সঞ্জয় উবাচ:
হতং ভীষ্মমাধিরথির্বিদিত্বা; ভিন্নাং নাবমিবাত্যগাধে কুরূণাম্ |
১ ক
সঞ্জয় উবাচ:
সোদর্যবদ্ব্যসনাৎসূতপুত্রঃ; সন্তারয়িষ্যংস্তব পুত্রস্য সেনাম্ ||
১ খ
সঞ্জয় উবাচ:
শ্রুত্বা তু কর্ণঃ পুরুষেন্দ্রমচ্যুতং; নিপাতিতং শান্তনবং মহারথম্ |
২ ক
সঞ্জয় উবাচ:
অথোপায়াত্তূর্ণমমিত্রকর্শনো; ধনুর্ধরাণাং প্রবরস্তদা বৃষঃ ||
২ খ
সঞ্জয় উবাচ:
হতে তু ভীষ্মে রথসত্তমে পরৈ; র্নিমজ্জতীং নাবমিবার্ণবে কুরূন্ |
৩ ক
সঞ্জয় উবাচ:
পিতেব পুত্রাংস্ত্বরিতোঽভ্যযাত্ততঃ; সন্তারয়িষ্যংস্তব পুত্রস্য সেনাম্ ||
৩ খ
কর্ণ উবাচ:
যস্মিন্ধৃতির্বুদ্ধিপরাক্রমৌজো; দমঃ সত্যং বীরগুণাশ্চ সর্বে |
৪ ক
কর্ণ উবাচ:
অস্ত্রাণি দিব্যান্যথ সংনতির্হ্রীঃ; প্রিয়া চ বাগনপায়ীনি ভীষ্মে ||
৪ খ
কর্ণ উবাচ:
ব্রহ্মদ্বিষঘ্নে সততং কৃতজ্ঞে; সনাতনং চন্দ্রমসীব লক্ষ্ম |
৫ ক
কর্ণ উবাচ:
স চেৎপ্রশান্তঃ পরবীরহন্তা; মন্যে হতানেব হি সর্বয়োধান্ ||
৫ খ
কর্ণ উবাচ:
নেহ ধ্রুবং কিঞ্চন জাতু বিদ্যতে; অস্মিঁল্লোকে কর্মণোঽনিত্যযোগাৎ |
৬ ক
কর্ণ উবাচ:
সূর্যোদয়ে কো হি বিমুক্তসংশয়ো; ভাবং কুর্বীতাদ্য মহাব্রতে হতে ||
৬ খ
কর্ণ উবাচ:
বসুপ্রভাবে বসুবীর্যসম্ভবে; গতে বসূনেব বসুন্ধরাধিপে |
৭ ক
কর্ণ উবাচ:
বসূনি পুত্রাংশ্চ বসুন্ধরাং তথা; কুরূংশ্চ শোচধ্বমিমাং চ বাহিনীম্ ||
৭ খ
সঞ্জয় উবাচ:
মহাপ্রভাবে বরদে নিপাতিতে; লোকশ্রেষ্ঠে শান্তনবে মহৌজসি |
৮ ক
সঞ্জয় উবাচ:
পরাজিতেষু ভরতেষু দুর্মনাঃ; কর্ণো ভৃশং ন্যশ্বসদশ্রু বর্তয়ন্ ||
৮ খ
সঞ্জয় উবাচ:
ইদং তু রাধেয়বচো নিশম্য তে; সুতাশ্চ রাজংস্তব সৈনিকাশ্চ হ |
৯ ক
সঞ্জয় উবাচ:
পরস্পরং চুক্রুশুরার্তিজং ভৃশং; তদাশ্রু নেত্রৈর্মুমুচুর্হি শব্দবৎ ||
৯ খ
সঞ্জয় উবাচ:
প্রবর্তমানে তু পুনর্মহাহবে; বিগাহ্যমানাসু চমূষু পার্থিবৈঃ |
১০ ক
সঞ্জয় উবাচ:
অথাব্রবীদ্ধর্ষকরং বচস্তদা; রথর্ষভান্সর্বমহারথর্ষভঃ ||
১০ খ
কর্ণ উবাচ:
জগত্যনিত্যে সততং প্রধাবতি; প্রচিন্তয়ন্নস্থিরমদ্য লক্ষয়ে |
১১ ক
কর্ণ উবাচ:
ভবৎসু তিষ্ঠৎস্বিহ পাতিতো রণে; গিরিপ্রকাশঃ কুরুপুঙ্গবঃ কথম্ ||
১১ খ
কর্ণ উবাচ:
নিপাতিতে শান্তনবে মহারথে; দিবাকরে ভূতলমাস্থিতে যথা |
১২ ক
কর্ণ উবাচ:
ন পার্থিবাঃ সোঢুমলং ধনঞ্জয়ং; গিরিপ্রবোঢারমিবানিলং দ্রুমাঃ ||
১২ খ
কর্ণ উবাচ:
হতপ্রধানং ত্বিদমার্তরূপং; পরৈর্হতোৎসাহমনাথমদ্য বৈ |
