ধৃতরাষ্ট্র উবাচ:
সূর্যোদয়ে সঞ্জয় কে নু পূর্বং; যুয়ুৎসবো হৃষ্যমাণা ইবাসন্ |
১ ক
ধৃতরাষ্ট্র উবাচ:
মামকা বা ভীষ্মনেত্রাঃ সমীকে; পাণ্ডবা বা ভীমনেত্রাস্তদানীম্ ||
১ খ
ধৃতরাষ্ট্র উবাচ:
কেষাং জঘন্যৌ সোমসূর্যৌ সবায়ূ; কেষাং সেনাং শ্বাপদা ব্যাভষন্ত |
২ ক
ধৃতরাষ্ট্র উবাচ:
কেষাং যূনাং মুখবর্ণাঃ প্রসন্নাঃ; সর্বং হ্যেতদ্ব্রূহি তত্ত্বং যথাবৎ ||
২ খ
সঞ্জয় উবাচ:
উভে সেনে তুল্যমিবোপয়াতে; উভে ব্যূহে হৃষ্টরূপে নরেন্দ্র |
৩ ক
সঞ্জয় উবাচ:
উভে চিত্রে বনরাজিপ্রকাশে; তথৈবোভে নাগরথাশ্বপূর্ণে ||
৩ খ
সঞ্জয় উবাচ:
উভে সেনে বৃহতী ভীমরূপে; তথৈবোভে ভারত দুর্বিষহ্যে |
৪ ক
সঞ্জয় উবাচ:
তথৈবোভে স্বর্গজয়ায় সৃষ্টে; তথা হ্যুভে সৎপুরুষার্যগুপ্তে ||
৪ খ
সঞ্জয় উবাচ:
পশ্চান্মুখাঃ কুরবো ধার্তরাষ্ট্রাঃ; স্থিতাঃ পার্থাঃ প্রাঙ্মুখা যোৎস্যমানাঃ |
৫ ক
সঞ্জয় উবাচ:
দৈত্যেন্দ্রসেনেব চ কৌরবাণাং; দেবেন্দ্রসেনেব চ পাণ্ডবানাম্ ||
৫ খ
সঞ্জয় উবাচ:
শুক্রো বায়ুঃ পৃষ্ঠতঃ পাণ্ডবানাং; ধার্তরাষ্ট্রাঞ্শ্বাপদা ব্যাভষন্ত |
৬ ক
সঞ্জয় উবাচ:
গজেন্দ্রাণাং মদগন্ধাংশ্চ তীব্রা; ন্ন সেহিরে তব পুত্রস্য নাগাঃ ||
৬ খ
সঞ্জয় উবাচ:
দুর্যোধনো হস্তিনং পদ্মবর্ণং; সুবর্ণকক্ষ্যং জাতিবলং প্রভিন্নম্ |
৭ ক
সঞ্জয় উবাচ:
সমাস্থিতো মধ্যগতঃ কুরূণাং; সংস্তূয়মানো বন্দিভির্মাগধৈশ্চ ||
৭ খ
সঞ্জয় উবাচ:
চন্দ্রপ্রভং শ্বেতমস্যাতপত্রং; সৌবর্ণী স্রগ্ভ্রাজতে চোত্তমাঙ্গে |
৮ ক
সঞ্জয় উবাচ:
তং সর্বতঃ শকুনিঃ পার্বতীয়ৈঃ; সার্ধং গান্ধারৈঃ পাতি গান্ধাররাজঃ ||
৮ খ
সঞ্জয় উবাচ:
ভীষ্মোঽগ্রতঃ সর্বসৈন্যস্য বৃদ্ধঃ; শ্বেতচ্ছত্রঃ শ্বেতধনুঃ সশঙ্খঃ |
৯ ক
সঞ্জয় উবাচ:
শ্বেতোষ্ণীষঃ পাণ্ডুরেণ ধ্বজেন; শ্বেতৈরশ্বৈঃ শ্বেতশৈলপ্রকাশঃ ||
৯ খ
সঞ্জয় উবাচ:
তস্য সৈন্যং ধার্তরাষ্ট্রাশ্চ সর্বে; বাহ্লীকানামেকদেশঃ শলশ্চ |
১০ ক
