বৈশম্পায়ন উবাচ:
তৎকাননং প্রাপ্য নরেন্দ্রপুত্রাঃ; সুখোচিতা বাসমুপেত্য কৃচ্ছ্রম্ |
১ ক
বৈশম্পায়ন উবাচ:
বিজহ্রুরিন্দ্রপ্রতিমাঃ শিবেষু; সরস্বতীশালবনেষু তেষু ||
১ খ
বৈশম্পায়ন উবাচ:
যতীংশ্চ সর্বান্স মুনীংশ্চ রাজা; তস্মিন্বনে মূলফলৈরুদগ্রৈঃ |
২ ক
বৈশম্পায়ন উবাচ:
দ্বিজাতিমুখ্যানৃষভঃ কুরূণাং; সন্তর্পয়ামাস মহানুভাবঃ ||
২ খ
বৈশম্পায়ন উবাচ:
ইষ্টীশ্চ পিত্র্যাণি তথাগ্রিয়াণি; মহাবনে বসতাং পাণ্ডবানাম্ |
৩ ক
বৈশম্পায়ন উবাচ:
পুরোহিতঃ সর্বসমৃদ্ধতেজা; শ্চকার ধৌম্যঃ পিতৃবৎকুরূণাম্ ||
৩ খ
বৈশম্পায়ন উবাচ:
অপেত্য রাষ্ট্রাদ্বসতাং তু তেষা; মৃষিঃ পুরাণোঽতিথিরাজগাম |
৪ ক
বৈশম্পায়ন উবাচ:
তমাশ্রমং তীব্রসমৃদ্ধতেজা; মার্কণ্ডেয়ঃ শ্রীমতাং পাণ্ডবানাম্ ||
৪ খ
বৈশম্পায়ন উবাচ:
স সর্ববিদ্দ্রৌপদীং প্রেক্ষ্য কৃষ্ণাং; যুধিষ্ঠিরং ভীমসেনার্জুনৌ চ |
৫ ক
বৈশম্পায়ন উবাচ:
সংস্মৃত্য রামং মনসা মহাত্মা; তপস্বিমধ্যেঽস্ময়তামিতৌজাঃ ||
৫ খ
বৈশম্পায়ন উবাচ:
তং ধর্মরাজো বিমনা ইবাব্রবী; ৎসর্বে হ্রিয়া সন্তি তপস্বিনোঽমী |
৬ ক
বৈশম্পায়ন উবাচ:
ভবানিদং কিং স্ময়তীব হৃষ্ট; স্তপস্বিনাং পশ্যতাং মামুদীক্ষ্য ||
৬ খ
মার্কণ্ডেয় উবাচ:
ন তাত হৃষ্যামি ন চ স্ময়ামি; প্রহর্ষজো মাং ভজতে ন দর্পঃ |
৭ ক
মার্কণ্ডেয় উবাচ:
তবাপদং ত্বদ্য সমীক্ষ্য রামং; সত্যব্রতং দাশরথিং স্মরামি ||
৭ খ
মার্কণ্ডেয় উবাচ:
স চাপি রাজা সহ লক্ষ্মণেন; বনে নিবাসং পিতুরেব শাসনাৎ |
৮ ক
মার্কণ্ডেয় উবাচ:
ধন্বী চরন্পার্থ পুরা ময়ৈব; দৃষ্টো গিরেরৃষ্যমূকস্য সানৌ ||
৮ খ
মার্কণ্ডেয় উবাচ:
সহস্রনেত্রপ্রতিমো মহাত্মা; ময়স্য জেত নমুচেশ্চ হন্তা |
৯ ক
মার্কণ্ডেয় উবাচ:
পিতুর্নিদেশাদনঘঃ স্বধর্মং; বনে বাসং দাশরথিশ্চকার ||
৯ খ
মার্কণ্ডেয় উবাচ:
স চাপি শক্রস্য সমপ্রভাবো; মহানুভাবঃ সমরেষ্বজেয়ঃ |
১০ ক
মার্কণ্ডেয় উবাচ:
বিহায় ভোগানচরদ্বনেষু; নেশে বলস্যেতি চরেদধর্মম্ ||
১০ খ
মার্কণ্ডেয় উবাচ:
নৃপাশ্চ নাভাগভগীরথাদয়ো; মহীমিমাং সাগরান্তাং বিজিত্য |
১১ ক
মার্কণ্ডেয় উবাচ:
সত্যেন তেঽপ্যজয়ংস্তাত লোকা; ন্নেশে বলস্যেতি চরেদধর্মম্ ||
১১ খ
মার্কণ্ডেয় উবাচ:
অলর্কমাহুর্নরবর্য সন্তং; সত্যব্রতং কাশিকরূষরাজম্ |
১২ ক
মার্কণ্ডেয় উবাচ:
বিহায় রাষ্ট্রাণি বসূনি চৈব; নেশে বলস্যেতি চরেদধর্মম্ ||
১২ খ
মার্কণ্ডেয় উবাচ:
ধাত্রা বিধির্যো বিহিতঃ পুরাণ; স্তং পূজয়ন্তো নরবর্য সন্তঃ |
১৩ ক
মার্কণ্ডেয় উবাচ:
সপ্তর্ষয়ঃ পার্থ দিবি প্রভান্তি; নেশে বলস্যেতি চরেদধর্মম্ ||
১৩ খ
মার্কণ্ডেয় উবাচ:
মহাবলান্পর্বতকূটমাত্রা; ন্বিষাণিনঃ পশ্য গজান্নরেন্দ্র |
১৪ ক
মার্কণ্ডেয় উবাচ:
স্থিতান্নিদেশে নরবর্য ধাতু; র্নেশে বলস্যেতি চরেদধর্মম্ ||
১৪ খ
মার্কণ্ডেয় উবাচ:
সর্বাণি ভূতানি নরেন্দ্র পশ্য; যথা যথাবদ্বিহিতং বিধাত্রা |
১৫ ক
মার্কণ্ডেয় উবাচ:
স্বয়োনিতস্তৎকুরুতে প্রভাবা; ন্নেশে বলস্যেতি চরেদধর্মম্ ||
১৫ খ
মার্কণ্ডেয় উবাচ:
সত্যেন ধর্মেণ যথার্হবৃত্ত্যা; হ্রিয়া তথা সর্বভূতান্যতীত্য |
১৬ ক
মার্কণ্ডেয় উবাচ:
যশশ্চ তেজশ্চ তবাপি দীপ্তং; বিভাবসোর্ভাস্করস্যেব পার্থ ||
১৬ খ
মার্কণ্ডেয় উবাচ:
যথাপ্রতিজ্ঞং চ মহানুভাব; কৃচ্ছ্রং বনে বাসমিমং নিরুষ্য |
১৭ ক
মার্কণ্ডেয় উবাচ:
ততঃ শ্রিয়ং তেজসা স্বেন দীপ্তা; মাদাস্যসে পার্থিব কৌরবেভ্যঃ ||
১৭ খ
বৈশম্পায়ন উবাচ:
তমেবমুক্ত্বা বচনং মহর্ষি; স্তপস্বিমধ্যে সহিতং সুহৃদ্ভিঃ |
১৮ ক
বৈশম্পায়ন উবাচ:
আমন্ত্র্য ধৌম্যং সহিতাংশ্চ পার্থাং; স্ততঃ প্রতস্থে দিশমুত্তরাং সঃ ||
১৮ খ