সঞ্জয় উবাচ:
যথার্হসে পাণ্ডব তত্তথৈব; কুরূন্কুরুশ্রেষ্ঠ জনং চ পৃচ্ছসি |
১ ক
সঞ্জয় উবাচ:
অনাময়াস্তাত মনস্বিনস্তে; কুরুশ্রেষ্ঠান্পৃচ্ছসি পার্থ যাংস্ত্বম্ ||
১ খ
সঞ্জয় উবাচ:
সন্ত্যেব বৃদ্ধাঃ সাধবো ধার্তরাষ্ট্রে; সন্ত্যেব পাপাঃ পাণ্ডব তস্য বিদ্ধি |
২ ক
সঞ্জয় উবাচ:
দদ্যাদ্রিপোশ্চাপি হি ধার্তরাষ্ট্রঃ; কুতো দায়াঁল্লোপয়েদ্ব্রাহ্মণানাম্ ||
২ খ
সঞ্জয় উবাচ:
যদ্যুষ্মাকং বর্ততেঽসৌ ন ধর্ম্য; মদ্রুগ্ধেষু দ্রুগ্ধবত্তন্ন সাধু |
৩ ক
সঞ্জয় উবাচ:
মিত্রধ্রুক্স্যাদ্ধৃতরাষ্ট্রঃ সপুত্রো; যুষ্মান্দ্বিষন্সাধুবৃত্তানসাধুঃ ||
৩ খ
সঞ্জয় উবাচ:
ন চানুজানাতি ভৃশং চ তপ্যতে; শোচত্যন্তঃ স্থবিরোঽজাতশত্রো |
৪ ক
সঞ্জয় উবাচ:
শৃণোতি হি ব্রাহ্মণানাং সমেত্য; মিত্রদ্রোহঃ পাতকেভ্যো গরীয়ান্ ||
৪ খ
সঞ্জয় উবাচ:
স্মরন্তি তুভ্যং নরদেব সঙ্গমে; যুদ্ধে চ জিষ্ণোশ্চ যুধাং প্রণেতুঃ |
৫ ক
সঞ্জয় উবাচ:
সমুৎকৃষ্টে দুন্দুভিশঙ্খশব্দে; গদাপাণিং ভীমসেনং স্মরন্তি ||
৫ খ
সঞ্জয় উবাচ:
মাদ্রীসুতৌ চাপি রণাজিমধ্যে; সর্বা দিশঃ সম্পতন্তৌ স্মরন্তি |
৬ ক
সঞ্জয় উবাচ:
সেনাং বর্ষন্তৌ শরবর্ষৈরজস্রং; মহারথৌ সমরে দুষ্প্রকম্প্যৌ ||
৬ খ
সঞ্জয় উবাচ:
ন ত্বেব মন্যে পুরুষস্য রাজ; ন্ননাগতং জ্ঞায়তে যদ্ভবিষ্যম্ |
৭ ক
সঞ্জয় উবাচ:
ত্বং চেদিমং সর্বধর্মোপপন্নঃ; প্রাপ্তঃ ক্লেশং পাণ্ডব কৃচ্ছ্ররূপম্ ||
৭ খ
সঞ্জয় উবাচ:
ত্বমেবৈতৎসর্বমতশ্চ ভূয়ঃ; সমীকুর্যাঃ প্রজ্ঞয়াজাতশত্রো |
৮ ক
সঞ্জয় উবাচ:
ন কামার্থং সন্ত্যজেয়ুর্হি ধর্মং; পাণ্ডোঃ সুতাঃ সর্ব এবেন্দ্রকল্পাঃ ||
৮ খ
সঞ্জয় উবাচ:
ত্বমেবৈতৎপ্রজ্ঞয়াজাতশত্রো; শমং কুর্যা যেন শর্মাপ্নুয়ুস্তে |
৯ ক
সঞ্জয় উবাচ:
ধার্তরাষ্ট্রাঃ পাণ্ডবাঃ সৃঞ্জয়াশ্চ; যে চাপ্যন্যে পার্থিবাঃ সংনিবিষ্টাঃ ||
৯ খ
সঞ্জয় উবাচ:
যন্মাব্রবীদ্ধৃতরাষ্ট্রো নিশায়া; মজাতশত্রো বচনং পিতা তে |
১০ ক
সঞ্জয় উবাচ:
সহামাত্যঃ সহপুত্রশ্চ রাজ; ন্সমেত্য তাং বাচমিমাং নিবোধ ||
১০ খ