সঞ্জয় উবাচ:
অথ ত্বিদানীং তুমুলে বিমর্দে; দ্বিষদ্ভিরেকো বহুভিঃ সমাবৃতঃ |
১ ক
সঞ্জয় উবাচ:
মহাভয়ে সারথিমিত্যুবাচ; ভীমশ্চমূং বারয়ন্ধার্তরাষ্ট্রীম্ |
১ খ
সঞ্জয় উবাচ:
ত্বং সারথে যাহি জবেন বাহৈ; র্নয়াম্যেতান্ধার্তরাষ্ট্রান্যমায় ||
১ গ
সঞ্জয় উবাচ:
সঞ্চোদিতো ভীমসেনেন চৈবং; স সারথিঃ পুত্রবলং ত্বদীয়ম্ |
২ ক
সঞ্জয় উবাচ:
প্রায়াত্ততঃ সারথিরুগ্রবেগো; যতো ভীমস্তদ্বলং গন্তুমৈচ্ছৎ ||
২ খ
সঞ্জয় উবাচ:
ততোঽপরে নাগরথাশ্বপত্তিভিঃ; প্রত্যুদ্যযুঃ কুরবস্তং সমন্তাৎ |
৩ ক
সঞ্জয় উবাচ:
ভীমস্য বাহাগ্র্যমুদারবেগং; সমন্ততো বাণগণৈর্নিজঘ্নুঃ ||
৩ খ
সঞ্জয় উবাচ:
ততঃ শরানাপততো মহাত্মা; চিচ্ছেদ বাণৈস্তপনীয়পুঙ্খৈঃ |
৪ ক
সঞ্জয় উবাচ:
তে বৈ নিপেতুস্তপনীয়পুঙ্খা; দ্বিধা ত্রিধা ভীমশরৈর্নিকৃত্তাঃ ||
৪ খ
সঞ্জয় উবাচ:
ততো রাজন্নাগরথাশ্বয়ূনাং; ভীমাহতানাং তব রাজমধ্যে |
৫ ক
সঞ্জয় উবাচ:
ঘোরো নিনাদঃ প্রবভৌ নরেন্দ্র; বজ্রাহতানামিব পর্বতানাম্ ||
৫ খ
সঞ্জয় উবাচ:
তে বধ্যমানাশ্চ নরেন্দ্রমুখ্যা; নির্ভিন্না বৈ ভীমসেনপ্রবেকৈঃ |
৬ ক
সঞ্জয় উবাচ:
ভীমং সমন্তাৎসমরেঽধ্যরোহ; ন্বৃক্ষং শকুন্তা ইব পুষ্পহেতোঃ ||
৬ খ
সঞ্জয় উবাচ:
ততোঽভিপাতং তব সৈন্যমধ্যে; প্রাদুশ্চক্রে বেগমিবাত্তবেগঃ |
৭ ক
সঞ্জয় উবাচ:
যথান্তকালে ক্ষপয়ন্দিধক্ষু; র্ভূতান্তকৃৎকাল ইবাত্তদণ্ডঃ ||
৭ খ
সঞ্জয় উবাচ:
তস্যাতিবেগস্য রণেঽতিবেগং; নাশক্নুবন্ধারয়িতুং ত্বদীয়াঃ |
৮ ক
সঞ্জয় উবাচ:
ব্যাত্তাননস্যাপততো যথৈব; কালস্য কালে হরতঃ প্রজা বৈ ||
৮ খ
সঞ্জয় উবাচ:
ততো বলং ভারত ভারতানাং; প্রদহ্যমানং সমরে মহাত্মন্ |
৯ ক
সঞ্জয় উবাচ:
ভীতং দিশোঽকীর্যত ভীমনুন্নং; মহানিলেনাভ্রগণো যথৈব ||
৯ খ
সঞ্জয় উবাচ:
ততো ধীমান্সারথিমব্রবীদ্বলী; স ভীমসেনঃ পুনরেব হৃষ্টঃ |
১০ ক
সঞ্জয় উবাচ:
সূতাভিজানীহি পরান্স্বকান্বা; রথান্ধ্বজাংশ্চাপততঃ সমেতান্ |
