সূর্য উবাচ:
নৈষ দেবোঽনিলসখো নাসুরো ন চ পন্নগঃ |
১ ক
সূর্য উবাচ:
উঞ্ছবৃত্তিব্রতে সিদ্ধো মুনিরেষ দিবং গতঃ ||
১ খ
সূর্য উবাচ:
এষ মূলফলাহারঃ শীর্ণপর্ণাশনস্তথা |
২ ক
সূর্য উবাচ:
অব্ভক্ষো বায়ুভক্ষশ্চ আসীদ্বিপ্রঃ সমাহিতঃ ||
২ খ
সূর্য উবাচ:
ঋচশ্চানেন বিপ্রেণ সংহিতান্তরভিষ্টুতাঃ |
৩ ক
সূর্য উবাচ:
স্বর্গদ্বারকৃতোদ্যোগো যেনাসৌ ত্রিদিবং গতঃ ||
৩ খ
সূর্য উবাচ:
অসন্নধীরনাকাঙ্ক্ষী নিত্যমুঞ্ছশিলাশনঃ |
৪ ক
সূর্য উবাচ:
সর্বভূতহিতে যুক্ত এষ বিপ্রো ভুজঙ্গম ||
৪ খ
সূর্য উবাচ:
ন হি দেবা ন গন্ধর্বা নাসুরা ন চ পন্নগাঃ |
৫ ক
সূর্য উবাচ:
প্রভবন্তীহ ভূতানাং প্রাপ্তানাং পরমাং গতিম্ ||
৫ খ
নাগ উবাচ:
এতদেবংবিধং দৃষ্টমাশ্চর্যং তত্র মে দ্বিজ |
৬ ক
নাগ উবাচ:
সংসিদ্ধো মানুষঃ কায়ো যোঽসৌ সিদ্ধগতিং গতঃ |
৬ খ
নাগ উবাচ:
সূর্যেণ সহিতো ব্রহ্মন্পৃথিবীং পরিবর্ততে ||
৬ গ