ধৃতরাষ্ট্র উবাচ:
সনৎসুজাত যদিমাং পরার্থাং; ব্রাহ্মীং বাচং প্রবদসি বিশ্বরূপাম্ |
১ ক
ধৃতরাষ্ট্র উবাচ:
পরাং হি কামেষু সুদুর্লভাং কথাং; তদ্ব্রূহি মে বাক্যমেতৎকুমার ||
১ খ
সনৎসুজাত উবাচ:
নৈতদ্ব্রহ্ম ত্বরমাণেন লভ্যং; যন্মাং পৃচ্ছস্যভিহৃষ্যস্যতীব |
২ ক
সনৎসুজাত উবাচ:
অব্যক্তবিদ্যামভিধাস্যে পুরাণীং; বুদ্ধ্যা চ তেষাং ব্রহ্মচর্যেণ সিদ্ধাম্ ||
২ খ
ধৃতরাষ্ট্র উবাচ:
অব্যক্তবিদ্যামিতি যৎসনাতনীং; ব্রবীষি ত্বং ব্রহ্মচর্যেণ সিদ্ধাম্ |
৩ ক
ধৃতরাষ্ট্র উবাচ:
অনারভ্যা বসতীহার্য কালে; কথং ব্রাহ্মণ্যমমৃতত্বং লভেত ||
৩ খ
সনৎসুজাত উবাচ:
যেঽস্মিঁল্লোকে বিজয়ন্তীহ কামা; ন্ব্রাহ্মীং স্থিতিমনুতিতিক্ষমাণাঃ |
৪ ক
সনৎসুজাত উবাচ:
ত আত্মানং নির্হরন্তীহ দেহা; ন্মুঞ্জাদিষীকামিব সত্ত্বসংস্থাঃ ||
৪ খ
সনৎসুজাত উবাচ:
শরীরমেতৌ কুরুতঃ পিতা মাতা চ ভারত |
৫ ক
সনৎসুজাত উবাচ:
আচার্যশাস্তা যা জাতিঃ সা সত্যা সাজরামরা ||
৫ খ
সনৎসুজাত উবাচ:
আচার্যযোনিমিহ যে প্রবিশ্য; ভূত্বা গর্ভং ব্রহ্মচর্যং চরন্তি |
৬ ক
সনৎসুজাত উবাচ:
ইহৈব তে শাস্ত্রকারা ভবন্তি; প্রহায় দেহং পরমং যান্তি যোগম্ ||
৬ খ
সনৎসুজাত উবাচ:
য আবৃণোত্যবিতথেন কর্ণা; বৃতং কুর্বন্নমৃতং সম্প্রয়চ্ছন্ |
৭ ক
সনৎসুজাত উবাচ:
তং মন্যেত পিতরং মাতরং চ; তস্মৈ ন দ্রুহ্যেৎকৃতমস্য জানন্ ||
৭ খ
সনৎসুজাত উবাচ:
গুরুং শিষ্যো নিত্যমভিমন্যমানঃ; স্বাধ্যায়মিচ্ছেচ্ছুচিরপ্রমত্তঃ |
৮ ক
সনৎসুজাত উবাচ:
মানং ন কুর্যান্ন দধীত রোষ; মেষ প্রথমো ব্রহ্মচর্যস্য পাদঃ ||
৮ খ
সনৎসুজাত উবাচ:
আচার্যস্য প্রিয়ং কুর্যাৎপ্রাণৈরপি ধনৈরপি |
৯ ক
সনৎসুজাত উবাচ:
কর্মণা মনসা বাচা দ্বিতীয়ঃ পাদ উচ্যতে ||
৯ খ
সনৎসুজাত উবাচ:
সমা গুরৌ যথা বৃত্তির্গুরুপত্ন্যাং তথা ভবেৎ |
১০ ক
সনৎসুজাত উবাচ:
যথোক্তকারী প্রিয়কৃত্তৃতীয়ঃ পাদ উচ্যতে ||
১০ খ
সনৎসুজাত উবাচ:
নাচার্যায়েহোপকৃত্বা প্রবাদং; প্রাজ্ঞঃ কুর্বীত নৈতদহং করোমি |
১১ ক
সনৎসুজাত উবাচ:
ইতীব মন্যেত ন ভাষয়েত; স বৈ চতুর্থো ব্রহ্মচর্যস্য পাদঃ ||
১১ খ
সনৎসুজাত উবাচ:
এবং বসন্তং যদুপপ্লবেদ্ধন; মাচার্যায় তদনুপ্রয়চ্ছেৎ |
১২ ক
সনৎসুজাত উবাচ:
সতাং বৃত্তিং বহুগুণামেবমেতি; গুরোঃ পুত্রে ভবতি চ বৃত্তিরেষা ||
