যুধিষ্ঠির উবাচ:
সমাগতাঃ পাণ্ডবাঃ সৃঞ্জয়াশ্চ; জনার্দনো যুয়ুধানো বিরাটঃ |
১ ক
যুধিষ্ঠির উবাচ:
যত্তে বাক্যং ধৃতরাষ্ট্রানুশিষ্টং; গাবল্গণে ব্রূহি তৎসূতপুত্র ||
১ খ
সঞ্জয় উবাচ:
অজাতশত্রুং চ বৃকোদরং চ; ধনঞ্জয়ং মাদ্রবতীসুতৌ চ |
২ ক
সঞ্জয় উবাচ:
আমন্ত্রয়ে বাসুদেবং চ শৌরিং; যুয়ুধানং চেকিতানং বিরাটম্ ||
২ খ
সঞ্জয় উবাচ:
পাঞ্চালানামধিপং চৈব বৃদ্ধং; ধৃষ্টদ্যুম্নং পার্ষতং যাজ্ঞসেনিম্ |
৩ ক
সঞ্জয় উবাচ:
সর্বে বাচং শৃণুতেমাং মদীয়াং; বক্ষ্যামি যাং ভূতিমিচ্ছন্কুরূণাম্ ||
৩ খ
সঞ্জয় উবাচ:
শমং রাজা ধৃতরাষ্ট্রোঽভিনন্দ; ন্নয়োজয়ত্ত্বরমাণো রথং মে |
৪ ক
সঞ্জয় উবাচ:
সভ্রাতৃপুত্রস্বজনস্য রাজ্ঞ; স্তদ্রোচতাং পাণ্ডবানাং শমোঽস্তু ||
৪ খ
সঞ্জয় উবাচ:
সর্বৈর্ধর্মৈঃ সমুপেতাঃ স্থ পার্থাঃ; প্রস্থানেন মার্দবেনার্জবেন |
৫ ক
সঞ্জয় উবাচ:
জাতাঃ কুলে অনৃশংসা বদান্যা; হ্রীনিষেধাঃ কর্মণাং নিশ্চয়জ্ঞাঃ ||
৫ খ
সঞ্জয় উবাচ:
ন যুজ্যতে কর্ম যুষ্মাসু হীনং; সত্ত্বং হি বস্তাদৃশং ভীমসেনাঃ |
৬ ক
সঞ্জয় উবাচ:
উদ্ভাসতে হ্যঞ্জনবিন্দুবত্ত; চ্ছুক্লে বস্ত্রে যদ্ভবেৎকিল্বিষং বঃ ||
৬ খ
সঞ্জয় উবাচ:
সর্বক্ষয়ো দৃশ্যতে যত্র কৃৎস্নঃ; পাপোদয়ো নিরয়োঽভাবসংস্থঃ |
৭ ক
সঞ্জয় উবাচ:
কস্তৎকুর্যাজ্জাতু কর্ম প্রজান; ন্পরাজয়ো যত্র সমো জয়শ্চ ||
৭ খ
সঞ্জয় উবাচ:
তে বৈ ধন্যা যৈঃ কৃতং জ্ঞাতিকার্যং; যে বঃ পুত্রাঃ সুহৃদো বান্ধবাশ্চ |
৮ ক
সঞ্জয় উবাচ:
উপক্রুষ্টং জীবিতং সন্ত্যজেয়ু; স্ততঃ কুরূণাং নিয়তো বৈ ভবঃ স্যাৎ ||
৮ খ
সঞ্জয় উবাচ:
তে চেৎকুরূননুশাস্য স্থ পার্থা; নিনীয় সর্বান্দ্বিষতো নিগৃহ্য |
৯ ক
সঞ্জয় উবাচ:
সমং বস্তজ্জীবিতং মৃত্যুনা স্যা; দ্যজ্জীবধ্বং জ্ঞাতিবধে ন সাধু ||
৯ খ
সঞ্জয় উবাচ:
কো হ্যেব যুষ্মান্সহ কেশবেন; সচেকিতানান্পার্ষতবাহুগুপ্তান্ |
১০ ক
সঞ্জয় উবাচ:
সসাত্যকীন্বিষহেত প্রজেতুং; লব্ধ্বাপি দেবান্সচিবান্সহেন্দ্রান্ ||
১০ খ
সঞ্জয় উবাচ:
কো বা কুরূন্দ্রোণভীষ্মাভিগুপ্তা; নশ্বত্থাম্না শল্যকৃপাদিভিশ্চ |
১১ ক
সঞ্জয় উবাচ:
রণে প্রসোঢুং বিষহেত রাজ; ন্রাধেয়গুপ্তান্সহ ভূমিপালৈঃ ||
১১ খ
সঞ্জয় উবাচ:
মহদ্বলং ধার্তরাষ্ট্রস্য রাজ্ঞঃ; কো বৈ শক্তো হন্তুমক্ষীয়মাণঃ |
১২ ক
সঞ্জয় উবাচ:
সোঽহং জয়ে চৈব পরাজয়ে চ; নিঃশ্রেয়সং নাধিগচ্ছামি কিঞ্চিৎ ||
১২ খ
সঞ্জয় উবাচ:
কথং হি নীচা ইব দৌষ্কুলেয়া; নির্ধর্মার্থং কর্ম কুর্যুশ্চ পার্থাঃ |
১৩ ক
সঞ্জয় উবাচ:
সোঽহং প্রসাদ্য প্রণতো বাসুদেবং; পাঞ্চালানামধিপং চৈব বৃদ্ধম্ ||
১৩ খ
সঞ্জয় উবাচ:
কৃতাঞ্জলিঃ শরণং বঃ প্রপদ্যে; কথং স্বস্তি স্যাৎকুরুসৃঞ্জয়ানাম্ |
১৪ ক
সঞ্জয় উবাচ:
ন হ্যেব তে বচনং বাসুদেবো; ধনঞ্জয়ো বা জাতু কিঞ্চিন্ন কুর্যাৎ ||
১৪ খ
সঞ্জয় উবাচ:
প্রাণানাদৌ যাচ্যমানঃ কুতোঽন্য; দেতদ্বিদ্বন্সাধনার্থং ব্রবীমি |
১৫ ক
সঞ্জয় উবাচ:
এতদ্রাজ্ঞো ভীষ্মপুরোগমস্য; মতং যদ্বঃ শান্তিরিহোত্তমা স্যাৎ ||
১৫ খ