সঞ্জয় উবাচ:
আমন্ত্রয়ে ত্বা নরদেবদেব; গচ্ছাম্যহং পাণ্ডব স্বস্তি তেঽস্তু |
১ ক
সঞ্জয় উবাচ:
কচ্চিন্ন বাচা বৃজিনং হি কিং চি; দুচ্চারিতং মে মনসোঽভিষঙ্গাৎ ||
১ খ
সঞ্জয় উবাচ:
জনার্দনং ভীমসেনার্জুনৌ চ; মাদ্রীসুতৌ সাত্যকিং চেকিতানম্ |
২ ক
সঞ্জয় উবাচ:
আমন্ত্র্য গচ্ছামি শিবং সুখং বঃ; সৌম্যেন মাং পশ্যত চক্ষুষা নৃপাঃ ||
২ খ
যুধিষ্ঠির উবাচ:
অনুজ্ঞাতঃ সঞ্জয় স্বস্তি গচ্ছ; ন নোঽকার্ষীরপ্রিয়ং জাতু কিঞ্চিৎ |
৩ ক
যুধিষ্ঠির উবাচ:
বিদ্মশ্চ ত্বা তে চ বয়ং চ সর্বে; শুদ্ধাত্মানং মধ্যগতং সভাস্থম্ ||
৩ খ
যুধিষ্ঠির উবাচ:
আপ্তো দূতঃ সঞ্জয় সুপ্রিয়োঽসি; কল্যাণবাক্ষীলবান্দৃষ্টিমাংশ্চ |
৪ ক
যুধিষ্ঠির উবাচ:
ন মুহ্যেস্ত্বং সঞ্জয় জাতু মত্যা; ন চ ক্রুধ্যেরুচ্যমানোঽপি তথ্যম্ ||
৪ খ
যুধিষ্ঠির উবাচ:
ন মর্মগাং জাতু বক্তাসি রূক্ষাং; নোপস্তুতিং কটুকাং নোত শুক্তাম্ |
৫ ক
যুধিষ্ঠির উবাচ:
ধর্মারামামর্থবতীমহিংস্রা; মেতাং বাচং তব জানামি সূত ||
৫ খ
যুধিষ্ঠির উবাচ:
ত্বমেব নঃ প্রিয়তমোঽসি দূত; ইহাগচ্ছেদ্বিদুরো বা দ্বিতীয়ঃ |
৬ ক
যুধিষ্ঠির উবাচ:
অভীক্ষ্ণদৃষ্টোঽসি পুরা হি নস্ত্বং; ধনঞ্জয়স্যাত্মসমঃ সখাসি ||
৬ খ
যুধিষ্ঠির উবাচ:
ইতো গত্বা সঞ্জয় ক্ষিপ্রমেব; উপাতিষ্ঠেথা ব্রাহ্মণান্যে তদর্হাঃ |
৭ ক
যুধিষ্ঠির উবাচ:
বিশুদ্ধবীর্যাংশ্চরণোপপন্না; ন্কুলে জাতান্সর্বধর্মোপপন্নান্ ||
৭ খ
যুধিষ্ঠির উবাচ:
স্বাধ্যায়িনো ব্রাহ্মণা ভিক্ষবশ্চ; তপস্বিনো যে চ নিত্যা বনেষু |
৮ ক
যুধিষ্ঠির উবাচ:
অভিবাদ্যা বৈ মদ্বচনেন বৃদ্ধা; স্তথেতরেষাং কুশলং বদেথাঃ ||
৮ খ
যুধিষ্ঠির উবাচ:
পুরোহিতং ধৃতরাষ্ট্রস্য রাজ্ঞ; আচার্যাশ্চ ঋত্বিজো যে চ তস্য |
৯ ক
যুধিষ্ঠির উবাচ:
তৈশ্চ ত্বং তাত সহিতৈর্যথার্হং; সঙ্গচ্ছেথাঃ কুশলেনৈব সূত ||
৯ খ
যুধিষ্ঠির উবাচ:
আচার্য ইষ্টোঽনপগো বিধেয়ো; বেদানীপ্সন্ব্রহ্মচর্যং চচার |
১০ ক
