দ্রুপদ উবাচ:
অশ্রুত্বৈবং বচনং তে মহর্ষে; ময়া পূর্বং যতিতং কার্যমেতৎ |
১ ক
দ্রুপদ উবাচ:
ন বৈ শক্যং বিহিতস্যাপয়াতুং; তদেবেদমুপপন্নং বিধানম্ ||
১ খ
দ্রুপদ উবাচ:
দিষ্টস্য গ্রন্থিরনিবর্তনীয়ঃ; স্বকর্মণা বিহিতং নেহ কিঞ্চিৎ |
২ ক
দ্রুপদ উবাচ:
কৃতং নিমিত্তং হি বরৈকহেতো; স্তদেবেদমুপপন্নং বহূনাম্ ||
২ খ
দ্রুপদ উবাচ:
যথৈব কৃষ্ণোক্তবতী পুরস্তা; ন্নৈকান্পতীন্মে ভগবান্দদাতু |
৩ ক
দ্রুপদ উবাচ:
স চাপ্যেবং বরমিত্যব্রবীত্তাং; দেবো হি বেদ পরমং যদত্র ||
৩ খ
দ্রুপদ উবাচ:
যদি বায়ং বিহিতঃ শঙ্করেণ; ধর্মোঽধর্মো বা নাত্র মমাপরাধঃ |
৪ ক
দ্রুপদ উবাচ:
গৃহ্ণন্ত্বিমে বিধিবৎপাণিমস্যা; যথোপজোষং বিহিতৈষাং হি কৃষ্ণা ||
৪ খ
বৈশম্পায়ন উবাচ:
ততোঽব্রবীদ্ভগবান্ধর্মরাজ; মদ্য পুণ্যাহমুত পাণ্ডবেয় |
৫ ক
বৈশম্পায়ন উবাচ:
অদ্য পৌষ্যং যোগমুপৈতি চন্দ্রমাঃ; পাণিং কৃষ্ণায়াস্ত্বং গৃহাণাদ্য পূর্বম্ ||
৫ খ
বৈশম্পায়ন উবাচ:
ততো রাজা যজ্ঞসেনঃ সপুত্রো; জন্যার্থ যুক্তং বহু তত্তদগ্র্যম্ |
৬ ক
বৈশম্পায়ন উবাচ:
সমানয়ামাস সুতাং চ কৃষ্ণা; মাপ্লাব্য রত্নৈর্বহুভির্বিভূষ্য ||
৬ খ
বৈশম্পায়ন উবাচ:
ততঃ সর্বে সুহৃদস্তত্র তস্য; সমাজগ্মুঃ সচিবা মন্ত্রিণশ্চ |
৭ ক
বৈশম্পায়ন উবাচ:
দ্রষ্টুং বিবাহং পরমপ্রতীতা; দ্বিজাশ্চ পৌরাশ্চ যথাপ্রধানাঃ ||
৭ খ
বৈশম্পায়ন উবাচ:
তত্তস্য বেশ্মার্থিজনোপশোভিতং; বিকীর্ণপদ্মোৎপলভূষিতাজিরম্ |
৮ ক
বৈশম্পায়ন উবাচ:
মহার্হরত্নৌঘবিচিত্রমাবভৌ; দিবং যথা নির্মলতারকাচিতম্ ||
৮ খ
বৈশম্পায়ন উবাচ:
ততস্তু তে কৌরবরাজপুত্রা; বিভূষিতাঃ কুণ্ডলিনো যুবানঃ |
৯ ক
বৈশম্পায়ন উবাচ:
মহার্হবস্ত্রা বরচন্দনোক্ষিতাঃ; কৃতাভিষেকাঃ কৃতমঙ্গলক্রিয়াঃ ||
৯ খ
বৈশম্পায়ন উবাচ:
পুরোহিতেনাগ্নিসমানবর্চসা; সহৈব ধৌম্যেন যথাবিধি প্রভো |
১০ ক
বৈশম্পায়ন উবাচ:
ক্রমেণ সর্বে বিবিশুশ্চ তৎসদো; মহর্ষভা গোষ্ঠমিবাভিনন্দিনঃ ||
১০ খ
বৈশম্পায়ন উবাচ:
ততঃ সমাধায় স বেদপারগো; জুহাব মন্ত্রৈর্জ্বলিতং হুতাশনম্ |
১১ ক
বৈশম্পায়ন উবাচ:
যুধিষ্ঠিরং চাপ্যুপনীয় মন্ত্রবি; ন্নিয়োজয়ামাস সহৈব কৃষ্ণয়া ||
১১ খ
বৈশম্পায়ন উবাচ:
প্রদক্ষিণং তৌ প্রগৃহীতপাণী; সমানয়ামাস স বেদপারগঃ |
১২ ক
বৈশম্পায়ন উবাচ:
ততোঽভ্যনুজ্ঞায় তমাজিশোভিনং; পুরোহিতো রাজগৃহাদ্বিনির্যযৌ ||
১২ খ
বৈশম্পায়ন উবাচ:
ক্রমেণ চানেন নরাধিপাত্মজা; বরস্ত্রিয়াস্তে জগৃহুস্তদা করম্ |
১৩ ক
বৈশম্পায়ন উবাচ:
অহন্যহন্যুত্তমরূপধারিণো; মহারথাঃ কৌরববংশবর্ধনাঃ ||
১৩ খ
বৈশম্পায়ন উবাচ:
ইদং চ তত্রাদ্ভুতরূপমুত্তমং; জগাদ বিপ্রর্ষিরতীতমানুষম্ |
১৪ ক
বৈশম্পায়ন উবাচ:
মহানুভাবা কিল সা সুমধ্যমা; বভূব কন্যৈব গতে গতেঽহনি ||
১৪ খ
বৈশম্পায়ন উবাচ:
কৃতে বিবাহে দ্রুপদো ধনং দদৌ; মহারথেভ্যো বহুরূপমুত্তমম্ |
১৫ ক
বৈশম্পায়ন উবাচ:
শতং রথানাং বরহেমভূষিণাং; চতুর্যুজাং হেমখলীনমালিনাম্ ||
১৫ খ
বৈশম্পায়ন উবাচ:
শতং গজানামভিপদ্মিনাং তথা; শতং গিরীণামিব হেমশৃঙ্গিণাম্ |
১৬ ক
বৈশম্পায়ন উবাচ:
তথৈব দাসীশতমগ্র্যযৌবনং; মহার্হবেষাভরণাম্বরস্রজম্ ||
১৬ খ
বৈশম্পায়ন উবাচ:
পৃথক্পৃথক্চৈব দশায়ুতান্বিতং; ধনং দদৌ সৌমকিরগ্নিসাক্ষিকম্ |
১৭ ক
বৈশম্পায়ন উবাচ:
তথৈব বস্ত্রাণি চ ভূষণানি; প্রভাবয়ুক্তানি মহাধনানি ||
১৭ খ
বৈশম্পায়ন উবাচ:
কৃতে বিবাহে চ ততঃ স্ম পাণ্ডবাঃ; প্রভূতরত্নামুপলভ্য তাং শ্রিয়ম্ |
১৮ ক
বৈশম্পায়ন উবাচ:
বিজহ্রুরিন্দ্রপ্রতিমা মহাবলাঃ; পুরে তু পাঞ্চালনৃপস্য তস্য হ ||
১৮ খ