যুধিষ্ঠির উবাচ:
অসংশয়ং ভারত সত্যমেত; দ্যন্মা তুদন্বাক্যশল্যৈঃ ক্ষিণোষি |
১ ক
যুধিষ্ঠির উবাচ:
ন ত্বা বিগর্হে প্রতিকূলমেত; ন্মমানয়াদ্ধি ব্যসনং ব আগাৎ ||
১ খ
যুধিষ্ঠির উবাচ:
অহং হ্যক্ষানন্বপদ্যং জিহীর্ষ; ন্রাজ্যং সরাষ্ট্রং ধৃতরাষ্ট্রস্য পুত্রাৎ |
২ ক
যুধিষ্ঠির উবাচ:
তন্মা শঠঃ কিতবঃ প্রত্যদেবী; ৎসুয়োধনার্থং সুবলস্য পুত্রঃ ||
২ খ
যুধিষ্ঠির উবাচ:
মহামায়ঃ শকুনিঃ পার্বতীয়ঃ; সদা সভায়াং প্রবপন্নক্ষপূগান্ |
৩ ক
যুধিষ্ঠির উবাচ:
অমায়িনং মায়যা প্রত্যদেবী; ত্ততোঽপশ্যং বৃজিনং ভীমসেন ||
৩ খ
যুধিষ্ঠির উবাচ:
অক্ষান্হি দৃষ্ট্বা শকুনের্যথাব; ৎকামানুলোমানয়ুজো যুজশ্চ |
৪ ক
যুধিষ্ঠির উবাচ:
শক্যং নিয়ন্তুমভবিষ্যদাত্মা; মন্যুস্তু হন্তি পুরুষস্য ধৈর্যম্ ||
৪ খ
যুধিষ্ঠির উবাচ:
যন্তুং নাত্মা শক্যতে পৌরুষেণ; মানেন বীর্যেণ চ তাত নদ্ধঃ |
৫ ক
যুধিষ্ঠির উবাচ:
ন তে বাচং ভীমসেনাভ্যসূয়ে; মন্যে তথা তদ্ভবিতব্যমাসীৎ ||
৫ খ
যুধিষ্ঠির উবাচ:
স নো রাজা ধৃতরাষ্ট্রস্য পুত্রো; ন্যপাতয়দ্ব্যসনে রাজ্যমিচ্ছন্ |
৬ ক
যুধিষ্ঠির উবাচ:
দাস্যং চ নোঽগময়দ্ভীমসেন; যত্রাভবচ্ছরণং দ্রৌপদী নঃ ||
৬ খ
যুধিষ্ঠির উবাচ:
ত্বং চাপি তদ্বেত্থ ধনঞ্জয়শ্চ; পুনর্দ্যূতায়াগতানাং সভাং নঃ |
৭ ক
যুধিষ্ঠির উবাচ:
যন্মাব্রবীদ্ধৃতরাষ্ট্রস্য পুত্র; একগ্লহার্থং ভরতানাং সমক্ষম্ ||
৭ খ
যুধিষ্ঠির উবাচ:
বনে সমা দ্বাদশ রাজপুত্র; যথাকামং বিদিতমজাতশত্রো |
৮ ক
যুধিষ্ঠির উবাচ:
অথাপরং চাবিদিতং চরেথাঃ; সর্বৈঃ সহ ভ্রাতৃভিশ্ছদ্মগূঢঃ ||
৮ খ
যুধিষ্ঠির উবাচ:
ত্বাং চেচ্ছ্রুত্বা তাত তথা চরন্ত; মবভোৎস্যন্তে ভারতানাং চরাঃ স্ম |
৯ ক
যুধিষ্ঠির উবাচ:
অন্যাংশ্চরেথাস্তাবতোঽব্দাংস্ততস্ত্বং; নিশ্চিত্য তৎপ্রতিজানীহি পার্থ ||
৯ খ
যুধিষ্ঠির উবাচ:
চরৈশ্চেন্নোঽবিদিতঃ কালমেতং; যুক্তো রাজন্মোহয়িত্বা মদীয়ান্ |
১০ ক
যুধিষ্ঠির উবাচ:
ব্রবীমি সত্যং কুরুসংসদীহ; তবৈব তা ভারত পঞ্চ নদ্যঃ ||
১০ খ
যুধিষ্ঠির উবাচ:
বয়ং চৈবং ভ্রাতরঃ সর্ব এব; ত্বয়া জিতাঃ কালমপাস্য ভোগান্ |
