যুধিষ্ঠির উবাচ:
কাং নু বাচং সঞ্জয় মে শৃণোষি; যুদ্ধৈষিণীং যেন যুদ্ধাদ্বিভেষি |
১ ক
যুধিষ্ঠির উবাচ:
অয়ুদ্ধং বৈ তাত যুদ্ধাদ্গরীয়ঃ; কস্তল্লব্ধ্বা জাতু যুধ্যেত সূত ||
১ খ
যুধিষ্ঠির উবাচ:
অকুর্বতশ্চেৎপুরুষস্য সঞ্জয়; সিধ্যেৎসঙ্কল্পো মনসা যং যমিচ্ছেৎ |
২ ক
যুধিষ্ঠির উবাচ:
ন কর্ম কুর্যাদ্বিদিতং মমৈত; দন্যত্র যুদ্ধাদ্বহু যল্লঘীয়ঃ ||
২ খ
যুধিষ্ঠির উবাচ:
কুতো যুদ্ধং জাতু নরঃ প্রজান; ন্কো দৈবশপ্তোঽভিবৃণীত যুদ্ধম্ |
৩ ক
যুধিষ্ঠির উবাচ:
সুখৈষিণঃ কর্ম কুর্বন্তি পার্থা; ধর্মাদহীনং যচ্চ লোকস্য পথ্যম্ ||
৩ খ
যুধিষ্ঠির উবাচ:
কর্মোদয়ং সুখমাশংসমানঃ; কৃচ্ছ্রোপায়ং তত্ত্বতঃ কর্ম দুঃখম্ |
৪ ক
যুধিষ্ঠির উবাচ:
সুখপ্রেপ্সুর্বিজিঘাংসুশ্চ দুঃখং; য ইন্দ্রিয়াণাং প্রীতিবশানুগামী |
৪ খ
যুধিষ্ঠির উবাচ:
কামাভিধ্যা স্বশরীরং দুনোতি; যয়া প্রয়ুক্তোঽনুকরোতি দুঃখম্ ||
৪ গ
যুধিষ্ঠির উবাচ:
যথেধ্যমানস্য সমিদ্ধতেজসো; ভূয়ো বলং বর্ধতে পাবকস্য |
৫ ক
যুধিষ্ঠির উবাচ:
কামার্থলাভেন তথৈব ভূয়ো; ন তৃপ্যতে সর্পিষেবাগ্নিরিদ্ধঃ |
৫ খ
যুধিষ্ঠির উবাচ:
সম্পশ্যেমং ভোগচয়ং মহান্তং; সহাস্মাভির্ধৃতরাষ্ট্রস্য রাজ্ঞঃ ||
৫ গ
যুধিষ্ঠির উবাচ:
নাশ্রেয়সামীশ্বরো বিগ্রহাণাং; নাশ্রেয়সাং গীতশব্দং শৃণোতি |
৬ ক
যুধিষ্ঠির উবাচ:
নাশ্রেয়সঃ সেবতে মাল্যগন্ধা; ন্ন চাপ্যশ্রেয়াংস্যনুলেপনানি ||
৬ খ
যুধিষ্ঠির উবাচ:
নাশ্রেয়সঃ প্রাবরানধ্যবস্তে; কথং ত্বস্মান্সম্প্রণুদেৎকুরুভ্যঃ |
৭ ক
যুধিষ্ঠির উবাচ:
অত্রৈব চ স্যাদবধূয় এষ; কামঃ শরীরে হৃদয়ং দুনোতি ||
৭ খ
যুধিষ্ঠির উবাচ:
স্বয়ং রাজা বিষমস্থঃ পরেষু; সামস্থ্যমন্বিচ্ছতি তন্ন সাধু |
৮ ক
যুধিষ্ঠির উবাচ:
যথাত্মনঃ পশ্যতি বৃত্তমেব; তথা পরেষামপি সোঽভ্যুপৈতি ||
৮ খ
যুধিষ্ঠির উবাচ:
আসন্নমগ্নিং তু নিদাঘকালে; গম্ভীরকক্ষে গহনে বিসৃজ্য |
৯ ক
যুধিষ্ঠির উবাচ:
যথা বৃদ্ধং বায়ুবশেন শোচে; ৎক্ষেমং মুমুক্ষুঃ শিশিরব্যপায়ে ||
