যুধিষ্ঠির উবাচ:
মত্তঃ কৈতবকেনৈব যজ্জিতোঽস্মি দুরোদরম্ |
১ ক
যুধিষ্ঠির উবাচ:
শকুনে হন্ত দীব্যামো গ্লহমানাঃ সহস্রশঃ ||
১ খ
যুধিষ্ঠির উবাচ:
ইমে নিষ্কসহস্রস্য কুণ্ডিনো ভরিতাঃ শতম্ |
২ ক
যুধিষ্ঠির উবাচ:
কোশো হিরণ্যমক্ষয়্যং জাতরূপমনেকশঃ |
২ খ
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
২ গ
বৈশম্পায়ন উবাচ:
ইত্যুক্তঃ শকুনিঃ প্রাহ জিতমিত্যেব তং নৃপম্ |
৩ ক
যুধিষ্ঠির উবাচ:
অয়ং সহস্রসমিতো বৈয়াঘ্রঃ সুপ্রবর্তিতঃ |
৪ ক
যুধিষ্ঠির উবাচ:
সুচক্রোপস্করঃ শ্রীমান্কিঙ্কিণীজালমণ্ডিতঃ ||
৪ খ
যুধিষ্ঠির উবাচ:
সংহ্রাদনো রাজরথো য ইহাস্মানুপাবহৎ |
৫ ক
যুধিষ্ঠির উবাচ:
জৈত্রো রথবরঃ পুণ্যো মেঘসাগরনিঃস্বনঃ ||
৫ খ
যুধিষ্ঠির উবাচ:
অষ্টৌ যং কুররচ্ছায়াঃ সদশ্বা রাষ্ট্রসংমতাঃ |
৬ ক
যুধিষ্ঠির উবাচ:
বহন্তি নৈষামুচ্যেত পদা ভূমিমুপস্পৃশন্ |
৬ খ
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
৬ গ
বৈশম্পায়ন উবাচ:
এতচ্ছ্রুত্বা ব্যবসিতো নিকৃতিং সমুপাশ্রিতঃ |
৭ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
৭ খ
যুধিষ্ঠির উবাচ:
সহস্রসঙ্খ্যা নাগা মে মত্তাস্তিষ্ঠন্তি সৌবল |
৮ ক
যুধিষ্ঠির উবাচ:
হেমকক্ষাঃ কৃতাপীডাঃ পদ্মিনো হেমমালিনঃ ||
৮ খ
যুধিষ্ঠির উবাচ:
সুদান্তা রাজবহনাঃ সর্বশব্দক্ষমা যুধি |
৯ ক
যুধিষ্ঠির উবাচ:
ঈষাদন্তা মহাকায়াঃ সর্বে চাষ্টকরেণবঃ ||
৯ খ
যুধিষ্ঠির উবাচ:
সর্বে চ পুরভেত্তারো নগমেঘনিভা গজাঃ |
১০ ক
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
১০ খ
বৈশম্পায়ন উবাচ:
তমেবংবাদিনং পার্থং প্রহসন্নিব সৌবলঃ |
১১ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
১১ খ
যুধিষ্ঠির উবাচ:
শতং দাসীসহস্রাণি তরুণ্যো মে প্রভদ্রিকাঃ |
১২ ক
যুধিষ্ঠির উবাচ:
কম্বুকেয়ূরধারিণ্যো নিষ্ককণ্ঠ্যঃ স্বলঙ্কৃতাঃ ||
১২ খ
যুধিষ্ঠির উবাচ:
মহার্হমাল্যাভরণাঃ সুবস্ত্রাশ্চন্দনোক্ষিতাঃ |
১৩ ক
যুধিষ্ঠির উবাচ:
মণীন্হেম চ বিভ্রত্যঃ সর্বা বৈ সূক্ষ্মবাসসঃ ||
১৩ খ
যুধিষ্ঠির উবাচ:
অনুসেবাং চরন্তীমাঃ কুশলা নৃত্যসামসু |
১৪ ক
যুধিষ্ঠির উবাচ:
স্নাতকানামমাত্যানাং রাজ্ঞাং চ মম শাসনাৎ |
১৪ খ
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
১৪ গ
বৈশম্পায়ন উবাচ:
এতচ্ছ্রুত্বা ব্যবসিতো নিকৃতিং সমুপাশ্রিতঃ |
১৫ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
১৫ খ
যুধিষ্ঠির উবাচ:
এতাবন্ত্যেব দাসানাং সহস্রাণ্যুত সন্তি মে |
১৬ ক
যুধিষ্ঠির উবাচ:
প্রদক্ষিণানুলোমাশ্চ প্রাবারবসনাঃ সদা ||
১৬ খ
যুধিষ্ঠির উবাচ:
প্রাজ্ঞা মেধাবিনো দক্ষা যুবানো মৃষ্টকুণ্ডলাঃ |
১৭ ক
যুধিষ্ঠির উবাচ:
পাত্রীহস্তা দিবারাত্রমতিথীন্ভোজয়ন্ত্যুত |
১৭ খ
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
১৭ গ
বৈশম্পায়ন উবাচ:
এতচ্ছ্রুত্বা ব্যবসিতো নিকৃতিং সমুপাশ্রিতঃ |
১৮ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
১৮ খ
যুধিষ্ঠির উবাচ:
রথাস্তাবন্ত এবেমে হেমভাণ্ডাঃ পতাকিনঃ |
১৯ ক
যুধিষ্ঠির উবাচ:
হয়ৈর্বিনীতৈঃ সম্পন্না রথিভিশ্চিত্রয়োধিভিঃ ||
১৯ খ
যুধিষ্ঠির উবাচ:
একৈকো যত্র লভতে সহস্রপরমাং ভৃতিম্ |
২০ ক
যুধিষ্ঠির উবাচ:
যুধ্যতোঽয়ুধ্যতো বাপি বেতনং মাসকালিকম্ |
২০ খ
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
২০ গ
বৈশম্পায়ন উবাচ:
ইত্যেবমুক্তে পার্থেন কৃতবৈরো দুরাত্মবান্ |
২১ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
২১ খ
যুধিষ্ঠির উবাচ:
অশ্বাংস্তিত্তিরিকল্মাষান্গান্ধর্বান্হেমমালিনঃ |
২২ ক
যুধিষ্ঠির উবাচ:
দদৌ চিত্ররথস্তুষ্টো যাংস্তান্গাণ্ডীবধন্বনে |
২২ খ
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
২২ গ
বৈশম্পায়ন উবাচ:
এতচ্ছ্রুত্বা ব্যবসিতো নিকৃতিং সমুপাশ্রিতঃ |
২৩ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
২৩ খ
যুধিষ্ঠির উবাচ:
রথানাং শকটানাং চ হয়ানাং চায়ুতানি মে |
২৪ ক
যুধিষ্ঠির উবাচ:
যুক্তানামেব তিষ্ঠন্তি বাহৈরুচ্চাবচৈর্বৃতাঃ ||
২৪ খ
যুধিষ্ঠির উবাচ:
এবং বর্ণস্য বর্ণস্য সমুচ্চীয় সহস্রশঃ |
২৫ ক
যুধিষ্ঠির উবাচ:
ক্ষীরং পিবন্তস্তিষ্ঠন্তি ভুঞ্জানাঃ শালিতণ্ডুলান্ ||
২৫ খ
যুধিষ্ঠির উবাচ:
ষষ্টিস্তানি সহস্রাণি সর্বে পৃথুলবক্ষসঃ |
২৬ ক
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
২৬ খ
বৈশম্পায়ন উবাচ:
এতচ্ছ্রুত্বা ব্যবসিতো নিকৃতিং সমুপাশ্রিতঃ |
২৭ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
২৭ খ
যুধিষ্ঠির উবাচ:
তাম্রলোহৈঃ পরিবৃতা নিধয়ো মে চতুঃশতাঃ |
২৮ ক
যুধিষ্ঠির উবাচ:
পঞ্চদ্রৌণিক একৈকঃ সুবর্ণস্যাহতস্য বৈ |
২৮ খ
যুধিষ্ঠির উবাচ:
এতদ্রাজন্ধনং মহ্যং তেন দীব্যাম্যহং ত্বয়া ||
২৮ গ
বৈশম্পায়ন উবাচ:
এতচ্ছ্রুত্বা ব্যবসিতো নিকৃতিং সমুপাশ্রিতঃ |
২৯ ক
বৈশম্পায়ন উবাচ:
জিতমিত্যেব শকুনির্যুধিষ্ঠিরমভাষত ||
২৯ খ