বলদেব উবাচ:
শ্রুতং ভবদ্ভির্গদপূর্বজস্য; বাক্যং যথা ধর্মবদর্থবচ্চ |
১ ক
বলদেব উবাচ:
অজাতশত্রোশ্চ হিতং হিতং চ; দুর্যোধনস্যাপি তথৈব রাজ্ঞঃ ||
১ খ
বলদেব উবাচ:
অর্ধং হি রাজ্যস্য বিসৃজ্য বীরাঃ; কুন্তীসুতাস্তস্য কৃতে যতন্তে |
২ ক
বলদেব উবাচ:
প্রদায় চার্ধং ধৃতরাষ্ট্রপুত্রঃ; সুখী সহাস্মাভিরতীব মোদেৎ ||
২ খ
বলদেব উবাচ:
লব্ধ্বা হি রাজ্যং পুরুষপ্রবীরাঃ; সম্যক্প্রবৃত্তেষু পরেষু চৈব |
৩ ক
বলদেব উবাচ:
ধ্রুবং প্রশান্তাঃ সুখমাবিশেয়ু; স্তেষাং প্রশান্তিশ্চ হিতং প্রজানাম্ ||
৩ খ
বলদেব উবাচ:
দুর্যোধনস্যাপি মতং চ বেত্তুং; বক্তুং চ বাক্যানি যুধিষ্ঠিরস্য |
৪ ক
বলদেব উবাচ:
প্রিয়ং মম স্যাদ্যদি তত্র কশ্চি; দ্ব্রজেচ্ছমার্থং কুরুপাণ্ডবানাম্ ||
৪ খ
বলদেব উবাচ:
স ভীষ্মমামন্ত্র্য কুরুপ্রবীরং; বৈচিত্রবীর্যং চ মহানুভাবম্ |
৫ ক
বলদেব উবাচ:
দ্রোণং সপুত্রং বিদুরং কৃপং চ; গান্ধাররাজং চ সসূতপুত্রম্ ||
৫ খ
বলদেব উবাচ:
সর্বে চ যেঽন্যে ধৃতরাষ্ট্রপুত্রা; বলপ্রধানা নিগমপ্রধানাঃ |
৬ ক
বলদেব উবাচ:
স্থিতাশ্চ ধর্মেষু যথা স্বকেষু; লোকপ্রবীরাঃ শ্রুতকালবৃদ্ধাঃ ||
৬ খ
বলদেব উবাচ:
এতেষু সর্বেষু সমাগতেষু; পৌরেষু বৃদ্ধেষু চ সঙ্গতেষু |
৭ ক
বলদেব উবাচ:
ব্রবীতু বাক্যং প্রণিপাতয়ুক্তং; কুন্তীসুতস্যার্থকরং যথা স্যাৎ ||
৭ খ
বলদেব উবাচ:
সর্বাস্ববস্থাসু চ তে ন কৌট্যা; দ্গ্রস্তো হি সোঽর্থো বলমাশ্রিতৈস্তৈঃ |
৮ ক
বলদেব উবাচ:
প্রিয়াভ্যুপেতস্য যুধিষ্ঠিরস্য; দ্যূতে প্রমত্তস্য হৃতং চ রাজ্যম্ ||
৮ খ
বলদেব উবাচ:
নিবার্যমাণশ্চ কুরুপ্রবীরৈঃ; সর্বৈঃ সুহৃদ্ভির্হ্যযমপ্যতজ্জ্ঞঃ |
৯ ক
বলদেব উবাচ:
গান্ধাররাজস্য সুতং মতাক্ষং; সমাহ্বয়েদ্দেবিতুমাজমীঢঃ ||
৯ খ
বলদেব উবাচ:
দুরোদরাস্তত্র সহস্রশোঽন্যে; যুধিষ্ঠিরো যান্বিষহেত জেতুম্ |
১০ ক
বলদেব উবাচ:
উৎসৃজ্য তান্সৌবলমেব চায়ং; সমাহ্বয়ত্তেন জিতোঽক্ষবত্যাম্ ||
১০ খ
বলদেব উবাচ:
স দীব্যমানঃ প্রতিদেবনেন; অক্ষেষু নিত্যং সুপরাঙ্মুখেষু |
১১ ক
বলদেব উবাচ:
সংরম্ভমাণো বিজিতঃ প্রসহ্য; তত্রাপরাধঃ শকুনের্ন কশ্চিৎ ||
১১ খ
বলদেব উবাচ:
তস্মাৎপ্রণম্যৈব বচো ব্রবীতু; বৈচিত্রবীর্যং বহুসাময়ুক্তম্ |
১২ ক
বলদেব উবাচ:
তথা হি শক্যো ধৃতরাষ্ট্রপুত্রঃ; স্বার্থে নিয়োক্তুং পুরুষেণ তেন ||
১২ খ
বৈশম্পায়ন উবাচ:
এবং ব্রুবত্যেব মধুপ্রবীরে; শিনিপ্রবীরঃ সহসোৎপপাত |
১৩ ক
বৈশম্পায়ন উবাচ:
তচ্চাপি বাক্যং পরিনিন্দ্য তস্য; সমাদদে বাক্যমিদং সমন্যুঃ ||
১৩ খ