ব্যাস উবাচ:
পুরা বৈ নৈমিষারণ্যে দেবাঃ সত্রমুপাসতে |
১ ক
ব্যাস উবাচ:
তত্র বৈবস্বতো রাজঞ্শামিত্রমকরোত্তদা ||
১ খ
ব্যাস উবাচ:
ততো যমো দীক্ষিতস্তত্র রাজ; ন্নামারয়ৎকিঞ্চিদপি প্রজাভ্যঃ |
২ ক
ব্যাস উবাচ:
ততঃ প্রজাস্তা বহুলা বভূবুঃ; কালাতিপাতান্মরণাৎপ্রহীণাঃ ||
২ খ
ব্যাস উবাচ:
ততস্তু শক্রো বরুণঃ কুবেরঃ; সাধ্যা রুদ্রা বসবশ্চাশ্বিনৌ চ |
৩ ক
ব্যাস উবাচ:
প্রণেতারং ভুবনস্য প্রজাপতিং; সমাজগ্মুস্তত্র দেবাস্তথান্যে ||
৩ খ
ব্যাস উবাচ:
ততোঽব্রুবঁল্লোকগুরুং সমেতা; ভয়ং নস্তীব্রং মানুষাণাং বিবৃদ্ধ্যা |
৪ ক
ব্যাস উবাচ:
তস্মাদ্ভয়াদুদ্বিজন্তঃ সুখেপ্সবঃ; প্রয়াম সর্বে শরণং ভবন্তম্ ||
৪ খ
ব্রহ্মো উবাচ:
কিং বো ভয়ং মানুষেভ্যো যূয়ং সর্বে যদামরাঃ |
৫ ক
ব্রহ্মো উবাচ:
মা বো মর্ত্যসকাশাদ্বৈ ভয়ং ভবতু কর্হিচিৎ ||
৫ খ
দেবা ঊচুঃ:
মর্ত্যা হ্যমর্ত্যাঃ সংবৃত্তা ন বিশেষোঽস্তি কশ্চন |
৬ ক
দেবা ঊচুঃ:
অবিশেষাদুদ্বিজন্তো বিশেষার্থমিহাগতাঃ ||
৬ খ
ব্রহ্মো উবাচ:
বৈবস্বতো ব্যাপৃতঃ সত্রহেতো; স্তেন ত্বিমে ন ম্রিয়ন্তে মনুষ্যাঃ |
৭ ক
ব্রহ্মো উবাচ:
তস্মিন্নেকাগ্রে কৃতসর্বকার্যে; তত এষাং ভবিতৈবান্তকালঃ ||
৭ খ
ব্রহ্মো উবাচ:
বৈবস্বতস্যাপি তনুর্বিভূতা; বীর্যেণ যুষ্মাকমুত প্রয়ুক্তা |
৮ ক
ব্রহ্মো উবাচ:
সৈষামন্তো ভবিতা হ্যন্তকালে; তনুর্হি বীর্যং ভবিতা নরেষু ||
৮ খ
ব্যাস উবাচ:
ততস্তু তে পূর্বজদেববাক্যং; শ্রুত্বা দেবা যত্র দেবা যজন্তে |
৯ ক
ব্যাস উবাচ:
সমাসীনাস্তে সমেতা মহাবলা; ভাগীরথ্যাং দদৃশুঃ পুণ্ডরীকম্ ||
৯ খ
ব্যাস উবাচ:
দৃষ্ট্বা চ তদ্বিস্মিতাস্তে বভূবু; স্তেষামিন্দ্রস্তত্র শূরো জগাম |
১০ ক
ব্যাস উবাচ:
সোঽপশ্যদ্যোষামথ পাবকপ্রভাং; যত্র গঙ্গা সততং সম্প্রসূতা ||
১০ খ
ব্যাস উবাচ:
সা তত্র যোষা রুদতী জলার্থিনী; গঙ্গাং দেবীং ব্যবগাহ্যাবতিষ্ঠৎ |
