সঞ্জয় উবাচ:
ধর্মে নিত্যা পাণ্ডব তে বিচেষ্টা; লোকে শ্রুতা দৃশ্যতে চাপি পার্থ |
১ ক
সঞ্জয় উবাচ:
মহাস্রাবং জীবিতং চাপ্যনিত্যং; সম্পশ্য ত্বং পাণ্ডব মা বিনীনশঃ ||
১ খ
সঞ্জয় উবাচ:
ন চেদ্ভাগং কুরবোঽন্যত্র যুদ্ধা; ৎপ্রয়চ্ছন্তে তুভ্যমজাতশত্রো |
২ ক
সঞ্জয় উবাচ:
ভৈক্ষচর্যামন্ধকবৃষ্ণিরাজ্যে; শ্রেয়ো মন্যে ন তু যুদ্ধেন রাজ্যম্ ||
২ খ
সঞ্জয় উবাচ:
অল্পকালং জীবিতং যন্মনুষ্যে; মহাস্রাবং নিত্যদুঃখং চলং চ |
৩ ক
সঞ্জয় উবাচ:
ভূয়শ্চ তদ্বয়সো নানুরূপং; তস্মাৎপাপং পাণ্ডব মা প্রসার্ষীঃ ||
৩ খ
সঞ্জয় উবাচ:
কামা মনুষ্যং প্রসজন্ত এব; ধর্মস্য যে বিঘ্নমূলং নরেন্দ্র |
৪ ক
সঞ্জয় উবাচ:
পূর্বং নরস্তান্ধৃতিমান্বিনিঘ্নঁ; ল্লোকে প্রশংসাং লভতেঽনবদ্যাম্ ||
৪ খ
সঞ্জয় উবাচ:
নিবন্ধনী হ্যর্থতৃষ্ণেহ পার্থ; তামেষতো বাধ্যতে ধর্ম এব |
৫ ক
সঞ্জয় উবাচ:
ধর্মং তু যঃ প্রবৃণীতে স বুদ্ধঃ; কামে গৃদ্ধো হীয়তেঽর্থানুরোধাৎ ||
৫ খ
সঞ্জয় উবাচ:
ধর্মং কৃত্বা কর্মণাং তাত মুখ্যং; মহাপ্রতাপঃ সবিতেব ভাতি |
৬ ক
সঞ্জয় উবাচ:
হানেন ধর্মস্য মহীমপীমাং; লব্ধ্বা নরঃ সীদতি পাপবুদ্ধিঃ ||
৬ খ
সঞ্জয় উবাচ:
বেদোঽধীতশ্চরিতং ব্রহ্মচর্যং; যজ্ঞৈরিষ্টং ব্রাহ্মণেভ্যশ্চ দত্তম্ |
৭ ক
সঞ্জয় উবাচ:
পরং স্থানং মন্যমানেন ভূয়; আত্মা দত্তো বর্ষপূগং সুখেভ্যঃ ||
৭ খ
সঞ্জয় উবাচ:
সুখপ্রিয়ে সেবমানোঽতিবেলং; যোগাভ্যাসে যো ন করোতি কর্ম |
৮ ক
সঞ্জয় উবাচ:
বিত্তক্ষয়ে হীনসুখোঽতিবেলং; দুঃখং শেতে কামবেগপ্রণুন্নঃ ||
৮ খ
সঞ্জয় উবাচ:
এবং পুনরর্থচর্যাপ্রসক্তো; হিত্বা ধর্মং যঃ প্রকরোত্যধর্মম্ |
৯ ক
সঞ্জয় উবাচ:
অশ্রদ্দধৎপরলোকায় মূঢো; হিত্বা দেহং তপ্যতে প্রেত্য মন্দঃ ||
৯ খ
সঞ্জয় উবাচ:
ন কর্মণাং বিপ্রণাশোঽস্ত্যমুত্র; পুণ্যানাং বাপ্যথ বা পাপকানাম্ |
১০ ক
সঞ্জয় উবাচ:
পূর্বং কর্তুর্গচ্ছতি পুণ্যপাপং; পশ্চাত্ত্বেতদনুয়াত্যেব কর্তা ||
১০ খ
সঞ্জয় উবাচ:
ন্যায়োপেতং ব্রাহ্মণেভ্যো যদন্নং; শ্রদ্ধাপূতং গন্ধরসোপপন্নম্ |
১১ ক
সঞ্জয় উবাচ:
অন্বাহার্যেষূত্তমদক্ষিণেষু; তথারূপং কর্ম বিখ্যায়তে তে ||
১১ খ
সঞ্জয় উবাচ:
ইহ ক্ষেত্রে ক্রিয়তে পার্থ কার্যং; ন বৈ কিঞ্চিদ্বিদ্যতে প্রেত্য কার্যম্ |
১২ ক
সঞ্জয় উবাচ:
কৃতং ত্বয়া পারলোক্যং চ কার্যং; পুণ্যং মহৎসদ্ভিরনুপ্রশস্তম্ ||
১২ খ
সঞ্জয় উবাচ:
জহাতি মৃত্যুং চ জরাং ভয়ং চ; ন ক্ষুৎপিপাসে মনসশ্চাপ্রিয়াণি |
১৩ ক
সঞ্জয় উবাচ:
ন কর্তব্যং বিদ্যতে তত্র কিং চি; দন্যত্র বৈ ইন্দ্রিয়প্রীণনার্থাৎ ||
১৩ খ
সঞ্জয় উবাচ:
এবংরূপং কর্মফলং নরেন্দ্র; মাত্রাবতা হৃদয়স্য প্রিয়েণ |
১৪ ক
সঞ্জয় উবাচ:
স ক্রোধজং পাণ্ডব হর্ষজং চ; লোকাবুভৌ মা প্রহাসীশ্চিরায় ||
১৪ খ
সঞ্জয় উবাচ:
অন্তং গত্বা কর্মণাং যা প্রশংসা; সত্যং দমশ্চার্জবমানৃশংস্যম্ |
১৫ ক
সঞ্জয় উবাচ:
অশ্বমেধো রাজসূয়স্তথেষ্টঃ; পাপস্যান্তং কর্মণো মা পুনর্গাঃ ||
১৫ খ
সঞ্জয় উবাচ:
তচ্চেদেবং দেশরূপেণ পার্থাঃ; করিষ্যধ্বং কর্ম পাপং চিরায় |
১৬ ক
সঞ্জয় উবাচ:
নিবসধ্বং বর্ষপূগান্বনেষু; দুঃখং বাসং পাণ্ডবা ধর্মহেতোঃ ||
১৬ খ
সঞ্জয় উবাচ:
অপ্রব্রজ্যে যোজয়িত্বা পুরস্তা; দাত্মাধীনং যদ্বলং তে তদাসীৎ |
১৭ ক
সঞ্জয় উবাচ:
নিত্যং পাঞ্চালাঃ সচিবাস্তবেমে; জনার্দনো যুয়ুধানশ্চ বীরঃ ||
১৭ খ
সঞ্জয় উবাচ:
মৎস্যো রাজা রুক্মরথঃ সপুত্রঃ; প্রহারিভিঃ সহ পুত্রৈর্বিরাটঃ |
১৮ ক
সঞ্জয় উবাচ:
রাজানশ্চ যে বিজিতাঃ পুরস্তা; ত্ত্বামেব তে সংশ্রয়েয়ুঃ সমস্তাঃ ||
১৮ খ
সঞ্জয় উবাচ:
মহাসহায়ঃ প্রতপন্বলস্থঃ; পুরস্কৃতো বাসুদেবার্জুনাভ্যাম্ |
১৯ ক
সঞ্জয় উবাচ:
বরান্হনিষ্যন্দ্বিষতো রঙ্গমধ্যে; ব্যনেষ্যথা ধার্তরাষ্ট্রস্য দর্পম্ ||
১৯ খ
সঞ্জয় উবাচ:
বলং কস্মাদ্বর্ধয়িত্বা পরস্য; নিজান্কস্মাৎকর্শয়িত্বা সহায়ান্ |
২০ ক
সঞ্জয় উবাচ:
নিরুষ্য কস্মাদ্বর্ষপূগান্বনেষু; যুয়ুৎসসে পাণ্ডব হীনকালম্ ||
২০ খ
সঞ্জয় উবাচ:
অপ্রজ্ঞো বা পাণ্ডব যুধ্যমানো; অধর্মজ্ঞো বা ভূতিপথাদ্ব্যপৈতি |
২১ ক
সঞ্জয় উবাচ:
প্রজ্ঞাবান্বা বুধ্যমানোঽপি ধর্মং; সংরম্ভাদ্বা সোঽপি ভূতেরপৈতি ||
২১ খ
সঞ্জয় উবাচ:
নাধর্মে তে ধীয়তে পার্থ বুদ্ধি; র্ন সংরম্ভাৎকর্ম চকর্থ পাপম্ |
২২ ক
সঞ্জয় উবাচ:
অদ্ধা কিং তৎকারণং যস্য হেতোঃ; প্রজ্ঞাবিরুদ্ধং কর্ম চিকীর্ষসীদম্ ||
২২ খ
সঞ্জয় উবাচ:
অব্যাধিজং কটুকং শীর্ষরোগং; যশোমুষং পাপফলোদয়ং চ |
২৩ ক
সঞ্জয় উবাচ:
সতাং পেয়ং যন্ন পিবন্ত্যসন্তো; মন্যুং মহারাজ পিব প্রশাম্য ||
২৩ খ
সঞ্জয় উবাচ:
পাপানুবন্ধং কো নু তং কাময়েত; ক্ষমৈব তে জ্যায়সী নোত ভোগাঃ |
২৪ ক
সঞ্জয় উবাচ:
যত্র ভীষ্মঃ শান্তনবো হতঃ স্যা; দ্যত্র দ্রোণঃ সহপুত্রো হতঃ স্যাৎ ||
২৪ খ
সঞ্জয় উবাচ:
কৃপঃ শল্যঃ সৌমদত্তির্বিকর্ণো; বিবিংশতিঃ কর্ণদুর্যোধনৌ চ |
২৫ ক
সঞ্জয় উবাচ:
এতান্হত্বা কীদৃশং তৎসুখং স্যা; দ্যদ্বিন্দেথাস্তদনুব্রূহি পার্থ ||
২৫ খ
সঞ্জয় উবাচ:
লব্ধ্বাপীমাং পৃথিবীং সাগরান্তাং; জরামৃত্যূ নৈব হি ত্বং প্রজহ্যাঃ |
২৬ ক
সঞ্জয় উবাচ:
প্রিয়াপ্রিয়ে সুখদুঃখে চ রাজ; ন্নেবং বিদ্বান্নৈব যুদ্ধং কুরুষ্ব ||
২৬ খ
সঞ্জয় উবাচ:
অমাত্যানাং যদি কামস্য হেতো; রেবংয়ুক্তং কর্ম চিকীর্ষসি ত্বম্ |
২৭ ক
সঞ্জয় উবাচ:
অপাক্রমেঃ সম্প্রদায় স্বমেভ্যো; মা গাস্ত্বং বৈ দেবয়ানাৎপথোঽদ্য ||
২৭ খ