যুধিষ্ঠির উবাচ:
যোঽস্ত্রং চতুষ্পাৎপুনরেব চক্রে; দ্রোণঃ প্রসন্নোঽভিবাদ্যো যথার্হম্ ||
১০ খ
যুধিষ্ঠির উবাচ:
অধীতবিদ্যশ্চরণোপপন্নো; যোঽস্ত্রং চতুষ্পাৎপুনরেব চক্রে |
১১ ক
যুধিষ্ঠির উবাচ:
গন্ধর্বপুত্রপ্রতিমং তরস্বিনং; তমশ্বত্থামানং কুশলং স্ম পৃচ্ছেঃ ||
১১ খ
যুধিষ্ঠির উবাচ:
শারদ্বতস্যাবসথং স্ম গত্বা; মহারথস্যাস্ত্রবিদাং বরস্য |
১২ ক
যুধিষ্ঠির উবাচ:
ত্বং মামভীক্ষ্ণং পরিকীর্তয়ন্বৈ; কৃপস্য পাদৌ সঞ্জয় পাণিনা স্পৃশেঃ ||
১২ খ
যুধিষ্ঠির উবাচ:
যস্মিঞ্শৌর্যমানৃশংস্যং তপশ্চ; প্রজ্ঞা শীলং শ্রুতিসত্ত্বে ধৃতিশ্চ |
১৩ ক
যুধিষ্ঠির উবাচ:
পাদৌ গৃহীত্বা কুরুসত্তমস্য; ভীষ্মস্য মাং তত্র নিবেদয়েথাঃ ||
১৩ খ
যুধিষ্ঠির উবাচ:
প্রজ্ঞাচক্ষুর্যঃ প্রণেতা কুরূণাং; বহুশ্রুতো বৃদ্ধসেবী মনীষী |
১৪ ক
যুধিষ্ঠির উবাচ:
তস্মৈ রাজ্ঞে স্থবিরায়াভিবাদ্য; আচক্ষীথাঃ সঞ্জয় মামরোগম্ ||
১৪ খ
যুধিষ্ঠির উবাচ:
জ্যেষ্ঠঃ পুত্রো ধৃতরাষ্ট্রস্য মন্দো; মূর্খঃ শঠঃ সঞ্জয় পাপশীলঃ |
১৫ ক
যুধিষ্ঠির উবাচ:
প্রশাস্তা বৈ পৃথিবী যেন সর্বা; সুয়োধনং কুশলং তাত পৃচ্ছেঃ ||
১৫ খ
যুধিষ্ঠির উবাচ:
ভ্রাতা কনীয়ানপি তস্য মন্দ; স্তথাশীলঃ সঞ্জয় সোঽপি শশ্বৎ |
১৬ ক
যুধিষ্ঠির উবাচ:
মহেষ্বাসঃ শূরতমঃ কুরূণাং; দুঃশাসনং কুশলং তাত পৃচ্ছেঃ ||
১৬ খ
যুধিষ্ঠির উবাচ:
বৃন্দারকং কবিমর্থেষ্বমূঢং; মহাপ্রজ্ঞং সর্বধর্মোপপন্নম্ |
১৭ ক
যুধিষ্ঠির উবাচ:
ন তস্য যুদ্ধং রোচতে বৈ কদা চি; দ্বৈশ্যাপুত্রং কুশলং তাত পৃচ্ছেঃ ||
১৭ খ
যুধিষ্ঠির উবাচ:
নিকর্তনে দেবনে যোঽদ্বিতীয়; শ্ছন্নোপধঃ সাধুদেবী মতাক্ষঃ |
১৮ ক
যুধিষ্ঠির উবাচ:
যো দুর্জয়ো দেবিতব্যেন সঙ্খ্যে; স চিত্রসেনঃ কুশলং তাত বাচ্যঃ ||
১৮ খ
যুধিষ্ঠির উবাচ:
যস্য কামো বর্ততে নিত্যমেব; নান্যঃ শমাদ্ভারতানামিতি স্ম |
১৯ ক
যুধিষ্ঠির উবাচ:
স বাহ্লিকানামৃষভো মনস্বী; পুরা যথা মাভিবদেৎপ্রসন্নঃ ||