১১ ক
ব্যাস উবাচ:
তস্যাশ্রুবিন্দুঃ পতিতো জলে বৈ; তৎপদ্মমাসীদথ তত্র কাঞ্চনম্ ||
১১ খ
ব্যাস উবাচ:
তদদ্ভুতং প্রেক্ষ্য বজ্রী তদানী; মপৃচ্ছত্তাং যোষিতমন্তিকাদ্বৈ |
১২ ক
ব্যাস উবাচ:
কা ত্বং কথং রোদিষি কস্য হেতো; র্বাক্যং তথ্যং কাময়েহ ব্রবীহি ||
১২ খ
স্ত্র্যু উবাচ:
ত্বং বেৎস্যসে মামিহ যাস্মি শক্র; যদর্থং চাহং রোদিমি মন্দভাগ্যা |
১৩ ক
স্ত্র্যু উবাচ:
আগচ্ছ রাজন্পুরতোঽহং গমিষ্যে; দ্রষ্টাসি তদ্রোদিমি যৎকৃতেঽহম্ ||
১৩ খ
ব্যাস উবাচ:
তাং গচ্ছন্তীমন্বগচ্ছত্তদানীং; সোঽপশ্যদারাত্তরুণং দর্শনীয়ম্ |
১৪ ক
ব্যাস উবাচ:
সিংহাসনস্থং যুবতীসহায়ং; ক্রীডন্তমক্ষৈর্গিরিরাজমূর্ধ্নি ||
১৪ খ
ব্যাস উবাচ:
তমব্রবীদ্দেবরাজো মমেদং; ত্বং বিদ্ধি বিশ্বং ভুবনং বশে স্থিতম্ |
১৫ ক
ব্যাস উবাচ:
ঈশোঽহমস্মীতি সমন্যুরব্রবী; দ্দৃষ্ট্বা তমক্ষৈঃ সুভৃশং প্রমত্তম্ ||
১৫ খ
ব্যাস উবাচ:
ক্রুদ্ধং তু শক্রং প্রসমীক্ষ্য দেবো; জহাস শক্রং চ শনৈরুদৈক্ষত |
১৬ ক
ব্যাস উবাচ:
সংস্তম্ভিতোঽভূদথ দেবরাজ; স্তেনেক্ষিতঃ স্থাণুরিবাবতস্থে ||
১৬ খ
ব্যাস উবাচ:
যদা তু পর্যাপ্তমিহাস্য ক্রীডয়া; তদা দেবীং রুদতীং তামুবাচ |
১৭ ক
ব্যাস উবাচ:
আনীয়তামেষ যতোঽহমারা; ন্মৈনং দর্পঃ পুনরপ্যাবিশেত ||
১৭ খ
ব্যাস উবাচ:
ততঃ শক্রঃ স্পৃষ্টমাত্রস্তয়া তু; স্রস্তৈরঙ্গৈঃ পতিতোঽভূদ্ধরণ্যাম্ |
১৮ ক
ব্যাস উবাচ:
তমব্রবীদ্ভগবানুগ্রতেজা; মৈবং পুনঃ শক্র কৃথাঃ কথঞ্চিৎ ||
১৮ খ
ব্যাস উবাচ:
বিবর্তয়ৈনং চ মহাদ্রিরাজং; বলং চ বীর্যং চ তবাপ্রমেয়ম্ |
১৯ ক
ব্যাস উবাচ:
বিবৃত্য চৈবাবিশ মধ্যমস্য; যত্রাসতে ত্বদ্বিধাঃ সূর্যভাসঃ ||
১৯ খ
ব্যাস উবাচ:
স তদ্বিবৃত্য শিখরং মহাগিরে; স্তুল্যদ্যুতীংশ্চতুরোঽন্যান্দদর্শ |
২০ ক
ব্যাস উবাচ:
স তানভিপ্রেক্ষ্য বভূব দুঃখিতঃ; কচ্চিন্নাহং ভবিতা বৈ যথেমে ||
