মার্কণ্ডেয় উবাচ:
অথ ভার্যাসহায়ঃ স ফলান্যাদায় বীর্যবান্ |
১ ক
মার্কণ্ডেয় উবাচ:
কঠিনং পূরয়ামাস ততঃ কাষ্ঠান্যপাটয়ৎ ||
১ খ
মার্কণ্ডেয় উবাচ:
তস্য পাটয়তঃ কাষ্ঠং স্বেদো বৈ সমজায়ত |
২ ক
মার্কণ্ডেয় উবাচ:
ব্যায়ামেন চ তেনাস্য জজ্ঞে শিরসি বেদনা ||
২ খ
মার্কণ্ডেয় উবাচ:
সোঽভিগম্য প্রিয়াং ভার্যামুবাচ শ্রমপীডিতঃ |
৩ ক
মার্কণ্ডেয় উবাচ:
ব্যায়ামেন মমানেন জাতা শিরসি বেদনা ||
৩ খ
মার্কণ্ডেয় উবাচ:
অঙ্গানি চৈব সাবিত্রি হৃদয়ং দূয়তীব চ |
৪ ক
মার্কণ্ডেয় উবাচ:
অস্বস্থমিব চাত্মানং লক্ষয়ে মিতভাষিণি ||
৪ খ
মার্কণ্ডেয় উবাচ:
শূলৈরিব শিরো বিদ্ধমিদং সংলক্ষয়াম্যহম্ |
৫ ক
মার্কণ্ডেয় উবাচ:
তৎস্বপ্তুমিচ্ছে কল্যাণি ন স্থাতুং শক্তিরস্তি মে ||
৫ খ
মার্কণ্ডেয় উবাচ:
সমাসাদ্যাথ সাবিত্রী ভর্তারমুপগূহ্য চ |
৬ ক
মার্কণ্ডেয় উবাচ:
উৎসঙ্গেঽস্য শিরঃ কৃত্বা নিষসাদ মহীতলে ||
৬ খ
মার্কণ্ডেয় উবাচ:
ততঃ সা নারদবচো বিমৃশন্তী তপস্বিনী |
৭ ক
মার্কণ্ডেয় উবাচ:
তং মুহূর্তং ক্ষণং বেলাং দিবসং চ যুয়োজ হ ||
৭ খ
মার্কণ্ডেয় উবাচ:
মুহূর্তাদিব চাপশ্যৎপুরুষং পীতবাসসম্ |
৮ ক
মার্কণ্ডেয় উবাচ:
বদ্ধমৌলিং বপুষ্মন্তমাদিত্যসমতেজসম্ ||
৮ খ
মার্কণ্ডেয় উবাচ:
শ্যামাবদাতং রক্তাক্ষং পাশহস্তং ভয়াবহম্ |
৯ ক
মার্কণ্ডেয় উবাচ:
স্থিতং সত্যবতঃ পার্শ্বে নিরীক্ষন্তং তমেব চ ||
৯ খ
মার্কণ্ডেয় উবাচ:
তং দৃষ্ট্বা সহসোত্থায় ভর্তুর্ন্যস্য শনৈঃ শিরঃ |
১০ ক
মার্কণ্ডেয় উবাচ:
কৃতাঞ্জলিরুবাচার্তা হৃদয়েন প্রবেপতা ||
১০ খ
মার্কণ্ডেয় উবাচ:
দৈবতং ত্বাভিজানামি বপুরেতদ্ধ্যমানুষম্ |
১১ ক
মার্কণ্ডেয় উবাচ:
কাময়া ব্রূহি মে দেব কস্ত্বং কিং চ চিকীর্ষসি ||
১১ খ
যম উবাচ:
পতিব্রতাসি সাবিত্রি তথৈব চ তপোন্বিতা |
১২ ক
যম উবাচ:
অতস্ত্বামভিভাষামি বিদ্ধি মাং ত্বং শুভে যমম্ ||
১২ খ
যম উবাচ:
অয়ং তে সত্যবান্ভর্তা ক্ষীণায়ুঃ পার্থিবাত্মজঃ |
১৩ ক
যম উবাচ:
নেষ্যাম্যেনমহং বদ্ধ্বা বিদ্ধ্যেতন্মে চিকীর্ষিতম্ ||
১৩ খ
মার্কণ্ডেয় উবাচ:
ইত্যুক্ত্বা পিতৃরাজস্তাং ভগবান্স্বং চিকীর্ষিতম্ |
১৪ ক
মার্কণ্ডেয় উবাচ:
যথাবৎসর্বমাখ্যাতুং তৎপ্রিয়ার্থং প্রচক্রমে ||
