সৌতিঃ উবাচ:
অদিতির্বৈ দেবানামন্নমপচদেতদ্ভুক্ৎবা সুরা অসুরান্হনিষ্যন্তীতি তত্র..... নান্যেনেত্যদিতির্ভিক্ষাং নাদাদথ ভিক্ষাপ্রত্যাখ্যানরূষিতেন বুধেন ব্রহ্মভূতেনাদিতিঃ শপ্তা অদিরেরুদরে ভবিষ্যতি ব্যথা বিবস্বতো দ্বিতীয়জন্মন্যণ্ডসংজ্ঞিতস্য অণ্ডং মাতুরদিত্যা মারিতং স মার্তাণ্ডো বিবস্বানভবচ্ছ্রাদ্ধদেবঃ ||
৪৬ খ
সৌতিঃ উবাচ:
গতাসু সোমো রোহিণ্যামভ্যধিকং প্রীতিমান ভূত্ততস্তাঃ শিষ্টাঃ পত্ন্য ইর্ষ্যাব্রত্যঃ পিতুঃ সমীপং গৎবেমমর্থং শশংসুর্ভগবন্নস্মাস.... সোমস্তদাপ্রভৃতি চ তীর্থং তৎপ্রভাসমিতি নাম্না খ্যাতং বভূব |
৪৭ ক
সৌতিঃ উবাচ:
তচ্ছাপাদদ্যাপি ক্ষীয়তে সোমোঽমাবাস্যান্তরস্থঃ পৌর্ণমাসীমাত্রেঽধিষ্ঠিতো মেঘলেখাপ্রতিচ্ছন্নং বপুর্দর্শয়তি মেঘসদৃশং বর্ণমগমত্তদস্য শশলক্ষ্মবিমলমভবৎ ||
৪৭ খ
সৌতিঃ উবাচ:
স্থূলশিরা মহর্ষির্মেরোঃ প্রাগুত্তরে দিগ্বিভাগে তপস্তেপে ততস্তস্য তপস্তপ্যমানস্য সর্বগন্ধবহঃ শুচির্বায়ুর্বা…...নিদর্শিতবন্ত ইতি স এতাঞ্শশাপ ন সর্বকালং পুষ্পফলবন্তো ভবিষ্যথেতি |
৪৮ ক
সৌতিঃ উবাচ:
নারায়ণো লোকহিতার্থং ব়ডবামুখো নাম পুরা মহর্ষির্বভূব তস্য মেরৌ তপস্তপ্যতঃ সমুদ্র আহূতো নাগতস্তেনামর্ষিতেনাত্মগাত্রোষ্মণাঃ সমুদ্রঃ স্তিমিতজলঃ কৃতঃ স্বেদপ্রস্যন্দনসদৃশশ্চাস্য লবণভাবো জনিতঃ ||
৪৮ খ
সৌতিঃ উবাচ:
উক্তশ্চাপ্যপেয়ো ভবিষ্যস্তেতচ্চ তে তোয়ং বডবামুখসংজ্ঞিতেন পেপীয়মানং মধুরং ভবিষ্যতি তদেতদদ্যাপি বডবামুখসংজ্ঞিতেনানুবর্তিনা তোয়ং সমুদ্রাৎপীয়তে |
৪৯ ক
সৌতিঃ উবাচ:
পুনরুমা দক্ষকোপাদ্ধিমবতো গিরের্দুহিতা বভূব ||
৪৯ খ
সৌতিঃ উবাচ:
হিমবতো গিরের্দুহিতরমুমাং কন্যাং রুদ্রশ্চকমে ভৃগুরপি চ মহর্ষির্হিমবন্তমাগত্যাব্রবীৎ কন্যামিমাং মে দেহীতি তমব্রবীদ্ধিমবানভিলষিতো বরো দুহিতুর্হি রুদ্র ইতি তমব্রবীদ্ভৃগুর্যস্মাত্ৎবয়াঽহং কন্যাবরণকৃতভাবঃ প্রত্যাখ্যাতস্তস্মান্ন রত্নানাং ভবান্ভাজনং ভবিষ্যতীতি |
৫০ ক
সৌতিঃ উবাচ:
অদ্যপ্রভৃত্যেতদবস্থিতমৃষিবচনং তদেবংবিধং মাহাত্ম্যং ব্রাহ্মণানাম্ ||
৫০ খ
সৌতিঃ উবাচ:
ক্ষত্রমপি চ ব্রাহ্মণপ্রসাদাদেব শাশ্বতীমব্যযাং চ পৃথিবীং পত্নীমভিগম্য বুভুজে |
৫১ ক
সৌতিঃ উবাচ:
তদেতদ্ব্রহ্মক্ষত্রগ্নীষোমীয়ং তেন জগদ্ধার্যরতে ||
৫১ খ