বৈশম্পায়ন উবাচ:
ততো ঘোরতরঃ শব্দো বনে সমভবত্তদা |
১ ক
বৈশম্পায়ন উবাচ:
ভীমসেনার্জুনৌ দৃষ্ট্বা ক্ষত্রিয়াণামমর্ষিণাম্ ||
১ খ
বৈশম্পায়ন উবাচ:
তেষাং ধ্বজাগ্রাণ্যভিবীক্ষ্য রাজা; স্বয়ং দুরাত্মা কুরুপুঙ্গবানাম্ |
২ ক
বৈশম্পায়ন উবাচ:
জয়দ্রথো যাজ্ঞসেনীমুবাচ; রথে স্থিতাং ভানুমতীং হতৌজাঃ ||
২ খ
বৈশম্পায়ন উবাচ:
আয়ান্তীমে পঞ্চ রথা মহান্তো; মন্যে চ কৃষ্ণে পতয়স্তবৈতে |
৩ ক
বৈশম্পায়ন উবাচ:
সা জানতী খ্যাপয় নঃ সুকেশি; পরং পরং পাণ্ডবানাং রথস্থম্ ||
৩ খ
দ্রৌপদ্যু উবাচ:
কিং তে জ্ঞাতৈর্মূঢ মহাধনুর্ধরৈ; রনায়ুষ্যং কর্ম কৃত্বাতিঘোরম্ |
৪ ক
দ্রৌপদ্যু উবাচ:
এতে বীরাঃ পতয়ো মে সমেতা; ন বঃ শেষঃ কশ্চিদিহাস্তি যুদ্ধে ||
৪ খ
দ্রৌপদ্যু উবাচ:
আখ্যাতব্যং ত্বেব সর্বং মুমূর্ষো; র্ময়া তুভ্যং পৃষ্টয়া ধর্ম এষঃ |
৫ ক
দ্রৌপদ্যু উবাচ:
ন মে ব্যথা বিদ্যতে ত্বদ্ভয়ং বা; সম্পশ্যন্ত্যাঃ সানুজং ধর্মরাজম্ ||
৫ খ
দ্রৌপদ্যু উবাচ:
যস্য ধ্বজাগ্রে নদতো মৃদঙ্গৌ; নন্দোপনন্দৌ মধুরৌ যুক্তরূপৌ |
৬ ক
দ্রৌপদ্যু উবাচ:
এতং স্বধর্মার্থবিনিশ্চয়জ্ঞং; সদা জনাঃ কৃত্যবন্তোঽনুয়ান্তি ||
৬ খ
দ্রৌপদ্যু উবাচ:
য এষ জাম্বূনদশুদ্ধগৌরঃ; প্রচণ্ডঘোণস্তনুরায়তাক্ষঃ |
৭ ক
দ্রৌপদ্যু উবাচ:
এতং কুরুশ্রেষ্ঠতমং বদন্তি; যুধিষ্ঠিরং ধর্মসুতং পতিং মে ||
৭ খ
দ্রৌপদ্যু উবাচ:
অপ্যেষ শত্রোঃ শরণাগতস্য; দদ্যাৎপ্রাণান্ধর্মচারী নৃবীরঃ |
৮ ক
দ্রৌপদ্যু উবাচ:
পরৈহ্যেনং মূঢ জবেন ভূতয়ে; ত্বমাত্মনঃ প্রাঞ্জলির্ন্যস্তশস্ত্রঃ ||
৮ খ
দ্রৌপদ্যু উবাচ:
অথাপ্যেনং পশ্যসি যং রথস্থং; মহাভুজং শালমিব প্রবৃদ্ধম্ |
৯ ক
দ্রৌপদ্যু উবাচ:
সন্দষ্টোষ্ঠং ভ্রুকুটীসংহতভ্রুবং; বৃকোদরো নাম পতির্মমৈষঃ ||
৯ খ
দ্রৌপদ্যু উবাচ:
আজানেয়া বলিনঃ সাধু দান্তা; মহাবলাঃ শূরমুদাবহন্তি |
১০ ক
দ্রৌপদ্যু উবাচ:
এতস্য কর্মাণ্যতিমানুষাণি; ভীমেতি শব্দোঽস্য গতঃ পৃথিব্যাম্ ||
১০ খ
দ্রৌপদ্যু উবাচ:
নাস্যাপরাদ্ধাঃ শেষমিহাপ্নুবন্তি; নাপ্যস্য বৈরং বিস্মরতে কদাচিৎ |
১১ ক
দ্রৌপদ্যু উবাচ:
বৈরস্যান্তং সংবিধায়োপয়াতি; পশ্চাচ্ছান্তিং ন চ গচ্ছত্যতীব ||
১১ খ
দ্রৌপদ্যু উবাচ:
মৃদুর্বদান্যো ধৃতিমান্যশস্বী; জিতেন্দ্রিয়ো বৃদ্ধসেবী নৃবীরঃ |
১২ ক
দ্রৌপদ্যু উবাচ:
ভ্রাতা চ শিষ্যশ্চ যুধিষ্ঠিরস্য; ধনঞ্জয়ো নাম পতির্মমৈষঃ ||
১২ খ
দ্রৌপদ্যু উবাচ:
যো বৈ ন কামান্ন ভয়ান্ন লোভা; ত্ত্যজেদ্ধর্মং ন নৃশংসং চ কুর্যাৎ |
১৩ ক
দ্রৌপদ্যু উবাচ:
স এষ বৈশ্বানরতুল্যতেজাঃ; কুন্তীসুতঃ শত্রুসহঃ প্রমাথী ||
১৩ খ
দ্রৌপদ্যু উবাচ:
যঃ সর্বধর্মার্থবিনিশ্চয়জ্ঞো; ভয়ার্তানাং ভয়হর্তা মনীষী |
১৪ ক
দ্রৌপদ্যু উবাচ:
যস্যোত্তমং রূপমাহুঃ পৃথিব্যাং; যং পাণ্ডবাঃ পরিরক্ষন্তি সর্বে ||
১৪ খ
দ্রৌপদ্যু উবাচ:
প্রাণৈর্গরীয়াংসমনুব্রতং বৈ; স এষ বীরো নকুলঃ পতির্মে |
১৫ ক
দ্রৌপদ্যু উবাচ:
যঃ খড্গয়োধী লঘুচিত্রহস্তো; মহাংশ্চ ধীমান্সহদেবোঽদ্বিতীয়ঃ ||
১৫ খ
দ্রৌপদ্যু উবাচ:
যস্যাদ্য কর্ম দ্রক্ষ্যসে মূঢসত্ত্ব; শতক্রতোর্বা দৈত্যসেনাসু সঙ্খ্যে |
১৬ ক
দ্রৌপদ্যু উবাচ:
শূরঃ কৃতাস্ত্রো মতিমান্মনীষী; প্রিয়ঙ্করো ধর্মসুতস্য রাজ্ঞঃ ||
১৬ খ
দ্রৌপদ্যু উবাচ:
য এষ চন্দ্রার্কসমানতেজা; জঘন্যজঃ পাণ্ডবানাং প্রিয়শ্চ |
১৭ ক
দ্রৌপদ্যু উবাচ:
বুদ্ধ্যা সমো যস্য নরো ন বিদ্যতে; বক্তা তথা সৎসু বিনিশ্চয়জ্ঞঃ ||
১৭ খ
দ্রৌপদ্যু উবাচ:
স এষ শূরো নিত্যমমর্ষণশ্চ; ধীমান্প্রাজ্ঞঃ সহদেবঃ পতির্মে |
১৮ ক
দ্রৌপদ্যু উবাচ:
ত্যজেৎপ্রাণান্প্রবিশেদ্ধব্যবাহং; ন ত্বেবৈষ ব্যাহরেদ্ধর্মবাহ্যম্ |
১৮ খ
দ্রৌপদ্যু উবাচ:
সদা মনস্বী ক্ষত্রধর্মে নিবিষ্টঃ; কুন্ত্যাঃ প্রাণৈরিষ্টতমো নৃবীরঃ ||
১৮ গ
দ্রৌপদ্যু উবাচ:
বিশীর্যন্তীং নাবমিবার্ণবান্তে; রত্নাভিপূর্ণাং মকরস্য পৃষ্ঠে |
১৯ ক
দ্রৌপদ্যু উবাচ:
সেনাং তবেমাং হতসর্বয়োধাং; বিক্ষোভিতাং দ্রক্ষ্যসি পাণ্ডুপুত্রৈঃ ||
১৯ খ
দ্রৌপদ্যু উবাচ:
ইত্যেতে বৈ কথিতাঃ পাণ্ডুপুত্রা; যাংস্ত্বং মোহাদবমন্য প্রবৃত্তঃ |
২০ ক
দ্রৌপদ্যু উবাচ:
যদ্যেতৈস্ত্বং মুচ্যসেঽরিষ্টদেহঃ; পুনর্জন্ম প্রাপ্স্যসে জীব এব ||
২০ খ
বৈশম্পায়ন উবাচ:
ততঃ পার্থাঃ পঞ্চ পঞ্চেন্দ্রকল্পা; স্ত্যক্ত্বা ত্রস্তান্প্রাঞ্জলীংস্তান্পদাতীন্ |
২১ ক
বৈশম্পায়ন উবাচ:
রথানীকং শরবর্ষান্ধকারং; চক্রুঃ ক্রুদ্ধাঃ সর্বতঃ সংনিগৃহ্য ||
২১ খ