মার্কণ্ডেয় উবাচ:
অত্রৈব চ সরস্বত্যা গীতং পরপুরঞ্জয় |
১ ক
মার্কণ্ডেয় উবাচ:
পৃষ্টয়া মুনিনা বীর শৃণু তার্ক্ষ্যেণ ধীমতা ||
১ খ
তার্ক্ষ্য উবাচ:
কিং নু শ্রেয়ঃ পুরুষস্যেহ ভদ্রে; কথং কুর্বন্ন চ্যবতে স্বধর্মাৎ |
২ ক
তার্ক্ষ্য উবাচ:
আচক্ষ্ব মে চারুসর্বাঙ্গি সর্বং; ত্বয়ানুশিষ্টো ন চ্যবেয়ং স্বধর্মাৎ ||
২ খ
তার্ক্ষ্য উবাচ:
কথং চাগ্নিং জুহুয়াং পূজয়ে বা; কস্মিন্কালে কেন ধর্মো ন নশ্যেৎ |
৩ ক
তার্ক্ষ্য উবাচ:
এতৎসর্বং সুভগে প্রব্রবীহি; যথা লোকান্বিরজাঃ সঞ্চরেয়ম্ ||
৩ খ
মার্কণ্ডেয় উবাচ:
এবং পৃষ্টা প্রীতিয়ুক্তেন তেন; শুশ্রূষুমীক্ষ্যোত্তমবুদ্ধিয়ুক্তম্ |
৪ ক
মার্কণ্ডেয় উবাচ:
তার্ক্ষ্যং বিপ্রং ধর্ময়ুক্তং হিতং চ; সরস্বতী বাক্যমিদং বভাষে ||
৪ খ
সরস্বত্যু উবাচ:
যো ব্রহ্ম জানাতি যথাপ্রদেশং; স্বাধ্যায়নিত্যঃ শুচিরপ্রমত্তঃ |
৫ ক
সরস্বত্যু উবাচ:
স বৈ পুরো দেবপুরস্য গন্তা; সহামরৈঃ প্রাপ্নুয়াৎপ্রীতিয়োগম্ ||
৫ খ
সরস্বত্যু উবাচ:
তত্র স্ম রম্যা বিপুলা বিশোকাঃ; সুপুষ্পিতাঃ পুষ্করিণ্যঃ সুপুণ্যাঃ |
৬ ক
সরস্বত্যু উবাচ:
অকর্দমা মীনবত্যঃ সুতীর্থা; হিরণ্ময়ৈরাবৃতাঃ পুণ্ডরীকৈঃ ||
৬ খ
সরস্বত্যু উবাচ:
তাসাং তীরেষ্বাসতে পুণ্যকর্মা; মহীয়মানঃ পৃথগপ্সরোভিঃ |
৭ ক
সরস্বত্যু উবাচ:
সুপুণ্যগন্ধাভিরলঙ্কৃতাভি; র্হিরণ্যবর্ণাভিরতীব হৃষ্টঃ ||
৭ খ
সরস্বত্যু উবাচ:
পরং লোকং গোপ্রদাস্ত্বাপ্নুবন্তি; দত্ত্বানড্বাহং সূর্যলোকং ব্রজন্তি |
৮ ক
সরস্বত্যু উবাচ:
বাসো দত্ত্বা চন্দ্রমসঃ স লোকং; দত্ত্বা হিরণ্যমমৃতত্বমেতি ||
৮ খ
সরস্বত্যু উবাচ:
ধেনুং দত্ত্বা সুব্রতাং সাধুদোহাং; কল্যাণবৎসামপলায়িনীং চ |
৯ ক
সরস্বত্যু উবাচ:
যাবন্তি রোমাণি ভবন্তি তস্যা; স্তাবদ্বর্ষাণ্যশ্নুতে স্বর্গলোকম্ ||
৯ খ
সরস্বত্যু উবাচ:
অনড্বাহং সুব্রতং যো দদাতি; হলস্য বোঢারমনন্তবীর্যম্ |
১০ ক
সরস্বত্যু উবাচ:
ধুরন্ধরং বলবন্তং যুবানং; প্রাপ্নোতি লোকান্দশ ধেনুদস্য ||
১০ খ
সরস্বত্যু উবাচ:
যঃ সপ্ত বর্ষাণি জুহোতি তার্ক্ষ্য; হব্যং ত্বগ্নৌ সুব্রতঃ সাধুশীলঃ |
১১ ক
সরস্বত্যু উবাচ:
সপ্তাবরান্সপ্ত পূর্বান্পুনাতি; পিতামহানাত্মনঃ কর্মভিঃ স্বৈঃ ||
১১ খ
তার্ক্ষ্য উবাচ:
কিমগ্নিহোত্রস্য ব্রতং পুরাণ; মাচক্ষ্ব মে পৃচ্ছতশ্চারুরূপে |
১২ ক
তার্ক্ষ্য উবাচ:
ত্বয়ানুশিষ্টোঽহমিহাদ্য বিদ্যাং; যদগ্নিহোত্রস্য ব্রতং পুরাণম্ ||
১২ খ
সরস্বত্যু উবাচ:
ন চাশুচির্নাপ্যনির্ণিক্তপাণি; র্নাব্রহ্মবিজ্জুহুয়ান্নাবিপশ্চিৎ |