১০ খ
সঞ্জয় উবাচ:
যুধ্যন্নহং নাভিজানামি কিং চি; ন্মা সৈন্যং স্বং ছাদয়িষ্যে পৃষৎকৈঃ ||
১০ গ
সঞ্জয় উবাচ:
অরীন্বিশোকাভিনিরীক্ষ্য সর্বতো; মনস্তু চিন্তা প্রদুনোতি মে ভৃশম্ |
১১ ক
সঞ্জয় উবাচ:
রাজাতুরো নাগমদ্যৎকিরীটী; বহূনি দুঃখান্যভিজাতোঽস্মি সূত ||
১১ খ
সঞ্জয় উবাচ:
এতদ্দুঃখং সারথে ধর্মরাজো; যন্মাং হিত্বা যাতবাঞ্শত্রুমধ্যে |
১২ ক
সঞ্জয় উবাচ:
নৈনং জীবন্নাপি জানাম্যজীব; ন্বীভৎসুং বা তন্মমাদ্যাতিদুঃখম্ ||
১২ খ
সঞ্জয় উবাচ:
সোঽহং দ্বিষৎসৈন্যমুদগ্রকল্পং; বিনাশয়িষ্যে পরমপ্রতীতঃ |
১৩ ক
সঞ্জয় উবাচ:
এতান্নিহত্যাজিমধ্যে সমেতা; ন্প্রীতো ভবিষ্যামি সহ ত্বয়াদ্য ||
১৩ খ
সঞ্জয় উবাচ:
সর্বাংস্তূণীরান্মার্গণান্বান্ববেক্ষ্য; কিং শিষ্টং স্যাৎসায়কানাং রথে মে |
১৪ ক
সঞ্জয় উবাচ:
কা বা জাতিঃ কিং প্রমাণং চ তেষাং; জ্ঞাত্বা ব্যক্তং তন্মমাচক্ষ্ব সূত ||
১৪ খ
বিশোক উবাচ:
ষণ্মার্গণানাময়ুতানি বীর; ক্ষুরাশ্চ ভল্লাশ্চ তথায়ুতাখ্যাঃ |
১৫ ক
বিশোক উবাচ:
নারাচানাং দ্বে সহস্রে তু বীর; ত্রীণ্যেব চ প্রদরাণাং চ পার্থ ||
১৫ খ
বিশোক উবাচ:
অস্ত্যায়ুধং পাণ্ডবেয়াবশিষ্টং; ন যদ্বহেচ্ছকটং ষড্গবীয়ম্ |
১৬ ক
বিশোক উবাচ:
এতদ্বিদ্বন্মুঞ্চ সহস্রশোঽপি; গদাসিবাহুদ্রবিণং চ তেঽস্তি ||
১৬ খ
ভীম উবাচ:
সূতাদ্যেমং পশ্য ভীমপ্রমুক্তৈঃ; সম্ভিন্দদ্ভিঃ পার্থিবানাশুবেগৈঃ |
১৭ ক
ভীম উবাচ:
উগ্রৈর্বাণৈরাহবং ঘোররূপং; নষ্টাদিত্যং মৃত্যুলোকেন তুল্যম্ ||
১৭ খ
ভীম উবাচ:
অদ্যৈব তদ্বিদিতং পার্থিবানাং; ভবিষ্যতি আকুমারং চ সূত |
১৮ ক
ভীম উবাচ:
নিমগ্নো বা সমরে ভীমসেন; একঃ কুরূন্বা সমরে বিজেতা ||
১৮ খ
ভীম উবাচ:
সর্বে সঙ্খ্যে কুরবো নিষ্পতন্তু; মাং বা লোকাঃ কীর্তয়ন্ত্বাকুমারম্ |
১৯ ক
ভীম উবাচ:
সর্বানেকস্তানহং পাতয়িষ্যে; তে বা সর্বে ভীমসেনং তুদন্তু ||
১৯ খ
ভীম উবাচ:
আশাস্তারঃ কর্ম চাপ্যুত্তমং বা; তন্মে দেবাঃ কেবলং সাধয়ন্তু |