১২ খ
সনৎসুজাত উবাচ:
এবং বসন্সর্বতো বর্ধতীহ; বহূন্পুত্রাঁল্লভতে চ প্রতিষ্ঠাম্ |
১৩ ক
সনৎসুজাত উবাচ:
বর্ষন্তি চাস্মৈ প্রদিশো দিশশ্চ; বসন্ত্যস্মিন্ব্রহ্মচর্যে জনাশ্চ ||
১৩ খ
সনৎসুজাত উবাচ:
এতেন ব্রহ্মচর্যেণ দেবা দেবত্বমাপ্নুবন্ |
১৪ ক
সনৎসুজাত উবাচ:
ঋষয়শ্চ মহাভাগা ব্রহ্মলোকং মনীষিণঃ ||
১৪ খ
সনৎসুজাত উবাচ:
গন্ধর্বাণামনেনৈব রূপমপ্সরসামভূৎ |
১৫ ক
সনৎসুজাত উবাচ:
এতেন ব্রহ্মচর্যেণ সূর্যো অহ্নায় জায়তে ||
১৫ খ
সনৎসুজাত উবাচ:
য আশয়েৎপাটয়েচ্চাপি রাজ; ন্সর্বং শরীরং তপসা তপ্যমানঃ |
১৬ ক
সনৎসুজাত উবাচ:
এতেনাসৌ বাল্যমত্যেতি বিদ্বা; ন্মৃত্যুং তথা রোধয়ত্যন্তকালে ||
১৬ খ
সনৎসুজাত উবাচ:
অন্তবন্তঃ ক্ষত্রিয় তে জয়ন্তি; লোকাঞ্জনাঃ কর্মণা নির্মিতেন |
১৭ ক
সনৎসুজাত উবাচ:
ব্রহ্মৈব বিদ্বাংস্তেন অভ্যেতি সর্বং; নান্যঃ পন্থা অয়নায় বিদ্যতে ||
১৭ খ
ধৃতরাষ্ট্র উবাচ:
আভাতি শুক্লমিব লোহিতমিব; অথো কৃষ্ণমথাঞ্জনং কাদ্রবং বা |
১৮ ক
ধৃতরাষ্ট্র উবাচ:
তদ্ব্রাহ্মণঃ পশ্যতি যোঽত্র বিদ্বা; ন্কথংরূপং তদমৃতমক্ষরং পদম্ ||
১৮ খ
সনৎসুজাত উবাচ:
নাভাতি শুক্লমিব লোহিতমিব; অথো কৃষ্ণমায়সমর্কবর্ণম্ |
১৯ ক
সনৎসুজাত উবাচ:
ন পৃথিব্যাং তিষ্ঠতি নান্তরিক্ষে; নৈতৎসমুদ্রে সলিলং বিভর্তি ||
১৯ খ
সনৎসুজাত উবাচ:
ন তারকাসু ন চ বিদ্যুদাশ্রিতং; ন চাভ্রেষু দৃশ্যতে রূপমস্য |
২০ ক
সনৎসুজাত উবাচ:
ন চাপি বায়ৌ ন চ দেবতাসু; ন তচ্চন্দ্রে দৃশ্যতে নোত সূর্যে ||
২০ খ
সনৎসুজাত উবাচ:
নৈবর্ক্ষু তন্ন যজুঃষু নাপ্যথর্বসু; ন চৈব দৃশ্যত্যমলেষু সামসু |
২১ ক
সনৎসুজাত উবাচ:
রথন্তরে বার্হতে চাপি রাজ; ন্মহাব্রতে নৈব দৃশ্যেদ্ধ্রুবং তৎ ||
২১ খ
সনৎসুজাত উবাচ:
অপারণীয়ং তমসঃ পরস্তা; ত্তদন্তকোঽপ্যেতি বিনাশকালে |
২২ ক
সনৎসুজাত উবাচ:
অণীয়রূপং ক্ষুরধারয়া ত; ন্মহচ্চ রূপং ত্বপি পর্বতেভ্যঃ ||
২২ খ
সনৎসুজাত উবাচ:
সা প্রতিষ্ঠা তদমৃতং লোকাস্তদ্ব্রহ্ম তদ্যশঃ |
২৩ ক
সনৎসুজাত উবাচ:
ভূতানি জজ্ঞিরে তস্মাৎপ্রলয়ং যান্তি তত্র চ ||
২৩ খ
সনৎসুজাত উবাচ:
অনাময়ং তন্মহদুদ্যতং যশো; বাচো বিকারান্কবয়ো বদন্তি |
২৪ ক
সনৎসুজাত উবাচ:
তস্মিঞ্জগৎসর্বমিদং প্রতিষ্ঠিতং; যে তদ্বিদুরমৃতাস্তে ভবন্তি ||
২৪ খ