১৩ ক
সরস্বত্যু উবাচ:
বুভুক্ষবঃ শুচিকামা হি দেবা; নাশ্রদ্দধানাদ্ধি হবির্জুষন্তি ||
১৩ খ
সরস্বত্যু উবাচ:
নাশ্রোত্রিয়ং দেবহব্যে নিয়ুঞ্জ্যা; ন্মোঘং পরা সিঞ্চতি তাদৃশো হি |
১৪ ক
সরস্বত্যু উবাচ:
অপূর্ণমশ্রোত্রিয়মাহ তার্ক্ষ্য; ন বৈ তাদৃগ্জুহুয়াদগ্নিহোত্রম্ ||
১৪ খ
সরস্বত্যু উবাচ:
কৃশানুং যে জুহ্বতি শ্রদ্দধানাঃ; সত্যব্রতা হুতশিষ্টাশিনশ্চ |
১৫ ক
সরস্বত্যু উবাচ:
গবাং লোকং প্রাপ্য তে পুণ্যগন্ধং; পশ্যন্তি দেবং পরমং চাপি সত্যম্ ||
১৫ খ
তার্ক্ষ্য উবাচ:
ক্ষেত্রজ্ঞভূতাং পরলোকভাবে; কর্মোদয়ে বুদ্ধিমতিপ্রবিষ্টাম্ |
১৬ ক
তার্ক্ষ্য উবাচ:
প্রজ্ঞাং চ দেবীং সুভগে বিমৃশ্য; পৃচ্ছামি ত্বাং কা হ্যসি চারুরূপে ||
১৬ খ
সরস্বত্যু উবাচ:
অগ্নিহোত্রাদহমভ্যাগতাস্মি; বিপ্রর্ষভাণাং সংশয়চ্ছেদনায় |
১৭ ক
সরস্বত্যু উবাচ:
ত্বৎসংয়োগাদহমেতদব্রুবং; ভাবে স্থিতা তথ্যমর্থং যথাবৎ ||
১৭ খ
তার্ক্ষ্য উবাচ:
ন হি ত্বয়া সদৃশী কাচিদস্তি; বিভ্রাজসে হ্যতিমাত্রং যথা শ্রীঃ |
১৮ ক
তার্ক্ষ্য উবাচ:
রূপং চ তে দিব্যমত্যন্তকান্তং; প্রজ্ঞাং চ দেবীং সুভগে বিভর্ষি ||
১৮ খ
সরস্বত্যু উবাচ:
শ্রেষ্ঠানি যানি দ্বিপদাং বরিষ্ঠ; যজ্ঞেষু বিদ্বন্নুপপাদয়ন্তি |
১৯ ক
সরস্বত্যু উবাচ:
তৈরেবাহং সম্প্রবৃদ্ধা ভবামি; আপ্যায়িতা রূপবতী চ বিপ্র ||
১৯ খ
সরস্বত্যু উবাচ:
যচ্চাপি দ্রব্যমুপয়ুজ্যতে হ; বানস্পত্যমায়সং পার্থিবং বা |
২০ ক
সরস্বত্যু উবাচ:
দিব্যেন রূপেণ চ প্রজ্ঞয়া চ; তেনৈব সিদ্ধিরিতি বিদ্ধি বিদ্বন্ ||
২০ খ
তার্ক্ষ্য উবাচ:
ইদং শ্রেয়ঃ পরমং মন্যমানা; ব্যায়চ্ছন্তে মুনয়ঃ সম্প্রতীতাঃ |
২১ ক
তার্ক্ষ্য উবাচ:
আচক্ষ্ব মে তং পরমং বিশোকং; মোক্ষং পরং যং প্রবিশন্তি ধীরাঃ ||
২১ খ
সরস্বত্যু উবাচ:
তং বৈ পরং বেদবিদঃ প্রপন্নাঃ; পরং পরেভ্যঃ প্রথিতং পুরাণম্ |
২২ ক
সরস্বত্যু উবাচ:
স্বাধ্যায়দানব্রতপুণ্যযোগৈ; স্তপোধনা বীতশোকা বিমুক্তাঃ ||
২২ খ
সরস্বত্যু উবাচ:
তস্যাথ মধ্যে বেতসঃ পুণ্যগন্ধঃ; সহস্রশাখো বিমলো বিভাতি |
২৩ ক
সরস্বত্যু উবাচ:
তস্য মূলাৎসরিতঃ প্রস্রবন্তি; মধূদকপ্রস্রবণা রমণ্যঃ ||
২৩ খ
সরস্বত্যু উবাচ:
শাখাং শাখাং মহানদ্যঃ সংয়ান্তি সিকতাসমাঃ |
২৪ ক
সরস্বত্যু উবাচ:
ধানাপূপা মাংসশাকাঃ সদা পায়সকর্দমাঃ ||
২৪ খ
সরস্বত্যু উবাচ:
যস্মিন্নগ্নিমুখা দেবাঃ সেন্দ্রাঃ সহ মরুদ্গণৈঃ |
২৫ ক
সরস্বত্যু উবাচ:
ঈজিরে ক্রতুভিঃ শ্রেষ্ঠৈস্তৎপদং পরমং মুনে ||
২৫ খ