ধৃতরাষ্ট্র উবাচ:
পৃচ্ছামি ত্বাং সঞ্জয় রাজমধ্যে; কিমব্রবীদ্বাক্যমদীনসত্ত্বঃ |
১ ক
ধৃতরাষ্ট্র উবাচ:
ধনঞ্জয়স্তাত যুধাং প্রণেতা; দুরাত্মনাং জীবিতচ্ছিন্মহাত্মা ||
১ খ
সঞ্জয় উবাচ:
দুর্যোধনো বাচমিমাং শৃণোতু; যদব্রবীদর্জুনো যোৎস্যমানঃ |
২ ক
সঞ্জয় উবাচ:
যুধিষ্ঠিরস্যানুমতে মহাত্মা; ধনঞ্জয়ঃ শৃণ্বতঃ কেশবস্য ||
২ খ
সঞ্জয় উবাচ:
অন্বত্রস্তো বাহুবীর্যং বিদান; উপহ্বরে বাসুদেবস্য ধীরঃ |
৩ ক
সঞ্জয় উবাচ:
অবোচন্মাং যোৎস্যমানঃ কিরীটী; মধ্যে ব্রূয়া ধার্তরাষ্ট্রং কুরূণাম্ ||
৩ খ
সঞ্জয় উবাচ:
যে বৈ রাজানঃ পাণ্ডবায়োধনায়; সমানীতাঃ শৃণ্বতাং চাপি তেষাম্ |
৪ ক
সঞ্জয় উবাচ:
যথা সমগ্রং বচনং ময়োক্তং; সহামাত্যং শ্রাবয়েথা নৃপং তম্ ||
৪ খ
সঞ্জয় উবাচ:
যথা নূনং দেবরাজস্য দেবাঃ; শুশ্রূষন্তে বজ্রহস্তস্য সর্বে |
৫ ক
সঞ্জয় উবাচ:
তথাশৃণ্বন্পাণ্ডবাঃ সৃঞ্জয়াশ্চ; কিরীটিনা বাচমুক্তাং সমর্থাম্ ||
৫ খ
সঞ্জয় উবাচ:
ইত্যব্রবীদর্জুনো যোৎস্যমানো; গাণ্ডীবধন্বা লোহিতপদ্মনেত্রঃ |
৬ ক
সঞ্জয় উবাচ:
ন চেদ্রাজ্যং মুঞ্চতি ধার্তরাষ্ট্রো; যুধিষ্ঠিরস্যাজমীঢস্য রাজ্ঞঃ |
৬ খ
সঞ্জয় উবাচ:
অস্তি নূনং কর্ম কৃতং পুরস্তা; দনির্বিষ্টং পাপকং ধার্তরাষ্ট্রৈঃ ||
৬ গ
সঞ্জয় উবাচ:
যেষাং যুদ্ধং ভীমসেনার্জুনাভ্যাং; তথাশ্বিভ্যাং বাসুদেবেন চৈব |
৭ ক
সঞ্জয় উবাচ:
শৈনেয়েন ধ্রুবমাত্তায়ুধেন; ধৃষ্টদ্যুম্নেনাথ শিখণ্ডিনা চ |
৭ খ
সঞ্জয় উবাচ:
যুধিষ্ঠিরেণেন্দ্রকল্পেন চৈব; যোঽপধ্যানান্নির্দহেদ্গাং দিবং চ ||
৭ গ
সঞ্জয় উবাচ:
তৈশ্চেদ্যুদ্ধং মন্যতে ধার্তরাষ্ট্রো; নির্বৃত্তোঽর্থঃ সকলঃ পাণ্ডবানাম্ |
৮ ক
সঞ্জয় উবাচ:
মা তৎকার্ষীঃ পাণ্ডবার্থায় হেতো; রুপৈহি যুদ্ধং যদি মন্যসে ত্বম্ ||
৮ খ
সঞ্জয় উবাচ:
যাং তাং বনে দুঃখশয়্যামুবাস; প্রব্রাজিতঃ পাণ্ডবো ধর্মচারী |
৯ ক
সঞ্জয় উবাচ:
আশিষ্যতে দুঃখতরামনর্থা; মন্ত্যাং শয়্যাং ধার্তরাষ্ট্রঃ পরাসুঃ ||
৯ খ
সঞ্জয় উবাচ:
হ্রিয়া জ্ঞানেন তপসা দমেন; ক্রোধেনাথো ধর্মগুপ্ত্যা ধনেন |
১০ ক
সঞ্জয় উবাচ:
অন্যায়বৃত্তঃ কুরুপাণ্ডবেয়া; নধ্যাতিষ্ঠদ্ধার্তরাষ্ট্রো দুরাত্মা ||
১০ খ
সঞ্জয় উবাচ:
মায়োপধঃ প্রণিধানার্জবাভ্যাং; তপোদমাভ্যাং ধর্মগুপ্ত্যা বলেন |
১১ ক
সঞ্জয় উবাচ:
সত্যং ব্রুবন্প্রীতিয়ুক্ত্যানৃতেন; তিতিক্ষমাণঃ ক্লিশ্যমানোঽতিবেলম্ ||
১১ খ
সঞ্জয় উবাচ:
যদা জ্যেষ্ঠঃ পাণ্ডবঃ সংশিতাত্মা; ক্রোধং যত্তং বর্ষপূগান্সুঘোরম্ |
১২ ক
সঞ্জয় উবাচ:
অবস্রষ্টা কুরুষূদ্বৃত্তচেতা; স্তদা যুদ্ধং ধার্তরাষ্ট্রোঽন্বতপ্স্যৎ ||
১২ খ
সঞ্জয় উবাচ:
কৃষ্ণবর্ত্মেব জ্বলিতঃ সমিদ্ধো; যথা দহেৎকক্ষমগ্নির্নিদাঘে |
১৩ ক
সঞ্জয় উবাচ:
এবং দগ্ধা ধার্তরাষ্ট্রস্য সেনাং; যুধিষ্ঠিরঃ ক্রোধদীপ্তোঽনুবীক্ষ্য ||
১৩ খ
সঞ্জয় উবাচ:
যদা দ্রষ্টা ভীমসেনং রণস্থং; গদাহস্তং ক্রোধবিষং বমন্তম্ |
১৪ ক
সঞ্জয় উবাচ:
দুর্মর্ষণং পাণ্ডবং ভীমবেগং; তদা যুদ্ধং ধার্তরাষ্ট্রোঽন্বতপ্স্যৎ ||
১৪ খ
সঞ্জয় উবাচ:
মহাসিংহো গাব ইব প্রবিশ্য; গদাপাণির্ধার্তরাষ্ট্রানুপেত্য |
১৫ ক
সঞ্জয় উবাচ:
যদা ভীমো ভীমরূপো নিহন্তা; তদা যুদ্ধং ধার্তরাষ্ট্রোঽন্বতপ্স্যৎ ||
১৫ খ
সঞ্জয় উবাচ:
মহাভয়ে বীতভয়ঃ কৃতাস্ত্রঃ; সমাগমে শত্রুবলাবমর্দী |
১৬ ক
সঞ্জয় উবাচ:
সকৃদ্রথেন প্রতিয়াদ্রথৌঘা; ন্পদাতিসঙ্ঘান্গদয়াভিনিঘ্নন্ ||
১৬ খ
সঞ্জয় উবাচ:
সৈন্যাননেকাংস্তরসা বিমৃদ্ন; ন্যদা ক্ষেপ্তা ধার্তরাষ্ট্রস্য সৈন্যম্ |
১৭ ক
সঞ্জয় উবাচ:
ছিন্দন্বনং পরশুনেব শূর; স্তদা যুদ্ধং ধার্তরাষ্ট্রোঽন্বতপ্স্যৎ ||
১৭ খ
সঞ্জয় উবাচ:
তৃণপ্রায়ং জ্বলনেনেব দগ্ধং; গ্রামং যথা ধার্তরাষ্ট্রঃ সমীক্ষ্য |
১৮ ক
সঞ্জয় উবাচ:
পক্বং সস্যং বৈদ্যুতেনেব দগ্ধং; পরাসিক্তং বিপুলং স্বং বলৌঘম্ ||
১৮ খ
সঞ্জয় উবাচ:
হতপ্রবীরং বিমুখং ভয়ার্তং; পরাঙ্মুখং প্রায়শোঽধৃষ্টয়োধম্ |
১৯ ক
সঞ্জয় উবাচ:
শস্ত্রার্চিষা ভীমসেনেন দগ্ধং; তদা যুদ্ধং ধার্তরাষ্ট্রোঽন্বতপ্স্যৎ ||
১৯ খ
সঞ্জয় উবাচ:
উপাসঙ্গাদুদ্ধরন্দক্ষিণেন; পরঃশতান্নকুলশ্চিত্রয়োধী |
২০ ক
সঞ্জয় উবাচ:
যদা রথাগ্র্যো রথিনঃ প্রচেতা; তদা যুদ্ধং ধার্তরাষ্ট্রোঽন্বতপ্স্যৎ ||
২০ খ
সঞ্জয় উবাচ:
সুখোচিতো দুঃখশয়্যাং বনেষু; দীর্ঘং কালং নকুলো যামশেত |
২১ ক
সঞ্জয় উবাচ:
আশীবিষঃ ক্রুদ্ধ ইব শ্বসন্ভৃশং; তদা যুদ্ধং ধার্তরাষ্ট্রোঽন্বতপ্স্যৎ ||
২১ খ
সঞ্জয় উবাচ:
ত্যক্তাত্মানঃ পার্থিবায়োধনায়; সমাদিষ্টা ধর্মরাজেন বীরাঃ |
২২ ক
সঞ্জয় উবাচ:
রথৈঃ শুভ্রৈঃ সৈন্যমভিদ্রবন্তো; দৃষ্ট্বা পশ্চাত্তপ্স্যতে ধার্তরাষ্ট্রঃ ||
২২ খ
সঞ্জয় উবাচ:
শিশূন্কৃতাস্ত্রানশিশুপ্রকাশা; ন্যদা দ্রষ্টা কৌরবঃ পঞ্চ শূরান্ |
২৩ ক
সঞ্জয় উবাচ:
ত্যক্ত্বা প্রাণান্কেকয়ানাদ্রবন্ত; স্তদা যুদ্ধং ধার্তরাষ্ট্রোঽন্বতপ্স্যৎ ||
২৩ খ
সঞ্জয় উবাচ:
যদা গতোদ্বাহমকূজনাক্ষং; সুবর্ণতারং রথমাততায়ী |
২৪ ক
সঞ্জয় উবাচ:
দান্তৈর্যুক্তং সহদেবোঽধিরূঢঃ; শিরাংসি রাজ্ঞাং ক্ষেপ্স্যতে মার্গণৌঘৈঃ ||
২৪ খ
সঞ্জয় উবাচ:
মহাভয়ে সম্প্রবৃত্তে রথস্থং; বিবর্তমানং সমরে কৃতাস্ত্রম্ |
২৫ ক
সঞ্জয় উবাচ:
সর্বাং দিশং সম্পতন্তং সমীক্ষ্য; তদা যুদ্ধং ধার্তরাষ্ট্রোঽন্বতপ্স্যৎ ||
২৫ খ
সঞ্জয় উবাচ:
হ্রীনিষেধো নিপুণঃ সত্যবাদী; মহাবলঃ সর্বধর্মোপপন্নঃ |
২৬ ক
সঞ্জয় উবাচ:
গান্ধারিমার্চ্ছংস্তুমুলে ক্ষিপ্রকারী; ক্ষেপ্তা জনান্সহদেবস্তরস্বী ||
২৬ খ
সঞ্জয় উবাচ:
যদা দ্রষ্টা দ্রৌপদেয়ান্মহেষূ; ঞ্শূরান্কৃতাস্ত্রান্রথয়ুদ্ধকোবিদান্ |
২৭ ক
সঞ্জয় উবাচ:
আশীবিষান্ঘোরবিষানিবায়ত; স্তদা যুদ্ধং ধার্তরাষ্ট্রোঽন্বতপ্স্যৎ ||
২৭ খ
সঞ্জয় উবাচ:
যদাভিমন্যুঃ পরবীরঘাতী; শরৈঃ পরান্মেঘ ইবাভিবর্ষন্ |
২৮ ক
সঞ্জয় উবাচ:
বিগাহিতা কৃষ্ণসমঃ কৃতাস্ত্র; স্তদা যুদ্ধং ধার্তরাষ্ট্রোঽন্বতপ্স্যৎ ||
২৮ খ
সঞ্জয় উবাচ:
যদা দ্রষ্টা বালমবালবীর্যং; দ্বিষচ্চমূং মৃত্যুমিবাপতন্তম্ |
২৯ ক
সঞ্জয় উবাচ:
সৌভদ্রমিন্দ্রপ্রতিমং কৃতাস্ত্রং; তদা যুদ্ধং ধার্তরাষ্ট্রোঽন্বতপ্স্যৎ ||
২৯ খ
সঞ্জয় উবাচ:
প্রভদ্রকাঃ শীঘ্রতরা যুবানো; বিশারদাঃ সিংহসমানবীর্যাঃ |
৩০ ক
সঞ্জয় উবাচ:
যদা ক্ষেপ্তারো ধার্তরাষ্ট্রান্সসৈন্যাং; স্তদা যুদ্ধং ধার্তরাষ্ট্রোঽন্বতপ্স্যৎ ||
৩০ খ
সঞ্জয় উবাচ:
বৃদ্ধৌ বিরাটদ্রুপদৌ মহারথৌ; পৃথক্চমূভ্যামভিবর্তমানৌ |
৩১ ক
সঞ্জয় উবাচ:
যদা দ্রষ্টারৌ ধার্তরাষ্ট্রান্সসৈন্যাং; স্তদা যুদ্ধং ধার্তরাষ্ট্রোঽন্বতপ্স্যৎ ||
৩১ খ
সঞ্জয় উবাচ:
যদা কৃতাস্ত্রো দ্রুপদঃ প্রচিন্ব; ঞ্শিরাংসি যূনাং সমরে রথস্থঃ |
৩২ ক
সঞ্জয় উবাচ:
ক্রুদ্ধঃ শরৈশ্ছেৎস্যতি চাপমুক্তৈ; স্তদা যুদ্ধং ধার্তরাষ্ট্রোঽন্বতপ্স্যৎ ||
৩২ খ
সঞ্জয় উবাচ:
যদা বিরাটঃ পরবীরঘাতী; মর্মান্তরে শত্রুচমূং প্রবেষ্টা |
৩৩ ক
সঞ্জয় উবাচ:
মৎস্যৈঃ সার্ধমনৃশংসরূপৈ; স্তদা যুদ্ধং ধার্তরাষ্ট্রোঽন্বতপ্স্যৎ ||
৩৩ খ
সঞ্জয় উবাচ:
জ্যেষ্ঠং মাৎস্যানামনৃশংসরূপং; বিরাটপুত্রং রথিনং পুরস্তাৎ |
৩৪ ক
সঞ্জয় উবাচ:
যদা দ্রষ্টা দংশিতং পাণ্ডবার্থে; তদা যুদ্ধং ধার্তরাষ্ট্রোঽন্বতপ্স্যৎ ||
৩৪ খ
সঞ্জয় উবাচ:
রণে হতে কৌরবাণাং প্রবীরে; শিখণ্ডিনা সত্তমে শন্তনূজে |
৩৫ ক
সঞ্জয় উবাচ:
ন জাতু নঃ শত্রবো ধারয়েয়ু; রসংশয়ং সত্যমেতদ্ব্রবীমি ||
৩৫ খ
সঞ্জয় উবাচ:
যদা শিখণ্ডী রথিনঃ প্রচিন্ব; ন্ভীষ্মং রথেনাভিয়াতা বরূথী |
৩৬ ক
সঞ্জয় উবাচ:
দিব্যৈর্হয়ৈরবমৃদ্নন্রথৌঘাং; স্তদা যুদ্ধং ধার্তরাষ্ট্রোঽন্বতপ্স্যৎ ||
৩৬ খ
সঞ্জয় উবাচ:
যদা দ্রষ্টা সৃঞ্জয়ানামনীকে; ধৃষ্টদ্যুম্নং প্রমুখে রোচমানম্ |
৩৭ ক
সঞ্জয় উবাচ:
অস্ত্রং যস্মৈ গুহ্যমুবাচ ধীমা; ন্দ্রোণস্তদা তপ্স্যতি ধার্তরাষ্ট্রঃ ||
৩৭ খ
সঞ্জয় উবাচ:
যদা স সেনাপতিরপ্রমেয়ঃ; পরাভবন্নিষুভির্ধার্তরাষ্ট্রান্ |
৩৮ ক
সঞ্জয় উবাচ:
দ্রোণং রণে শত্রুসহোঽভিয়াতা; তদা যুদ্ধং ধার্তরাষ্ট্রোঽন্বতপ্স্যৎ ||
৩৮ খ
সঞ্জয় উবাচ:
হ্রীমান্মনীষী বলবান্মনস্বী; স লক্ষ্মীবান্সোমকানাং প্রবর্হঃ |
৩৯ ক
সঞ্জয় উবাচ:
ন জাতু তং শত্রবোঽন্যে সহের; ন্যেষাং স স্যাদগ্রণীর্বৃষ্ণিসিংহঃ ||
৩৯ খ
সঞ্জয় উবাচ:
