দূত উবাচ:
জন্যার্থমন্নং দ্রুপদেন রাজ্ঞা; বিবাহহেতোরুপসংস্কৃতং চ |
১ ক
দূত উবাচ:
তদাপ্নুবধ্বং কৃতসর্বকার্যাঃ; কৃষ্ণা চ তত্রৈব চিরং ন কার্যম্ ||
১ খ
দূত উবাচ:
ইমে রথাঃ কাঞ্চনপদ্মচিত্রাঃ; সদশ্বয়ুক্তা বসুধাধিপার্হাঃ |
২ ক
দূত উবাচ:
এতান্সমারুহ্য পরৈত সর্বে; পাঞ্চালরাজস্য নিবেশনং তৎ ||
২ খ
বৈশম্পায়ন উবাচ:
ততঃ প্রয়াতাঃ কুরুপুঙ্গবাস্তে; পুরোহিতং তং প্রথমং প্রয়াপ্য |
৩ ক
বৈশম্পায়ন উবাচ:
আস্থায় যানানি মহান্তি তানি; কুন্তী চ কৃষ্ণা চ সহৈব যাতে ||
৩ খ
বৈশম্পায়ন উবাচ:
শ্রুত্বা তু বাক্যানি পুরোহিতস্য; যান্যুক্তবান্ভারত ধর্মরাজঃ |
৪ ক
বৈশম্পায়ন উবাচ:
জিজ্ঞাসয়ৈবাথ কুরূত্তমানাং; দ্রব্যাণ্যনেকান্যুপসঞ্জহার ||
৪ খ
বৈশম্পায়ন উবাচ:
ফলানি মাল্যানি সুসংস্কৃতানি; চর্মাণি বর্মাণি তথাসনানি |
৫ ক
বৈশম্পায়ন উবাচ:
গাশ্চৈব রাজন্নথ চৈব রজ্জূ; র্দ্রব্যাণি চান্যানি কৃষীনিমিত্তম্ ||
৫ খ
বৈশম্পায়ন উবাচ:
অন্যেষু শিল্পেষু চ যান্যপি স্যুঃ; সর্বাণি কৢপ্তান্যখিলেন তত্র |
৬ ক
বৈশম্পায়ন উবাচ:
ক্রীডানিমিত্তানি চ যানি তানি; সর্বাণি তত্রোপজহার রাজা ||
৬ খ
বৈশম্পায়ন উবাচ:
রথাশ্ববর্মাণি চ ভানুমন্তি; খড্গা মহান্তোঽশ্বরথাশ্চ চিত্রাঃ |
৭ ক
বৈশম্পায়ন উবাচ:
ধনূংষি চাগ্র্যাণি শরাশ্চ মুখ্যাঃ; শক্ত্যৃষ্টয়ঃ কাঞ্চনভূষিতাশ্চ ||
৭ খ
বৈশম্পায়ন উবাচ:
প্রাসা ভুশুণ্ড্যশ্চ পরশ্বধাশ্চ; সাঙ্গ্রামিকং চৈব তথৈব সর্বম্ |
৮ ক
বৈশম্পায়ন উবাচ:
শয়্যাসনান্যুত্তমসংস্কৃতানি; তথৈব চাসন্বিবিধানি তত্র ||
৮ খ
বৈশম্পায়ন উবাচ:
কুন্তী তু কৃষ্ণাং পরিগৃহ্য সাধ্বী; মন্তঃপুরং দ্রুপদস্যাবিবেষ |
৯ ক
বৈশম্পায়ন উবাচ:
স্ত্রিয়শ্চ তাং কৌরবরাজপত্নীং; প্রত্যর্চয়াং চক্রুরদীনসত্ত্বাঃ ||
৯ খ
বৈশম্পায়ন উবাচ:
তান্সিংহবিক্রান্তগতীনবেক্ষ্য; মহর্ষভাক্ষানজিনোত্তরীয়ান্ |
১০ ক
বৈশম্পায়ন উবাচ:
গূঢোত্তরাংসান্ভুজগেন্দ্রভোগ; প্রলম্ববাহূন্পুরুষপ্রবীরান্ ||
১০ খ
বৈশম্পায়ন উবাচ:
রাজা চ রাজ্ঞঃ সচিবাশ্চ সর্বে; পুত্রাশ্চ রাজ্ঞঃ সুহৃদস্তথৈব |
১১ ক
বৈশম্পায়ন উবাচ:
প্রেষ্যাশ্চ সর্বে নিখিলেন রাজ; ন্হর্ষং সমাপেতুরতীব তত্র ||
১১ খ
বৈশম্পায়ন উবাচ:
তে তত্র বীরাঃ পরমাসনেষু; সপাদপীঠেষ্ববিশঙ্কমানাঃ |
১২ ক
বৈশম্পায়ন উবাচ:
যথানুপূর্ব্যা বিবিশুর্নরাগ্র্যা; স্তদা মহার্হেষু ন বিস্ময়ন্তঃ ||
১২ খ
বৈশম্পায়ন উবাচ:
উচ্চাবচং পার্থিবভোজনীয়ং; পাত্রীষু জাম্বূনদরাজতীষু |
১৩ ক
বৈশম্পায়ন উবাচ:
দাসাশ্চ দাস্যশ্চ সুমৃষ্টবেষাঃ; ভোজাপকাশ্চাপ্যুপজহ্রুরন্নম্ ||
১৩ খ
বৈশম্পায়ন উবাচ:
তে তত্র ভুক্ত্বা পুরুষপ্রবীরা; যথানুকামং সুভৃশং প্রতীতাঃ |
১৪ ক
বৈশম্পায়ন উবাচ:
উৎক্রম্য সর্বাণি বসূনি তত্র; সাঙ্গ্রামিকান্যাবিবিশুর্নৃবীরাঃ ||
১৪ খ
বৈশম্পায়ন উবাচ:
তল্লক্ষয়িত্বা দ্রুপদস্য পুত্রো; রাজা চ সর্বৈঃ সহ মন্ত্রিমুখ্যৈঃ |
১৫ ক
বৈশম্পায়ন উবাচ:
সমর্চয়ামাসুরুপেত্য হৃষ্টাঃ; কুন্তীসুতান্পার্থিবপুত্রপৌত্রান্ ||
১৫ খ