১৩ ক
কর্ণ উবাচ:
ময়া কুরূণাং পরিপাল্যমাহবে; বলং যথা তেন মহাত্মনা তথা ||
১৩ খ
কর্ণ উবাচ:
সমাহিতং চাত্মনি ভারমীদৃশং; জগত্তথানিত্যমিদং চ লক্ষয়ে |
১৪ ক
কর্ণ উবাচ:
নিপাতিতং চাহবশৌণ্ডমাহবে; কথং নু কুর্যামহমাহবে ভয়ম্ ||
১৪ খ
কর্ণ উবাচ:
অহং তু তান্কুরুবৃষভানজিহ্মগৈঃ; প্রবেরয়ন্যমসদনং রণে চরন্ |
১৫ ক
কর্ণ উবাচ:
যশঃ পরং জগতি বিভাব্য বর্তিতা; পরৈর্হতো যুধি শয়িতাথ বা পুনঃ ||
১৫ খ
কর্ণ উবাচ:
যুধিষ্ঠিরো ধৃতিমতিধর্মতত্ত্ববা; ন্বৃকোদরো গজশততুল্যবিক্রমঃ |
১৬ ক
কর্ণ উবাচ:
তথার্জুনস্ত্রিদশবরাত্মজো যতো; ন তদ্বলং সুজয়মথামরৈরপি ||
১৬ খ
কর্ণ উবাচ:
যমৌ রণে যত্র যমোপমৌ বলে; সসাত্যকির্যত্র চ দেবকীসুতঃ |
১৭ ক
কর্ণ উবাচ:
ন তদ্বলং কাপুরুষোঽভ্যুপেয়িবা; ন্নিবর্ততে মৃত্যুমুখাদিবাসকৃৎ ||
১৭ খ
কর্ণ উবাচ:
তপোঽভ্যুদীর্ণং তপসৈব গম্যতে; বলং বলেনাপি তথা মনস্বিভিঃ |
১৮ ক
কর্ণ উবাচ:
মনশ্চ মে শত্রুনিবারণে ধ্রুবং; স্বরক্ষণে চাচলবদ্ব্যবস্থিতম্ ||
১৮ খ
কর্ণ উবাচ:
এবং চৈষাং বুধ্যমানঃ প্রভাবং; গত্বৈবাহং তাঞ্জয়াম্যদ্য সূত |
১৯ ক
কর্ণ উবাচ:
মিত্রদ্রোহো মর্ষণীয়ো ন মেঽয়ং; ভগ্নে সৈন্যে যঃ সহায়ঃ স মিত্রম্ ||
১৯ খ
কর্ণ উবাচ:
কর্তাস্ম্যেতৎসৎপুরুষার্যকর্ম; ত্যক্ত্বা প্রাণাননুয়াস্যামি ভীষ্মম্ |
২০ ক
কর্ণ উবাচ:
সর্বান্সঙ্খ্যে শত্রুসঙ্ঘান্হনিষ্যে; হতস্তৈর্বা বীরলোকং গমিষ্যে ||
২০ খ
কর্ণ উবাচ:
সম্প্রাক্রুষ্টে রুদিতস্ত্রীকুমারে; পরাভূতে পৌরুষে ধার্তরাষ্ট্রে |
২১ ক
কর্ণ উবাচ:
ময়া কৃত্যমিতি জানামি সূত; তস্মাচ্ছত্রূন্ধার্তরাষ্ট্রস্য জেষ্যে ||
২১ খ
কর্ণ উবাচ:
কুরূন্রক্ষন্পাণ্ডুপুত্রাঞ্জিঘাংসং; স্ত্যক্ত্বা প্রাণান্ঘোররূপে রণেঽস্মিন্ |
২২ ক
কর্ণ উবাচ:
সর্বান্সঙ্খ্যে শত্রুসঙ্ঘান্নিহত্য; দাস্যাম্যহং ধার্তরাষ্ট্রায় রাজ্যম্ ||
২২ খ
কর্ণ উবাচ:
নিবধ্যতাং মে কবচং বিচিত্রং; হৈমং শুভ্রং মণিরত্নাবভাসি |
২৩ ক
কর্ণ উবাচ:
শিরস্ত্রাণং চার্কসমানভাসং; ধনুঃ শরাংশ্চাপি বিষাহিকল্পান্ ||
২৩ খ
কর্ণ উবাচ:
উপাসঙ্গান্ষোডশ যোজয়ন্তু; ধনূংষি দিব্যানি তথাহরন্তু |
২৪ ক
কর্ণ উবাচ:
অসীংশ্চ শক্তীশ্চ গদাশ্চ গুর্বীঃ; শঙ্খং চ জাম্বূনদচিত্রভাসম্ ||
২৪ খ
কর্ণ উবাচ:
এতাং রৌক্মীং নাগকক্ষ্যাং চ জৈত্রীং; জৈত্রং চ মে ধ্বজমিন্দীবরাভম্ |
২৫ ক
কর্ণ উবাচ:
শ্লক্ষ্ণৈর্বস্ত্রৈর্বিপ্রমৃজ্যানয়স্ব; চিত্রাং মালাং চাত্র বদ্ধ্বা সজালাম্ ||
২৫ খ
কর্ণ উবাচ:
অশ্বানগ্র্যান্পাণ্ডুরাভ্রপ্রকাশা; ন্পুষ্টান্স্নাতান্মন্ত্রপূতাভিরদ্ভিঃ |
২৬ ক
কর্ণ উবাচ:
তপ্তৈর্ভাণ্ডৈঃ কাঞ্চনৈরভ্যুপেতা; ঞ্শীঘ্রাঞ্শীঘ্রং সূতপুত্রানয়স্ব ||
২৬ খ
কর্ণ উবাচ:
রথং চাগ্র্যং হেমজালাবনদ্ধং; রত্নৈশ্চিত্রং চন্দ্রসূর্যপ্রকাশৈঃ |
২৭ ক
কর্ণ উবাচ:
দ্রব্যৈর্যুক্তং সম্প্রহারোপপন্নৈ; র্বাহৈর্যুক্তং তূর্ণমাবর্তয়স্ব ||
২৭ খ
কর্ণ উবাচ:
চিত্রাণি চাপানি চ বেগবন্তি; জ্যাশ্চোত্তমাঃ সংহননোপপন্নাঃ |
২৮ ক
কর্ণ উবাচ:
তূণাংশ্চ পূর্ণান্মহতঃ শরাণা; মাসজ্য গাত্রাবরণানি চৈব ||
২৮ খ
কর্ণ উবাচ:
প্রায়াত্রিকং চানয়তাশু সর্বং; কন্যাঃ পূর্ণং বীরকাংস্যং চ হৈমম্ |
২৯ ক
কর্ণ উবাচ:
আনীয় মালামববধ্য চাঙ্গে; প্রবাদয়ন্ত্বাশু জয়ায় ভেরীঃ ||
২৯ খ
কর্ণ উবাচ:
প্রয়াহি সূতাশু যতঃ কিরীটী; বৃকোদরো ধর্মসুতো যমৌ চ |
৩০ ক
কর্ণ উবাচ:
তান্বা হনিষ্যামি সমেত্য সঙ্খ্যে; ভীষ্মায় বৈষ্যামি হতো দ্বিষদ্ভিঃ ||
৩০ খ
কর্ণ উবাচ:
যস্মিন্রাজা সত্যধৃতির্যুধিষ্ঠিরঃ; সমাস্থিতো ভীমসেনার্জুনৌ চ |
৩১ ক
কর্ণ উবাচ:
বাসুদেবঃ সাত্যকিঃ সৃঞ্জয়াশ্চ; মন্যে বলং তদজয়্যং মহীপৈঃ ||
৩১ খ
কর্ণ উবাচ:
তং চেন্মৃত্যুঃ সর্বহরোঽভিরক্ষে; ৎসদাপ্রমত্তঃ সমরে কিরীটিনম্ |
৩২ ক
কর্ণ উবাচ:
তথাপি হন্তাস্মি সমেত্য সঙ্খ্যে; যাস্যামি বা ভীষ্মপথা যমায় ||
৩২ খ
কর্ণ উবাচ:
ন ত্বেবাহং ন গমিষ্যামি তেষাং; মধ্যে শূরাণাং তত্তথাহং ব্রবীমি |
৩৩ ক
কর্ণ উবাচ:
মিত্রদ্রুহো দুর্বলভক্তয়ো যে; পাপাত্মানো ন মমৈতে সহায়াঃ ||
৩৩ খ
সঞ্জয় উবাচ:
স সিদ্ধিমন্তং রথমুত্তমং দৃঢং; সকূবরং হেমপরিষ্কৃতং শুভম্ |
৩৪ ক
সঞ্জয় উবাচ:
পতাকিনং বাতজবৈর্হয়োত্তমৈ; র্যুক্তং সমাস্থায় যয়ৌ জয়ায় ||
৩৪ খ
সঞ্জয় উবাচ:
সম্পূজ্যমানঃ কুরুভির্মহাত্মা; রথর্ষভঃ পাণ্ডুরবাজিয়াতা |
৩৫ ক
সঞ্জয় উবাচ:
যয়ৌ তদায়োধনমুগ্রধন্বা; যত্রাবসানং ভরতর্ষভস্য ||
৩৫ খ
সঞ্জয় উবাচ:
বরূথিনা মহতা সধ্বজেন; সুবর্ণমুক্তামণিবজ্রশালিনা |
৩৬ ক
সঞ্জয় উবাচ:
সদশ্বয়ুক্তেন রথেন কর্ণো; মেঘস্বনেনার্ক ইবামিতৌজাঃ ||
৩৬ খ
সঞ্জয় উবাচ:
হুতাশনাভঃ স হুতাশনপ্রভে; শুভঃ শুভে বৈ স্বরথে ধনুর্ধরঃ |
৩৭ ক
সঞ্জয় উবাচ:
স্থিতো ররাজাধিরথির্মহারথঃ; স্বয়ং বিমানে সুররাডিব স্থিতঃ ||
৩৭ খ