বৈশম্পায়ন উবাচ:
ভ্রাতুর্বচস্তৎপ্রসমীক্ষ্য সর্বে; জ্যেষ্ঠস্য পাণ্ডোস্তনয়াস্তদানীম্ |
১ ক
বৈশম্পায়ন উবাচ:
তমেবার্থং ধ্যায়মানা মনোভি; রাসাং চক্রুরথ তত্রামিতৌজাঃ ||
১ খ
বৈশম্পায়ন উবাচ:
বৃষ্ণিপ্রবীরস্তু কুরুপ্রবীরা; নাশঙ্কমানঃ সহরৌহিণেয়ঃ |
২ ক
বৈশম্পায়ন উবাচ:
জগাম তাং ভার্গবকর্মশালাং; যত্রাসতে তে পুরুষপ্রবীরাঃ ||
২ খ
বৈশম্পায়ন উবাচ:
তত্রোপবিষ্টং পৃথুদীর্ঘবাহুং; দদর্শ কৃষ্ণঃ সহরৌহিণেয়ঃ |
৩ ক
বৈশম্পায়ন উবাচ:
অজাতশত্রুং পরিবার্য তাংশ্চ; উপোপবিষ্টাঞ্জ্বলনপ্রকাশান্ ||
৩ খ
বৈশম্পায়ন উবাচ:
ততোঽব্রবীদ্বাসুদেবোঽভিগম্য; কুন্তীসুতং ধর্মভৃতাং বরিষ্ঠম্ |
৪ ক
বৈশম্পায়ন উবাচ:
কৃষ্ণোঽহমস্মীতি নিপীড্য পাদৌ; যুধিষ্ঠিরস্যাজমীঢস্য রাজ্ঞঃ ||
৪ খ
বৈশম্পায়ন উবাচ:
তথৈব তস্যাপ্যনু রৌহিণেয়; স্তৌ চাপি হৃষ্টাঃ কুরবোঽভ্যনন্দন্ |
৫ ক
বৈশম্পায়ন উবাচ:
পিতৃষ্বসুশ্চাপি যদুপ্রবীরা; বগৃহ্ণতাং ভারতমুখ্য পাদৌ ||
৫ খ
বৈশম্পায়ন উবাচ:
অজাতশত্রুশ্চ কুরুপ্রবীরঃ; পপ্রচ্ছ কৃষ্ণং কুশলং নিবেদ্য |
৬ ক
বৈশম্পায়ন উবাচ:
কথং বয়ং বাসুদেব ত্বয়েহ; গূঢা বসন্তো বিদিতাঃ স্ম সর্বে ||
৬ খ
বৈশম্পায়ন উবাচ:
তমব্রবীদ্বাসুদেবঃ প্রহস্য; গূঢোঽপ্যগ্নির্জ্ঞায়ত এব রাজন্ |
৭ ক
বৈশম্পায়ন উবাচ:
তং বিক্রমং পাণ্ডবেয়ানতীত্য; কোঽন্যঃ কর্তা বিদ্যতে মানুষেষু ||
৭ খ
বৈশম্পায়ন উবাচ:
দিষ্ট্যা তস্মাৎপাবকাৎসম্প্রমুক্তা; যূয়ং সর্বে পাণ্ডবাঃ শত্রুসাহাঃ |
৮ ক
বৈশম্পায়ন উবাচ:
দিষ্ট্যা পাপো ধৃতরাষ্ট্রস্য পুত্রঃ; সহামাত্যো ন সকামোঽভবিষ্যৎ ||
৮ খ
বৈশম্পায়ন উবাচ:
ভদ্রং বোঽস্তু নিহিতং যদ্গুহায়াং; বিবর্ধধ্বং জ্বলন ইবেধ্যমানঃ |
৯ ক
বৈশম্পায়ন উবাচ:
মা বো বিদ্যুঃ পার্থিবাঃ কেচনেহ; যাস্যাবহে শিবিরায়ৈব তাবৎ |
৯ খ
বৈশম্পায়ন উবাচ:
সোঽনুজ্ঞাতঃ পাণ্ডবেনাব্যযশ্রীঃ; প্রায়াচ্ছীঘ্রং বলদেবেন সার্ধম্ ||
৯ গ