ব্রূয়াচ্চ মা প্রবৃণীষ্বেতি লোকে; যুদ্ধেঽদ্বিতীয়ং সচিবং রথস্থম্ |
৪০ ক
সঞ্জয় উবাচ:
শিনের্নপ্তারং প্রবৃণীম সাত্যকিং; মহাবলং বীতভয়ং কৃতাস্ত্রম্ ||
৪০ খ
সঞ্জয় উবাচ:
যদা শিনীনামধিপো ময়োক্তঃ; শরৈঃ পরান্মেঘ ইব প্রবর্ষন্ |
৪১ ক
সঞ্জয় উবাচ:
প্রচ্ছাদয়িষ্যঞ্শরজালেন যোধাং; স্তদা যুদ্ধং ধার্তরাষ্ট্রোঽন্বতপ্স্যৎ ||
৪১ খ
সঞ্জয় উবাচ:
যদা ধৃতিং কুরুতে যোৎস্যমানঃ; স দীর্ঘবাহুর্দৃঢধন্বা মহাত্মা |
৪২ ক
সঞ্জয় উবাচ:
সিংহস্যেব গন্ধমাঘ্রায় গাবঃ; সংবেষ্টন্তে শত্রবোঽস্মাদ্যথাগ্নেঃ ||
৪২ খ
সঞ্জয় উবাচ:
স দীর্ঘবাহুর্দৃঢধন্বা মহাত্মা; ভিন্দ্যাদ্গিরীন্সংহরেৎসর্বলোকান্ |
৪৩ ক
সঞ্জয় উবাচ:
অস্ত্রে কৃতী নিপুণঃ ক্ষিপ্রহস্তো; দিবি স্থিতঃ সূর্য ইবাভিভাতি ||
৪৩ খ
সঞ্জয় উবাচ:
চিত্রঃ সূক্ষ্মঃ সুকৃতো যাদবস্য; অস্ত্রে যোগো বৃষ্ণিসিংহস্য ভূয়ান্ |
৪৪ ক
সঞ্জয় উবাচ:
যথাবিধং যোগমাহুঃ প্রশস্তং; সর্বৈর্গুণৈঃ সাত্যকিস্তৈরুপেতঃ ||
৪৪ খ
সঞ্জয় উবাচ:
হিরণ্ময়ং শ্বেতহয়ৈশ্চতুর্ভি; র্যদা যুক্তং স্যন্দনং মাধবস্য |
৪৫ ক
সঞ্জয় উবাচ:
দ্রষ্টা যুদ্ধে সাত্যকের্বৈ সুয়োধন; স্তদা তপ্স্যত্যকৃতাত্মা স মন্দঃ ||
৪৫ খ
সঞ্জয় উবাচ:
যদা রথং হেমমণিপ্রকাশং; শ্বেতাশ্বয়ুক্তং বানরকেতুমুগ্রম্ |
৪৬ ক
সঞ্জয় উবাচ:
দ্রষ্টা রণে সংয়তং কেশবেন; তদা তপ্স্যত্যকৃতাত্মা স মন্দঃ ||
৪৬ খ
সঞ্জয় উবাচ:
যদা মৌর্ব্যাস্তলনিষ্পেষমুগ্রং; মহাশব্দং বজ্রনিষ্পেষতুল্যম্ |
৪৭ ক
সঞ্জয় উবাচ:
বিধূয়মানস্য মহারণে ময়া; গাণ্ডীবস্য শ্রোষ্যতি মন্দবুদ্ধিঃ ||
৪৭ খ
সঞ্জয় উবাচ:
তদা মূঢো ধৃতরাষ্ট্রস্য পুত্র; স্তপ্তা যুদ্ধে দুর্মতির্দুঃসহায়ঃ |
৪৮ ক
সঞ্জয় উবাচ:
দৃষ্ট্বা সৈন্যং বাণবর্ষান্ধকারং; প্রভজ্যন্তং গোকুলবদ্রণাগ্রে ||
৪৮ খ
সঞ্জয় উবাচ:
বলাহকাদুচ্চরন্তীব বিদ্যু; ৎসহস্রঘ্নী দ্বিষতাং সঙ্গমেষু |
৪৯ ক
সঞ্জয় উবাচ:
অস্থিচ্ছিদো মর্মভিদো বমেচ্ছরাং; স্তদা যুদ্ধং ধার্তরাষ্ট্রোঽন্বতপ্স্যৎ ||
৪৯ খ