২০ খ
ব্যাস উবাচ:
ততো দেবো গিরিশো বজ্রপাণিং; বিবৃত্য নেত্রে কুপিতোঽভ্যুবাচ |
২১ ক
ব্যাস উবাচ:
দরীমেতাং প্রবিশ ত্বং শতক্রতো; যন্মাং বাল্যাদবমংস্থাঃ পুরস্তাৎ ||
২১ খ
ব্যাস উবাচ:
উক্তস্ত্বেবং বিভুনা দেবরাজঃ; প্রবেপমানো ভৃশমেবাভিষঙ্গাৎ |
২২ ক
ব্যাস উবাচ:
স্রস্তৈরঙ্গৈরনিলেনেব নুন্ন; মশ্বত্থপত্রং গিরিরাজমূর্ধ্নি ||
২২ খ
ব্যাস উবাচ:
স প্রাঞ্জলির্বিনতেনাননেন; প্রবেপমানঃ সহসৈবমুক্তঃ |
২৩ ক
ব্যাস উবাচ:
উবাচ চেদং বহুরূপমুগ্রং; দ্রষ্টা শেষস্য ভগবংস্ত্বং ভবাদ্য ||
২৩ খ
ব্যাস উবাচ:
তমব্রবীদুগ্রধন্বা প্রহস্য; নৈবংশীলাঃ শেষমিহাপ্নুবন্তি |
২৪ ক
ব্যাস উবাচ:
এতেঽপ্যেবং ভবিতারঃ পুরস্তা; ত্তস্মাদেতাং দরিমাবিশ্য শেধ্বম্ ||
২৪ খ
ব্যাস উবাচ:
শেষোঽপ্যেবং ভবিতা বো ন সংশয়ো; যোনিং সর্বে মানুষীমাবিশধ্বম্ |
২৫ ক
ব্যাস উবাচ:
তত্র যূয়ং কর্ম কৃত্বাবিষহ্যং; বহূনন্যান্নিধনং প্রাপয়িত্বা ||
২৫ খ
ব্যাস উবাচ:
আগন্তারঃ পুনরেবেন্দ্রলোকং; স্বকর্মণা পূর্বজিতং মহার্হম্ |
২৬ ক
ব্যাস উবাচ:
সর্বং ময়া ভাষিতমেতদেবং; কর্তব্যমন্যদ্বিবিধার্থবচ্চ ||
২৬ খ
পূর্বেন্দ্রা ঊচুঃ:
গমিষ্যামো মানুষং দেবলোকা; দ্দুরাধরো বিহিতো যত্র মোক্ষঃ |
২৭ ক
পূর্বেন্দ্রা ঊচুঃ:
দেবাস্ত্বস্মানাদধীরঞ্জনন্যাং; ধর্মো বায়ুর্মঘবানশ্বিনৌ চ ||
২৭ খ
ব্যাস উবাচ:
এতচ্ছ্রুত্বা বজ্রপাণির্বচস্তু; দেবশ্রেষ্ঠং পুনরেবেদমাহ |
২৮ ক
ব্যাস উবাচ:
বীর্যেণাহং পুরুষং কার্যহেতো; র্দদ্যামেষাং পঞ্চমং মৎপ্রসূতম্ ||
২৮ খ
ব্যাস উবাচ:
তেষাং কামং ভগবানুগ্রধন্বা; প্রাদাদিষ্টং সন্নিসর্গাদ্যথোক্তম্ |
২৯ ক
ব্যাস উবাচ:
তাং চাপ্যেষাং যোষিতং লোককান্তাং; শ্রিয়ং ভার্যাং ব্যদধান্মানুষেষু ||
২৯ খ
ব্যাস উবাচ:
তৈরেব সার্ধং তু ততঃ স দেবো; জগাম নারায়ণমপ্রমেয়ম্ |
৩০ ক
