ধৃতরাষ্ট্র উবাচ:
প্রাপ্তানাহুঃ সঞ্জয় পাণ্ডুপুত্রা; নুপপ্লব্যে তান্বিজানীহি গত্বা |
১ ক
ধৃতরাষ্ট্র উবাচ:
অজাতশত্রুং চ সভাজয়েথা; দিষ্ট্যানঘ গ্রামমুপস্থিতস্ত্বম্ ||
১ খ
ধৃতরাষ্ট্র উবাচ:
সর্বান্বদেঃ সঞ্জয় স্বস্তিমন্তঃ; কৃচ্ছ্রং বাসমতদর্হা নিরুষ্য |
২ ক
ধৃতরাষ্ট্র উবাচ:
তেষাং শান্তির্বিদ্যতেঽস্মাসু শীঘ্রং; মিথ্যোপেতানামুপকারিণাং সতাম্ ||
২ খ
ধৃতরাষ্ট্র উবাচ:
নাহং ক্বচিৎসঞ্জয় পাণ্ডবানাং; মিথ্যাবৃত্তিং কাঞ্চন জাত্বপশ্যম্ |
৩ ক
ধৃতরাষ্ট্র উবাচ:
সর্বাং শ্রিয়ং হ্যাত্মবীর্যেণ লব্ধ্বা; পর্যাকার্ষুঃ পাণ্ডবা মহ্যমেব ||
৩ খ
ধৃতরাষ্ট্র উবাচ:
দোষং হ্যেষাং নাধিগচ্ছে পরিক্ষ; ন্নিত্যং কঞ্চিদ্যেন গর্হেয় পার্থান্ |
৪ ক
ধৃতরাষ্ট্র উবাচ:
ধর্মার্থাভ্যাং কর্ম কুর্বন্তি নিত্যং; সুখপ্রিয়া নানুরুধ্যন্তি কামান্ ||
৪ খ
ধৃতরাষ্ট্র উবাচ:
ঘর্মং শীতং ক্ষুৎপিপাসে তথৈব; নিদ্রাং তন্দ্রীং ক্রোধহর্ষৌ প্রমাদম্ |
৫ ক
ধৃতরাষ্ট্র উবাচ:
ধৃত্যা চৈব প্রজ্ঞয়া চাভিভূয়; ধর্মার্থয়োগান্প্রয়তন্তি পার্থাঃ ||
৫ খ
ধৃতরাষ্ট্র উবাচ:
ত্যজন্তি মিত্রেষু ধনানি কালে; ন সংবাসাজ্জীর্যতি মৈত্রমেষাম্ |
৬ ক
ধৃতরাষ্ট্র উবাচ:
যথার্হমানার্থকরা হি পার্থা; স্তেষাং দ্বেষ্টা নাস্ত্যাজমীঢস্য পক্ষে ||
৬ খ
ধৃতরাষ্ট্র উবাচ:
অন্যত্র পাপাদ্বিষমান্মন্দবুদ্ধে; র্দুর্যোধনাৎক্ষুদ্রতরাচ্চ কর্ণাৎ |
৭ ক
ধৃতরাষ্ট্র উবাচ:
তেষাং হীমে হীনসুখপ্রিয়াণাং; মহাত্মনাং সঞ্জনয়ন্তি তেজঃ ||
৭ খ
ধৃতরাষ্ট্র উবাচ:
উত্থানবীর্যঃ সুখমেধমানো; দুর্যোধনঃ সুকৃতং মন্যতে তৎ |
৮ ক
ধৃতরাষ্ট্র উবাচ:
তেষাং ভাগং যচ্চ মন্যেত বালঃ; শক্যং হর্তুং জীবতাং পাণ্ডবানাম্ ||
৮ খ
ধৃতরাষ্ট্র উবাচ:
যস্যার্জুনঃ পদবীং কেশবশ্চ; বৃকোদরঃ সাত্যকোঽজাতশত্রোঃ |
৯ ক
ধৃতরাষ্ট্র উবাচ:
মাদ্রীপুত্রৌ সৃঞ্জয়াশ্চাপি সর্বে; পুরা যুদ্ধাৎসাধু তস্য প্রদানম্ ||
৯ খ
ধৃতরাষ্ট্র উবাচ:
স হ্যেবৈকঃ পৃথিবীং সব্যসাচী; গাণ্ডীবধন্বা প্রণুদেদ্রথস্থঃ |
১০ ক
ধৃতরাষ্ট্র উবাচ:
তথা বিষ্ণুঃ কেশবোঽপ্যপ্রধৃষ্যো; লোকত্রয়স্যাধিপতির্মহাত্মা ||
১০ খ
ধৃতরাষ্ট্র উবাচ:
তিষ্ঠেত কস্তস্য মর্ত্যঃ পুরস্তা; দ্যঃ সর্বদেবেষু বরেণ্য ঈড্যঃ |
১১ ক
ধৃতরাষ্ট্র উবাচ:
পর্জন্যঘোষান্প্রবপঞ্শরৌঘা; ন্পতঙ্গসঙ্ঘানিব শীঘ্রবেগান্ ||
১১ খ
ধৃতরাষ্ট্র উবাচ:
দিশং হ্যুদীচীমপি চোত্তরান্কুরূ; ন্গাণ্ডীবধন্বৈকরথো জিগায় |
১২ ক
ধৃতরাষ্ট্র উবাচ:
ধনং চৈষামাহরৎসব্যসাচী; সেনানুগান্বলিদাংশ্চৈব চক্রে ||
১২ খ
ধৃতরাষ্ট্র উবাচ:
যশ্চৈব দেবান্খাণ্ডবে সব্যসাচী; গাণ্ডীবধন্বা প্রজিগায় সেন্দ্রান্ |
১৩ ক
ধৃতরাষ্ট্র উবাচ:
উপাহরৎফল্গুনো জাতবেদসে; যশো মানং বর্ধয়ন্পাণ্ডবানাম্ ||
১৩ খ
ধৃতরাষ্ট্র উবাচ:
গদাভৃতাং নাদ্য সমোঽস্তি ভীমা; দ্ধস্ত্যারোহো নাস্তি সমশ্চ তস্য |
১৪ ক
ধৃতরাষ্ট্র উবাচ:
রথেঽর্জুনাদাহুরহীনমেনং; বাহ্বোর্বলে চায়ুতনাগবীর্যম্ ||
১৪ খ
ধৃতরাষ্ট্র উবাচ:
সুশিক্ষিতঃ কৃতবৈরস্তরস্বী; দহেৎক্রুদ্ধস্তরসা ধার্তরাষ্ট্রান্ |
১৫ ক
ধৃতরাষ্ট্র উবাচ:
সদাত্যমর্ষী বলবান্ন শক্যো; যুদ্ধে জেতুং বাসবেনাপি সাক্ষাৎ ||
১৫ খ
ধৃতরাষ্ট্র উবাচ:
সুচেতসৌ বলিনৌ শীঘ্রহস্তৌ; সুশিক্ষিতৌ ভ্রাতরৌ ফল্গুনেন |
১৬ ক
ধৃতরাষ্ট্র উবাচ:
শ্যেনৌ যথা পক্ষিপূগান্রুজন্তৌ; মাদ্রীপুত্রৌ নেহ কুরূন্বিশেতাম্ ||
১৬ খ
ধৃতরাষ্ট্র উবাচ:
তেষাং মধ্যে বর্তমানস্তরস্বী; ধৃষ্টদ্যুম্নঃ পাণ্ডবানামিহৈকঃ |
১৭ ক
ধৃতরাষ্ট্র উবাচ:
সহামাত্যঃ সোমকানাং প্রবর্হঃ; সন্ত্যক্তাত্মা পাণ্ডবানাং জয়ায় ||
১৭ খ
ধৃতরাষ্ট্র উবাচ:
সহোষিতশ্চরিতার্থো বয়ঃস্থঃ; শাল্বেয়ানামধিপো বৈ বিরাটঃ |
১৮ ক
ধৃতরাষ্ট্র উবাচ:
সহ পুত্রৈঃ পাণ্ডবার্থে চ শশ্ব; দ্যুধিষ্ঠিরং ভক্ত ইতি শ্রুতং মে ||
১৮ খ
ধৃতরাষ্ট্র উবাচ:
অবরুদ্ধা বলিনঃ কেকয়েভ্যো; মহেষ্বাসা ভ্রাতরঃ পঞ্চ সন্তি |
১৯ ক
ধৃতরাষ্ট্র উবাচ:
কেকয়েভ্যো রাজ্যমাকাঙ্ক্ষমাণা; যুদ্ধার্থিনশ্চানুবসন্তি পার্থান্ ||
১৯ খ
ধৃতরাষ্ট্র উবাচ:
সর্বে চ বীরাঃ পৃথিবীপতীনাং; সমানীতাঃ পাণ্ডবার্থে নিবিষ্টাঃ |
২০ ক
ধৃতরাষ্ট্র উবাচ:
শূরানহং ভক্তিমতঃ শৃণোমি; প্রীত্যা যুক্তান্সংশ্রিতান্ধর্মরাজম্ ||
২০ খ
ধৃতরাষ্ট্র উবাচ:
গির্যাশ্রয়া দুর্গনিবাসিনশ্চ; যোধাঃ পৃথিব্যাং কুলজা বিশুদ্ধাঃ |
২১ ক
ধৃতরাষ্ট্র উবাচ:
ম্লেচ্ছাশ্চ নানায়ুধবীর্যবন্তঃ; সমাগতাঃ পাণ্ডবার্থে নিবিষ্টাঃ ||
২১ খ
ধৃতরাষ্ট্র উবাচ:
পাণ্ড্যশ্চ রাজামিত ইন্দ্রকল্পো; যুধি প্রবীরৈর্বহুভিঃ সমেতঃ |
২২ ক
ধৃতরাষ্ট্র উবাচ:
সমাগতঃ পাণ্ডবার্থে মহাত্মা; লোকপ্রবীরোঽপ্রতিবীর্যতেজাঃ ||
২২ খ
ধৃতরাষ্ট্র উবাচ:
অস্ত্রং দ্রোণাদর্জুনাদ্বাসুদেবা; ৎকৃপাদ্ভীষ্মাদ্যেন কৃতং শৃণোমি |
২৩ ক
ধৃতরাষ্ট্র উবাচ:
যং তং কার্ষ্ণিপ্রতিমং প্রাহুরেকং; স সাত্যকিঃ পাণ্ডবার্থে নিবিষ্টঃ ||
২৩ খ
ধৃতরাষ্ট্র উবাচ:
অপাশ্রিতাশ্চেদিকরূষকাশ্চ; সর্বোৎসাহৈর্ভূমিপালৈঃ সমেতাঃ |
২৪ ক
ধৃতরাষ্ট্র উবাচ:
তেষাং মধ্যে সূর্যমিবাতপন্তং; শ্রিয়া বৃতং চেদিপতিং জ্বলন্তম্ ||
২৪ খ
ধৃতরাষ্ট্র উবাচ:
অস্তম্ভনীয়ং যুধি মন্যমানং; জ্যাকর্ষতাং শ্রেষ্ঠতমং পৃথিব্যাম্ |
২৫ ক
ধৃতরাষ্ট্র উবাচ:
সর্বোৎসাহং ক্ষত্রিয়াণাং নিহত্য; প্রসহ্য কৃষ্ণস্তরসা মমর্দ ||
২৫ খ
ধৃতরাষ্ট্র উবাচ:
যশোমানৌ বর্ধয়ন্যাদবানাং; পুরাভিনচ্ছিশুপালং সমীকে |
২৬ ক
ধৃতরাষ্ট্র উবাচ:
যস্য সর্বে বর্ধয়ন্তি স্ম মানং; করূষরাজপ্রমুখা নরেন্দ্রাঃ ||
২৬ খ
ধৃতরাষ্ট্র উবাচ:
তমসহ্যং কেশবং তত্র মত্বা; সুগ্রীবয়ুক্তেন রথেন কৃষ্ণম্ |
২৭ ক
ধৃতরাষ্ট্র উবাচ:
সম্প্রাদ্রবংশ্চেদিপতিং বিহায়; সিংহং দৃষ্ট্বা ক্ষুদ্রমৃগা ইবান্যে ||
২৭ খ
ধৃতরাষ্ট্র উবাচ:
যস্তং প্রতীপস্তরসা প্রত্যুদীয়া; দাশংসমানো দ্বৈরথে বাসুদেবম্ |
২৮ ক
ধৃতরাষ্ট্র উবাচ:
সোঽশেত কৃষ্ণেন হতঃ পরাসু; র্বাতেনেবোন্মথিতঃ কর্ণিকারঃ ||
২৮ খ
ধৃতরাষ্ট্র উবাচ:
পরাক্রমং মে যদবেদয়ন্ত; তেষামর্থে সঞ্জয় কেশবস্য |
২৯ ক
ধৃতরাষ্ট্র উবাচ:
অনুস্মরংস্তস্য কর্মাণি বিষ্ণো; র্গাবল্গণে নাধিগচ্ছামি শান্তিম্ ||
২৯ খ
ধৃতরাষ্ট্র উবাচ:
ন জাতু তাঞ্শত্রুরন্যঃ সহেত; যেষাং স স্যাদগ্রণীর্বৃষ্ণিসিংহঃ |
৩০ ক
ধৃতরাষ্ট্র উবাচ:
