বৈশম্পায়ন উবাচ:
রাজ্ঞস্তু বচনং শ্রুত্বা ধৃতরাষ্ট্রস্য সঞ্জয়ঃ |
১ ক
বৈশম্পায়ন উবাচ:
উপপ্লব্যং যয়ৌ দ্রষ্টুং পাণ্ডবানমিতৌজসঃ ||
১ খ
বৈশম্পায়ন উবাচ:
স তু রাজানমাসাদ্য ধর্মাত্মানং যুধিষ্ঠিরম্ |
২ ক
বৈশম্পায়ন উবাচ:
প্রণিপত্য ততঃ পূর্বং সূতপুত্রোঽভ্যভাষত ||
২ খ
বৈশম্পায়ন উবাচ:
গাবল্গণিঃ সঞ্জয়ঃ সূতসূনু; রজাতশত্রুমবদৎপ্রতীতঃ |
৩ ক
বৈশম্পায়ন উবাচ:
দিষ্ট্যা রাজংস্ত্বামরোগং প্রপশ্যে; সহায়বন্তং চ মহেন্দ্রকল্পম্ ||
৩ খ
বৈশম্পায়ন উবাচ:
অনাময়ং পৃচ্ছতি ত্বাম্বিকেয়ো; বৃদ্ধো রাজা ধৃতরাষ্ট্রো মনীষী |
৪ ক
বৈশম্পায়ন উবাচ:
কচ্চিদ্ভীমঃ কুশলী পাণ্ডবাগ্র্যো; ধনঞ্জয়স্তৌ চ মাদ্রীতনূজৌ ||
৪ খ
বৈশম্পায়ন উবাচ:
কচ্চিৎকৃষ্ণা দ্রৌপদী রাজপুত্রী; সত্যব্রতা বীরপত্নী সপুত্রা |
৫ ক
বৈশম্পায়ন উবাচ:
মনস্বিনী যত্র চ বাঞ্ছসি ত্ব; মিষ্টান্কামান্ভারত স্বস্তিকামঃ ||
৫ খ
যুধিষ্ঠির উবাচ:
গাবল্গণে সঞ্জয় স্বাগতং তে; প্রীতাত্মাহং ত্বাভিবদামি সূত |
৬ ক
যুধিষ্ঠির উবাচ:
অনাময়ং প্রতিজানে তবাহং; সহানুজৈঃ কুশলী চাস্মি বিদ্বন্ ||
৬ খ
যুধিষ্ঠির উবাচ:
চিরাদিদং কুশলং ভারতস্য; শ্রুত্বা রাজ্ঞঃ কুরুবৃদ্ধস্য সূত |
৭ ক
যুধিষ্ঠির উবাচ:
মন্যে সাক্ষাদ্দৃষ্টমহং নরেন্দ্রং; দৃষ্ট্বৈব ত্বাং সঞ্জয় প্রীতিয়োগাৎ ||
৭ খ
যুধিষ্ঠির উবাচ:
পিতামহো নঃ স্থবিরো মনস্বী; মহাপ্রাজ্ঞঃ সর্বধর্মোপপন্নঃ |
৮ ক
যুধিষ্ঠির উবাচ:
স কৌরব্যঃ কুশলী তাত ভীষ্মো; যথাপূর্বং বৃত্তিরপ্যস্য কচ্চিৎ ||
৮ খ
যুধিষ্ঠির উবাচ:
কচ্চিদ্রাজা ধৃতরাষ্ট্রঃ সপুত্রো; বৈচিত্রবীর্যঃ কুশলী মহাত্মা |
৯ ক
যুধিষ্ঠির উবাচ:
মহারাজো বাহ্লিকঃ প্রাতিপেয়ঃ; কচ্চিদ্বিদ্বান্কুশলী সূতপুত্র ||
৯ খ
যুধিষ্ঠির উবাচ:
স সোমদত্তঃ কুশলী তাত কচ্চি; দ্ভূরিশ্রবাঃ সত্যসন্ধঃ শলশ্চ |
