সঞ্জয় উবাচ:
যদা দ্রষ্টা জ্যামুখাদ্বাণসঙ্ঘা; ন্গাণ্ডীবমুক্তান্পততঃ শিতাগ্রান্ |
৫০ ক
সঞ্জয় উবাচ:
নাগান্হয়ান্বর্মিণশ্চাদদানাং; স্তদা যুদ্ধং ধার্তরাষ্ট্রোঽন্বতপ্স্যৎ ||
৫০ খ
সঞ্জয় উবাচ:
যদা মন্দঃ পরবাণান্বিমুক্তা; ন্মমেষুভির্হ্রিয়মাণান্প্রতীপম্ |
৫১ ক
সঞ্জয় উবাচ:
তির্যগ্বিদ্বাংশ্ছিদ্যমানান্ক্ষুরপ্রৈ; স্তদা যুদ্ধং ধার্তরাষ্ট্রোঽন্বতপ্স্যৎ ||
৫১ খ
সঞ্জয় উবাচ:
যদা বিপাঠা মদ্ভুজবিপ্রমুক্তা; দ্বিজাঃ ফলানীব মহীরুহাগ্রাৎ |
৫২ ক
সঞ্জয় উবাচ:
প্রচ্ছেত্তার উত্তমাঙ্গানি যূনাং; তদা যুদ্ধং ধার্তরাষ্ট্রোঽন্বতপ্স্যৎ ||
৫২ খ
সঞ্জয় উবাচ:
যদা দ্রষ্টা পততঃ স্যন্দনেভ্যো; মহাগজেভ্যোঽশ্বগতাংশ্চ যোধান্ |
৫৩ ক
সঞ্জয় উবাচ:
শরৈর্হতান্পাতিতাংশ্চৈব রঙ্গে; তদা যুদ্ধং ধার্তরাষ্ট্রোঽন্বতপ্স্যৎ ||
৫৩ খ
সঞ্জয় উবাচ:
পদাতিসঙ্ঘান্রথসঙ্ঘান্সমন্তা; দ্ব্যাত্তাননঃ কাল ইবাততেষুঃ |
৫৪ ক
সঞ্জয় উবাচ:
প্রণোৎস্যামি জ্বলিতৈর্বাণবর্ষৈঃ; শত্রূংস্তদা তপ্স্যতি মন্দবুদ্ধিঃ ||
৫৪ খ
সঞ্জয় উবাচ:
সর্বা দিশঃ সম্পততা রথেন; রজোধ্বস্তং গাণ্ডিবেনাপকৃত্তম্ |
৫৫ ক
সঞ্জয় উবাচ:
যদা দ্রষ্টা স্ববলং সম্প্রমূঢং; তদা পশ্চাত্তপ্স্যতি মন্দবুদ্ধিঃ ||
৫৫ খ
সঞ্জয় উবাচ:
কান্দিগ্ভূতং ছিন্নগাত্রং বিসঞ্জ্ঞং; দুর্যোধনো দ্রক্ষ্যতি সর্বসৈন্যম্ |
৫৬ ক
সঞ্জয় উবাচ:
হতাশ্ববীরাগ্র্যনরেন্দ্রনাগং; পিপাসিতং শ্রান্তপত্রং ভয়ার্তম্ ||
৫৬ খ
সঞ্জয় উবাচ:
আর্তস্বরং হন্যমানং হতং চ; বিকীর্ণকেশাস্থিকপালসঙ্ঘম্ |
৫৭ ক
সঞ্জয় উবাচ:
প্রজাপতেঃ কর্ম যথার্ধনিষ্ঠিতং; তদা দৃষ্ট্বা তপ্স্যতে মন্দবুদ্ধিঃ ||
৫৭ খ
সঞ্জয় উবাচ:
যদা রথে গাণ্ডিবং বাসুদেবং; দিব্যং শঙ্খং পাঞ্চজন্যং হয়াংশ্চ |
৫৮ ক
সঞ্জয় উবাচ:
তূণাবক্ষয়্যৌ দেবদত্তং চ মাং চ; দ্রষ্টা যুদ্ধে ধার্তরাষ্ট্রঃ সমেতান্ ||
৫৮ খ
সঞ্জয় উবাচ:
উদ্বর্তয়ন্দস্যুসঙ্ঘান্সমেতা; ন্প্রবর্তয়ন্যুগমন্যদ্যুগান্তে |
৫৯ ক
সঞ্জয় উবাচ:
যদা ধক্ষ্যাম্যগ্নিবৎকৌরবেয়াং; স্তদা তপ্তা ধৃতরাষ্ট্রঃ সপুত্রঃ ||
৫৯ খ
সঞ্জয় উবাচ:
সহভ্রাতা সহপুত্রঃ সসৈন্যো; ভ্রষ্টৈশ্বর্যঃ ক্রোধবশোঽল্পচেতাঃ |
৬০ ক
সঞ্জয় উবাচ:
দর্পস্যান্তে বিহিতে বেপমানঃ; পশ্চান্মন্দস্তপ্স্যতি ধার্তরাষ্ট্রঃ ||
৬০ খ
সঞ্জয় উবাচ:
পূর্বাহ্ণে মাং কৃতজপ্যং কদা চি; দ্বিপ্রঃ প্রোবাচোদকান্তে মনোজ্ঞম্ |
৬১ ক
সঞ্জয় উবাচ:
কর্তব্যং তে দুষ্করং কর্ম পার্থ; যোদ্ধব্যং তে শত্রুভিঃ সব্যসাচিন্ ||
৬১ খ
সঞ্জয় উবাচ:
ইন্দ্রো বা তে হরিবান্বজ্রহস্তঃ; পুরস্তাদ্যাতু সমরেঽরীন্বিনিঘ্নন্ |
৬২ ক
সঞ্জয় উবাচ:
সুগ্রীবয়ুক্তেন রথেন বা তে; পশ্চাৎকৃষ্ণো রক্ষতু বাসুদেবঃ ||
৬২ খ
সঞ্জয় উবাচ:
বব্রে চাহং বজ্রহস্তান্মহেন্দ্রা; দস্মিন্যুদ্ধে বাসুদেবং সহায়ম্ |
৬৩ ক
সঞ্জয় উবাচ:
স মে লব্ধো দস্যুবধায় কৃষ্ণো; মন্যে চৈতদ্বিহিতং দৈবতৈর্মে ||
৬৩ খ
সঞ্জয় উবাচ:
অয়ুধ্যমানো মনসাপি যস্য; জয়ং কৃষ্ণঃ পুরুষস্যাভিনন্দেৎ |
৬৪ ক
সঞ্জয় উবাচ:
ধ্রুবং সর্বান্সোঽভ্যতীয়াদমিত্রা; ন্সেন্দ্রান্দেবান্মানুষে নাস্তি চিন্তা ||
৬৪ খ
সঞ্জয় উবাচ:
স বাহুভ্যাং সাগরমুত্তিতীর্ষে; ন্মহোদধিং সলিলস্যাপ্রমেয়ম্ |
৬৫ ক
সঞ্জয় উবাচ:
তেজস্বিনং কৃষ্ণমত্যন্তশূরং; যুদ্ধেন যো বাসুদেবং জিগীষেৎ ||
৬৫ খ
সঞ্জয় উবাচ:
গিরিং য ইচ্ছেত তলেন ভেত্তুং; শিলোচ্চয়ং শ্বেতমতিপ্রমাণম্ |
৬৬ ক
সঞ্জয় উবাচ:
তস্যৈব পাণিঃ সনখো বিশীর্যে; ন্ন চাপি কিঞ্চিৎস গিরেস্তু কুর্যাৎ ||
৬৬ খ
সঞ্জয় উবাচ:
অগ্নিং সমিদ্ধং শময়েদ্ভুজাভ্যাং; চন্দ্রং চ সূর্যং চ নিবারয়েত |
৬৭ ক
সঞ্জয় উবাচ:
হরেদ্দেবানামমৃতং প্রসহ্য; যুদ্ধেন যো বাসুদেবং জিগীষেৎ ||
৬৭ খ
সঞ্জয় উবাচ:
যো রুক্মিণীমেকরথেন ভোজ্যা; মুৎসাদ্য রাজ্ঞাং বিষয়ং প্রসহ্য |
৬৮ ক
সঞ্জয় উবাচ:
উবাহ ভার্যাং যশসা জ্বলন্তীং; যস্যাং জজ্ঞে রৌক্মিণেয়ো মহাত্মা ||
৬৮ খ
সঞ্জয় উবাচ:
অয়ং গান্ধারাংস্তরসা সম্প্রমথ্য; জিত্বা পুত্রান্নগ্নজিতঃ সমগ্রান্ |
