দুর্যোধন উবাচ:
অক্ষৌহিণীঃ সপ্ত লব্ধ্বা রাজভিঃ সহ সঞ্জয় |
১ ক
দুর্যোধন উবাচ:
কিং স্বিদিচ্ছতি কৌন্তেয়ো যুদ্ধপ্রেপ্সুর্যুধিষ্ঠিরঃ ||
১ খ
সঞ্জয় উবাচ:
অতীব মুদিতো রাজন্যুদ্ধপ্রেপ্সুর্যুধিষ্ঠিরঃ |
২ ক
সঞ্জয় উবাচ:
ভীমসেনার্জুনৌ চোভৌ যমাবপি ন বিভ্যতঃ ||
২ খ
সঞ্জয় উবাচ:
রথং তু দিব্যং কৌন্তেয়ঃ সর্বা বিভ্রাজয়ন্দিশঃ |
৩ ক
সঞ্জয় উবাচ:
মন্ত্রং জিজ্ঞাসমানঃ সন্বীভৎসুঃ সময়োজয়ৎ ||
৩ খ
সঞ্জয় উবাচ:
তমপশ্যাম সংনদ্ধং মেঘং বিদ্যুৎপ্রভং যথা |
৪ ক
সঞ্জয় উবাচ:
স মন্ত্রান্সমভিধ্যায় হৃষ্যমাণোঽভ্যভাষত ||
৪ খ
সঞ্জয় উবাচ:
পূর্বরূপমিদং পশ্য বয়ং জেষ্যাম সঞ্জয় |
৫ ক
সঞ্জয় উবাচ:
বীভৎসুর্মাং যথোবাচ তথাবৈম্যহমপ্যুত ||
৫ খ
দুর্যোধন উবাচ:
প্রশংসস্যভিনন্দংস্তান্পার্থানক্ষপরাজিতান্ |
৬ ক
দুর্যোধন উবাচ:
অর্জুনস্য রথে ব্রূহি কথমশ্বাঃ কথং ধ্বজঃ ||
৬ খ
সঞ্জয় উবাচ:
ভৌবনঃ সহ শক্রেণ বহুচিত্রং বিশাং পতে |
৭ ক
সঞ্জয় উবাচ:
রূপাণি কল্পয়ামাস ত্বষ্টা ধাত্রা সহাভিভো ||
৭ খ
সঞ্জয় উবাচ:
ধ্বজে হি তস্মিন্রূপাণি চক্রুস্তে দেবমায়যা |
৮ ক
সঞ্জয় উবাচ:
মহাধনানি দিব্যানি মহান্তি চ লঘূনি চ ||
৮ খ
সঞ্জয় উবাচ:
সর্বা দিশো যোজনমাত্রমন্তরং; স তির্যগূর্ধ্বং চ রুরোধ বৈ ধ্বজঃ |
৯ ক
সঞ্জয় উবাচ:
ন সংসজ্জেত্তরুভিঃ সংবৃতোঽপি; তথা হি মায়া বিহিতা ভৌবনেন ||
৯ খ
সঞ্জয় উবাচ:
যথাকাশে শক্রধনুঃ প্রকাশতে; ন চৈকবর্ণং ন চ বিদ্ম কিং নু তৎ |
১০ ক
সঞ্জয় উবাচ:
তথা ধ্বজো বিহিতো ভৌবনেন; বহ্বাকারং দৃশ্যতে রূপমস্য ||
১০ খ
সঞ্জয় উবাচ:
যথাগ্নিধূমো দিবমেতি রুদ্ধ্বা; বর্ণান্বিভ্রত্তৈজসং তচ্ছরীরম্ |
১১ ক
সঞ্জয় উবাচ:
তথা ধ্বজো বিহিতো ভৌবনেন; ন চেদ্ভারো ভবিতা নোত রোধঃ ||
১১ খ
সঞ্জয় উবাচ:
শ্বেতাস্তস্মিন্বাতবেগাঃ সদশ্বা; দিব্যা যুক্তাশ্চিত্ররথেন দত্তাঃ |
১২ ক
সঞ্জয় উবাচ:
শতং যত্তৎপূর্যতে নিত্যকালং; হতং হতং দত্তবরং পুরস্তাৎ ||
১২ খ
সঞ্জয় উবাচ:
তথা রাজ্ঞো দন্তবর্ণা বৃহন্তো; রথে যুক্তা ভান্তি তদ্বীর্যতুল্যাঃ |
১৩ ক
সঞ্জয় উবাচ:
ঋশ্যপ্রখ্যা ভীমসেনস্য বাহা; রণে বায়োস্তুল্যবেগা বভূবুঃ ||
১৩ খ
সঞ্জয় উবাচ:
কল্মাষাঙ্গাস্তিত্তিরিচিত্রপৃষ্ঠা; ভ্রাত্রা দত্তাঃ প্রীয়তা ফল্গুনেন |
১৪ ক
সঞ্জয় উবাচ:
ভ্রাতুর্বীরস্য স্বৈস্তুরঙ্গৈর্বিশিষ্টা; মুদা যুক্তাঃ সহদেবং বহন্তি ||
১৪ খ
সঞ্জয় উবাচ:
মাদ্রীপুত্রং নকুলং ত্বাজমীঢং; মহেন্দ্রদত্তা হরয়ো বাজিমুখ্যাঃ |
১৫ ক
সঞ্জয় উবাচ:
সমা বায়োর্বলবন্তস্তরস্বিনো; বহন্তি বীরং বৃত্রশত্রুং যথেন্দ্রম্ ||
১৫ খ
সঞ্জয় উবাচ:
তুল্যাশ্চৈভির্বয়সা বিক্রমেণ; জবেন চৈবাপ্রতিরূপাঃ সদশ্বাঃ |
১৬ ক
সঞ্জয় উবাচ:
সৌভদ্রাদীন্দ্রৌপদেয়ান্কুমারা; ন্বহন্ত্যশ্বা দেবদত্তা বৃহন্তঃ ||
১৬ খ