কোটিকাশ্য উবাচ:
কা ত্বং কদম্বস্য বিনম্য শাখা; মেকাশ্রমে তিষ্ঠসি শোভমানা |
১ ক
কোটিকাশ্য উবাচ:
দেদীপ্যমানাগ্নিশিখেব নক্তং; দোধূয়মানা পবনেন সুভ্রূঃ ||
১ খ
কোটিকাশ্য উবাচ:
অতীব রূপেণ সমন্বিতা ত্বং; ন চাপ্যরণ্যেষু বিভেষি কিং নু |
২ ক
কোটিকাশ্য উবাচ:
দেবী নু যক্ষী যদি দানবী বা; বরাপ্সরা দৈত্যবরাঙ্গনা বা ||
২ খ
কোটিকাশ্য উবাচ:
বপুষ্মতী বোরগরাজকন্যা; বনেচরী বা ক্ষণদাচরস্ত্রী |
৩ ক
কোটিকাশ্য উবাচ:
যদ্যেব রাজ্ঞো বরুণস্য পত্নী; যমস্য সোমস্য ধনেশ্বরস্য ||
৩ খ
কোটিকাশ্য উবাচ:
ধাতুর্বিধাতুঃ সবিতুর্বিভোর্বা; শক্রস্য বা ত্বং সদনাৎপ্রপন্না |
৪ ক
কোটিকাশ্য উবাচ:
ন হ্যেব নঃ পৃচ্ছসি যে বয়ং স্ম; ন চাপি জানীম তবেহ নাথম্ ||
৪ খ
কোটিকাশ্য উবাচ:
বয়ং হি মানং তব বর্ধয়ন্তঃ; পৃচ্ছাম ভদ্রে প্রভবং প্রভুং চ |
৫ ক
কোটিকাশ্য উবাচ:
আচক্ষ্ব বন্ধূংশ্চ পতিং কুলং চ; তত্ত্বেন যচ্চেহ করোষি কার্যম্ ||
৫ খ
কোটিকাশ্য উবাচ:
অহং তু রাজ্ঞঃ সুরথস্য পুত্রো; যং কোটিকাশ্যেতি বিদুর্মনুষ্যাঃ |
৬ ক
কোটিকাশ্য উবাচ:
অসৌ তু যস্তিষ্ঠতি কাঞ্চনাঙ্গে; রথে হুতোঽগ্নিশ্চয়নে যথৈব |
৬ খ
কোটিকাশ্য উবাচ:
ত্রিগর্তরাজঃ কমলায়তাক্ষি; ক্ষেমঙ্করো নাম স এষ বীরঃ ||
৬ গ
কোটিকাশ্য উবাচ:
অস্মাৎপরস্ত্বেষ মহাধনুষ্মা; ন্পুত্রঃ কুণিন্দাধিপতের্বরিষ্ঠঃ |
৭ ক
কোটিকাশ্য উবাচ:
নিরীক্ষতে ত্বাং বিপুলায়তাংসঃ; সুবিস্মিতঃ পর্বতবাসনিত্যঃ ||
৭ খ
কোটিকাশ্য উবাচ:
অসৌ তু যঃ পুষ্করিণীসমীপে; শ্যামো যুবা তিষ্ঠতি দর্শনীয়ঃ |
৮ ক
কোটিকাশ্য উবাচ:
ইক্ষ্বাকুরাজ্ঞঃ সুবলস্য পুত্রঃ; স এষ হন্তা দ্বিষতাং সুগাত্রি ||
৮ খ
কোটিকাশ্য উবাচ:
যস্যানুয়াত্রং ধ্বজিনঃ প্রয়ান্তি; সৌবীরকা দ্বাদশ রাজপুত্রাঃ |
৯ ক
কোটিকাশ্য উবাচ:
শোণাশ্বয়ুক্তেষু রথেষু সর্বে; মখেষু দীপ্তা ইব হব্যবাহাঃ ||
৯ খ
কোটিকাশ্য উবাচ:
অঙ্গারকঃ কুঞ্জরগুপ্তকশ্চ; শত্রুঞ্জয়ঃ সঞ্জয়সুপ্রবৃদ্ধৌ |
১০ ক
কোটিকাশ্য উবাচ:
প্রভঙ্করোঽথ ভ্রমরো রবিশ্চ; শূরঃ প্রতাপঃ কুহরশ্চ নাম ||
১০ খ
কোটিকাশ্য উবাচ:
যং ষট্সহস্রা রথিনোঽনুয়ান্তি; নাগা হয়াশ্চৈব পদাতিনশ্চ |
১১ ক
কোটিকাশ্য উবাচ:
জয়দ্রথো নাম যদি শ্রুতস্তে; সৌবীররাজঃ সুভগে স এষঃ ||
১১ খ
কোটিকাশ্য উবাচ:
তস্যাপরে ভ্রাতরোঽদীনসত্ত্বা; বলাহকানীকবিদারণাধ্যাঃ |
১২ ক
কোটিকাশ্য উবাচ:
সৌবীরবীরাঃ প্রবরা যুবানো; রাজানমেতে বলিনোঽনুয়ান্তি ||
১২ খ
কোটিকাশ্য উবাচ:
এতৈঃ সহায়ৈরুপয়াতি রাজা; মরুদ্গণৈরিন্দ্র ইবাভিগুপ্তঃ |
১৩ ক
কোটিকাশ্য উবাচ:
অজানতাং খ্যাপয় নঃ সুকেশি; কস্যাসি ভার্যা দুহিতা চ কস্য ||
১৩ খ