ব্যাস উবাচ:
স চাপি তদ্ব্যদধাৎসর্বমেব; ততঃ সর্বে সম্বভূবুর্ধরণ্যাম্ ||
৩০ খ
ব্যাস উবাচ:
স চাপি কেশৌ হরিরুদ্ববর্হ; শুক্লমেকমপরং চাপি কৃষ্ণম্ |
৩১ ক
ব্যাস উবাচ:
তৌ চাপি কেশৌ বিশতাং যদূনাং; কুলে স্ত্রিয়ৌ রোহিণীং দেবকীং চ |
৩১ খ
ব্যাস উবাচ:
তয়োরেকো বলদেবো বভূব; কৃষ্ণো দ্বিতীয়ঃ কেশবঃ সম্বভূব ||
৩১ গ
ব্যাস উবাচ:
যে তে পূর্বং শক্ররূপা নিরুদ্ধা; স্তস্যাং দর্যাং পর্বতস্যোত্তরস্য |
৩২ ক
ব্যাস উবাচ:
ইহৈব তে পাণ্ডবা বীর্যবন্তঃ; শক্রস্যাংশঃ পাণ্ডবঃ সব্যসাচী ||
৩২ খ
ব্যাস উবাচ:
এবমেতে পাণ্ডবাঃ সম্বভূবু; র্যে তে রাজন্পূর্বমিন্দ্রা বভূবুঃ |
৩৩ ক
ব্যাস উবাচ:
লক্ষ্মীশ্চৈষাং পূর্বমেবোপদিষ্টা; ভার্যা যৈষা দ্রৌপদী দিব্যরূপা ||
৩৩ খ
ব্যাস উবাচ:
কথং হি স্ত্রী কর্মণোঽন্তে মহীতলা; ৎসমুত্তিষ্ঠেদন্যতো দৈবয়োগাৎ |
৩৪ ক
ব্যাস উবাচ:
যস্যা রূপং সোমসূর্যপ্রকাশং; গন্ধশ্চাগ্র্যঃ ক্রোশমাত্রাৎপ্রবাতি ||
৩৪ খ
ব্যাস উবাচ:
ইদং চান্যৎপ্রীতিপূর্বং নরেন্দ্র; দদামি তে বরমত্যদ্ভুতং চ |
৩৫ ক
ব্যাস উবাচ:
দিব্যং চক্ষুঃ পশ্য কুন্তীসুতাংস্ত্বং; পুণ্যৈর্দিব্যৈঃ পূর্বদেহৈরুপেতান্ ||
৩৫ খ
বৈশম্পায়ন উবাচ:
ততো ব্যাসঃ পরমোদারকর্মা; শুচির্বিপ্রস্তপসা তস্য রাজ্ঞঃ |
৩৬ ক
বৈশম্পায়ন উবাচ:
চক্ষুর্দিব্যং প্রদদৌ তান্স সর্বা; ন্রাজাপশ্যৎপূর্বদেহৈর্যথাবৎ ||
৩৬ খ
বৈশম্পায়ন উবাচ:
ততো দিব্যান্হেমকিরীটমালিনঃ; শক্রপ্রখ্যান্পাবকাদিত্যবর্ণান্ |
৩৭ ক
বৈশম্পায়ন উবাচ:
বদ্ধাপীডাংশ্চারুরূপাংশ্চ যূনো; ব্যূঢোরস্কাংস্তালমাত্রান্দদর্শ ||
৩৭ খ
বৈশম্পায়ন উবাচ:
দিব্যৈর্বস্ত্রৈররজোভিঃ সুবর্ণৈ; র্মাল্যৈশ্চাগ্র্যৈঃ শোভমানানতীব |
৩৮ ক
বৈশম্পায়ন উবাচ:
সাক্ষাত্ত্র্যক্ষান্বসবো বাথ দিব্যা; নাদিত্যান্বা সর্বগুণোপপন্নান্ |
৩৮ খ
বৈশম্পায়ন উবাচ:
তান্পূর্বেন্দ্রানেবমীক্ষ্যাভিরূপা; ন্প্রীতো রাজা দ্রুপদো বিস্মিতশ্চ ||
৩৮ গ
বৈশম্পায়ন উবাচ:
দিব্যাং মায়াং তামবাপ্যাপ্রমেয়াং; তাং চৈবাগ্র্যাং শ্রিয়মিব রূপিণীং চ |
৩৯ ক
বৈশম্পায়ন উবাচ:
যোগ্যাং তেষাং রূপতেজোয়শোভিঃ; পত্নীমৃদ্ধাং দৃষ্টবান্পার্থিবেন্দ্রঃ ||
৩৯ খ
বৈশম্পায়ন উবাচ:
স তদ্দৃষ্ট্বা মহদাশ্চর্যরূপং; জগ্রাহ পাদৌ সত্যবত্যাঃ সুতস্য |
৪০ ক
বৈশম্পায়ন উবাচ:
নৈতচ্চিত্রং পরমর্ষে ত্বয়ীতি; প্রসন্নচেতাঃ স উবাচ চৈনম্ ||
৪০ খ
ব্যাস উবাচ:
আসীত্তপোবনে কাচিদৃষেঃ কন্যা মহাত্মনঃ |
৪১ ক
ব্যাস উবাচ:
নাধ্যগচ্ছৎপতিং সা তু কন্যা রূপবতী সতী ||
৪১ খ
ব্যাস উবাচ:
তোষয়ামাস তপসা সা কিলোগ্রেণ শঙ্করম্ |
৪২ ক
ব্যাস উবাচ:
তামুবাচেশ্বরঃ প্রীতো বৃণু কামমিতি স্বয়ম্ ||
৪২ খ
ব্যাস উবাচ:
সৈবমুক্তাব্রবীৎকন্যা দেবং বরদমীশ্বরম্ |
৪৩ ক
ব্যাস উবাচ:
পতিং সর্বগুণোপেতমিচ্ছামীতি পুনঃ পুনঃ ||
৪৩ খ
ব্যাস উবাচ:
দদৌ তস্যৈ স দেবেশস্তং বরং প্রীতিমাংস্তদা |
৪৪ ক
ব্যাস উবাচ:
পঞ্চ তে পতয়ঃ শ্রেষ্ঠা ভবিষ্যন্তীতি শঙ্করঃ ||
৪৪ খ
ব্যাস উবাচ:
সা প্রসাদয়তী দেবমিদং ভূয়োঽভ্যভাষত |
৪৫ ক
ব্যাস উবাচ:
একং পতিং গুণোপেতং ত্বত্তোঽর্হামীতি বৈ তদা |
৪৫ খ
ব্যাস উবাচ:
তাং দেবদেবঃ প্রীতাত্মা পুনঃ প্রাহ শুভং বচঃ ||
৪৫ গ
ব্যাস উবাচ:
পঞ্চকৃত্বস্ত্বয়া উক্তঃ পতিং দেহীত্যহং পুনঃ |
৪৬ ক
ব্যাস উবাচ:
তত্তথা ভবিতা ভদ্রে তব তদ্ভদ্রমস্তু তে |
৪৬ খ
ব্যাস উবাচ:
দেহমন্যং গতায়াস্তে যথোক্তং তদ্ভবিষ্যতি ||
৪৬ গ
ব্যাস উবাচ:
দ্রুপদৈষা হি সা জজ্ঞে সুতা তে দেবরূপিণী |
৪৭ ক
ব্যাস উবাচ:
পঞ্চানাং বিহিতা পত্নী কৃষ্ণা পার্ষত্যনিন্দিতা ||
৪৭ খ
ব্যাস উবাচ:
স্বর্গশ্রীঃ পাণ্ডবার্থায় সমুৎপন্না মহামখে |
৪৮ ক
ব্যাস উবাচ:
সেহ তপ্ত্বা তপো ঘোরং দুহিতৃত্বং তবাগতা ||
৪৮ খ