বিদুর উবাচ:
যোঽভ্যর্থিতঃ সদ্ভিরসজ্জমানঃ; করোত্যর্থং শক্তিমহাপয়িত্বা |
১ ক
বিদুর উবাচ:
ক্ষিপ্রং যশস্তং সমুপৈতি সন্তমলং; প্রসন্না হি সুখায় সন্তঃ ||
১ খ
বিদুর উবাচ:
মহান্তমপ্যর্থমধর্ময়ুক্তং; যঃ সন্ত্যজত্যনুপাক্রুষ্ট এব |
২ ক
বিদুর উবাচ:
সুখং স দুঃখান্যবমুচ্য শেতে; জীর্ণাং ত্বচং সর্প ইবাবমুচ্য ||
২ খ
বিদুর উবাচ:
অনৃতং চ সমুৎকর্ষে রাজগামি চ পৈশুনম্ |
৩ ক
বিদুর উবাচ:
গুরোশ্চালীকনির্বন্ধঃ সমানি ব্রহ্মহত্যযা ||
৩ খ
বিদুর উবাচ:
অসূয়ৈকপদং মৃত্যুরতিবাদঃ শ্রিয়ো বধঃ |
৪ ক
বিদুর উবাচ:
অশুশ্রূষা ত্বরা শ্লাঘা বিদ্যায়াঃ শত্রবস্ত্রয়ঃ ||
৪ খ
বিদুর উবাচ:
সুখার্থিনঃ কুতো বিদ্যা নাস্তি বিদ্যার্থিনঃ সুখম্ |
৫ ক
বিদুর উবাচ:
সুখার্থী বা ত্যজেদ্বিদ্যাং বিদ্যার্থী বা সুখং ত্যজেৎ ||
৫ খ
বিদুর উবাচ:
নাগ্নিস্তৃপ্যতি কাষ্ঠানাং নাপগানাং মহোদধিঃ |
৬ ক
বিদুর উবাচ:
নান্তকঃ সর্বভূতানাং ন পুংসাং বামলোচনা ||
৬ খ
বিদুর উবাচ:
আশা ধৃতিং হন্তি সমৃদ্ধিমন্তকঃ; ক্রোধঃ শ্রিয়ং হন্তি যশঃ কদর্যতা |
৭ ক
বিদুর উবাচ:
অপালনং হন্তি পশূংশ্চ রাজ; ন্নেকঃ ক্রুদ্ধো ব্রাহ্মণো হন্তি রাষ্ট্রম্ ||
৭ খ
বিদুর উবাচ:
অজশ্চ কাংস্যং চ রথশ্চ নিত্যং; মধ্বাকর্ষঃ শকুনিঃ শ্রোত্রিয়শ্চ |
৮ ক
বিদুর উবাচ:
বৃদ্ধো জ্ঞাতিরবসন্নো বয়স্য; এতানি তে সন্তু গৃহে সদৈব ||
৮ খ
বিদুর উবাচ:
অজোক্ষা চন্দনং বীণা আদর্শো মধুসর্পিষী |
৯ ক
বিদুর উবাচ:
বিষমৌদুম্বরং শঙ্খঃ স্বর্ণং নাভিশ্চ রোচনা ||
৯ খ
বিদুর উবাচ:
গৃহে স্থাপয়িতব্যানি ধন্যানি মনুরব্রবীৎ |
১০ ক
বিদুর উবাচ:
দেবব্রাহ্মণপূজার্থমতিথীনাং চ ভারত ||
১০ খ
বিদুর উবাচ:
ইদং চ ত্বাং সর্বপরং ব্রবীমি; পুণ্যং পদং তাত মহাবিশিষ্টম্ |
১১ ক
বিদুর উবাচ:
ন জাতু কামান্ন ভয়ান্ন লোভা; দ্ধর্মং ত্যজেজ্জীবিতস্যাপি হেতোঃ ||