১১ ক
যুধিষ্ঠির উবাচ:
বসেম ইত্যাহ পুরা স রাজা; মধ্যে কুরূণাং স ময়োক্তস্তথেতি ||
১১ খ
যুধিষ্ঠির উবাচ:
তত্র দ্যূতমভবন্নো জঘন্যং; তস্মিঞ্জিতাঃ প্রব্রজিতাশ্চ সর্বে |
১২ ক
যুধিষ্ঠির উবাচ:
ইত্থং চ দেশাননুসঞ্চরামো; বনানি কৃচ্ছ্রাণি চ কৃচ্ছ্ররূপাঃ ||
১২ খ
যুধিষ্ঠির উবাচ:
সুয়োধনশ্চাপি ন শান্তিমিচ্ছ; ন্ভূয়ঃ স মন্যোর্বশমন্বগচ্ছৎ |
১৩ ক
যুধিষ্ঠির উবাচ:
উদ্যোজয়ামাস কুরূংশ্চ সর্বা; ন্যে চাস্য কেচিদ্বশমন্বগচ্ছন্ ||
১৩ খ
যুধিষ্ঠির উবাচ:
তং সন্ধিমাস্থায় সতাং সকাশে; কো নাম জহ্যাদিহ রাজ্যহেতোঃ |
১৪ ক
যুধিষ্ঠির উবাচ:
আর্যস্য মন্যে মরণাদ্গরীয়ো; যদ্ধর্মমুৎক্রম্য মহীং প্রশিষ্যাৎ ||
১৪ খ
যুধিষ্ঠির উবাচ:
তদৈব চেদ্বীরকর্মাকরিষ্যো; যদা দ্যূতে পরিঘং পর্যমৃক্ষঃ |
১৫ ক
যুধিষ্ঠির উবাচ:
বাহূ দিধক্ষন্বারিতঃ ফল্গুনেন; কিং দুষ্কৃতং ভীম তদাভবিষ্যৎ ||
১৫ খ
যুধিষ্ঠির উবাচ:
প্রাগেব চৈবং সময়ক্রিয়ায়াঃ; কিং নাব্রবীঃ পৌরুষমাবিদানঃ |
১৬ ক
যুধিষ্ঠির উবাচ:
প্রাপ্তং তু কালং ত্বভিপদ্য পশ্চা; ৎকিং মামিদানীমতিবেলমাত্থ ||
১৬ খ
যুধিষ্ঠির উবাচ:
ভূয়োঽপি দুঃখং মম ভীমসেন; দূয়ে বিষস্যেব রসং বিদিত্বা |
১৭ ক
যুধিষ্ঠির উবাচ:
যদ্যাজ্ঞসেনীং পরিকৃষ্যমাণাং; সন্দৃশ্য তৎক্ষান্তমিতি স্ম ভীম ||
১৭ খ
যুধিষ্ঠির উবাচ:
ন ত্বদ্য শক্যং ভরতপ্রবীর; কৃত্বা যদুক্তং কুরুবীরমধ্যে |
১৮ ক
যুধিষ্ঠির উবাচ:
কালং প্রতীক্ষস্ব সুখোদয়স্য; পক্তিং ফলানামিব বীজবাপঃ ||
১৮ খ
যুধিষ্ঠির উবাচ:
যদা হি পূর্বং নিকৃতো নিকৃত্যা; বৈরং সপুষ্পং সফলং বিদিত্বা |
১৯ ক
যুধিষ্ঠির উবাচ:
মহাগুণং হরতি হি পৌরুষেণ; তদা বীরো জীবতি জীবলোকে ||
১৯ খ
যুধিষ্ঠির উবাচ:
শ্রিয়ং চ লোকে লভতে সমগ্রাং; মন্যে চাস্মৈ শত্রবঃ সংনমন্তে |
২০ ক
যুধিষ্ঠির উবাচ:
মিত্রাণি চৈনমতিরাগাদ্ভজন্তে; দেবা ইবেন্দ্রমনুজীবন্তি চৈনম্ ||
২০ খ
যুধিষ্ঠির উবাচ:
মম প্রতিজ্ঞাং চ নিবোধ সত্যাং; বৃণে ধর্মমমৃতাজ্জীবিতাচ্চ |
২১ ক
যুধিষ্ঠির উবাচ:
রাজ্যং চ পুত্রাশ্চ যশো ধনং চ; সর্বং ন সত্যস্য কলামুপৈতি ||
২১ খ