সঞ্জয় উবাচ:
যে চাম্বষ্ঠাঃ ক্ষত্রিয়া যে চ সিন্ধৌ; তথা সৌবীরাঃ পঞ্চনদাশ্চ শূরাঃ ||
১০ খ
সঞ্জয় উবাচ:
শোণৈর্হয়ৈ রুক্মরথো মহাত্মা; দ্রোণো মহাবাহুরদীনসত্ত্বঃ |
১১ ক
সঞ্জয় উবাচ:
আস্তে গুরুঃ প্রয়শাঃ সর্বরাজ্ঞাং; পশ্চাচ্চমূমিন্দ্র ইবাভিরক্ষন্ ||
১১ খ
সঞ্জয় উবাচ:
বার্দ্ধক্ষত্রিঃ সর্বসৈন্যস্য মধ্যে; ভূরিশ্রবাঃ পুরুমিত্রো জয়শ্চ |
১২ ক
সঞ্জয় উবাচ:
শাল্বা মৎস্যাঃ কেকয়াশ্চাপি সর্বে; গজানীকৈর্ভ্রাতরো যোৎস্যমানাঃ ||
১২ খ
সঞ্জয় উবাচ:
শারদ্বতশ্চোত্তরধূর্মহাত্মা; মহেষ্বাসো গৌতমশ্চিত্রয়োধী |
১৩ ক
সঞ্জয় উবাচ:
শকৈঃ কিরাতৈর্যবনৈঃ পহ্লবৈশ্চ; সার্ধং চমূমুত্তরতোঽভিপাতি ||
১৩ খ
সঞ্জয় উবাচ:
মহারথৈরন্ধকবৃষ্ণিভোজৈঃ; সৌরাষ্ট্রকৈর্নৈরৃতৈরাত্তশস্ত্রৈঃ |
১৪ ক
সঞ্জয় উবাচ:
বৃহদ্বলঃ কৃতবর্মাভিগুপ্তো; বলং ত্বদীয়ং দক্ষিণতোঽভিপাতি ||
১৪ খ
সঞ্জয় উবাচ:
সংশপ্তকানাময়ুতং রথানাং; মৃত্যুর্জয়ো বার্জুনস্যেতি সৃষ্টাঃ |
১৫ ক
সঞ্জয় উবাচ:
যেনার্জুনস্তেন রাজন্কৃতাস্ত্রাঃ; প্রয়াতা বৈ তে ত্রিগর্তাশ্চ শূরাঃ ||
১৫ খ
সঞ্জয় উবাচ:
সাগ্রং শতসহস্রং তু নাগানাং তব ভারত |
১৬ ক
সঞ্জয় উবাচ:
নাগে নাগে রথশতং শতং চাশ্বা রথে রথে ||
১৬ খ
সঞ্জয় উবাচ:
অশ্বেঽশ্বে দশ ধানুষ্কা ধানুষ্কে দশ চর্মিণঃ |
১৭ ক
সঞ্জয় উবাচ:
এবং ব্যূঢান্যনীকানি ভীষ্মেণ তব ভারত ||
১৭ খ
সঞ্জয় উবাচ:
অব্যূহন্মানুষং ব্যূহং দৈবং গান্ধর্বমাসুরম্ |
১৮ ক
সঞ্জয় উবাচ:
দিবসে দিবসে প্রাপ্তে ভীষ্মঃ শান্তনবোঽগ্রণীঃ ||
১৮ খ
সঞ্জয় উবাচ:
মহারথৌঘবিপুলঃ সমুদ্র ইব পর্বণি |
১৯ ক
সঞ্জয় উবাচ:
ভীষ্মেণ ধার্তরাষ্ট্রাণাং ব্যূহঃ প্রত্যঙ্মুখো যুধি ||
১৯ খ
সঞ্জয় উবাচ:
অনন্তরূপা ধ্বজিনী ত্বদীয়া; নরেন্দ্র ভীমা ন তু পাণ্ডবানাম্ |
২০ ক
সঞ্জয় উবাচ:
তাং ত্বেব মন্যে বৃহতীং দুষ্প্রধৃষ্যাং; যস্যা নেতারৌ কেশবশ্চার্জুনশ্চ ||
২০ খ