বৈশম্পায়ন উবাচ:
গত্বা তু তাং ভার্গবকর্মশালাং; পার্থৌ পৃথাং প্রাপ্য মহানুভাবৌ |
১ ক
বৈশম্পায়ন উবাচ:
তাং যাজ্ঞসেনীং পরমপ্রতীতৌ; ভিক্ষেত্যথাবেদয়তাং নরাগ্র্যৌ ||
১ খ
বৈশম্পায়ন উবাচ:
কুটীগতা সা ত্বনবেক্ষ্য পুত্রা; নুবাচ ভুঙ্ক্তেতি সমেত্য সর্বে |
২ ক
বৈশম্পায়ন উবাচ:
পশ্চাত্তু কুন্তী প্রসমীক্ষ্য কন্যাং; কষ্টং ময়া ভাষিতমিত্যুবাচ ||
২ খ
বৈশম্পায়ন উবাচ:
সাধর্মভীতা হি বিলজ্জমানা; তাং যাজ্ঞসেনীং পরমপ্রতীতাম্ |
৩ ক
বৈশম্পায়ন উবাচ:
পাণৌ গৃহীত্বোপজগাম কুন্তী; যুধিষ্ঠিরং বাক্যমুবাচ চেদম্ ||
৩ খ
বৈশম্পায়ন উবাচ:
ইয়ং হি কন্যা দ্রুপদস্য রাজ্ঞ; স্তবানুজাভ্যাং ময়ি সংনিসৃষ্টা |
৪ ক
বৈশম্পায়ন উবাচ:
যথোচিতং পুত্র ময়াপি চোক্তং; সমেত্য ভুঙ্ক্তেতি নৃপ প্রমাদাৎ ||
৪ খ
বৈশম্পায়ন উবাচ:
কথং ময়া নানৃতমুক্তমদ্য; ভবেৎকুরূণামৃষভ ব্রবীহি |
৫ ক
বৈশম্পায়ন উবাচ:
পাঞ্চালরাজস্য সুতামধর্মো; ন চোপবর্তেত নভূতপূর্বঃ ||
৫ খ
বৈশম্পায়ন উবাচ:
মুহূর্তমাত্রং ত্বনুচিন্ত্য রাজা; যুধিষ্ঠিরো মাতরমুত্তমৌজাঃ |
৬ ক
বৈশম্পায়ন উবাচ:
কুন্তীং সমাশ্বাস্য কুরুপ্রবীরো; ধনঞ্জয়ং বাক্যমিদং বভাষে ||
৬ খ
বৈশম্পায়ন উবাচ:
ত্বয়া জিতা পাণ্ডব যাজ্ঞসেনী; ত্বয়া চ তোষিষ্যতি রাজপুত্রী |
৭ ক
বৈশম্পায়ন উবাচ:
প্রজ্বাল্যতাং হূয়তাং চাপি বহ্নি; র্গৃহাণ পাণিং বিধিবত্ত্বমস্যাঃ ||
৭ খ
অর্জুন উবাচ:
মা মাং নরেন্দ্র ত্বমধর্মভাজং; কৃথা ন ধর্মো হ্যযমীপ্সিতোঽন্যৈঃ |
৮ ক
অর্জুন উবাচ:
ভবান্নিবেশ্যঃ প্রথমং ততোঽয়ং; ভীমো মহাবাহুরচিন্ত্যকর্মা ||
৮ খ
অর্জুন উবাচ:
অহং ততো নকুলোঽনন্তরং মে; মাদ্রীসুতঃ সহদেবো জঘন্যঃ |
৯ ক
অর্জুন উবাচ:
বৃকোদরোঽহং চ যমৌ চ রাজ; ন্নিয়ং চ কন্যা ভবতঃ স্ম সর্বে ||
৯ খ
অর্জুন উবাচ:
এবঙ্গতে যৎকরণীয়মত্র; ধর্ম্যং যশস্যং কুরু তৎপ্রচিন্ত্য |
১০ ক
অর্জুন উবাচ:
পাঞ্চালরাজস্য চ যৎপ্রিয়ং স্যা; ত্তদ্ব্রূহি সর্বে স্ম বশে স্থিতাস্তে ||
১০ খ
বৈশম্পায়ন উবাচ:
তে দৃষ্ট্বা তত্র তিষ্ঠন্তীং সর্বে কৃষ্ণাং যশস্বিনীম্ |
১১ ক
বৈশম্পায়ন উবাচ:
সম্প্রেক্ষ্যান্যোন্যমাসীনা হৃদয়ৈস্তামধারয়ন্ ||
১১ খ
বৈশম্পায়ন উবাচ:
তেষাং হি দ্রৌপদীং দৃষ্ট্বা সর্বেষামমিতৌজসাম্ |
১২ ক
বৈশম্পায়ন উবাচ:
সম্প্রমথ্যেন্দ্রিয়গ্রামং প্রাদুরাসীন্মনোভবঃ ||
১২ খ
বৈশম্পায়ন উবাচ:
কাম্যং রূপং হি পাঞ্চাল্যা বিধাত্রা বিহিতং স্বয়ম্ |
১৩ ক
বৈশম্পায়ন উবাচ:
বভূবাধিকমন্যাভ্যঃ সর্বভূতমনোহরম্ ||
১৩ খ
বৈশম্পায়ন উবাচ:
তেষামাকারভাবজ্ঞঃ কুন্তীপুত্রো যুধিষ্ঠিরঃ |
১৪ ক
বৈশম্পায়ন উবাচ:
দ্বৈপায়নবচঃ কৃৎস্নং সংস্মরন্বৈ নরর্ষভ ||
১৪ খ
বৈশম্পায়ন উবাচ:
অব্রবীৎস হি তান্ভ্রাতৃন্মিথোভেদভয়ান্নৃপঃ |
১৫ ক
বৈশম্পায়ন উবাচ:
সর্বেষাং দ্রৌপদী ভার্যা ভবিষ্যতি হি নঃ শুভা ||
১৫ খ