৯ খ
যুধিষ্ঠির উবাচ:
প্রাপ্তৈশ্বর্যো ধৃতরাষ্ট্রোঽদ্য রাজা; লালপ্যতে সঞ্জয় কস্য হেতোঃ |
১০ ক
যুধিষ্ঠির উবাচ:
প্রগৃহ্য দুর্বুদ্ধিমনার্জবে রতং; পুত্রং মন্দং মূঢমমন্ত্রিণং তু ||
১০ খ
যুধিষ্ঠির উবাচ:
অনাপ্তঃ সন্নাপ্ততমস্য বাচং; সুয়োধনো বিদুরস্যাবমন্য |
১১ ক
যুধিষ্ঠির উবাচ:
সুতস্য রাজা ধৃতরাষ্ট্রঃ প্রিয়ৈষী; সম্বুধ্যমানো বিশতেঽধর্মমেব ||
১১ খ
যুধিষ্ঠির উবাচ:
মেধাবিনং হ্যর্থকামং কুরূণাং; বহুশ্রুতং বাগ্মিনং শীলবন্তম্ |
১২ ক
যুধিষ্ঠির উবাচ:
সূত রাজা ধৃতরাষ্ট্রঃ কুরুভ্যো; ন সোঽস্মরদ্বিদুরং পুত্রকাম্যাৎ ||
১২ খ
যুধিষ্ঠির উবাচ:
মানঘ্নস্য আত্মকামস্য চের্ষ্যোঃ; সংরম্ভিণশ্চার্থধর্মাতিগস্য |
১৩ ক
যুধিষ্ঠির উবাচ:
দুর্ভাষিণো মন্যুবশানুগস্য; কামাত্মনো দুর্হৃদো ভাবনস্য ||
১৩ খ
যুধিষ্ঠির উবাচ:
অনেয়স্যাশ্রেয়সো দীর্ঘমন্যো; র্মিত্রদ্রুহঃ সঞ্জয় পাপবুদ্ধেঃ |
১৪ ক
যুধিষ্ঠির উবাচ:
সুতস্য রাজা ধৃতরাষ্ট্রঃ প্রিয়ৈষী; প্রপশ্যমানঃ প্রজহাদ্ধর্মকামৌ ||
১৪ খ
যুধিষ্ঠির উবাচ:
তদৈব মে সঞ্জয় দীব্যতোঽভূ; ন্নো চেৎকুরূনাগতঃ স্যাদভাবঃ |
১৫ ক
যুধিষ্ঠির উবাচ:
কাব্যাং বাচং বিদুরো ভাষমাণো; ন বিন্দতে ধৃতরাষ্ট্রাৎপ্রশংসাম্ ||
১৫ খ
যুধিষ্ঠির উবাচ:
ক্ষত্তুর্যদা অন্ববর্তন্ত বুদ্ধিং; কৃচ্ছ্রং কুরূন্ন তদাভ্যাজগাম |
১৬ ক
যুধিষ্ঠির উবাচ:
যাবৎপ্রজ্ঞামন্ববর্তন্ত তস্য; তাবত্তেষাং রাষ্ট্রবৃদ্ধির্বভূব ||
১৬ খ
যুধিষ্ঠির উবাচ:
তদর্থলুব্ধস্য নিবোধ মেঽদ্য; যে মন্ত্রিণো ধার্তরাষ্ট্রস্য সূত |
১৭ ক
যুধিষ্ঠির উবাচ:
দুঃশাসনঃ শকুনিঃ সূতপুত্রো; গাবল্গণে পশ্য সংমোহমস্য ||
১৭ খ
যুধিষ্ঠির উবাচ:
সোঽহং ন পশ্যামি পরীক্ষমাণঃ; কথং স্বস্তি স্যাৎকুরুসৃঞ্জয়ানাম্ |
১৮ ক
যুধিষ্ঠির উবাচ:
আত্তৈশ্বর্যো ধৃতরাষ্ট্রঃ পরেভ্যঃ; প্রব্রাজিতে বিদুরে দীর্ঘদৃষ্টৌ ||
১৮ খ
যুধিষ্ঠির উবাচ:
আশংসতে বৈ ধৃতরাষ্ট্রঃ সপুত্রো; মহারাজ্যমসপত্নং পৃথিব্যাম্ |