১১ খ
বিদুর উবাচ:
নিত্যো ধর্মঃ সুখদুঃখে ত্বনিত্যে; নিত্যো জীবো ধাতুরস্য ত্বনিত্যঃ |
১২ ক
বিদুর উবাচ:
ত্যক্ত্বানিত্যং প্রতিতিষ্ঠস্ব নিত্যে; সন্তুষ্য ত্বং তোষপরো হি লাভঃ ||
১২ খ
বিদুর উবাচ:
মহাবলান্পশ্য মহানুভাবা; ন্প্রশাস্য ভূমিং ধনধান্যপূর্ণাম্ |
১৩ ক
বিদুর উবাচ:
রাজ্যানি হিত্বা বিপুলাংশ্চ ভোগা; ন্গতান্নরেন্দ্রান্বশমন্তকস্য ||
১৩ খ
বিদুর উবাচ:
মৃতং পুত্রং দুঃখপুষ্টং মনুষ্যা; উৎক্ষিপ্য রাজন্স্বগৃহান্নির্হরন্তি |
১৪ ক
বিদুর উবাচ:
তং মুক্তকেশাঃ করুণং রুদন্ত; শ্চিতামধ্যে কাষ্ঠমিব ক্ষিপন্তি ||
১৪ খ
বিদুর উবাচ:
অন্যো ধনং প্রেতগতস্য ভুঙ্ক্তে; বয়াংসি চাগ্নিশ্চ শরীরধাতূন্ |
১৫ ক
বিদুর উবাচ:
দ্বাভ্যাময়ং সহ গচ্ছত্যমুত্র; পুণ্যেন পাপেন চ বেষ্ট্যমানঃ ||
১৫ খ
বিদুর উবাচ:
উৎসৃজ্য বিনিবর্তন্তে জ্ঞাতয়ঃ সুহৃদঃ সুতাঃ |
১৬ ক
বিদুর উবাচ:
অগ্নৌ প্রাস্তং তু পুরুষং কর্মান্বেতি স্বয়ঙ্কৃতম্ ||
১৬ খ
বিদুর উবাচ:
অস্মাল্লোকাদূর্ধ্বমমুষ্য চাধো; মহত্তমস্তিষ্ঠতি হ্যন্ধকারম্ |
১৭ ক
বিদুর উবাচ:
তদ্বৈ মহামোহনমিন্দ্রিয়াণাং; বুধ্যস্ব মা ত্বাং প্রলভেত রাজন্ ||
১৭ খ
বিদুর উবাচ:
ইদং বচঃ শক্ষ্যসি চেদ্যথাব; ন্নিশম্য সর্বং প্রতিপত্তুমেবম্ |
১৮ ক
বিদুর উবাচ:
যশঃ পরং প্রাপ্স্যসি জীবলোকে; ভয়ং ন চামুত্র ন চেহ তেঽস্তি ||
১৮ খ
বিদুর উবাচ:
আত্মা নদী ভারত পুণ্যতীর্থা; সত্যোদকা ধৃতিকূলা দমোর্মিঃ |
১৯ ক
বিদুর উবাচ:
তস্যাং স্নাতঃ পূয়তে পুণ্যকর্মা; পুণ্যো হ্যাত্মা নিত্যমম্ভোঽম্ভ এব ||
১৯ খ
বিদুর উবাচ:
কামক্রোধগ্রাহবতীং পঞ্চেন্দ্রিয়জলাং নদীম্ |
২০ ক
বিদুর উবাচ:
কৃত্বা ধৃতিময়ীং নাবং জন্মদুর্গাণি সন্তর ||
২০ খ
বিদুর উবাচ:
প্রজ্ঞাবৃদ্ধং ধর্মবৃদ্ধং স্ববন্ধুং; বিদ্যাবৃদ্ধং বয়সা চাপি বৃদ্ধম্ |