১০ ক
যুধিষ্ঠির উবাচ:
দ্রোণঃ সপুত্রশ্চ কৃপশ্চ বিপ্রো; মহেষ্বাসাঃ কচ্চিদেতেঽপ্যরোগাঃ ||
১০ খ
যুধিষ্ঠির উবাচ:
মহাপ্রাজ্ঞাঃ সর্বশাস্ত্রাবদাতা; ধনুর্ভৃতাং মুখ্যতমাঃ পৃথিব্যাম্ |
১১ ক
যুধিষ্ঠির উবাচ:
কচ্চিন্মানং তাত লভন্ত এতে; ধনুর্ভৃতঃ কচ্চিদেতেঽপ্যরোগাঃ ||
১১ খ
যুধিষ্ঠির উবাচ:
সর্বে কুরুভ্যঃ স্পৃহয়ন্তি সঞ্জয়; ধনুর্ধরা যে পৃথিব্যাং যুবানঃ |
১২ ক
যুধিষ্ঠির উবাচ:
যেষাং রাষ্ট্রে নিবসতি দর্শনীয়ো; মহেষ্বাসঃ শীলবান্দ্রোণপুত্রঃ ||
১২ খ
যুধিষ্ঠির উবাচ:
বৈশ্যাপুত্রঃ কুশলী তাত কচ্চি; ন্মহাপ্রাজ্ঞো রাজপুত্রো যুয়ুৎসুঃ |
১৩ ক
যুধিষ্ঠির উবাচ:
কর্ণোঽমাত্যঃ কুশলী তাত কচ্চি; ৎসুয়োধনো যস্য মন্দো বিধেয়ঃ ||
১৩ খ
যুধিষ্ঠির উবাচ:
স্ত্রিয়ো বৃদ্ধা ভারতানাং জনন্যো; মহানস্যো দাসভার্যাশ্চ সূত |
১৪ ক
যুধিষ্ঠির উবাচ:
বধ্বঃ পুত্রা ভাগিনেয়া ভগিন্যো; দৌহিত্রা বা কচ্চিদপ্যব্যলীকাঃ ||
১৪ খ
যুধিষ্ঠির উবাচ:
কচ্চিদ্রাজা ব্রাহ্মণানাং যথাব; ৎপ্রবর্ততে পূর্ববত্তাত বৃত্তিম্ |
১৫ ক
যুধিষ্ঠির উবাচ:
কচ্চিদ্দায়ান্মামকান্ধার্তরাষ্ট্রো; দ্বিজাতীনাং সঞ্জয় নোপহন্তি ||
১৫ খ
যুধিষ্ঠির উবাচ:
কচ্চিদ্রাজা ধৃতরাষ্ট্রঃ সপুত্র; উপেক্ষতে ব্রাহ্মণাতিক্রমান্বৈ |
১৬ ক
যুধিষ্ঠির উবাচ:
কচ্চিন্ন হেতোরিব বর্ত্মভূত; উপেক্ষতে তেষু স ন্যূনবৃত্তিম্ ||
১৬ খ
যুধিষ্ঠির উবাচ:
এতজ্জ্যোতিরুত্তমং জীবলোকে; শুক্লং প্রজানাং বিহিতং বিধাত্রা |
১৭ ক
যুধিষ্ঠির উবাচ:
তে চেল্লোভং ন নিয়চ্ছন্তি মন্দাঃ; কৃৎস্নো নাশো ভবিতা কৌরবাণাম্ ||
১৭ খ
যুধিষ্ঠির উবাচ:
কচ্চিদ্রাজা ধৃতরাষ্ট্রঃ সপুত্রো; বুভূষতে বৃত্তিমমাত্যবর্গে |
১৮ ক
যুধিষ্ঠির উবাচ:
কচ্চিন্ন ভেদেন জিজীবিষন্তি; সুহৃদ্রূপা দুর্হৃদশ্চৈকমিত্রাঃ ||