৬৯ ক
সঞ্জয় উবাচ:
বদ্ধং মুমোচ বিনদন্তং প্রসহ্য; সুদর্শনীয়ং দেবতানাং ললামম্ ||
৬৯ খ
সঞ্জয় উবাচ:
অয়ং কবাটে নিজঘান পাণ্ড্যং; তথা কলিঙ্গান্দন্তকূরে মমর্দ |
৭০ ক
সঞ্জয় উবাচ:
অনেন দগ্ধা বর্ষপূগান্বিনাথা; বারাণসী নগরী সম্বভূব ||
৭০ খ
সঞ্জয় উবাচ:
যং স্ম যুদ্ধে মন্যতেঽন্যৈরজেয়; মেকলব্যং নাম নিষাদরাজম্ |
৭১ ক
সঞ্জয় উবাচ:
বেগেনেব শৈলমভিহত্য জম্ভঃ; শেতে স কৃষ্ণেন হতঃ পরাসুঃ ||
৭১ খ
সঞ্জয় উবাচ:
তথোগ্রসেনস্য সুতং প্রদুষ্টং; বৃষ্ণ্যন্ধকানাং মধ্যগাং তপন্তম্ |
৭২ ক
সঞ্জয় উবাচ:
অপাতয়দ্বলদেবদ্বিতীয়ো; হত্বা দদৌ চোগ্রসেনায় রাজ্যম্ ||
৭২ খ
সঞ্জয় উবাচ:
অয়ং সৌভং যোধয়ামাস খস্থং; বিভীষণং মায়যা শাল্বরাজম্ |
৭৩ ক
সঞ্জয় উবাচ:
সৌভদ্বারি প্রত্যগৃহ্ণাচ্ছতঘ্নীং; দোর্ভ্যাং ক এনং বিষহেত মর্ত্যঃ ||
৭৩ খ
সঞ্জয় উবাচ:
প্রাগ্জ্যোতিষং নাম বভূব দুর্গং; পুরং ঘোরমসুরাণামসহ্যম্ |
৭৪ ক
সঞ্জয় উবাচ:
মহাবলো নরকস্তত্র ভৌমো; জহারাদিত্যা মণিকুণ্ডলে শুভে ||
৭৪ খ
সঞ্জয় উবাচ:
ন তং দেবাঃ সহ শক্রেণ সেহিরে; সমাগতা আহরণায় ভীতাঃ |
৭৫ ক
সঞ্জয় উবাচ:
দৃষ্ট্বা চ তে বিক্রমং কেশবস্য; বলং তথৈবাস্ত্রমবারণীয়ম্ ||
৭৫ খ
সঞ্জয় উবাচ:
জানন্তোঽস্য প্রকৃতিং কেশবস্য; ন্যযোজয়ন্দস্যুবধায় কৃষ্ণম্ |
৭৬ ক
সঞ্জয় উবাচ:
স তৎকর্ম প্রতিশুশ্রাব দুষ্কর; মৈশ্বর্যবান্সিদ্ধিষু বাসুদেবঃ ||
৭৬ খ
সঞ্জয় উবাচ:
নির্মোচনে ষট্সহস্রাণি হত্বা; সঞ্ছিদ্য পাশান্সহসা ক্ষুরান্তান্ |
৭৭ ক
সঞ্জয় উবাচ:
মুরং হত্বা বিনিহত্যৌঘরাক্ষসং; নির্মোচনং চাপি জগাম বীরঃ ||
৭৭ খ
সঞ্জয় উবাচ:
তত্রৈব তেনাস্য বভূব যুদ্ধং; মহাবলেনাতিবলস্য বিষ্ণোঃ |
৭৮ ক
সঞ্জয় উবাচ:
শেতে স কৃষ্ণেন হতঃ পরাসু; র্বাতেনেব মথিতঃ কর্ণিকারঃ ||
৭৮ খ
সঞ্জয় উবাচ:
আহৃত্য কৃষ্ণো মণিকুণ্ডলে তে; হত্বা চ ভৌমং নরকং মুরং চ |
৭৯ ক
সঞ্জয় উবাচ:
শ্রিয়া বৃতো যশসা চৈব ধীমা; ন্প্রত্যাজগামাপ্রতিমপ্রভাবঃ ||
৭৯ খ
সঞ্জয় উবাচ:
তস্মৈ বরানদদংস্তত্র দেবা; দৃষ্ট্বা ভীমং কর্ম রণে কৃতং তৎ |
৮০ ক
সঞ্জয় উবাচ:
শ্রমশ্চ তে যুধ্যমানস্য ন স্যা; দাকাশে বা অপ্সু চৈব ক্রমঃ স্যাৎ ||
৮০ খ
সঞ্জয় উবাচ:
শস্ত্রাণি গাত্রে চ ন তে ক্রমের; ন্নিত্যেব কৃষ্ণশ্চ ততঃ কৃতার্থঃ |
৮১ ক
সঞ্জয় উবাচ:
এবংরূপে বাসুদেবেঽপ্রমেয়ে; মহাবলে গুণসম্পৎসদৈব ||
৮১ খ
সঞ্জয় উবাচ:
তমসহ্যং বিষ্ণুমনন্তবীর্য; মাশংসতে ধার্তরাষ্ট্রো বলেন |
৮২ ক
সঞ্জয় উবাচ:
যদা হ্যেনং তর্কয়তে দুরাত্মা; তচ্চাপ্যযং সহতেঽস্মান্সমীক্ষ্য ||
৮২ খ
সঞ্জয় উবাচ:
পর্যাগতং মম কৃষ্ণস্য চৈব; যো মন্যতে কলহং সম্প্রয়ুজ্য |
৮৩ ক
সঞ্জয় উবাচ:
শক্যং হর্তুং পাণ্ডবানাং মমত্বং; তদ্বেদিতা সংয়ুগং তত্র গত্বা ||
৮৩ খ
সঞ্জয় উবাচ:
নমস্কৃত্বা শান্তনবায় রাজ্ঞে; দ্রোণায়াথো সহপুত্রায় চৈব |
৮৪ ক
সঞ্জয় উবাচ:
শারদ্বতায়াপ্রতিদ্বন্দ্বিনে চ; যোৎস্যাম্যহং রাজ্যমভীপ্সমানঃ ||
৮৪ খ
সঞ্জয় উবাচ:
ধর্মেণাস্ত্রং নিয়তং তস্য মন্যে; যো যোৎস্যতে পাণ্ডবৈর্ধর্মচারী |
৮৫ ক
সঞ্জয় উবাচ:
মিথ্যাগ্লহে নির্জিতা বৈ নৃশংসৈঃ; সংবৎসরান্দ্বাদশ পাণ্ডুপুত্রাঃ ||
৮৫ খ
সঞ্জয় উবাচ:
অবাপ্য কৃচ্ছ্রং বিহিতং হ্যরণ্যে; দীর্ঘং কালং চৈকমজ্ঞাতচর্যাম্ |
৮৬ ক
সঞ্জয় উবাচ:
তে হ্যকস্মাজ্জীবিতং পাণ্ডবানাং; ন মৃষ্যন্তে ধার্তরাষ্ট্রাঃ পদস্থাঃ ||
৮৬ খ
সঞ্জয় উবাচ:
তে চেদস্মান্যুধ্যমানাঞ্জয়েয়ু; র্দেবৈরপীন্দ্রপ্রমুখৈঃ সহায়ৈঃ |
৮৭ ক
সঞ্জয় উবাচ:
ধর্মাদধর্মশ্চরিতো গরীয়া; নিতি ধ্রুবং নাস্তি কৃতং ন সাধু ||
৮৭ খ
সঞ্জয় উবাচ:
ন চেদিমং পুরুষং কর্মবদ্ধং; ন চেদস্মান্মন্যতেঽসৌ বিশিষ্টান্ |
৮৮ ক
সঞ্জয় উবাচ:
আশংসেঽহং বাসুদেবদ্বিতীয়ো; দুর্যোধনং সানুবন্ধং নিহন্তুম্ ||
৮৮ খ
সঞ্জয় উবাচ:
ন চেদিদং কর্ম নরেষু বদ্ধং; ন বিদ্যতে পুরুষস্য স্বকর্ম |
৮৯ ক
সঞ্জয় উবাচ:
ইদং চ তচ্চাপি সমীক্ষ্য নূনং; পরাজয়ো ধার্তরাষ্ট্রস্য সাধুঃ ||
৮৯ খ
সঞ্জয় উবাচ:
প্রত্যক্ষং বঃ কুরবো যদ্ব্রবীমি; যুধ্যমানা ধার্তরাষ্ট্রা ন সন্তি |
৯০ ক
সঞ্জয় উবাচ:
অন্যত্র যুদ্ধাৎকুরবঃ পরীপ্স; ন্ন যুধ্যতাং শেষ ইহাস্তি কশ্চিৎ ||
৯০ খ
সঞ্জয় উবাচ:
হত্বা ত্বহং ধার্তরাষ্ট্রান্সকর্ণা; ন্রাজ্যং কুরূণামবজেতা সমগ্রম্ |
৯১ ক
সঞ্জয় উবাচ:
যদ্বঃ কার্যং তৎকুরুধ্বং যথাস্ব; মিষ্টান্দারানাত্মজাংশ্চোপভুঙ্ক্ত ||
৯১ খ
সঞ্জয় উবাচ:
অপ্যেবং নো ব্রাহ্মণাঃ সন্তি বৃদ্ধা; বহুশ্রুতাঃ শীলবন্তঃ কুলীনাঃ |
৯২ ক
সঞ্জয় উবাচ:
সাংবৎসরা জ্যোতিষি চাপি যুক্তা; নক্ষত্রয়োগেষু চ নিশ্চয়জ্ঞাঃ ||
৯২ খ
সঞ্জয় উবাচ:
উচ্চাবচং দৈবয়ুক্তং রহস্যং; দিব্যাঃ প্রশ্না মৃগচক্রা মুহূর্তাঃ |
৯৩ ক
সঞ্জয় উবাচ:
ক্ষয়ং মহান্তং কুরুসৃঞ্জয়ানাং; নিবেদয়ন্তে পাণ্ডবানাং জয়ং চ ||
৯৩ খ
সঞ্জয় উবাচ:
তথা হি নো মন্যতেঽজাতশত্রুঃ; সংসিদ্ধার্থো দ্বিষতাং নিগ্রহায় |
৯৪ ক
সঞ্জয় উবাচ:
জনার্দনশ্চাপ্যপরোক্ষবিদ্যো; ন সংশয়ং পশ্যতি বৃষ্ণিসিংহঃ ||
৯৪ খ
সঞ্জয় উবাচ:
অহং চ জানামি ভবিষ্যরূপং; পশ্যামি বুদ্ধ্যা স্বয়মপ্রমত্তঃ |
৯৫ ক
সঞ্জয় উবাচ:
দৃষ্টিশ্চ মে ন ব্যথতে পুরাণী; যুধ্যমানা ধার্তরাষ্ট্রা ন সন্তি ||
৯৫ খ
সঞ্জয় উবাচ:
অনালব্ধং জৃম্ভতি গাণ্ডিবং ধনু; রনালব্ধা কম্পতি মে ধনুর্জ্যা |
৯৬ ক
সঞ্জয় উবাচ:
বাণাশ্চ মে তূণমুখাদ্বিসৃজ্য; মুহুর্মুহুর্গন্তুমুশন্তি চৈব ||
৯৬ খ
সঞ্জয় উবাচ:
সৈক্যঃ কোশান্নিঃসরতি প্রসন্নো; হিত্বেব জীর্ণামুরগস্ত্বচং স্বাম্ |
৯৭ ক
সঞ্জয় উবাচ:
ধ্বজে বাচো রৌদ্ররূপা বদন্তি; কদা রথো যোক্ষ্যতে তে কিরীটিন্ ||
৯৭ খ
সঞ্জয় উবাচ:
গোমায়ুসঙ্ঘাশ্চ বদন্তি রাত্রৌ; রক্ষাংস্যথো নিষ্পতন্ত্যন্তরিক্ষাৎ |
৯৮ ক
সঞ্জয় উবাচ:
মৃগাঃ শৃগালাঃ শিতিকণ্ঠাশ্চ কাকা; গৃধ্রা বডাশ্চৈব তরক্ষবশ্চ ||
৯৮ খ
সঞ্জয় উবাচ:
সুপর্ণপাতাশ্চ পতন্তি পশ্চা; দ্দৃষ্ট্বা রথং শ্বেতহয়প্রয়ুক্তম্ |
৯৯ ক
সঞ্জয় উবাচ:
অহং হ্যেকঃ পার্থিবান্সর্বয়োধা; ঞ্শরান্বর্ষন্মৃত্যুলোকং নয়েয়ম্ ||
৯৯ খ