১৯ ক
যুধিষ্ঠির উবাচ:
তস্মিঞ্শমঃ কেবলং নোপলভ্যো; অত্যাসন্নং মদ্গতং মন্যতেঽর্থম্ ||
১৯ খ
যুধিষ্ঠির উবাচ:
যত্তৎকর্ণো মন্যতে পারণীয়ং; যুদ্ধে গৃহীতায়ুধমর্জুনেন |
২০ ক
যুধিষ্ঠির উবাচ:
আসংশ্চ যুদ্ধানি পুরা মহান্তি; কথং কর্ণো নাভবদ্দ্বীপ এষাম্ ||
২০ খ
যুধিষ্ঠির উবাচ:
কর্ণশ্চ জানাতি সুয়োধনশ্চ; দ্রোণশ্চ জানাতি পিতামহশ্চ |
২১ ক
যুধিষ্ঠির উবাচ:
অন্যে চ যে কুরবস্তত্র সন্তি; যথার্জুনান্নাস্ত্যপরো ধনুর্ধরঃ ||
২১ খ
যুধিষ্ঠির উবাচ:
জানন্ত্যেতে কুরবঃ সর্ব এব; যে চাপ্যন্যে ভূমিপালাঃ সমেতাঃ |
২২ ক
যুধিষ্ঠির উবাচ:
দুর্যোধনং চাপরাধে চরন্ত; মরিন্দমে ফল্গুনেঽবিদ্যমানে ||
২২ খ
যুধিষ্ঠির উবাচ:
তেনার্থবদ্ধং মন্যতে ধার্তরাষ্ট্রঃ; শক্যং হর্তুং পাণ্ডবানাং মমত্বম্ |
২৩ ক
যুধিষ্ঠির উবাচ:
কিরীটিনা তালমাত্রায়ুধেন; তদ্বেদিনা সংয়ুগং তত্র গত্বা ||
২৩ খ
যুধিষ্ঠির উবাচ:
গাণ্ডীববিস্ফারিতশব্দমাজা; বশৃণ্বানা ধার্তরাষ্ট্রা ধ্রিয়ন্তে |
২৪ ক
যুধিষ্ঠির উবাচ:
ক্রুদ্ধস্য চেদ্ভীমসেনস্য বেগা; ৎসুয়োধনো মন্যতে সিদ্ধমর্থম্ ||
২৪ খ
যুধিষ্ঠির উবাচ:
ইন্দ্রোঽপ্যেতন্নোৎসহেত্তাত হর্তু; মৈশ্বর্যং নো জীবতি ভীমসেনে |
২৫ ক
যুধিষ্ঠির উবাচ:
ধনঞ্জয়ে নকুলে চৈব সূত; তথা বীরে সহদেবে মদীয়ে ||
২৫ খ
যুধিষ্ঠির উবাচ:
স চেদেতাং প্রতিপদ্যেত বুদ্ধিং; বৃদ্ধো রাজা সহ পুত্রেণ সূত |
২৬ ক
যুধিষ্ঠির উবাচ:
এবং রণে পাণ্ডবকোপদগ্ধা; ন নশ্যেয়ুঃ সঞ্জয় ধার্তরাষ্ট্রাঃ ||
২৬ খ
যুধিষ্ঠির উবাচ:
জানাসি ত্বং ক্লেশমস্মাসু বৃত্তং; ত্বাং পূজয়ন্সঞ্জয়াহং ক্ষমেয়ম্ |
২৭ ক
যুধিষ্ঠির উবাচ:
যচ্চাস্মাকং কৌরবৈর্ভূতপূর্বং; যা নো বৃত্তির্ধার্তরাষ্ট্রে তদাসীৎ ||
২৭ খ
যুধিষ্ঠির উবাচ:
অদ্যাপি তত্তত্র তথৈব বর্ততাং; শান্তিং গমিষ্যামি যথা ত্বমাত্থ |
২৮ ক
যুধিষ্ঠির উবাচ:
ইন্দ্রপ্রস্থে ভবতু মমৈব রাজ্যং; সুয়োধনো যচ্ছতু ভারতাগ্র্যঃ ||
২৮ খ