১৪ খ
মার্কণ্ডেয় উবাচ:
অয়ং হি ধর্মসংয়ুক্তো রূপবান্গুণসাগরঃ |
১৫ ক
মার্কণ্ডেয় উবাচ:
নার্হো মৎপুরুষৈর্নেতুমতোঽস্মি স্বয়মাগতঃ ||
১৫ খ
মার্কণ্ডেয় উবাচ:
ততঃ সত্যবতঃ কায়াৎপাশবদ্ধং বশং গতম্ |
১৬ ক
মার্কণ্ডেয় উবাচ:
অঙ্গুষ্ঠমাত্রং পুরুষং নিশ্চকর্ষ যমো বলাৎ ||
১৬ খ
মার্কণ্ডেয় উবাচ:
ততঃ সমুদ্ধৃতপ্রাণং গতশ্বাসং হতপ্রভম্ |
১৭ ক
মার্কণ্ডেয় উবাচ:
নির্বিচেষ্টং শরীরং তদ্বভূবাপ্রিয়দর্শনম্ ||
১৭ খ
মার্কণ্ডেয় উবাচ:
যমস্তু তং তথা বদ্ধ্বা প্রয়াতো দক্ষিণামুখঃ |
১৮ ক
মার্কণ্ডেয় উবাচ:
সাবিত্রী চাপি দুঃখার্তা যমমেবান্বগচ্ছত |
১৮ খ
মার্কণ্ডেয় উবাচ:
নিয়মব্রতসংসিদ্ধা মহাভাগা পতিব্রতা ||
১৮ গ
যম উবাচ:
নিবর্ত গচ্ছ সাবিত্রি কুরুষ্বাস্যৌর্ধ্বদেহিকম্ |
১৯ ক
যম উবাচ:
কৃতং ভর্তুস্ত্বয়ানৃণ্যং যাবদ্গম্যং গতং ত্বয়া ||
১৯ খ
সাবিত্র্যু উবাচ:
যত্র মে নীয়তে ভর্তা স্বয়ং বা যত্র গচ্ছতি |
২০ ক
সাবিত্র্যু উবাচ:
ময়াপি তত্র গন্তব্যমেষ ধর্মঃ সনাতনঃ ||
২০ খ
সাবিত্র্যু উবাচ:
তপসা গুরুবৃত্ত্যা চ ভর্তুঃ স্নেহাদ্ব্রতেন চ |
২১ ক
সাবিত্র্যু উবাচ:
তব চৈব প্রসাদেন ন মে প্রতিহতা গতিঃ ||
২১ খ
সাবিত্র্যু উবাচ:
প্রাহুঃ সপ্তপদং মিত্রং বুধাস্তত্ত্বার্থদর্শিনঃ |
২২ ক
সাবিত্র্যু উবাচ:
মিত্রতাং চ পুরস্কৃত্য কিঞ্চিদ্বক্ষ্যামি তচ্ছৃণু ||
২২ খ
সাবিত্র্যু উবাচ:
নানাত্মবন্তস্তু বনে চরন্তি; ধর্মং চ বাসং চ পরিশ্রমং চ |
২৩ ক
সাবিত্র্যু উবাচ:
বিজ্ঞানতো ধর্মমুদাহরন্তি; তস্মাৎসন্তো ধর্মমাহুঃ প্রধানম্ ||
২৩ খ
সাবিত্র্যু উবাচ:
একস্য ধর্মেণ সতাং মতেন; সর্বে স্ম তং মার্গমনুপ্রপন্নাঃ |
২৪ ক
সাবিত্র্যু উবাচ:
মা বৈ দ্বিতীয়ং মা তৃতীয়ং চ বাঞ্ছে; তস্মাৎসন্তো ধর্মমাহুঃ প্রধানম্ ||
২৪ খ
যম উবাচ:
নিবর্ত তুষ্টোঽস্মি তবানয়া গিরা; স্বরাক্ষরব্যঞ্জনহেতুয়ুক্তয়া |
২৫ ক
যম উবাচ:
বরং বৃণীষ্বেহ বিনাস্য জীবিতং; দদানি তে সর্বমনিন্দিতে বরম্ ||
২৫ খ
সাবিত্র্যু উবাচ:
চ্যুতঃ স্বরাজ্যাদ্বনবাসমাশ্রিতো; বিনষ্টচক্ষুঃ শ্বশুরো মমাশ্রমে |
২৬ ক
সাবিত্র্যু উবাচ:
স লব্ধচক্ষুর্বলবান্ভবেন্নৃপ; স্তব প্রসাদাজ্জ্বলনার্কসংনিভঃ ||
২৬ খ
যম উবাচ:
দদানি তে সর্বমনিন্দিতে বরং; যথা ত্বয়োক্তং ভবিতা চ তত্তথা |
২৭ ক
যম উবাচ:
তবাধ্বনা গ্লানিমিবোপলক্ষয়ে; নিবর্ত গচ্ছস্ব ন তে শ্রমো ভবেৎ ||
২৭ খ
সাবিত্র্যু উবাচ:
কুতঃ শ্রমো ভর্তৃসমীপতো হি মে; যতো হি ভর্তা মম সা গতির্ধ্রুবা |
২৮ ক
সাবিত্র্যু উবাচ:
যতঃ পতিং নেষ্যসি তত্র মে গতিঃ; সুরেশ ভূয়শ্চ বচো নিবোধ মে ||
২৮ খ
সাবিত্র্যু উবাচ:
সতাং সকৃৎসঙ্গতমীপ্সিতং পরং; ততঃ পরং মিত্রমিতি প্রচক্ষতে |
২৯ ক
সাবিত্র্যু উবাচ:
ন চাফলং সৎপুরুষেণ সঙ্গতং; ততঃ সতাং সংনিবসেৎসমাগমে ||
২৯ খ
যম উবাচ:
মনোনুকূলং বুধবুদ্ধিবর্ধনং; ত্বয়াহমুক্তো বচনং হিতাশ্রয়ম্ |
৩০ ক
যম উবাচ:
বিনা পুনঃ সত্যবতোঽস্য জীবিতং; বরং দ্বিতীয়ং বরয়স্ব ভামিনি ||
৩০ খ
সাবিত্র্যু উবাচ:
হৃতং পুরা মে শ্বশুরস্য ধীমতঃ; স্বমেব রাজ্যং স লভেত পার্থিবঃ |
৩১ ক
সাবিত্র্যু উবাচ:
জহ্যাৎস্বধর্মং ন চ মে গুরুর্যথা; দ্বিতীয়মেতং বরয়ামি তে বরম্ ||
৩১ খ
যম উবাচ:
স্বমেব রাজ্যং প্রতিপৎস্যতেঽচিরা; ন্ন চ স্বধর্মাৎপরিহাস্যতে নৃপঃ |
৩২ ক
যম উবাচ:
কৃতেন কামেন ময়া নৃপাত্মজে; নিবর্ত গচ্ছস্ব ন তে শ্রমো ভবেৎ ||
৩২ খ
সাবিত্র্যু উবাচ:
প্রজাস্ত্বয়েমা নিয়মেন সংয়তা; নিয়ম্য চৈতা নয়সে ন কাময়া |
৩৩ ক
সাবিত্র্যু উবাচ:
অতো যমত্বং তব দেব বিশ্রুতং; নিবোধ চেমাং গিরমীরিতাং ময়া ||
৩৩ খ
সাবিত্র্যু উবাচ:
অদ্রোহঃ সর্বভূতেষু কর্মণা মনসা গিরা |
৩৪ ক
সাবিত্র্যু উবাচ:
অনুগ্রহশ্চ দানং চ সতাং ধর্মঃ সনাতনঃ ||
৩৪ খ
সাবিত্র্যু উবাচ:
এবম্প্রায়শ্চ লোকোঽয়ং মনুষ্যাঃ শক্তিপেশলাঃ |
৩৫ ক
সাবিত্র্যু উবাচ:
সন্তস্ত্বেবাপ্যমিত্রেষু দয়াং প্রাপ্তেষু কুর্বতে ||
৩৫ খ
যম উবাচ:
পিপাসিতস্যেব যথা ভবেৎপয়; স্তথা ত্বয়া বাক্যমিদং সমীরিতম্ |
৩৬ ক
যম উবাচ:
বিনা পুনঃ সত্যবতোঽস্য জীবিতং; বরং বৃণীষ্বেহ শুভে যদিচ্ছসি ||
৩৬ খ
সাবিত্র্যু উবাচ:
মমানপত্যঃ পৃথিবীপতিঃ পিতা; ভবেৎপিতুঃ পুত্রশতং মমৌরসম্ |
৩৭ ক
সাবিত্র্যু উবাচ:
কুলস্য সন্তানকরং চ যদ্ভবে; ত্তৃতীয়মেতং বরয়ামি তে বরম্ ||
৩৭ খ
যম উবাচ:
কুলস্য সন্তানকরং সুবর্চসং; শতং সুতানাং পিতুরস্তু তে শুভে |
৩৮ ক
যম উবাচ:
কৃতেন কামেন নরাধিপাত্মজে; নিবর্ত দূরং হি পথস্ত্বমাগতা ||
৩৮ খ
সাবিত্র্যু উবাচ:
ন দূরমেতন্মম ভর্তৃসংনিধৌ; মনো হি মে দূরতরং প্রধাবতি |
৩৯ ক
সাবিত্র্যু উবাচ:
তথা ব্রজন্নেব গিরং সমুদ্যতাং; ময়োচ্যমানাং শৃণু ভূয় এব চ ||
৩৯ খ
সাবিত্র্যু উবাচ:
বিবস্বতস্ত্বং তনয়ঃ প্রতাপবাং; স্ততো হি বৈবস্বত উচ্যসে বুধৈঃ |
৪০ ক
সাবিত্র্যু উবাচ:
শমেন ধর্মেণ চ রঞ্জিতাঃ প্রজা; স্ততস্তবেহেশ্বর ধর্মরাজতা ||
৪০ খ
সাবিত্র্যু উবাচ:
আত্মন্যপি ন বিশ্বাসস্তাবান্ভবতি সৎসু যঃ |
৪১ ক
সাবিত্র্যু উবাচ:
তস্মাৎসৎসু বিশেষেণ সর্বঃ প্রণয়মিচ্ছতি ||
৪১ খ
সাবিত্র্যু উবাচ:
সৌহৃদাৎসর্বভূতানাং বিশ্বাসো নাম জায়তে |
৪২ ক
সাবিত্র্যু উবাচ:
তস্মাৎসৎসু বিশেষেণ বিশ্বাসং কুরুতে জনঃ ||
৪২ খ
যম উবাচ:
উদাহৃতং তে বচনং যদঙ্গনে; শুভে ন তাদৃক্ত্বদৃতে ময়া শ্রুতম্ |
৪৩ ক
যম উবাচ:
অনেন তুষ্টোঽস্মি বিনাস্য জীবিতং; বরং চতুর্থং বরয়স্ব গচ্ছ চ ||
৪৩ খ
সাবিত্র্যু উবাচ:
মমাত্মজং সত্যবতস্তথৌরসং; ভবেদুভাভ্যামিহ যৎকুলোদ্বহম্ |
৪৪ ক
সাবিত্র্যু উবাচ:
শতং সুতানাং বলবীর্যশালিনা; মিদং চতুর্থং বরয়ামি তে বরম্ ||
৪৪ খ
যম উবাচ:
শতং সুতানাং বলবীর্যশালিনাং; ভবিষ্যতি প্রীতিকরং তবাবলে |
৪৫ ক
যম উবাচ:
পরিশ্রমস্তে ন ভবেন্নৃপাত্মজে; নিবর্ত দূরং হি পথস্ত্বমাগতা ||
৪৫ খ
সাবিত্র্যু উবাচ:
সতাং সদা শাশ্বতী ধর্মবৃত্তিঃ; সন্তো ন সীদন্তি ন চ ব্যথন্তি |
৪৬ ক
সাবিত্র্যু উবাচ:
সতাং সদ্ভির্নাফলঃ সঙ্গমোঽস্তি; সদ্ভ্যো ভয়ং নানুবর্তন্তি সন্তঃ ||
৪৬ খ
সাবিত্র্যু উবাচ:
সন্তো হি সত্যেন নয়ন্তি সূর্যং; সন্তো ভূমিং তপসা ধারয়ন্তি |
৪৭ ক
সাবিত্র্যু উবাচ:
সন্তো গতির্ভূতভব্যস্য রাজ; ন্সতাং মধ্যে নাবসীদন্তি সন্তঃ ||
৪৭ খ
সাবিত্র্যু উবাচ:
আর্যজুষ্টমিদং বৃত্তমিতি বিজ্ঞায় শাশ্বতম্ |
৪৮ ক
সাবিত্র্যু উবাচ:
সন্তঃ পরার্থং কুর্বাণা নাবেক্ষন্তে প্রতিক্রিয়াম্ ||
৪৮ খ
সাবিত্র্যু উবাচ:
ন চ প্রসাদঃ সৎপুরুষেষু মোঘো; ন চাপ্যর্থো নশ্যতি নাপি মানঃ |
৪৯ ক
সাবিত্র্যু উবাচ:
যস্মাদেতন্নিয়তং সৎসু নিত্যং; তস্মাৎসন্তো রক্ষিতারো ভবন্তি ||
৪৯ খ
যম উবাচ:
যথা যথা ভাষসি ধর্মসংহিতং; মনোনুকূলং সুপদং মহার্থবৎ |
৫০ ক