
সঞ্জয় উবাচ:
তেনোৎসৃষ্টা চক্রয়ুক্তা শতঘ্নী; সমং সর্বাংশ্চতুরোঽশ্বাঞ্জঘান |
৪৬ ক
সঞ্জয় উবাচ:
তে জানুভির্জগতীমন্বপদ্য; ন্গতাসবো নির্দশনাক্ষিজিহ্বাঃ ||
৪৬ খ
সঞ্জয় উবাচ:
ততো হতাশ্বাদবরুহ্য বাহা; দন্তর্মনাঃ কুরুষু প্রাদ্রবৎসু |
৪৭ ক
সঞ্জয় উবাচ:
দিব্যে চাস্ত্রে মায়যা বধ্যমানে; নৈবামুহ্যচ্চিন্তয়ন্প্রাপ্তকালম্ ||
৪৭ খ
সঞ্জয় উবাচ:
ততোঽব্রুবন্কুরবঃ সর্ব এব; কর্ণং দৃষ্ট্বা ঘোররূপাং চ মায়াম্ |
৪৮ ক
সঞ্জয় উবাচ:
শক্ত্যা রক্ষো জহি কর্ণাদ্য তূর্ণং; নশ্যন্ত্যেতে কুরবো ধার্তরাষ্ট্রাঃ ||
৪৮ খ
সঞ্জয় উবাচ:
করিষ্যতঃ কিং চ নো ভীমপার্থৌ; তপন্তমেনং জহি রক্ষো নিশীথে |
৪৯ ক
সঞ্জয় উবাচ:
যো নঃ সঙ্গ্রামাদ্ঘোররূপাদ্বিমুচ্যে; ৎস নঃ পার্থান্সমরে যোধয়েত ||
৪৯ খ
সঞ্জয় উবাচ:
তস্মাদেনং রাক্ষসং ঘোররূপং; জহি শক্ত্যা দত্তয়া বাসবেন |
৫০ ক
সঞ্জয় উবাচ:
মা কৌরবাঃ সর্ব এবেন্দ্রকল্পা; রাত্রীমুখে কর্ণ নেশুঃ সয়োধাঃ ||
৫০ খ