১৮ খ
যুধিষ্ঠির উবাচ:
কচ্চিন্ন পাপং কথয়ন্তি তাত; তে পাণ্ডবানাং কুরবঃ সর্ব এব |
১৯ ক
যুধিষ্ঠির উবাচ:
কচ্চিদ্দৃষ্ট্বা দস্যুসঙ্ঘান্সমেতা; ন্স্মরন্তি পার্থস্য যুধাং প্রণেতুঃ ||
১৯ খ
যুধিষ্ঠির উবাচ:
মৌর্বীভুজাগ্রপ্রহিতান্স্ম তাত; দোধূয়মানেন ধনুর্ধরেণ |
২০ ক
যুধিষ্ঠির উবাচ:
গাণ্ডীবমুক্তান্স্তনয়িত্নুঘোষা; নজিহ্মগান্কচ্চিদনুস্মরন্তি ||
২০ খ
যুধিষ্ঠির উবাচ:
ন হ্যপশ্যং কঞ্চিদহং পৃথিব্যাং; শ্রুতং সমং বাধিকমর্জুনেন |
২১ ক
যুধিষ্ঠির উবাচ:
যস্যৈকষষ্টির্নিশিতাস্তীক্ষ্ণধারাঃ; সুবাসসঃ সংমতো হস্তবাপঃ ||
২১ খ
যুধিষ্ঠির উবাচ:
গদাপাণির্ভীমসেনস্তরস্বী; প্রবেপয়ঞ্শত্রুসঙ্ঘাননীকে |
২২ ক
যুধিষ্ঠির উবাচ:
নাগঃ প্রভিন্ন ইব নড্বলাসু; চঙ্ক্রম্যতে কচ্চিদেনং স্মরন্তি ||
২২ খ
যুধিষ্ঠির উবাচ:
মাদ্রীপুত্রঃ সহদেবঃ কলিঙ্গা; ন্সমাগতানজয়দ্দন্তকূরে |
২৩ ক
যুধিষ্ঠির উবাচ:
বামেনাস্যন্দক্ষিণেনৈব যো বৈ; মহাবলং কচ্চিদেনং স্মরন্তি ||
২৩ খ
যুধিষ্ঠির উবাচ:
উদ্যন্নয়ং নকুলঃ প্রেষিতো বৈ; গাবল্গণে সঞ্জয় পশ্যতস্তে |
২৪ ক
যুধিষ্ঠির উবাচ:
দিশং প্রতীচীং বশমানয়ন্মে; মাদ্রীসুতং কচ্চিদেনং স্মরন্তি ||
২৪ খ
যুধিষ্ঠির উবাচ:
অভ্যাভবো দ্বৈতবনে য আসী; দ্দুর্মন্ত্রিতে ঘোষয়াত্রাগতানাম্ |
২৫ ক
যুধিষ্ঠির উবাচ:
যত্র মন্দাঞ্শত্রুবশং প্রয়াতা; নমোচয়দ্ভীমসেনো জয়শ্চ ||
২৫ খ
যুধিষ্ঠির উবাচ:
অহং পশ্চাদর্জুনমভ্যরক্ষং; মাদ্রীপুত্রৌ ভীমসেনশ্চ চক্রে |
২৬ ক
যুধিষ্ঠির উবাচ:
গাণ্ডীবভৃচ্ছত্রুসঙ্ঘানুদস্য; স্বস্ত্যাগমৎকচ্চিদেনং স্মরন্তি ||
২৬ খ
যুধিষ্ঠির উবাচ:
ন কর্মণা সাধুনৈকেন নূনং; কর্তুং শক্যং ভবতীহ সঞ্জয় |
২৭ ক
যুধিষ্ঠির উবাচ:
সর্বাত্মনা পরিজেতুং বয়ং চে; ন্ন শক্নুমো ধৃতরাষ্ট্রস্য পুত্রম্ ||
২৭ খ