১৯ খ
যুধিষ্ঠির উবাচ:
গুণৈরনেকৈঃ প্রবরৈশ্চ যুক্তো; বিজ্ঞানবান্নৈব চ নিষ্ঠুরো যঃ |
২০ ক
যুধিষ্ঠির উবাচ:
স্নেহাদমর্ষং সহতে সদৈব; স সোমদত্তঃ পূজনীয়ো মতো মে ||
২০ খ
যুধিষ্ঠির উবাচ:
অর্হত্তমঃ কুরুষু সৌমদত্তিঃ; স নো ভ্রাতা সঞ্জয় মৎসখা চ |
২১ ক
যুধিষ্ঠির উবাচ:
মহেষ্বাসো রথিনামুত্তমো যঃ; সহামাত্যঃ কুশলং তস্য পৃচ্ছেঃ ||
২১ খ
যুধিষ্ঠির উবাচ:
যে চৈবান্যে কুরুমুখ্যা যুবানঃ; পুত্রাঃ পৌত্রা ভ্রাতরশ্চৈব যে নঃ |
২২ ক
যুধিষ্ঠির উবাচ:
যং যমেষাং যেন যেনাভিগচ্ছে; রনাময়ং মদ্বচনেন বাচ্যঃ ||
২২ খ
যুধিষ্ঠির উবাচ:
যে রাজানঃ পাণ্ডবায়োধনায়; সমানীতা ধার্তরাষ্ট্রেণ কেচিৎ |
২৩ ক
যুধিষ্ঠির উবাচ:
বসাতয়ঃ শাল্বকাঃ কেকয়াশ্চ; তথাম্বষ্ঠা যে ত্রিগর্তাশ্চ মুখ্যাঃ ||
২৩ খ
যুধিষ্ঠির উবাচ:
প্রাচ্যোদীচ্যা দাক্ষিণাত্যাশ্চ শূরা; স্তথা প্রতীচ্যাঃ পার্বতীয়াশ্চ সর্বে |
২৪ ক
যুধিষ্ঠির উবাচ:
অনৃশংসাঃ শীলবৃত্তোপপন্না; স্তেষাং সর্বেষাং কুশলং তাত পৃচ্ছেঃ ||
২৪ খ
যুধিষ্ঠির উবাচ:
হস্ত্যারোহা রথিনঃ সাদিনশ্চ; পদাতয়শ্চার্যসঙ্ঘা মহান্তঃ |
২৫ ক
যুধিষ্ঠির উবাচ:
আখ্যায় মাং কুশলিনং স্ম তেষা; মনাময়ং পরিপৃচ্ছেঃ সমগ্রান্ ||
২৫ খ
যুধিষ্ঠির উবাচ:
তথা রাজ্ঞো হ্যর্থয়ুক্তানমাত্যা; ন্দৌবারিকান্যে চ সেনাং নয়ন্তি |
২৬ ক
যুধিষ্ঠির উবাচ:
আয়ব্যযং যে গণয়ন্তি যুক্তা; অর্থাংশ্চ যে মহতশ্চিন্তয়ন্তি ||
২৬ খ
যুধিষ্ঠির উবাচ:
গান্ধাররাজঃ শকুনিঃ পার্বতীয়ো; নিকর্তনে যোঽদ্বিতীয়োঽক্ষদেবী |
২৭ ক
যুধিষ্ঠির উবাচ:
মানং কুর্বন্ধার্তরাষ্ট্রস্য সূত; মিথ্যাবুদ্ধেঃ কুশলং তাত পৃচ্ছেঃ ||
২৭ খ
যুধিষ্ঠির উবাচ:
যঃ পাণ্ডবানেকরথেন বীরঃ; সমুৎসহত্যপ্রধৃষ্যান্বিজেতুম্ |
২৮ ক
যুধিষ্ঠির উবাচ:
যো মুহ্যতাং মোহয়িতাদ্বিতীয়ো; বৈকর্তনং কুশলং তাত পৃচ্ছেঃ ||
২৮ খ
যুধিষ্ঠির উবাচ:
স এব ভক্তঃ স গুরুঃ স ভৃত্যঃ; স বৈ পিতা স চ মাতা সুহৃচ্চ |