২১ ক
বিদুর উবাচ:
কার্যাকার্যে পূজয়িত্বা প্রসাদ্য; যঃ সম্পৃচ্ছেন্ন স মুহ্যেৎকদাচিৎ ||
২১ খ
বিদুর উবাচ:
ধৃত্যা শিশ্নোদরং রক্ষেৎপাণিপাদং চ চক্ষুষা |
২২ ক
বিদুর উবাচ:
চক্ষুঃশ্রোত্রে চ মনসা মনো বাচং চ কর্মণা ||
২২ খ
বিদুর উবাচ:
নিত্যোদকী নিত্যযজ্ঞোপবীতী; নিত্যস্বাধ্যায়ী পতিতান্নবর্জী |
২৩ ক
বিদুর উবাচ:
ঋতং ব্রুবন্গুরবে কর্ম কুর্ব; ন্ন ব্রাহ্মণশ্চ্যবতে ব্রহ্মলোকাৎ ||
২৩ খ
বিদুর উবাচ:
অধীত্য বেদান্পরিসংস্তীর্য চাগ্নী; নিষ্ট্বা যজ্ঞৈঃ পালয়িত্বা প্রজাশ্চ |
২৪ ক
বিদুর উবাচ:
গোব্রাহ্মণার্থে শস্ত্রপূতান্তরাত্মা; হতঃ সঙ্গ্রামে ক্ষত্রিয়ঃ স্বর্গমেতি ||
২৪ খ
বিদুর উবাচ:
বৈশ্যোঽধীত্য ব্রাহ্মণান্ক্ষত্রিয়াংশ্চ; ধনৈঃ কালে সংবিভজ্যাশ্রিতাংশ্চ |
২৫ ক
বিদুর উবাচ:
ত্রেতাপূতং ধূমমাঘ্রায় পুণ্যং; প্রেত্য স্বর্গে দেবসুখানি ভুঙ্ক্তে ||
২৫ খ
বিদুর উবাচ:
ব্রহ্মক্ষত্রং বৈশ্যবর্ণং চ শূদ্রঃ; ক্রমেণৈতান্ন্যায়তঃ পূজয়ানঃ |
২৬ ক
বিদুর উবাচ:
তুষ্টেষ্বেতেষ্বব্যথো দগ্ধপাপ; স্ত্যক্ত্বা দেহং স্বর্গসুখানি ভুঙ্ক্তে ||
২৬ খ
বিদুর উবাচ:
চাতুর্বর্ণ্যস্যৈষ ধর্মস্তবোক্তো; হেতুং চাত্র ব্রুবতো মে নিবোধ |
২৭ ক
বিদুর উবাচ:
ক্ষাত্রাদ্ধর্মাদ্ধীয়তে পাণ্ডুপুত্র; স্তং ত্বং রাজন্রাজধর্মে নিয়ুঙ্ক্ষ্ব ||
২৭ খ
ধৃতরাষ্ট্র উবাচ:
এবমেতদ্যথা মাং ত্বমনুশাসসি নিত্যদা |
২৮ ক
ধৃতরাষ্ট্র উবাচ:
মমাপি চ মতিঃ সৌম্য ভবত্যেবং যথাত্থ মাম্ ||
২৮ খ
ধৃতরাষ্ট্র উবাচ:
সা তু বুদ্ধিঃ কৃতাপ্যেবং পাণ্ডবান্প্রতি মে সদা |
২৯ ক
ধৃতরাষ্ট্র উবাচ:
দুর্যোধনং সমাসাদ্য পুনর্বিপরিবর্ততে ||
২৯ খ
ধৃতরাষ্ট্র উবাচ:
ন দিষ্টমভ্যতিক্রান্তুং শক্যং মর্ত্যেন কেনচিৎ |
৩০ ক
ধৃতরাষ্ট্র উবাচ:
দিষ্টমেব কৃতং মন্যে পৌরুষং তু নিরর্থকম্ ||
৩০ খ