ব্রাহ্মণ উবাচ:
আশ্চর্যং নাত্র সন্দেহঃ সুপ্রীতোঽস্মি ভুজঙ্গম |
১ ক
ব্রাহ্মণ উবাচ:
অন্বর্থোপগতৈর্বাক্যৈঃ পন্থানং চাস্মি দর্শিতঃ ||
১ খ
ব্রাহ্মণ উবাচ:
স্বস্তি তেঽস্তু গমিষ্যামি সাধো ভুজগসত্তম |
২ ক
ব্রাহ্মণ উবাচ:
স্মরণীয়োঽস্মি ভবতা সম্প্রেষণনিয়োজনৈঃ ||
২ খ
নাগ উবাচ:
অনুক্ত্বা মদ্গতং কার্যং ক্বেদানীং প্রস্থিতো ভবান্ |
৩ ক
নাগ উবাচ:
উচ্যতাং দ্বিজ যৎকার্যং যদর্থং ত্বমিহাগতঃ ||
৩ খ
নাগ উবাচ:
উক্তানুক্তে কৃতে কার্যে মামামন্ত্র্য দ্বিজর্ষভ |
৪ ক
নাগ উবাচ:
ময়া প্রত্যভ্যনুজ্ঞাতস্ততো যাস্যসি ব্রাহ্মণ ||
৪ খ
নাগ উবাচ:
ন হি মাং কেবলং দৃষ্ট্বা ত্যক্ত্বা প্রণয়বানিহ |
৫ ক
নাগ উবাচ:
গন্তুমর্হসি বিপ্রর্ষে বৃক্ষমূলগতো যথা ||
৫ খ
নাগ উবাচ:
ত্বয়ি চাহং দ্বিজশ্রেষ্ঠ ভবান্ময়ি ন সংশয়ঃ |
৬ ক
নাগ উবাচ:
লোকোঽয়ং ভবতঃ সর্বঃ কা চিন্তা ময়ি তেঽনঘ ||
৬ খ
ব্রাহ্মণ উবাচ:
এবমেতন্মহাপ্রাজ্ঞ বিজ্ঞাতার্থ ভুজঙ্গম |
৭ ক
ব্রাহ্মণ উবাচ:
নাতিরিক্তাস্ত্বয়া দেবাঃ সর্বথৈব যথাতথম্ ||
৭ খ
ব্রাহ্মণ উবাচ:
য এবাহং স এব ত্বমেবমেতদ্ভুজঙ্গম |
৮ ক
ব্রাহ্মণ উবাচ:
অহং ভবাংশ্চ ভূতানি সর্বে সর্বত্রগাঃ সদা ||
৮ খ
ব্রাহ্মণ উবাচ:
আসীত্তু মে ভোগপতে সংশয়ঃ পুণ্যসঞ্চয়ে |
৯ ক
ব্রাহ্মণ উবাচ:
সোঽহমুঞ্ছব্রতং সাধো চরিষ্যাম্যর্থদর্শনম্ ||
৯ খ
ব্রাহ্মণ উবাচ:
এষ মে নিশ্চয়ঃ সাধো কৃতঃ কারণবত্তরঃ |
১০ ক
ব্রাহ্মণ উবাচ:
আমন্ত্রয়ামি ভদ্রং তে কৃতার্থোঽস্মি ভুজঙ্গম ||
১০ খ