২৯ ক
যুধিষ্ঠির উবাচ:
অগাধবুদ্ধির্বিদুরো দীর্ঘদর্শী; স নো মন্ত্রী কুশলং তাত পৃচ্ছেঃ ||
২৯ খ
যুধিষ্ঠির উবাচ:
বৃদ্ধাঃ স্ত্রিয়ো যাশ্চ গুণোপপন্না; যা জ্ঞায়ন্তে সঞ্জয় মাতরস্তাঃ |
৩০ ক
যুধিষ্ঠির উবাচ:
তাভিঃ সর্বাভিঃ সহিতাভিঃ সমেত্য; স্ত্রীভির্বৃদ্ধাভিরভিবাদং বদেথাঃ ||
৩০ খ
যুধিষ্ঠির উবাচ:
কচ্চিৎপুত্রা জীবপুত্রাঃ সুসম্য; গ্বর্তন্তে বো বৃত্তিমনৃশংসরূপাম্ |
৩১ ক
যুধিষ্ঠির উবাচ:
ইতি স্মোক্ত্বা সঞ্জয় ব্রূহি পশ্চা; দজাতশত্রুঃ কুশলী সপুত্রঃ ||
৩১ খ
যুধিষ্ঠির উবাচ:
যা নো ভার্যাঃ সঞ্জয় বেত্থ তত্র; তাসাং সর্বাসাং কুশলং তাত পৃচ্ছেঃ |
৩২ ক
যুধিষ্ঠির উবাচ:
সুসঙ্গুপ্তাঃ সুরভয়োঽনবদ্যাঃ; কচ্চিদ্গৃহানাবসথাপ্রমত্তাঃ ||
৩২ খ
যুধিষ্ঠির উবাচ:
কচ্চিদ্বৃত্তিং শ্বশুরেষু ভদ্রাঃ; কল্যাণীং বর্তধ্বমনৃশংসরূপাম্ |
৩৩ ক
যুধিষ্ঠির উবাচ:
যথা চ বঃ স্যুঃ পতয়োঽনুকূলা; স্তথা বৃত্তিমাত্মনঃ স্থাপয়ধ্বম্ ||
৩৩ খ
যুধিষ্ঠির উবাচ:
যা নঃ স্নুষাঃ সঞ্জয় বেত্থ তত্র; প্রাপ্তাঃ কুলেভ্যশ্চ গুণোপপন্নাঃ |
৩৪ ক
যুধিষ্ঠির উবাচ:
প্রজাবত্যো ব্রূহি সমেত্য তাশ্চ; যুধিষ্ঠিরো বোঽভ্যবদৎপ্রসন্নঃ ||
৩৪ খ
যুধিষ্ঠির উবাচ:
কন্যাঃ স্বজেথাঃ সদনেষু সঞ্জয়; অনাময়ং মদ্বচনেন পৃষ্ট্বা |
৩৫ ক
যুধিষ্ঠির উবাচ:
কল্যাণা বঃ সন্তু পতয়োঽনুকূলা; যূয়ং পতীনাং ভবতানুকূলাঃ ||
৩৫ খ
যুধিষ্ঠির উবাচ:
অলঙ্কৃতা বস্ত্রবত্যঃ সুগন্ধা; অবীভৎসাঃ সুখিতা ভোগবত্যঃ |
৩৬ ক
যুধিষ্ঠির উবাচ:
লঘু যাসাং দর্শনং বাক্চ লঘ্বী; বেশস্ত্রিয়ঃ কুশলং তাত পৃচ্ছেঃ ||
৩৬ খ
যুধিষ্ঠির উবাচ:
দাসীপুত্রা যে চ দাসাঃ কুরূণাং; তদাশ্রয়া বহবঃ কুব্জখঞ্জাঃ |
৩৭ ক
যুধিষ্ঠির উবাচ:
আখ্যায় মাং কুশলিনং স্ম তেভ্যো; অনাময়ং পরিপৃচ্ছের্জঘন্যম্ ||
৩৭ খ
যুধিষ্ঠির উবাচ:
কচ্চিদ্বৃত্তির্বর্ততে বৈ পুরাণী; কচ্চিদ্ভোগান্ধার্তরাষ্ট্রো দদাতি |
৩৮ ক
যুধিষ্ঠির উবাচ:
অঙ্গহীনান্কৃপণান্বামনাংশ্চ; আনৃশংস্যাদ্ধৃতরাষ্ট্রো বিভর্তি ||
৩৮ খ
যুধিষ্ঠির উবাচ:
অন্ধাশ্চ সর্বে স্থবিরাস্তথৈব; হস্তাজীবা বহবো যেঽত্র সন্তি |
৩৯ ক
যুধিষ্ঠির উবাচ:
আখ্যায় মাং কুশলিনং স্ম তেষা; মনাময়ং পরিপৃচ্ছের্জঘন্যম্ ||
৩৯ খ
যুধিষ্ঠির উবাচ:
মা ভৈষ্ট দুঃখেন কুজীবিতেন; নূনং কৃতং পরলোকেষু পাপম্ |
৪০ ক
যুধিষ্ঠির উবাচ:
নিগৃহ্য শত্রূন্সুহৃদোঽনুগৃহ্য; বাসোভিরন্নেন চ বো ভরিষ্যে ||
৪০ খ
যুধিষ্ঠির উবাচ:
সন্ত্যেব মে ব্রাহ্মণেভ্যঃ কৃতানি; ভাবীন্যথো নো বত বর্তয়ন্তি |
৪১ ক
যুধিষ্ঠির উবাচ:
পশ্যাম্যহং যুক্তরূপাংস্তথৈব; তামেব সিদ্ধিং শ্রাবয়েথা নৃপং তম্ ||
৪১ খ
যুধিষ্ঠির উবাচ:
যে চানাথা দুর্বলাঃ সর্বকাল; মাত্মন্যেব প্রয়তন্তেঽথ মূঢাঃ |
৪২ ক
যুধিষ্ঠির উবাচ:
তাংশ্চাপি ত্বং কৃপণান্সর্বথৈব; অস্মদ্বাক্যাৎকুশলং তাত পৃচ্ছেঃ ||
৪২ খ
যুধিষ্ঠির উবাচ:
যে চাপ্যন্যে সংশ্রিতা ধার্তরাষ্ট্রা; ন্নানাদিগ্ভ্যোঽভ্যাগতাঃ সূতপুত্র |
৪৩ ক
যুধিষ্ঠির উবাচ:
দৃষ্ট্বা তাংশ্চৈবার্হতশ্চাপি সর্বা; ন্সম্পৃচ্ছেথাঃ কুশলং চাব্যযং চ ||
৪৩ খ
যুধিষ্ঠির উবাচ:
এবং সর্বানাগতাভ্যাগতাংশ্চ; রাজ্ঞো দূতান্সর্বদিগ্ভ্যোঽভ্যুপেতান্ |
৪৪ ক
যুধিষ্ঠির উবাচ:
পৃষ্ট্বা সর্বান্কুশলং তাংশ্চ সূত; পশ্চাদহং কুশলী তেষু বাচ্যঃ ||
৪৪ খ
যুধিষ্ঠির উবাচ:
ন হীদৃশাঃ সন্ত্যপরে পৃথিব্যাং; যে যোধকা ধার্তরাষ্ট্রেণ লব্ধাঃ |
৪৫ ক
যুধিষ্ঠির উবাচ:
ধর্মস্তু নিত্যো মম ধর্ম এব; মহাবলঃ শত্রুনিবর্হণায় ||
৪৫ খ
যুধিষ্ঠির উবাচ:
ইদং পুনর্বচনং ধার্তরাষ্ট্রং; সুয়োধনং সঞ্জয় শ্রাবয়েথাঃ |
৪৬ ক
যুধিষ্ঠির উবাচ:
যস্তে শরীরে হৃদয়ং দুনোতি; কামঃ কুরূনসপত্নোঽনুশিষ্যাম্ ||
৪৬ খ
যুধিষ্ঠির উবাচ:
ন বিদ্যতে যুক্তিরেতস্য কা চি; ন্নৈবংবিধাঃ স্যাম যথা প্রিয়ং তে |
৪৭ ক
যুধিষ্ঠির উবাচ:
দদস্ব বা শক্রপুরং মমৈব; যুধ্যস্ব বা ভারতমুখ্য বীর ||
৪৭ খ