প্রবেপতে মে হৃদয়ং ভয়েন; শ্রুত্বা কৃষ্ণাবেকরথে সমেতৌ ||
৩০ খ
ধৃতরাষ্ট্র উবাচ:
নো চেদ্গচ্ছেৎসঙ্গরং মন্দবুদ্ধি; স্তাভ্যাং সুতো মে বিপরীতচেতাঃ |
৩১ ক
ধৃতরাষ্ট্র উবাচ:
নো চেৎকুরূন্সঞ্জয় নির্দহেতা; মিন্দ্রাবিষ্ণূ দৈত্যসেনাং যথৈব |
৩১ খ
ধৃতরাষ্ট্র উবাচ:
মতো হি মে শক্রসমো ধনঞ্জয়ঃ; সনাতনো বৃষ্ণিবীরশ্চ বিষ্ণুঃ ||
৩১ গ
ধৃতরাষ্ট্র উবাচ:
ধর্মারামো হ্রীনিষেধস্তরস্বী; কুন্তীপুত্রঃ পাণ্ডবোঽজাতশত্রুঃ |
৩২ ক
ধৃতরাষ্ট্র উবাচ:
দুর্যোধনেন নিকৃতো মনস্বী; নো চেৎক্রুদ্ধঃ প্রদহেদ্ধার্তরাষ্ট্রান্ ||
৩২ খ
ধৃতরাষ্ট্র উবাচ:
নাহং তথা হ্যর্জুনাদ্বাসুদেবা; দ্ভীমাদ্বাপি যময়োর্বা বিভেমি |
৩৩ ক
ধৃতরাষ্ট্র উবাচ:
যথা রাজ্ঞঃ ক্রোধদীপ্তস্য সূত; মন্যোরহং ভীততরঃ সদৈব ||
৩৩ খ
ধৃতরাষ্ট্র উবাচ:
অলং তপোব্রহ্মচর্যেণ যুক্তঃ; সঙ্কল্পোঽয়ং মানসস্তস্য সিধ্যেৎ |
৩৪ ক
ধৃতরাষ্ট্র উবাচ:
তস্য ক্রোধং সঞ্জয়াহং সমীকে; স্থানে জানন্ভৃশমস্ম্যদ্য ভীতঃ ||
৩৪ খ
ধৃতরাষ্ট্র উবাচ:
স গচ্ছ শীঘ্রং প্রহিতো রথেন; পাঞ্চালরাজস্য চমূং পরেত্য |
৩৫ ক
ধৃতরাষ্ট্র উবাচ:
অজাতশত্রুং কুশলং স্ম পৃচ্ছেঃ; পুনঃ পুনঃ প্রীতিয়ুক্তং বদেস্ত্বম্ ||
৩৫ খ
ধৃতরাষ্ট্র উবাচ:
জনার্দনং চাপি সমেত্য তাত; মহামাত্রং বীর্যবতামুদারম্ |
৩৬ ক
ধৃতরাষ্ট্র উবাচ:
অনাময়ং মদ্বচনেন পৃচ্ছে; র্ধৃতরাষ্ট্রঃ পাণ্ডবৈঃ শান্তিমীপ্সুঃ ||
৩৬ খ
ধৃতরাষ্ট্র উবাচ:
ন তস্য কিঞ্চিদ্বচনং ন কুর্যা; ৎকুন্তীপুত্রো বাসুদেবস্য সূত |
৩৭ ক
ধৃতরাষ্ট্র উবাচ:
প্রিয়শ্চৈষামাত্মসমশ্চ কৃষ্ণো; বিদ্বাংশ্চৈষাং কর্মণি নিত্যযুক্তঃ ||
৩৭ খ
ধৃতরাষ্ট্র উবাচ:
সমানীয় পাণ্ডবান্সৃঞ্জয়াংশ্চ; জনার্দনং যুয়ুধানং বিরাটম্ |
৩৮ ক
ধৃতরাষ্ট্র উবাচ:
অনাময়ং মদ্বচনেন পৃচ্ছেঃ; সর্বাংস্তথা দ্রৌপদেয়াংশ্চ পঞ্চ ||
৩৮ খ
ধৃতরাষ্ট্র উবাচ:
যদ্যত্তত্র প্রাপ্তকালং পরেভ্য; স্ত্বং মন্যেথা ভারতানাং হিতং চ |
৩৯ ক
ধৃতরাষ্ট্র উবাচ:
তত্তদ্ভাষেথাঃ সঞ্জয় রাজমধ্যে; ন মূর্ছয়েদ্যন্ন ভবেচ্চ যুদ্ধম্ ||
৩৯ খ