২০ ক
ভীম উবাচ:
আয়াত্বিহাদ্যার্জুনঃ শত্রুঘাতী; শক্রস্তূর্ণং যজ্ঞ ইবোপহূতঃ ||
২০ খ
ভীম উবাচ:
ঈক্ষস্বৈতাং ভারতীং দীর্যমাণা; মেতে কস্মাদ্বিদ্রবন্তে নরেন্দ্রাঃ |
২১ ক
ভীম উবাচ:
ব্যক্তং ধীমান্সব্যসাচী নরাগ্র্যঃ; সৈন্যং হ্যেতচ্ছাদয়ত্যাশু বাণৈঃ ||
২১ খ
ভীম উবাচ:
পশ্য ধ্বজাংশ্চ দ্রবতো বিশোক; নাগান্হয়ান্পত্তিসঙ্ঘাংশ্চ সঙ্খ্যে |
২২ ক
ভীম উবাচ:
রথান্বিশীর্ণাঞ্শরশক্তিতাডিতা; ন্পশ্যস্বৈতান্রথিনশ্চৈব সূত ||
২২ খ
ভীম উবাচ:
আপূর্যতে কৌরবী চাপ্যভীক্ষ্ণং; সেনা হ্যসৌ সুভৃশং হন্যমানা |
২৩ ক
ভীম উবাচ:
ধনঞ্জয়স্যাশনিতুল্যবেগৈ; র্গ্রস্তা শরৈর্বর্হিসুবর্ণবাজৈঃ ||
২৩ খ
ভীম উবাচ:
এতে দ্রবন্তি স্ম রথাশ্বনাগাঃ; পদাতিসঙ্ঘানবমর্দয়ন্তঃ |
২৪ ক
ভীম উবাচ:
সংমুহ্যমানাঃ কৌরবাঃ সর্ব এব; দ্রবন্তি নাগা ইব দাবভীতাঃ |
২৪ খ
ভীম উবাচ:
হাহাকৃতাশ্চৈব রণে বিশোক; মুঞ্চন্তি নাদান্বিপুলান্গজেন্দ্রাঃ ||
২৪ গ
বিশোক উবাচ:
সর্বে কামাঃ পাণ্ডব তে সমৃদ্ধাঃ; কপিধ্বজো দৃশ্যতে হস্তিসৈন্যে |
২৫ ক
বিশোক উবাচ:
নীলাদ্ধনাদ্বিদ্যুতমুচ্চরন্তীং; তথাপশ্যং বিস্ফুরদ্বৈ ধনুস্তৎ ||
২৫ খ
বিশোক উবাচ:
কপির্হ্যসৌ বীক্ষ্যতে সর্বতো বৈ; ধ্বজাগ্রমারুহ্য ধনঞ্জয়স্য |
২৬ ক
বিশোক উবাচ:
দিবাকরাভো মণিরেষ দিব্যো; বিভ্রাজতে চৈব কিরীটসংস্থঃ ||
২৬ খ
বিশোক উবাচ:
পার্শ্বে ভীমং পাণ্ডুরাভ্রপ্রকাশং; পশ্যেমং ত্বং দেবদত্তং সুঘোষম্ |
২৭ ক
বিশোক উবাচ:
অভীশুহস্তস্য জনার্দনস্য; বিগাহমানস্য চমূং পরেষাম্ ||
২৭ খ
বিশোক উবাচ:
রবিপ্রভং বজ্রনাভং ক্ষুরান্তং; পার্শ্বে স্থিতং পশ্য জনার্দনস্য |
২৮ ক
বিশোক উবাচ:
চক্রং যশো বর্ধয়ৎকেশবস্য; সদার্চিতং যদুভিঃ পশ্য বীর ||
২৮ খ
ভীম উবাচ:
দদামি তে গ্রামবরাংশ্চতুর্দশ; প্রিয়াখ্যানে সারথে সুপ্রসন্নঃ |
২৯ ক
ভীম উবাচ:
দসীশতং চাপি রথাংশ্চ বিংশতিং; যদর্জুনং বেদয়সে বিশোক ||
২৯ খ